🔵 سالخير .. سالخييييير 🙋🏻‍♀️

انا مزبهلة و الله ان في ناس واخدة اثيوبيا علي محمل الجد 😂

♦ طيب بص يا عزيزي :
📌 انت اصلا معندكش سفير اثيوبي في مصر من وقت الملأ الرابع للسد اما كان في 2022
📌 الموظفين اللي موجودين في السفارتين
دول عشان مندفعوش فواتير كهربا اونطة ليس إلا 🙄
📌 اثيوبيا عندها حلين حاليا و ياااارب تعملهم :
▪ الاول : انها تقرر تحتجز المياه خلف السد
وساعتهاااااا
السد هينفجر
مش عايزة اكون شريرة بس هنرتاح من حاجات كتير 🙄
▪ التاني : انها تحدد الخساير اللي احنا السبب فيها زي ما بيدعوا
و يروحوا بينا لمجلس الامن
و ساعتها احنا ميخلصناش الخسارة
هات الخرايط بقا اللي احنا طالبنها من 2019 و انت مستهبل 🙄
هات الخرايط عشان نشغلوا السد بلجنة تعينها الامم المتحدة نفسها

يلاااا نشغل التوربينات 🤷🏻‍♀️
و ساعتها بردوووو السد هينفجر 🤷🏻‍♀️🤷🏻‍♀️

🔸ايه يا صديقي احلي نقلة شطرنج في ليلة امس 👈🏻 اريتريا قطعت علاقاتها الدبلوماسية تماما مع اثيوبيا

يعني ده باب للبحر الاحمر تم اغلاقه للابد

🔸رئيس الصومال قابل ابي احمد
لييييه 👈🏻 في قوات اثيوبية عندنا تبع حفظ السلام
تنظيم الدراويش بيضربهم بقاله اسبوع و بيقع منهم ضحايا
يا تبعت لهم امدادات " و ده كمين عظمة "
يا تاخدهم عندك
و بكده يبقا تم طرده من الصومال 👌🏻

ده كله بالاضافة لقوات التحالف السبعة اللي مسسفاه التراب في الداخل الاثيوبي 🤷🏻‍♀️

♦ايه المشكلة اما يتهم مصر
ما يتهمنا 🤷🏻‍♀️
يروح يعملنا محضر في قسم الهرم عند محمد بيه 🙄

ابي احمد لا هو بيقود دولة و لا هو رئيس وزرا ولا دياولو
ده موظف عند الظابط الاسرائيلي اللي بيحركه من مقر الموساد في اوغندا

♦وكده كده انت في مصر مستضيف منتدي الاتحاد الافريقي في العلمين من 2 الي 4 اكتوبر
و فيه كل القادة الافارقة
تقدر بقا تكسب اكتر من بونت عليه
و تشوف مين اللي ممكن يجي معاك و يكدره
و تقدر تعلن عن مشروع تنموي كبير يضم دول القارة
او تدخل الدول معاك في خطوط النقل الداخلي و السكك الحديد
او اكبر مشروع رؤوس ماشية في العالم
او يا سلام بقا لو تعلن عن الشركة القابضة المصرية الافريقية للتنقيب عن المعادن و القارة كلها تمولها
" اعملك لها دراسة جدوي و مصادر تمويل في نص ساعة و من غير ولااااا سنت قروض 🙄 "

حاجات كتيييير ممكن تعملها في افريقيا
اللي هي اهم لك من اي تحالفات اخري

التعاون الافريقي كفيل يخليك تسدد ديونك في 24 شهر
بس لو عندك عقول بتنور في الضلمة 🤷🏻‍♀️😒

متخدوش اثيوبيا علي محمل الجد
قريب اوي الماتريكس هتستغني عنه 👌🏻👌🏻

🔘 الحج مدبولي عمل الموقع بتاع المنتدي

و فيه امكانية فتح حساب
و مشاركة الافكار و الاراء

📌 بس الموقع يتفتح من جوا مصر بس
ميتفتحش من براها

المغتربين لأ

وصلت 🙄 .. وصصصصلت 🙄
موووشكرين يا حبيبي 😒

🔵 متنساش يا سيادة الرئيس يبقوا في مؤتمر الانجازات " اللي جهزوه علي الضيق مع شوية كومبارسات"

انهم يقولوا فيه
ان سيادتك اول رئيس مصري يحرم ابناء البلد دي من احقيتهم في فرصة تعليم جامعي مجاني من اجل الدولارات
و ان منصب رئيس الجامعة ذو الحيثية الاجتماعية بقا حتة تاجر عملة عند الحكومة

📌و ان الجامعات المصرية اللي بناها المصريين بأموالهم و مولوها بضرايبهم سيادتك حرمتها عليهم و حولتها لمورد دولاري .. بالمخالفة للدستور
و ده انجاز تاني مخالفة اليمين الدستوري 👌🏻

🔹من اسوأ الملفات الحالية هو حرمان ابناء المصريين من التعليم المجاني
▪في دستور 1923 تم وضع عقد اجتماعي بمجانية التعليم الابتدائي
▪لما جه جمال عبد الناصر جعل التعليم مجاني بالكامل لحد الجامعة
▪لما جه السادات عمل اعفاء لذوي الحالات الاجتماعية من الرسوم وصرف مكافآت تفوق
▪لما جه مبارك عمل منح خارجية وعمل منح مجانية في الجامعات الدولية لطلبة الثانوية الاوائل
▪لما جه الاخوان مقربوش من الملف ده
▪لما جه الرئيس السيسي وصلنا لمرحلة رفع المصروفات الدراسية 25% لتمويل الوزارة
و اتاخد مننا الجامعات عشان الوافدين و اللاجئين و حثالات الشعوب بيدفعوا بالدولار
و جاب لنا وزير تعليم لم يحصل سوي علي الاعدادية ويعاني من مركبات نقص بيطلعها علي ابناءنا في الثانوية العامة

♦اقوال مأثورة عن السيد الرئيس:
▪هيعمل ايه التعليم في وطن ضايع
• هيخليه ميضعش
اااه .. لو الناس كانت مدارسها كويسة و كثافة الفصول ادمية و المقررات محترمة
مكنش الناس خرجت في 2011 شماعة اي فشل حالي
▪في وجود ماكرون : اما تكلمني عن حقوق الانسان كلمني عن حقوقهم في التعليم
اااه اسألني عن التعليم
• بسأل سيادتك اهو اخبار التعليم ايه
بكالوريا غير معتمدة من ال IBO و جامعات مصرية حرمت علي ابناء مصر و الغاوي ينقط بطاقيته
اللي عايز يعلم ولاده يدفع و يبيع كليته
▪الموازنة مفيهاش اعلم مجاني
• و سيادتك كنت فين وقت ما بيتعمل مشروعات منها اللي ملوش اي تلاتين لازمة و خرب بيوتنا و هات قروض قرووض
كانت اتحطت في التعليم من باب اولي
مين اللي خرب الموازنة وخلاها بتشتغل عند الديون بدل ما تنفق علي العقد الاجتماعي🤔
▪اما الطالب يتعلم كويس ويبقا الشباب متعلمين صعب يتسيطر عليهم من السوشيال ميديا
• ف احنا قررنا نصعب فرص التعليم عشان نخلق قطيع من الجهلة انصاف المتعلمين من اللجان و الشماشرجية يسيطروا عليهم .. مش كده


📌انا اقول لسيادتك ليه التعليم وصل لكده
عشان التعليم المجاني بيخلق طبقة متوسطة .. الطبقة دي هي رمانة الميزان المجتمعي بين الجياع و ايجيبت
هي الطبقة اللي فيها عدل
• الطبقة اللي بتخرج زكاة
• الطبقة اللي بيتحصل منها اكبر ضرايب
• الطبقة اللي بتسدد مصروفات متوسطة للمدارس اللي بتصرف علي المجانية

بيخرج منها المثقفين و الحاصلين علي دكتوراه وماجستير
و بيكون علي عاتقهم تطوير الطبقات الاقل
الطبقة المتوسطة طبقة بتعرف حقوقها و واجباتها و بتنقل الوعي ده للي اقل .. فبتخلق زخم مجتمعي يطالب بحقوقه و بعقده الاجتماعي

ف لما تحرمهم من التعليم
هينزلوا للطبقات الاقل
بعد كام سنة يتساوي الجميع في الجهل
ف ميبقاش في مواطن عارف حقوقه و لا بيطالب بيها

مجتمع من الرعاع يقبل الفتات التي تلقي له من ابراج السادة في مذلة " زي ما قال ديستوفيسكي "👌🏻

📌انهاردة اللي بيدافعوا عن ملف التعليم واحدة في سني في الاربعينات
حصلت علي فرص تعليمية جيدة و رخيصة في بلدي علي الرغم من انها جامعة دولية لكن الدولار كان رخيص و متوفر
و في زي كتير
بندافع عشان رافضين ان الاجيال الجاية تكون جهلة

بعد 10 سنين محدش هيدافع عن التعليم عشان اللي انهاردة عنده 16 سنة مش هيقدر يدخل جامعة بعد 10 سنين هيبقا بيحمل مؤهل متوسط
و اللي بعده اعدادية
و في ظل تزايد الفقر حتي مش هيطولوا الاعدادية 🤷🏻‍♀️🤷🏻‍♀️

هو ده المستقبل .. هي دي الوعود
و سوق العمل و التواصل الخارجي

مجرد تصريحات رنانة و شعارات فقدت بريقها
و نظام تعليمي لم يستفد منه سوي اللاجئين اللي اغرقوا بيهم البلد

و العجيب القناعة التامة يا سيادة الرئيس ان محدش هيحاسبك غير ربنا بس 🤷🏻‍♀️
طب تمام 👈🏻 كفي بالمرء إثما أن يضيع من يعول 👌🏻

الاعالة في كل شئ و تلبية احتياجاته الحياتية 👌🏻
🔸 التعليم المجاني ده هو اللي اوصل سيادتك لرئاسة الجمهورية
و سمح لسيادتك تعلم 4 اولاد و يحصلوا علي مؤهلات عليا
و كذلك اخوتك العدد الكبير ماشاء الله و السيدة الاولي استطاعت الحصول علي الثانوية العامة و الالتحاق بكلية التجارة

ف ازاي عايز تحرم ابناء هذا الوطن من فرصة .. سيادتك حصلت عليها و تنعمت بخيرها

ده بدل ما تنميها و تزودها
" ما لكم كيف تحكمون "
• كل قادة المجلس العسكري هم نتاج التعليم المجاني
• كل الشهداء العسكريين اللي استشهدوا من 2011 لليوم ابناء الطبقة المتوسطة و التعليم المجاني
• كل الاطباء و التمريض اللي استشهدوا في كورونا ابناء التعليم المجاني و الطبقة المتوسطة
• كل اساتذة الجامعة الحاليين هم ابناء التعليم المجاني و الطبقة المتوسطة
• كل النوابغ في الجامعات الاوروبية هم المصريين ابناء التعليم المجاني
• كل المدرسين اللي علموا الخليج هم ابناء التعليم المجاني

انهاردة اكتشفت سيادتك انك لا تستطيع التعليم مجانا للمصريين
سهلة والله
اسألوا جمال مبارك كانت بتتعمل ازاي .. كان متابع 🤷🏻‍♀️
" و ياريت محدش يقولي شوفي المدارس زمان و دلوقت ... بدل ما اجيبلكم اللي متشال في الدولاب
من 2011 لحد انهاردة
اجمالي المدارس اللي اترفع كفاءتها و اتوسعت و المدارس اللي اتبنت و المدارس اللي اتمهد لها طرق الوصول يادوووووب 1000 مدرسة عمي
متكلفوش حتي مليار دولار
من زوربيح المليارات اللي اقترضناها 🤷🏻‍♀️"

لا يحق لك سيادة الرئيس بموجب الدستور و القانون تحويل الجامعات المصرية لمورد دولاري و انتزاعها من يد المصريين 👌🏻
و لا اي رئيس في العالم اساسا

ملف التعليم ده من اكتر الملفات اللي باعدت بيني و بين الحكومة و النظام كله
لأن ده حق ابناءنا
ومش من حق مخلوق انه يحرم المصريين منه حتي لو كان رئيس الجمهورية
و اي حد يحاول يلاقي تخريجة للقرف اللي بيحصل ده هو جزء من الجريمة اللي بترتكب في حق الشعب المصري دي
استقيموا يرحمكم الله
ده متر في متر مش هينفعنا فيه غير اعمالنا محدش هيشيل عن التاني 👌🏻
 

♦ بسم الله الرحمن الرحيم
الاجابة : لأننا دولة مصب يا حمار
و التدفق التالي لنا هو الهدر في البحر المتوسط .. و ما قامت به مصر هو الحفاظ علي مياه النيل من الهدر 🙄🙄

غباء و طقس ملخبط
كتير علي مرارتنا يا الله 🤷🏻‍♀️

♦حشد 100 الف مقاتل اكثرهم مرتزقة من كولومبيا و تشيلي و احراش افريقيا

و باكستان هتنقل جنود

و لم يستطع ردع الحوثي 🤷🏻‍♀️🤷🏻‍♀️

🔹محافظة تعز اليمنية تعيش اسوأ ايامها و يسقط منها ضحايا ابرياء .. علي يد الحوثي
تعز تقف وحيدة امام ميليشيا الحوثي
لكن المسلمين المنافقين مش بيتألموا الا لو سقط غزاوية فقط لأن اسلامهم صناعة الاخوان والصهيونية

لا تهتز مشاعرهم المزيفة اذا قتل اي مسلم علي يد محور ابناء ساعات الزنا
لأنه المحور الذي يخدم اوهامهم

اليمن تقف وحيدة لا احد معها سوي أبناءها فقط 👌🏻

🔵 #الصومال_وإثيوبيا:

من امبارح و الاخبار عبارة عن خيانة الصومال لمصر
بناءا علي مقتطفات اذاعتها قناة الجزيرة من لقاءها مع حسن شيخ محمود رئيس الصومال

🔸اولا : انا مبخدش من الجزيرة .. يعني لا اعتمد الجزيرة گ شبكة اعلامية
و حاليا ضميت لها العربية
🔸ثانيا : التوقيت اللي ذهبت فيه الجزيرة لرئيس الصومال هو توقيت مريب
و ده بعد قطع اريتريا مباشرة للعلاقات الدبلوماسية مع اثيوبيا

ما اذيع هو سماح الصومال لإثيوبيا للوصول للبحر الاحمر من خلالها

♦نرجع بس لشوية تفاصيل :
📌هل مصر رافضة وصول اثيوبيا للبحر للاحمر
و لا بتستخدم الحصار البحري كارت ضغط عشان نفتح باب لوضع آلية سليمة لتشغيل السد
▪ لو نظرنا للامور بحكمة
ف احنا اساسا معندناش مانع ان اي دولة تعمل سدود
احنا بنينا سد تنزانيا
و وافقنا علي السد الجديد لجنوب السودان

• الناس تواصلت مع المعنيين في مصر
و وضعوا دراسات الجدوي و الخرايط تحت الدراسة المصرية
و لما تم مراجعة كل شئ
تمت الموافقة علي السد
" يعني لم يكن الامر كما تم الترويج له .. ان وافقنا غصب و جنوب السودان هتنشف النيل و كل الكلام ده "

▪ ايه مشكلتنا مع السد الاثيوبي 👈🏻 آلية التشغيل
و هما اصلا مش عارفين يشغلوه
بس صياح من اجل الصياح 🤷🏻‍♀️

📌 هل الصومال رافضة ان اثيوبيا يكون لها منفذ بحري :
هنا هنرجع لحدث اسمه 👈🏻 اعلان انقرة
و ده بمثابة اتفاقية سلام بين اثيوبيا و الصومال بوساطة تركية يوم 12 ديسمبر 2024

🔸ليه وصلوا لمرحلة نزاع :
لان اثيوبيا اساسا دولة معتدية
مش دولة حسن جوار
و بدأت بالاعتراف بصوماليلاند دولة مستقلة
و عرضت عليهم دخول اتفاقية موانئ
في مقابل الحشد الافريقي لدعم استقلالية الاقليم

لكن اثيوبيا اساسا ليست ذي ثقل دبلوماسي اقليميا
و النزاع كان بدأ يدخل في مرحلة انه يكون نزاع مسلح
و الصومال مش متحملة ده 🤷🏻‍♀️

🔹بنود الاتفاقية عبارة عن 3 بنود ملهمش رابع :
▪ اثيوبيا تحترم وحدة الاراضي الصومالية و سيادتها علي كافة الاقاليم
و ده يعتبر تراجع عن موقفها مع صوماليلاند .. و يعتبر مكسب كبير للصومال
▪ منح حق الوصول البحري لاثيوبيا
" الكلام اهو من سنتين 🤷🏻‍♀️"
لكن الشرط 👈🏻 ان يكون ذلك الوصول تحت السيادة الفيدرالية الصومالية و بمعرفة القوات الصومالية
و لا يتضمن اي سيادة اثيوبيا
و الوصول مش عبر ال 3 موانئ
لأ ده عبر ميناء لاسقري
• ليه 👈🏻 لان ميناء بربرة موجود في صوماليلاند و ممكن جدا او ده اكيد ان اثيوبيا تغدر و تعلن احتلال الميناء بمساعدة الحكومة المنشقة
و كذلك مينا صوصا موجود في اقليم بونتلاند اللي عايز ينفصل هو روووخر 🤷🏻‍♀️

او بديل اخر 👈🏻 اثيوبيا تاخد حق انتفاع و تأجير ارض علي الساحل و تستثمر فيها و تعملها مينا و حق الانتفاع ممكن يصل ل 50 سنة حتي .. الصومال معندهاش مانع

▪ عودة العلاقات الدبلوماسية و فتح السفارات من جديد

📌 السؤال المهم 👈🏻 هل اثيوبيا إلتزمت
اطلاقاااا
اثيوبيا عايزة مينا محدد .. مينا بربرة 👌🏻
و توقيعه علي اعلان انقرة
كان استنزاف وقت مش اكتر

📌طب هل عادت العلاقات الدبلوماسية
ابدا .. مجرد فتح السفارة و استقبل 3 او 4 دبلوماسيين

📌 طب هل التزم ب بند وحدة وسيادة الاراضي الصومالية
بردو ابدا 🤷🏻‍♀️
و لسه من 5 ايام و تحديدا يوم 30 سبتمبر
عاودت اثيوبيا طلب شراء حصة من ميناء بربرة بالتعاون مع منظمة DP World

لكن منفعش
لان الاقليم غير معترف بيه و لم يتم اعلانه دولة .. ف اي اتفاقية او شراء هيكون بمثابة إلقاء الاموال في البحر 🤷🏻‍♀️

♦ نقطة مهمة لا يجب اغفالها :
ان يوم اعلان انقرة
اردوغان و حسن شيخ محمود اعلنوا ان البنود تم الاتفاق مسبقا عليها مع حلفاء الصومال الاستراتيجيين
اللي علي رأسهم مصر
و ان تم ابلاغ مصر و جيبوتي بتفاصيل الاعلان قبل التوقيع عليه 👌🏻

و في تقديري ان ده السبب اللي خلي ابي احمد لا يلتزم بالبنود

يعني الاتفاق تم بمعرفتنا
و عدم تواجدنا فيه لدرء تعنت ابي احمد ليس إلا 🤷🏻‍♀️

يبقا ليه بيتم الترويج علي ان الصومال خانت مصر و طعنة في الظهر
و الكلام الفارغ ده
يا فندم الكلام ده انت اللي مرتبه من سنتين
و أناب عنك تركيا ليس إلا
و رئيس الصومال لم يقل اي جديد او مخالف لما تم 👌🏻

▪ ليه انت حصرت اثيوبيا في ميناء لاسقري 👈🏻 قولنا لعدم الغدر فيما بعد
▪ طب ليه اثيوبيا مصممة علي بربرة 👈🏻 لقربه من مضيق باب المندب و خليج عدن
و دي لم تعد موانئ فقط
اصبحت اصول استراتيجية
اللي يملكها بيملك ركيزة في التجارة العالمية

📌 خد تفصيلة كمان :
يوم اعتراف اسرائيل ب صوماليلاند
انا قولتلك القصة مش قصة انها ارض للتهجير فقط
قولتلك 👈🏻 ميناء بربرة و موطئ قدم لاسرائيل عند باب المندب 👌🏻

اسرائيل بتضغط من ناحية
و ذيلها اثيوبيا بتضغط من ناحية اخري

و الحوثي بيضغط من الناحية التالتة
و الهدف واحد 👈🏻 باب المندب

♦شئ يثبتلك الاستماتة الصهيونية عموما مش الاسرائيلية فقط علي باب المندب
🔹هل تعلم يا عزيزي
ان في تعاون عسكري بين حركة شباب المجاهدين الصومالية المبايعة لتنظيم القاعدة اللي هي اصلا بتكفر الشيعة بكل مذاهبها و خاصة الشيعة الزيدية
و بين الحوثيين اللي هما شيعة زيدية 🤷🏻‍♀️

▪ وتقارير اممية من سنة 2025
بتثبت تهريب سلاح و مسيرات و تبادل عناصر للتدريب
التواصل ده بيتم عن طريق البحر الاحمر

طب ايه اللي جاب القلعة جنب البحر 🤔
ما يا فندم اللي بيدير كل الميليشيات دي هما شخصين
واحد قاعد في ال MI 6 و التاني قاعد في ال CIA
و الشخصين بيصبوا عند تالت في المنظومة الصهيونية 🤷🏻‍♀️

وحتي الصراع بين فرع القاعدة في اليمن و الحوثيين
كان صراع مفتعل لتصفية قادة معينيين
كانوا كروت اتحرقت

كل التقارير الاممية دي بناءا علي اعترافات و تسجيلات من اجهزة غير الشيطانيين
و حتي القراصنة في بونتلاند بيعملوا تحت حماية شباب المجاهدين
و بيتولوا توصيل السلاح و العناصر الارهابية 🤷🏻‍♀️🤷🏻‍♀️

📌ابي احمد لم يعد كارت هام للمنظومة
و وجب التخلص منه
لانه فشل في اجندته
و اخر فشل له 👈🏻 كان كشف مخطط الاطاحة ب آسياس افورقي رئيس اريتريا واحتلالها 👌🏻

لذلك هو بيرفص في كل اتجاه
عشان يثبت انه لسه يقدر يعمل دوشة
او لسه لديه ما يقدمه لاسياده 🤷🏻‍♀️

و هيفضل حبيس بردو
لانه غرضه استعماري و ليس توسع تجاري
و يصد بس علي اللي عنده من تحالف المتمردين و الانفصاليين

📌حاجة تانية مهمة 👈🏻 مصر شرعت في بناء قاعدة جوية كبيرة جدا في مقديشيو
و ده من ايام او اسابيع
القاعدة دي المستفيد منها هو الصومال
هتكون اكبر داعم له للتخلص من الميليشيات الارهابية
ف ازاي هيروح رئيس الصومال للجزيرة يقولهم انا هدي مواني لاثيوبيا و يتفضل 🤷🏻‍♀️

🔸الراجل بمنتهي الوضوح اعلن ثبات موقفه علي اعلان انقرة ليس إلا 👌🏻

و دي كل الحكاية
مازلنا متماسكين جدااا في القرن الافريقي
و الامور هناك تدار وفقا للرؤية المصرية
و الحمد لله 👌🏻

⚫ اليمن ليست بخير 😞

اينما وجد الاخوان .. وجدت الخيانة

الاخبار بتقول ان تعز اوشكت علي السقوط بيد ميليشيا المجرم الحوثي
و السبب الاخوان
اللي خانوا تعز من الداخل

📌 الخبر الجيد ان المجلس الجنوبي اعلن التعبئة
لمواجهة الحوثي

" ارجعوا للمقالات عن اليمن في القناة هنا عشان لو مش مجمعين الخناقة علي ايه و بين مين و مين 👌🏻 "

♦حد سألني ليه متعاطفة مع اليمن علي غير عادة
مش عارفة علي غير عادة التعاطف و لا علي غير عادة مع اليمن
" هو انا شريرة اوي كده 🙄"

اليمن دولة سلام
و حضارة من قديم الازل
شعبها عمره ما كان لقيط و لا هجين
بالعكس كانت ممالك كبري
العرب كلهم " عرب شبه الجزيرة " اصلهم يمني 👌🏻
الشعب نفسه في حاله
مفيش مرة في التاريخ ذكر ان اليمن اعتدت علي حد 🤷🏻‍♀️
و لا تحرك اهلها لاحتلال حد 🤷🏻‍♀️

حتي لما انهارت ثرواتهم
شعبها عاش علي قد حاله و بردو مسالم

🔹مأساة اليمن ليست في ثرواتها
انما في موقعها
اللي يحكم سواحل اليمن
يبقا حكم التجارة العالمية 👌🏻👌🏻

نتمني لمصابيهم السلامة و المعافاة
و لشهداءهم اعلي منازل الجنة
و لا نزكي علي الله أحد 🤲🏻

🔵 #متفرقات_كوكبية:

♦اليمن الغير سعيد حاليا :
تضارب الاخبار يدل علي عدم صدقها .. و عدم اليقين في تقدير الموقف

لا يمكن الاعتماد علي قناة العربية اللي بتبث انتصارات نصفها غير حقيقي
🔹 تقريبا تعز سقطت
لدرجة ان الحوثيين استولوا علي منزل رشاد العليمي الرئيس نفسه
و قطعوا السكة للامدادات
بينما محافظة المخا القوات الحكومية تقدمت فيها و استرجعت مناطق كان استولي عليها الحوثيين
🔹قوات التحالف بقيادة السعودية طبعا
وجهت ضربات جوية لجزيرة ميون لفتح باب المندب بالقوة القاهرة
و فعلا نجحت في ذلك
في حين ان في معارك دامية في الحديدة الغلبة فيها للحوثيين
🔹الاخوانية القذرة توكل كرمان بدأت تظهر تاني لدعم اخوان اليمن الخونة
و بتنصح اهالي تعز بتسليمها للحوثي 👈🏻 بحجة تجنب اراقة الدماء
علي اساس ان الحوثي لا يريق الدماء مثلا 🙄
لكن الاخوان معروفين بموالتهم للميليشيات الارهابية لانهم في الاصل تنظيم ارهابي 👌🏻

اليمن مطول معانا شوية
و اعتقد ان وجب تدخل الامارات في الجنوب لدعم المجلس الجنوبي للتخلص من الاخوان .. و ده في مصلحة السعودية لو بن سلمان ترك العنجهية و الغرور الاحمق
و هيجنبه الاجتياح البري سواء هو من قام بالاجتياح او اجتياح عكسي من الحوثي لجازان 👌🏻

🔸اعتقد ان موقفي واضح من زمان و اللي كان متابعني علي تويتر يعرف اني كنت بدعم قوات التحالف ضد الحوثي .. لكن مض ضد اهل اليمن و ضد قصفهم و التضحية بيهم
انا عمري ما هاخد صف ميليشيا تورطت في دماء شعبها و لا عشان اقصي و لا عشان قدس .. دي تفاصيل مش ذات اهمية
البشر قبل الحجر 👌🏻
وهما اصلا ضاحكين علي المتخلفين عقليا بالصاروخ الكرتون اللي بيتحدف علي تل ابيب كل 4 شهور مرة 😏
–––––––––––––––––––––––
♦روسيا و اوكرانيا :
الحقيقة روسيا معلية الاداء جدااا .. و زيلينيسكي يتألم في صياح
يعني مش صمت و لا حاجة
▪ضرب جسور نهر دينبرو
▪ضرب مبني معالجة البيانات الحكومية
▪ضرب محطات الكهربا المتبقية في كييف
▪ضرب السكك الحديدية
▪نوع جديد من المسيرات الروسية بيصب نار
" لا مش هزار .. المسيرة طايرة بتشتي اعمدة نار 🙄"
▪ضرب مقرات لتصنيع المسيرات الاوكرانية

زيلينيسكي في مأزق
و بيقول كييف تتمزق 🤷🏻‍♀️
ما تتمزق يا اخي .. معلش 🙄

📌ميرتيس المستشار الالماني في اوكرانيا تحت عنوان تحدي روسيا
بس الحقيقة ميرتيس بيفتعل شو .. بيحاول انه يخلق فكرة ان ألمانيا علي وشك الحرب مع روسيا
في محاولة منه للتشبث بمقعده الذي بات في خطر
ميرتيس اصبح المستشار الاكثر فشلا في ألمانيا .. تقريبا طوال عام في السلطة معرفش يحل ازمة واحدة
في حين ان الاحزاب اليمنية و اليسارية المتطرفة اللي نجحت في بعض المقاطعات آتت بحلول سهلة 🤷🏻‍♀️
لانها تخلت عن الفكر الرأسمالي الغبي
▪ميرتيس رايح كييف يستفز بوتين يمكن يضربله اي حتة في ألمانيا بمسيرة تثبت حكمه و لا حاجة 🙄
––––––––––––––––––––––––
♦منتدي العلمين افريقيا :
الحقيقة الانجاز ذات القيمة بالنسبة لي هو خماسية مصر -السودان - اريتريا -چيبوتي - الصومال
و توحيد التوجه نحو اثيوبيا
▪خطوة اثيوبيا انهاردة انها لغت الاعتراف بانفصال اريتريا و اعلنتها اقليم متمرد
ده يا فندم مش خطوة عبيطة زي ما بيتم الترويج لها
لأ .. ده تفكير ابليس 👌🏻
استفزاز ل اريتريا عشان تدخلها مطحنة المعارك الدائرة
هي و اللي وراها " وطبعا انتوا عارفين مين اللي وراها 🙄"
▪و هنا الرد الافضل هو التجاهل التام 👌🏻

ابي احمد بيجري بنفسه نحو الهاوية .. امبارح كان متقدم داخل اقليم التيجراي
انهاردة قوات فانو تذيقه الويل 🤷🏻‍♀️🤷🏻‍♀️
الكر و الفر ده مطول معانا شوية بردو 👌🏻

و في كل ده بيستغل السد اللي مفيش منه منفعة ده گ كارت هجوم علي مصر
ابي احمد بالسد ده بقا عامل زي الجدي اللامؤاخذة .. لا .... و لا بيبطل مأمأة 🙄
–––––––––––––––––––––––––
♦بيدرو سانشيز رئيس الوزراء الاكثر اخلاقا في العالم :
سانشيز انسان ذكي جداا
▪استخدم دعمه لغزة في تحقيق مكتسبات من الاتحاد الاوروبي اسبانيا جاهدت كتير للحصول عليها وفشلت
زي مثلا تسوية و اسقاط بعض الديون
حاضر هنسقط الدين الفلاني بس بطل تهاجم نتنياهو 🙄
▪استخدم ازمة مهاجري المغرب لسبتة بالعدد المهول اللي دخلوا بيه من شهر كده
ف تخويف الاتحاد الاوروبي بردو لاسقاط بعض ديون اسبانيا لليورو بنك
هااا معييش ادفع .. بس ممكن افتح الهاويس و الالافات دي تبقا بتتنطط جوا اوروبا كلها الصبح 🤷🏻‍♀️

📌لكن لما الاسبان تظاهروا ضده بسبب ازمة السكن
قرر انه يحل البرلمان و يدعو لانتخابات مبكرة ممكن تفقده منصبه .. و بمنتهي الصراحة قال ان مفيش عنده حل
ف هيترك الفرصة لغيره يمكن يتقدم بحل لخدمة المواطن الاسباني 👌🏻