G’ijduvon: Xalqobod mahallasida 180 o‘rinli bolalar bog‘chasi foydalanishga topshirildi
Bolalar kulgusi yangragan maskan—ertamiz egalari ta’lim-tarbiyasi uchun qo‘yilgan poydevor. Zero, jajji o‘g‘il-qiz quvonchi, bilimi va kamoloti yurtimizning beqiyos boyligi, sog‘lom va navqiron avlod kelajagi uchun rag‘bat, e’tibor va g‘amxo‘rlik namunasidir.
G‘ijduvon tumani, Xalqobod mahallasida ko‘p yildirki, faoliyat yuritib kelgan bolalar bog‘chasi avval 50 o‘rinli, keyinchalik 90 nafar bolajonni o‘z bag‘riga olgan, so‘nggi yillarda tangu tor, ta’mirtalab ahvolga kelib qolgan maskan edi. Nihoyat, aholisi soni oshib, tobora gavjumlashib borayotgan mahalla bog‘chasi joriy yilda zamonaviy andozada, uch qavatli qilib yangidan quriladigan bo‘ldi.
Xalqobod mahallasidagi 55-sonli maktabgacha ta’lim tashkilotining zamonaviy ko‘rinishdagi binosi 180 o‘ringa mo‘ljallangan bo‘lib, unda bolajonlar uchun dars mashg‘ulotlari, o‘yin va musiqa xonalari, shinam oshxona va yotoqxona, yozgi ayvonchalar, sanitariya va isitish tarmoqlari shay qilingan. Bunda loyihalashtirish tashkiloti “Buxoro road brand” hamda pudratchi sifatida “Shofirkon mohitobon” MChJ binokorlarining alohida xizmatlari bor, albatta.
Muhimi, bugunga kelib mahalladagi navqiron avlod vakillari uchun keng imkoniyat, qulay shart-sharoit yaratildi.
Yangi va shinam inshootni foydalanishga topshirish tadbirida tuman hokimligi, maktabgacha va maktab ta’limi bo‘limi mutasaddilari, mehnat faxriylari, mahalla faollari hozir bo‘ldilar.
Tadbirda quruvchilarga minnatdorlik bildirilgani holda yosh avlodga munosib ta’lim-tarbiya berish, bolajonlar uchun zamonaviy va qulay muhit yaratish, ularning sog‘lom va barkamol bo‘lib voyaga yetishlarini ta’minlash dolzarb vazifalardan biri ekanligi ta’kidlandi. Inshootning ramziy alvon lentasi qirqilgach, yig‘ilganlar unda ertamiz egalari uchun yaratilgan shart-sharoit bilan yaqindan tanishdilar.
Viloyat hokimligi matbuot xizmati
Buxoro.uz | Facebook | Instagram | YouTube
Bolalar kulgusi yangragan maskan—ertamiz egalari ta’lim-tarbiyasi uchun qo‘yilgan poydevor. Zero, jajji o‘g‘il-qiz quvonchi, bilimi va kamoloti yurtimizning beqiyos boyligi, sog‘lom va navqiron avlod kelajagi uchun rag‘bat, e’tibor va g‘amxo‘rlik namunasidir.
G‘ijduvon tumani, Xalqobod mahallasida ko‘p yildirki, faoliyat yuritib kelgan bolalar bog‘chasi avval 50 o‘rinli, keyinchalik 90 nafar bolajonni o‘z bag‘riga olgan, so‘nggi yillarda tangu tor, ta’mirtalab ahvolga kelib qolgan maskan edi. Nihoyat, aholisi soni oshib, tobora gavjumlashib borayotgan mahalla bog‘chasi joriy yilda zamonaviy andozada, uch qavatli qilib yangidan quriladigan bo‘ldi.
Xalqobod mahallasidagi 55-sonli maktabgacha ta’lim tashkilotining zamonaviy ko‘rinishdagi binosi 180 o‘ringa mo‘ljallangan bo‘lib, unda bolajonlar uchun dars mashg‘ulotlari, o‘yin va musiqa xonalari, shinam oshxona va yotoqxona, yozgi ayvonchalar, sanitariya va isitish tarmoqlari shay qilingan. Bunda loyihalashtirish tashkiloti “Buxoro road brand” hamda pudratchi sifatida “Shofirkon mohitobon” MChJ binokorlarining alohida xizmatlari bor, albatta.
Muhimi, bugunga kelib mahalladagi navqiron avlod vakillari uchun keng imkoniyat, qulay shart-sharoit yaratildi.
Yangi va shinam inshootni foydalanishga topshirish tadbirida tuman hokimligi, maktabgacha va maktab ta’limi bo‘limi mutasaddilari, mehnat faxriylari, mahalla faollari hozir bo‘ldilar.
Tadbirda quruvchilarga minnatdorlik bildirilgani holda yosh avlodga munosib ta’lim-tarbiya berish, bolajonlar uchun zamonaviy va qulay muhit yaratish, ularning sog‘lom va barkamol bo‘lib voyaga yetishlarini ta’minlash dolzarb vazifalardan biri ekanligi ta’kidlandi. Inshootning ramziy alvon lentasi qirqilgach, yig‘ilganlar unda ertamiz egalari uchun yaratilgan shart-sharoit bilan yaqindan tanishdilar.
Viloyat hokimligi matbuot xizmati
Buxoro.uz | Facebook | Instagram | YouTube