Беларуская музыка
2.61K subscribers
276 photos
1 video
381 links
Пішу ў гэтым канале пра сваю любімую беларускую музыку
Download Telegram
💔На наступным тыдні адбудзецца новы канцэрт на Сепультуры Alive. І ён можа стаць апошнім. Як мог стаць апошнім і першы канцэрт праекта. Вось так, без ілюзій і ружовых поні.

Сепультура Alive адбываецца ў амаль немагчымых умовах. Без падтрымкі бізнесу, рэкламных грошай і грантавых сродкаў — толькі дзякуючы вашай падтрымцы і жаданню разам рабіць круты праект для беларусаў і беларусак па ўсім свеце. Для мяне гэта пытанне персанальнай адказнасці: калі мне нешта падабаецца і я не хачу, каб яно памерла, я іду і падтрымліваю людзей, праекты, ініцыятывы. Бо гэтыя людзі, праекты і ініцыятывы дадаюць фарбы ў маё жыццё. Мне гэта падабаецца, я гатовы за гэта плаціць.

Дзесяць год таму мы закрылі важны для нас і, спадзяюся, для супольнасці праект Ultra-Music. Ён існаваў некалькі год як валанцёрскі і вырас у найбуйнешы музычны сайт Беларусі. Пасля яго смерці мне пачалі пісаць бясконцыя маркетолагі і задаваць пытанні, ці не хацім мы адрадзіць рэсурс, бо ў іх там мэтавай аўдыторыя. Але ставіць банеры, купляць рэкламу, рабіць партнёрскія праекты яны па-ранейшаму былі не гатовыя. Проста было шкада, такі рэсурс харошы згубілі.

Я не хачу быць такім маркетолагам. Спадзяюся, вы таксама. Я хачу, каб вартыя праекты маглі зарабляць і развівацца. Каб у мяне была опцыя глядзець сваё цікавае і мець магчымасць плаціць за такую раскошу. Я не ныю і не прашу грошай на прыгожае жыццё. Я прапаную кожнаму з вас стаць працадаўцам і плаціць за сервіс.

Зараз прадакшн кожнага канцэрта Сепультуры Alive каштуе больш за 1000 еўра. Астатнія грошы мы пароўну дзелім з музыкантамі, таму што яны таксама мусяць зарабляць грошы — у іх не так шмат магчымасцяў рабіць гэта ў эміграцыі.
А яшчэ мы даем магчымасць людзям у Беларусі трапіць на канцэрт любімага гурта. Хаця б так, у анлайне, але і гэта таксама шмат. І вы таксама можаце даць гэтую магчымасць людзям, калі будзеце падтрымліваць праект. Калі не верыце, вось вам статыстыка: 35 працэнтаў праглядаў першага канцэрту былі менавіта з Беларусі, гэта першае месца. Я чую вашыя ціхія падзякі, мае сябры!

Дык як вы можаце падтрымаць праект?

Ёсць тры опцыі:

👻Першая — набыць сімвалічны квіток на наступны канцэрт за кошт, які вы лічыце вартым такой імпрэзы. Падумайце самі: колькі каштуе гэтая праца і колькі заслугоўваюць музыканты, якія робяць для вас канцэрт. А пасля набывайце, дзякуй вам!

https://buymeacoffee.com/sepulive

👻Другая — падпісацца на мэмбершып. Гэта вельмі важна, бо гарантуе мне разуменне бюджэту наступнага праекта і дае ўпэўненасць. Спецыяльна для гэтага ёсць бонусы, якія вы можаце атрымаць. Зараз праект падтрымлівае 20 чалавек. Спадзяюся, што іх будзе нашмат больш. Тады праект зможа развівацца і расці. Дзякуй вам!

https://buymeacoffee.com/sepulive/membership

👻Трэцяя — калі не хочаце бонусаў, то можаце выбраць опцыю штомесячнай падтрымкі. Лічыце, што гэта мецэнацтва новай хвалі. Калі бізнес не хоча ці не гатовы падтрымліваць беларускія праекты, іх пачынаюць падтрымліваць персаналіі. І гэта вельмі важна — адчуваць падтрымку, разумець вартасць таго, што робіш. І быць упэўненым, што гэта патрэбна людзям. Зараз тры чалавекі падтрымліваюць Сепультуру Alive штомесяц. Дзякуй!

https://buymeacoffee.com/sepulive

❗️Наступны канцэрт Сепультуры Alive адбудзецца 27 лістапада ў 21:00 па Менску. Для вас выступіць гурт Разбітае сэрца пацана. Глядзіце, кайфуйце, спявайце, падтрымлівайце. За вас гэта ніхто не зробіць

https://youtube.com/live/Kqw0Eg6ePT4
❤52💔13👍5🐳3🔥2
Беларуская музыка pinned «💔На наступным тыдні адбудзецца новы канцэрт на Сепультуры Alive. І ён можа стаць апошнім. Як мог стаць апошнім і першы канцэрт праекта. Вось так, без ілюзій і ружовых поні. Сепультура Alive адбываецца ў амаль немагчымых умовах. Без падтрымкі бізнесу, рэкламных…»
Ці ведаеце вы, з чаго пачыналі вядомыя беларускія артысты? Шаркунова, Калдун, Іванчыкава. Уся справа ў тым, што аднойчы ў Беларусі адбылася паспяховая спроба зрабіць уласнае музычнае рэаліці-шоў. Беларускую фабрыку зорак. Часам выглядала вельмі крынжова, але спрацавала. Не верыце? Зацаніце самі!

👻Глядзець выпуск — https://youtu.be/PsA5pfZDIOA

❤️Падтрымаць Міністэрства сепультуры — https://buymeacoffee.com/charnukha
❤39👍6🔥3🥱3😱1
Ужо сёння вас чакае канцэрт гурта Разбітае сэрца пацана! Песні, танцы, прэм’еры і неспадзяванкі. Абавязкова далучайцеся да трансляцыі, якая пачнецца ў 21:00 па Менску – будзе шмат цікавага!

https://www.youtube.com/live/Kqw0Eg6ePT4

І калі ў вас ёсць магчымасць, не забывайцеся набываць сімвалічныя квіткі на канцэрт і падтрымліваць каманду праекта і музыкантаў. А мы і далей будзем рабіць для вас музычныя святы!

https://buymeacoffee.com/sepulive
❤46🔥5👍4🤡1
Сёння выйшаў доўгачаканы альбом ужо амаль не існуючага беларускага гурта Port Mone. Неверагодна прыгожая паштоўка з іншага вымярэння, імпрэсіянісцкая карціна, якую намалявалі не фарбамі, а гукам. Шэпт беларускіх вятроў і вітальная энергія сонца, магія музычнай медытацыі ў мінімалістычным сэтынгу — усё гэта Whisper.

Каб запісаць свой папярэдні альбом Thou, музыканты Port Mone паехалі ў лес. Там, сярод натуральнага беларускага эмбіенту, які стварыла сама прырода, яны запісалі шэдэўр. Я не перабольшваю — альбом Thou беларускія музычныя журналісты назвалі найлепшым альбомам дзесяцігоддзя ў айчынная музыцы. І нездарма: у ім адчувалася магутная сіла ціхай беларускай натуральнай прыгажосці. Без фільтраў, як ёсць.

У Whisper свая канцэпцыя. Яго музыканты запісвалі з дапамогай выключна альтэрнатыўных крыніц энергіі. Сонечныя батарэі, ветравыя станцыі — гэта запіс быў зроблены дзякуючы сіле беларускай прыроды. Калі вы будзеце слухаць альбом, уявіце сабе: вось яго рухае вецер, а вось зараджае сонца — так будзе прасцей зразумець моц гэтага запісу. Калі складана ўсё гэта візуалізаваць, паглядзіце цудоўнае відэа, якое мы з хлопцамі здымалі восем год таму: альбом Whisper яшчэ толькі нараджаўся, але ўжо тады гучаў магутна, дыхаў паветрам на поўныя грудзі.

Whisper — гэта працяг імпрэсіянісцкай традыцыі Port Mone. Без выразных і яскравых мелодый: музычныя тэмы выплываюць са смугі, а пасля іх нясе за сабой вецер. Без багатых аркестровак: музыкантам хапае баса, акардыёна і перкусіі, каб ствараць глыбіню і аб’ём. Але з неверагоднай дынамікай. Са змястоўнымі дыялогамі паміж інструментамі. З адчуваннем імклівай і няспыннай энергіі, якая пульсуе ў гэтым альбоме.

Слухайце Whisper, медытуйце, атрымлівайце асалоду.

https://port-mone.bandcamp.com/album/whisper
❤49👍14🔥5🥰1🤔1🙏1
Сябры! Дзякуй вам за гэты фантастычны вечар. Вашая падтрымка, вашыя танцы і спевы — нібыта гэта быў сапраўдны канцэрт і ніякіх бар'ераў не існавала!

Калі не трапілі на канцэрт, то можаце паглядзець яго ў запісе. І да сустрэчы на Сепультуры Alive, бо show must go on, як спрадвек казалі ў нас на Барысаўшчыне!

https://www.youtube.com/live/Kqw0Eg6ePT4
❤106👍7❤‍🔥2🤡1
Прывітанне, сябры!

Толькі што я апублікаваў новы тэкст для супорцераў Міністэрства сепультуры. Гэта гісторыя японскага гурта Boris, якая пачалася ў музычнай краме «Варшава». У Токіа. Ужо гучыць цікава, праўда? Але гэта вы яшчэ музыку не слухалі! Там будзе пра «японскі блюз», Melvins як крыніцу натхнення, бясконцы эксперымент і сапраўдны андэграўнд.

Спадзяюся, што вам спадабаецца! Гэты тэкст стаў магчымым дзякуючы супорцерам Міністэрства сепультуры, якія штомесяц падтрымліваюць канал і даюць яму магчымасць існаваць.

Таксама я зрабіў традыцыйны плэйліст з самай цікавай музыкай лістапада — і цяпер вы таксама можаце яго паслухаць.

Плэйліст на Spotify
Плэйліст на YouTube Music

Калі вам падабаецца тое, што я раблю, вы можаце таксама сказаць мне дзякуй вось тут!

❤️Сказаць Чарнуху дзякуй
❤36🔥8👍2
Зусім нядаўна беларусы ўзгадалі пра існаванне Аляксея Хлястова. Ён выклаў відэа пра тое, як таксуе і спявае для кліентаў свае песні. Ну і стаў інтэрнэт-зоркай. Колькасць відэа ў яго падтрымку даволі вялікая, таму і Міністэрства сепультуры вырашыла падтрымаць спевака. Ці ведалі вы, што Хлястоў не адзін? А ці бачылі яго бойку з Ганнай Бонд? Глядзіце відэа, тут будзе шмат цікавага!

❤️Глядзець выпуск — https://youtu.be/7XHe1NSohzU

👻Сказаць за яго дзякуй — https://buymeacoffee.com/charnukha
❤48👍5🔥5🤡4🎄1
👻Самы час пачынаць збіраць музычныя вынікі 2025!

🔥Напішыце свой топ-5 беларускіх альбомаў гэтага году. Пасля я выберу самыя папулярныя варыянты з каментароў і зробім народнае галасаванне за самы круты альбом.

❗️Абавязкова раскажу пра яго ў новым выпуску Міністэрства сепультуры!
❤34🔥8👍3
🔥А вось і свежы анонс! 23 снежня для вас выступяць беларускія Foo Fighters — драйвовы і яскравы гурт Biaz Nazvy (:B:N:).

👻Рыхтуйцеся! Будзе сапраўдны рок-н-рол — можна танчыць, спяваць любімыя песні і стэйдждайвіць у нашае беларускае бязмежжа! Далучайцеся да трансляцыі ў 21:00 па Менску на апошні канцэрт 2025 году. Вас чакае шмат сюрпрызаў і неспадзяванак. Да сустрэчы, сябры!

❗️Далучыцца да трансляцыі — https://youtube.com/live/oBnFVaEO5GI?feature=share

❤️Набыць сімвалічны квіток на канцэрт — https://buymeacoffee.com/sepulive
🔥76❤21👍4🥰1👏1🤡1
Please open Telegram to view this post
VIEW IN TELEGRAM
1❤27🤔14🤮2👍1
🔥Мы рыхтуем для вас канцэрт гурта Biaz Nazvy і зноў заклікаем усіх набываць сімвалічныя квіткі на гэты івэнт. Вось чаму гэта важна?

👻 Вы даеце магчымасць людзям у Беларусі трапіць на канцэрт любімых музыкантаў, якія не маюць магчымасці выступаць у роднай краіне.

👻Вы даеце сабе магчымасць трапіць на канцэрт любімых музыкантаў, якія не даязджаюць да вашай краіны.

👻Вы падтрымліваеце такім чынам музыкантаў, якія маюць не так шмат магчымасцяў зарабляць музыкай у эміграцыі.

👻Вы даеце праекту Сепультура Alive працягвацца. Ён існуе без грантавай падтрымкі, выключна на народным фінансаванні. Па прынцыпе народнага Міністэрства сепультуры

💔Усё гэта наша з вамі персанальная адказнасць. Рабіць немагчымае, ствараць умовы, кайфаваць і спяваць разам, нават калі ўсе абставіны супраць гэтага. Ніхто не зможа забраць у нас права танчыць на канцэртах, размаўляць з любімым музыкантамі, дурэць і гойсаць, як малыя дзеці. Беларусь не пра геаграфічныя межы — і канцэрты Сепультуры Alive даюць вам магчымасць гэта зразумець.

😍Вось тут вы можаце набыць сімвалічны квіток на канцэрт ці падпісацца на штомесячную падтрымку праекта і музыкантаў
https://buymeacoffee.com/sepulive

😍Вось тут вы можаце падпісацца на адзін з магчымых пакетаў і атрымліваць ад нас штомесячныя бонусы
https://buymeacoffee.com/sepulive/membership

Дзякуй вам і да сустрэчы 23 снежня ў 21:00 па Менску!
🔥31❤7🦄5❤‍🔥1👍1🤡1👻1
Прывітанне, сябры! Заўтра будзем падводзіць вынікі году ў беларускай музыцы. А сёння я прынёс вам плэйліст з песнямі. Залятайце слухаць і кайфаваць!

❤️Плэйліст на Spotify

❤️Плэйліст на YouTube Music

Як лічыце, хто запісаў самы круты альбом 2025?
👍21❤18🔥8❤‍🔥1
А вось і мой топ альбомаў 2025! Як думаеце, хто на першым месцы? Залятайце глядзець, пісаць у каментарах свае спісы і, канешне ж, спрачацца!

❤️Глядзець выпуск — https://youtu.be/AzaS-LDy8Do

👻Сказаць за яго дзякуй — https://buymeacoffee.com/charnukha
👍40❤13🔥7
Сябры, заўтра мусіў адбыцца канцэрт гурта Biaz Nazvy. Мы пераносім яго на наступны год у сувязі з трагічнай падзеяй: смерцю Мікіты Мелказёрава. Інфармацыю пра дату апублікуем пазней.

Спі спакойна, Мікіта.
💔154🙏32😢16🤝3
Тэкст — гэта медытацыя. Ён дапамагае адключыцца ад балючай рэчаіснасці і схавацца ў іншым вымярэнні. Таму сёння я хачу паразмаўляць з вамі пра будучыню музыкі. Якой яна будзе? І хто будзе яе ствараць? Ці застанецца ў бясконцай плыні штучнага кантэнту месца для творцы?

У 2019 годзе выйшаў альбом PROTO, які запісала Холі Херндан разам са сваім гадаванцам — нейрасеткай Spawn. Зараз гэтым нікога не здзівіш, але нават у 2025 годзе этыка і філасофія ўжывання штучнага інтэлекту знаходзіцца на перыферыі зроку. Холі вывела гэтае пытанне на першы план. Два гады чатырнаццаць вакалістаў, якія валодаюць унікальнымі тэхнікамі выканання, вучылі немаўлятка Spawn спяваць, а пасля нейрасетка стала паўнавартасным удзельнікам ансамбля.

У 2021 годзе Холі Херндан пайшла яшчэ далей і падарыла свой голас людзям. Але стварыла пры гэтым новую сістэму кіравання манетызацыяй гэтага працэсу. Гэта будучыня і чытаць пра гэта захапляльна.

https://buymeacoffee.com/charnukha/korufeluye

Гэты тэкст з’явіўся дзякуючы спонсарам Міністэрства сепультуры. Скажыце ў першую чаргу дзякуй ім за такую магчымасць. Ну а калі ёсць магчымасць і жаданне, можаце сказаць дзякуй і мне.

А вось тут вы знойдзеце і адмысловы плэйліст з класнай музыкай 2025 году. Яго таксама дапамаглі ствараць спонсары Міністэрства.

https://buymeacoffee.com/charnukha/2025-4337949
❤28👍11🔥3
У 2025-м зрабіў для вас 30 выпускаў «Міністэрства сепультуры», які паглядзелі 756 тысяч разоў. Сумарна мы былі разам цягам 121,5 тысячы гадзін, а нашая музычная тусоўка пашырылася амаль да 13 тысяч чалавек.

Давайце ў наступным годзе будзем разам. Разам вучыцца разумець і любіць сваю музыку, адкрываць для сябе таленавітых людзей. Слухаць, як па ўсім свеце гучыць Беларусь, і кайфаваць ад гэтых гукаў: чуць у іх сябе, свой гонар і свой смак жыцця.

Са святамі вас, мае сябры! ❤️
10❤139❤‍🔥25👍18🫡2
Апошні беларускі альбом мінулага году выйшаў 26 снежня – адразу па святах. Юра Стыльскі не стаў чакаць прыдатнага часу для рэліза і апублікаваў новы лонгплэй гурта Дай дарогу! пад назвай «Не до законов».

Тытульная цытата акрэслівае агульную тэматыку альбома – палітычны ландшафт апошняй пяцігодкі даследуецца простым беларусам: ён можа быць злым («Покидая диктатуру»), можа быць іранічным («Балаклава») і можа спяваць ад імя іншых, такіх жа простых персанажаў – дзіцяці («Мультики») ці мянта («Балаклава»). Яго песні могуць быць максімальна спрошчанымі прыпеўкамі («Страшный злодей») ці суперпафаснымі плакатанымі гімнамі («Беларусь»), жартамі, задэкараванымі пад пост-панкавы трагізм («Кот»), ці наўпроставымі сола-споведзямі («Экстрэміст») – але фактычна ўсё гэта цудоўна ўпісваецца ў вулічную гітарную традыцыю, аднолькава архаічную і дэфіцытную ў сучасным свеце.

Юра Стыльскі на альбоме не спрабуе быць модным і гуляцца з трэндавымі рэферэнсамі, як было з песняй «Помоги». Ён адыходзіць ад звыклага і камфортнага для яго сторытэлінгу, які і зрабіў Дай дарогу! культавым гуртом і прынёс яму вельмі шырокую аўдыторыю. Стыльскі перастаў быць галодным, і таму яго песні пазбаўленыя фірмовай сюжэтнасці. Ён перастаў быць абсарбентам берасцейскага фальклору, і таму яго песні не такія каларытныя. Але ён не перастаў быць злым, таму ў яго не знікаюць крыніцы натхнення і ён працягвае фармуляваць тое, што адчуваюць і пра што думаюць такія ж беларусы ў розных геаграфічных і побытавых абставінах.

Яму не трэба для гэтага дурыць сабе галаву вынаходлівым саўндам ці грувасткімі метафарамі. Клапаціцца пра ідэальную дату рэліза ці яго якасную прома-кампанію. Яму трэба проста быць максімальна зразумелым і блізкім – і ён робіць гэта праз немудрагелістыя песні пра ката ў выканкаме, мары пра вяртанне дадому і спевы дзіцяці, якое хоча паказаць піську мянту. З усяго гэтага зямнога самі сябе выкрэсліваюць хіба песні на словы Танка і Купалы – не кладуцца яны ў логіку комікса «Не до законов», але не выбіваюцца з агульнага бардаўскага вайба гэтага запісу.

Параўноўваць альбом «Не до законов» з пікавымі «ДСПГ» і «Сквозь говно» няма сэнсу – паміж імі цэлае жыццё, не самае простае і вясёлае. Але можна сказаць дакладна: «Не до законов» мог бы стаць пачаткам сольнай дыскаграфіі Юры Стыльскага – не было настолькі ўстойлівага адчування змушанасці гэтага запісу.

https://open.spotify.com/album/0VcqRSl70QmLrXosEjMoCN?si=e7gB-RrnTK6mA8yTKyXbGA
👍31❤9🔥8
📢 Сябры! Мы вяртаемся з навінамі. Канцэрт гурта Biaz Nazvy адбудзецца 13 студзеня ў 21:00 па Менску. Пачынаем 2026 год драйвовым канцэртам. Запісвайце новую дату і рыхтуйцеся. Будзе крута!

🔥 Стаўце лайк пад відэа, цісніце на званочак і да сустрэчы ў наступны аўторак — https://www.youtube.com/live/oBnFVaEO5GI
❤47🔥13👍8