والله إن اقسى من البعد وأوقات الوداع
‏لحظةٍ يمشي بها الشخص وعيونه وراه

الخسارة الحقيقيه هي خسارة
العافيه والأهل ولا الناس سردادي مردادي

ياجديد الشعر ولا يا قديم اخباري
لا يموت الحب.. خل الحب ياخذ وقته

‏بري حالي منك مدري وش يجيب الطاري
وانت حلمٍ لا عتق روحي ولا حققته

- ناصر الحمادين

انتي حلول اللي فقد كل الحلول
‏حتى جروحي لا حكيتي تسمعك

‏تدعين ربي ياعسى عمري يطول ؟
‏ياجعل عمري مايطول الا معك
‏
-جزاء الغيداني

والله إنها معجبه.. والقصايد معجبات
ما يقنّد راسها إلا القصيد النخبوي

‏مستعد أكسي نحرها بسبع معلّقات
‏كلها في مجدها والجمال الأنثوي

- عبدالله بن سمران

ما يسكن صدري الا شامخٍ
يستاهله قلبي

أنت أجمل شيء في طلة صباحي
‏يا بعد حيّ الصباح ويا بعد حييّ

‏يا جميلة ماني بحلم أبو سعدى خليفة
‏ولا احتشد في صوت حنجرتي أسراب الظوامي

‏آدمٍ يلعب بعد صارت الدنيا بكيفه
‏لا تحدّينه على لعبة ألغاز الأسامي

‏اتركي ذيب الجبل يقطع البيدا هريفه
‏جرّته ياطا على درب ابن زيد الزلامي

‏العقيد وراعي الودّ سرقتهم شريفة
‏والعرب نهّازة فرصّ والعاشق حرامي

غازي القصيبي كان يقول لزوجته :

جلوسي مع الناس واجب وجلوسي
معك مكافأه على إتمامي الواجب

ماني بـ غافل بس أحب التغافل
اعدي الزله ولا كنّي أشوف

- سعد علوش

ماجيت أراجع علاقاتي من أولها
جيتك عشان أكفر عن علاقاتي

- مدغم ابو شيبه

لك مني ما أراه منك

‏يارب صبحٍ فارق / وحظٍ شارق

‏أنا الله خلقني ما أقبل الذِّل والتّهميش
‏لو أخسر طموح العمر وأغلب علاقاتي

‏أقبلت خير أيام الدنيا أيام العشر الأوائل من ذى الحجه
‏هى خير أيام الدنيا على الإطلاق
‏قال رسول الله ﷺ : " ما من أيام العمل الصالح فيها أحب إلى الله من هذه الأيام "

‏الله أكبر الله أكبر الله أكبر لا إله إلا الله
‏ الله أكبر الله أكبر الله أكبر ولله الحمد

عيدك مبارك قبل كل الناس
لإنك .. اللي قبلهم دايم

- سعد علوش

‏"أنتي لا أخطيتي الطريق وشفت زلاتك كثيفه
‏رحت أدور لك عذر ما رحت أدور لك ملامه"

والله ولو أعيش عمري مية حول
‏قلبي لغيرك مستحيل يتحوّل

‏لو بيننا سيف المقادير مسلول
‏ درع الأمل ضد النهاية مخوّل

‏منتظرك لباكر وبعد وعلى طول
‏ياقمة الأحلام والحب الاوّل

‏باب الغلا لأجلك محصّن ومقفول
‏حتى ولو غيرك طرقه وتسوّل

واهني من شاف وجهك من قريّب
وسامعٍ صوتك ومتقهوي وقادع

من غلاك العرب قمت اتهيّب
وأنا من قومٍ يسوون الجنادع

غير قدّام اتدانى والتغيّب
طالبك وادخل عليك من المخادع

لاتوادعني وأنا ماني بطيّب
خلني لين اتعافى وانتوادع