ម.អ.ក និងស្ថាប័នដៃគូ បានរៀបចំកម្មវិធីបាឋកថាសាធារណៈ ស្តីពី”ឧត្តមគតិ” លើកទី១ ក្រោមប្រធានបទ «នយោបាយឈ្នះ-ឈ្នះ និងតួនាទីយុវជនក្នុងការរក្សាសន្តិភាព និងអភិវឌ្ឍន៍ជាតិ» ដោយឯកឧត្តម កែវ ពង្ស ទីប្រឹក្សាផ្ទាល់សម្តេចធិបតីនាយករដ្ឋមន្ត្រី ជាវាគ្មិនកិត្តិយស និងមានកិច្ចសន្ទនាពិសេសបន្ទាប់ ដោយមានការចូលរួមពីឯកឧត្តមបណ្ឌិត ញ៉ែម បូរ៉ាដែន និងឯកឧត្តមបណ្ឌិត ឈត ប៊ុនថង ជាវាគ្មិនពិភាក្សា និងកញ្ញា ស៊ូ ដាវណ្ណ ពិធីការនី BTV ជាអ្នកសម្របសម្រួល។

វាគ្មិនកិត្តិយស បានលើកឡើងពីប្រវត្តិសាស្ត្រ បទពិសោធជាក់ស្តែង និងតម្លៃនៃនយោបាយឈ្នះ-ឈ្នះ និងសារៈសំខាន់នៃសន្តិភាពជាមូលដ្ឋានគ្រឹះសម្រាប់ការអភិវឌ្ឍជាតិលើគ្រប់វិស័យ ព្រមទាំងជំរុញយុវជនជំនាន់ក្រោយយល់ដឹងកាន់តែស៊ីជម្រៅអំពីតួនាទី និងការទទួលខុសត្រូវរបស់ខ្លួនក្នុងការថែរក្សាសមិទ្ធផលដែលកម្ពុជាសម្រេចបាន។ នៅក្នុងកិច្ចសន្ទនាពិសេស វាគ្មិនពិភាក្សា បានចែករំលែកអនុសាសន៍ និងទស្សនៈសំខាន់ៗដល់យុវជន ឱ្យបន្តអភិវឌ្ឍសមត្ថភាព ចំណេះដឹង និងភាពជាអ្នកដឹកនាំ ដើម្បីបន្តស្រឡាញ់ គាំទ្រ និងការពារផលប្រយោជន៍កម្ពុជាគ្រប់កាលៈទេសៈ។

___
ថ្ងៃសុក្រ ទី២២ ខែឧសភា ឆ្នាំ២០២២ នៅសាលខេមរវិទូ នៃរាជបណ្ឌិត្យសភាកម្ពុជា

លោក សុខន តារាពី នាយករងមជ្ឈមណ្ឌលអភិវឌ្ឍន៍កម្ពុជា បានចូលរួមជាវាគ្មិនក្នុងកិច្ចពិភាក្សាទី២ ស្តីពី ទិដ្ឋភាពសង្គម-វប្បធម៌ នៃសិក្ខាសាលាថ្នាក់តំបន់ ស្តីពី «កិច្ចសហប្រតិបត្តិការមេគង្គឡានឆាង (LMC) និងពហុភាគីនិយម៖ បញ្ហាប្រឈម និងទិសដៅទៅមុខដើម្បីកំណើនរួម» ដែលរៀបចំដោយអគ្គនាយកដ្ឋានអាស៊ីប៉ាស៊ីហ្វិក នៃក្រសួងការបរទេស និងសហប្រតិបត្តិការអន្តរជាតិ។ នៅក្នុងកិច្ចពិភាក្សា លោកនាយករង បានចែករំលែកទស្សនៈអំពីការពង្រឹងទំនាក់ទំនងរវាងប្រជាជនតាមរយៈការផ្លាស់ប្តូរវប្បធម៌ ការលើកកម្ពស់គោលការណ៍ People-First និងកិច្ចសហប្រតិបត្តិការអន្តរជាតិ ដើម្បីឆ្លើយតបនឹងបញ្ហាសន្តិសុខមិនមែនប្រពៃណី និងជំរុញការអភិវឌ្ឍប្រកបដោយចីរភាព។

ម.អ.ក សូម​ថ្លែងអំណរគុណយ៉ាងជ្រាលជ្រៅ ជូនរ​ចំពោះ​អគ្គនាយកដ្ឋាន​អាស៊ី-ប៉ាស៊ីហ្វិក នៃ​ក្រសួងការបរទេស និង​សហប្រតិបត្តិការ​អន្តរជាតិ ចំពោះ​ការអញ្ជើញ និង​ផ្តល់ឱកាស​ដល់មជ្ឈមណ្ឌលចូលរួមចំណែក​ក្នុង​សិក្ខាសាលាថ្នាក់​តំបន់​ដ៏​មាន​សារៈសំខាន់នេះ។

📷 ប្រភពរូបភាព៖ កបទ.សអ