🔵 الناس اللي سألتني عن مشروع 2050 و البوليفار

اللينكات اللي لقتها علي موقع الامم المتحدة و الهابيتات فيها حاجات محذوفة و حاجات متأرشفة
و اكيد انا مش هعتمد مستند ملوش اصل علي الموقع الرسمي .. حتي لو اتحذف 👌🏻

♦ كل اللي اعرفه عن المشروع ده قديم
ان في مشروع اتعرض سنة 2004 علي مصر من الامم المتحدة
يحول وسط البلد و القاهرة الخديوية او التاريخية
لمقر مالي عالمي فيه شركات كتير و جنسيات كتير و الشركات دي تتملك متأجرش

و القاهرة التاريخية تتحول لمزار متحف مفتوح " انا معرفش ايه مصطلح القاهرة التاريخية ده .. هي البلد كلها تاريخ بس جايز ده مصطلح مقصود بيه مناطق معينة "
لكن بشرط 👈🏻 ان اللي عايز يجيب اثاره و يعرضها عندنا يبقا تمام
و مفيش حاجة اسمها دي اثار مصرية و غير مصرية " علي اساس ان الثقافة تشملها فكرة تعميم الحضارات الانسانية "

🔸في المقابل هابيتات كانت هتدفع مبالغ كتير گ منح اقتصادية
سمعت وقتها ارقام متضاربة
يعني 6 مليار دولار .. و 10 مليار دولار
و كان اكبر رقم 30 مليار دولار و ده كان يعادل ديون مصر وقتها

انا عرفت بالمشروع ده و سمعت عنه سنة 2006 لما اترفض
📌 لأن الحكومة سنة 2006 و بعد الدراسة و التدقيق " علي حسب ما قالوا لليونسكو وقتها "
انها رفضت المشروع بأكمله
لانه يمس الامن القومي و ذلك بعد استشارة كافة الاجهزة
و اللي بلغ قرار الرفض للامم المتحدة كان اللوا عمر سليمان رحمه الله بنفسه

و قال ان المشروع مينفعش في مصر حفاظا علي الامن القومي
و ده عرفته من احد الوزراء بنفسه وقتها و كان من المعترضين
علي فكرة كل الوزراء وقتها صوتت بالرفض ما عدا واحد فقط مش متذكراه جايز وزير السياحة او المحليات
مش متذكرة حقيقي

سمعت انه من ضمن مخططه ضفاف النيل شرق و غرب في الجيزة و القاهرة
لكن مسمعتش عن الجزر و لا مثلث ماسبيرو و لا المنيل الحقيقة

و سمعت عن تحويل منطقة وسط البلد كلها لمشاع تمليكي و تبقا حي مال و اعمال زي وول ستريت
لكن لم اطلع او اسمع عن شوارع بعينها 🤷🏻‍♀️🤷🏻‍♀️

♦انا معرفش اللي اتحذف و اللي اتأرشف هل لاخفاءه و لا لانعدام اهميته الحالية
بالتالي المعلومات كده ناقصة بالنسبة لي
ف لاااا اقدر اتكلم فيها و لا اكون رأي


مقدرش اقول ادانة او تبرأة
مادمت لا املك معلومة كاملة
فيكون الافضلية لعدم إلقاء التهم 👌🏻

📌اه لما تحط البازل جنب بعضه .. عقلك ممكن ينسج الاحداث
لكن مادامت بدون دليل و مستند بالنسبة لي ف بيكون في مكان الشبهة
و انا لو هموت مرميش حد بالشبهات

مش معني اني بكره مدبولي اني ارميه بالباطل او ألقي تهم جذافا حتي لو صحيفة تهمه عندي اطول من الدائري

لا طبعي و لا اخلاقي
مش عشان حد
ده عشان نفسي
محدش يستاهل إني اتحمل وزره امام الله .. العمر رايح مش جاااي 🤷🏻‍♀️🤷🏻‍♀️

و زي ما بكره اني اتظلم او اشوف حد بيتظلم
فمستحيل هظلم حد
مهما كانت كراهيتي له 👌🏻👌🏻

انا اسفة اني معرفتش افيدكم 🙏🏻🙏🏻
اكيد في حد تاني أجدر مني يفيدكم
و مش حاجة اتكسف منها اني اقول معرفش .. بالعكس اعترف بجهلي في موضوع احسن ما أضل نفسي و أضلل غيري

ف بعتذر و الله 🙏🏻🌺

🔵 #عبدالناصر_عقدة_المنافقين_والفاشلين:

الواحد لما بيكبر في السن و يقترب من الموت .. بيكون خايف من لقاء ربنا والحساب
فبيكون حريص في كلامه
انه ميكذبش .. مينافقش .. ميضللش حد
و لما كمان يكون صاحب تاريخ محترم .. يحاول انه يحافظ علي التاريخ ده و يترك سيرة حسنة

انما انه يطلع عقده العائلية علي اشخاص ماتت .. و يا ريته بالحق .. ده باطل و زور و بهتان
ف يبقا حقيقي حاجة تكسف 🤷🏻‍♀️🤷🏻‍♀️

♦بيقولك بقا يا سيدي ان تعويم الجنيه و خفض قيمته بالشكل الرهيب ده
سببه جمال عبد الناصر 🤷🏻‍♀️🤷🏻‍♀️

لا هو سببه طومان باي او قنصوة الغوري بعد معركة مرج دابق ... راح واخد قرار تعويم الجنيه و شحت البلد كلها و سلمها لسليم الاول في معركة الريدانية 🙄

🔹اصل احنا منبقاش مصريين لو لم ننافق الحاكم الحالي
و نقوله انت متغلطش ابدا .. انت من الموحي إليهم
اللي قبلك هما الغلط
انما انت فل
مسح الجوخ و الرياء للحاكم ده اكتر حاجة وصلتكم للفشل السياسي و الاقتصادي اللي واقعين فيه

📌 سيادة السفيرة تدمير العملة سببه 5 تعويمات " و بالمعني الادق تحرير واحد و 4 تخفيضات عملة بغرض تدميرها "
▪ التعويم الصحيح الوحيد في 2016 : لتلافي خطأ تمويل العملة من ايرادات قناة السويس كما كانت تفعل الحقبة المباركية
من 8.88 ج الي 16.25 ج
و ده كان زيادة عن القيمة العادلة للجنيه وقتها اللي كانت 13.90 ج
لكن اخضاع الجنيه للسوق الحر للصرف خفض قيمته بمقدار 2.35 ج ثم عاد لمستويات 15.7 ج
▪قرار خفض العملة بأمر صندوق النقد في 21 مارس 2022
و قفزة العملة من 15.70ج الي 18.5 ج
و ده بسبب خطأين اقتصاديين مستمرين معانا لحد انهاردة و مكملين للابد
• خروج الاموال الساخنة بعد اندلاع الحرب الروسية
لأن مفيش اقتصاد محترم اساسا يجعل الاموال الساخنة نقطة ارتكاز الا الاقتصادات الريعية " العويلة يعني "
• العجز الدائم في ميزان المدفوعات و مع توقف سلاسل الامداد اسعار الواردات زادت
فاتسعت الفجوة
‏( ومفيش حد اصلا بيتجه لخفض العملة و هو وارداته اعلي من صادراته .. لأنه بيدمر موازنته
يتخذ القرار ده الصين .. الهند .. تايوان .. روسيا
انما مش ميزان مدفوعات وارداته 3 اضعاف صادراته 🤷🏻‍♀️‏)
▪تخفيض 27 اكتوبر 2022 :
الدول اللي بتلجأ لخفض العملة مرتين في السنة هي دول فاشلة اقتصاديا
" حتي افتحي كتاب القاتل الاقتصادي كده
و هتلاقي اعترافات بخطة افشال الدول و تركيعها اقتصاديا هو الاتجاه المتوالي لخفض عملتها .. و الوصول بها لمراحل انفجار الاسعار في السنة الواحدة عدة مرات 👌🏻‏)
و التخفيض ده كان بلا سبب اقتصادي و لا وجود ازمة
هو بس اتفاق جديد مع صندوق النقد .. لرفع قيمة القرض 3 مليار دولار كمان " ملهمش اي تلاتين لازمة و لم تستفد منهم مصر دولار وااااحد حتي "
اشترط الصندوق رفع الدولار ل 24 ج 🤷🏻‍♀️
▪ و لأن مستوي 24 ج لم تحقق الانهيار المطلوب لمستوي معيشة المواطن
في 4 يناير 2023
و نتيجة ضغط الاستيراد " لأننا مش اقتصاد صناعي .. احنا اقتصاد ريعي "
و من اجل صرف شريحة 975 مليون دولار
اشترط الصندوق خفض العملة ل 33.5 ج
و ثبت الجنيه عند 30.80 ج بفضل تحويلات المصريين من الخارج اللي انقذت السوق
لان الدولار كان رايح ل 37 ج 🤷🏻‍♀️🤷🏻‍♀️
▪و جاءت الضربة الكبري للجنيه
بعد مخطط قذر اشترك فيه ناس من داخل الدولة .. لخلق سوق سودا
و ساهمت حكومة مدبولي في خلق تقييمات دولارية مختلفة
زي :
• دولار الدهب
• دولار الحديد " اللي تحول الان لدولار العقار "
• دولار السيارات
• دولار الادوية
و تعنتت البنوك بفعل فاعل علي اتاحة الدولار للمستوردين بحجة نقصه
مع ان طول 2023 السياحة كانت جيدة و ايراداتها عالية .. ايرادات قناة السويس كانت عالية جدااا .. صادرات الغاز و تحصيل المقابل كاش و بصفة يومية
يعني الدولار تم اخفاءه بفعل فاعل 👌🏻
بعد معاونة كل تلك الاطراف
و لصرف شريحة 975 مليون دولار من القرض
تم اجبار مصر في 6 مارس 2024 الاسود علي تخفيض قيمة العملة 45% من قيمتها
في اكبر انخفاض شهده الجنيه المصري في تاريخه
ليتأرجح بين 48.5 و 50 ج 👌🏻

بعد دخول مبلغ 15 مليار دولار كاش الي خزينة البنك المركزي جراء صفقة رأس الحكمة في يوم واحد
ادت لخفض دولار السوق السودا من 69 ج الي 37 ج
و كان منخفض اكتر لولا تدخل صندوق النقد و البنك المركزي لانقاذه 🤷🏻‍♀️

و المعجزة اللصوصية ان محدش عارف لحد انهاردة ال 15 مليار دولار دول راحوا فين
عشان يتم ذلنا و نطأطأ رؤوسنا و نحن صاغرين امام لص زي جهاد ازعور
و ندمر عملتنا الوطنية في مقابل 975 مليون دولار 🤷🏻‍♀️🤷🏻‍♀️

مش مكتفيين بتزييف الماضي .. بتزيفوا الحاضر اللي احنا عايشينه
ده ايه البجاحة دي

اعتقد يا سيادة السفيرة
انك محتاجة طبيب معالج لأن ربما تنتابك نوبات خرف مرتبطة بعامل السن
نصيحة تناولي اوميجا 3 و ماغنيسيوم 👌🏻

الجنيه المصري تم تدميره بدءا من 2018
ومستمر تدميره
لانه عايش علي جهاز التنفس اللي اسمه الاموال الساخنة و فقد معامل الاتاحة 👌🏻

عبد الناصر مات من 56 سنة
قبل ما يستشهد بقا
مسلم البلد ميزان مدفوعات فيه فائض 46.9 مليون جنيه " عشان التقييم كان بالجنيه مكنش بيربط الجنيه بعملات "
كانت الصادرات 300 مليون جنيه
و الواردات 254 مليون جنيه تقريبا "

📌 الجنيه في عهد عبد الناصر كان ب 2.5 دولار
لذلك لم تقوم القوائم النقدية بعملة هزيلة 🤷🏻‍♀️
عبد الناصر مات و سايب لكم الجنيه ب 2.8 دولار .. الدولار كان ب 35 قرش 👌🏻

و ده ليه 👈🏻 عشان النصباية الامريكية المسماة بصدمة نيكسون مكنتش لسه اتعملت

📌 طب القوة الشرائية للجنيه كانت ضعيفة و لا قوية 🤔
كانت قوية جدااا
لييييه 👈🏻 لأن كان في قيود بتحمي العملة
▪ القيود الصارمة علي الاستيراد
اي سلعة مستوردة لها بديل محل يتم وقف استيرادها
▪القيود الصارمة علي خروج العملة من البنوك
▪العقوبات الكبيرة لمن يثبت تورطه في تجارة العملة و خلق اسواق موازية .. كانت بتصل ل 15 سنة مشدد
" تحبي اقولك مين بيتاجر في العملة حاليا عشان كده مبقاش في إلقاء قبض علي تجار عملة 🤔 "
▪السلع الاساسية المدعمة اللي كانت بتوفر للمواطن قدرة شرائية عالية
" الدعم ده مكنش من قروض .. ده كان من ايرادات الصناعة و التصدير
مكنش عويل عبد الناصر .. وكل يوم اربعاء يطل علينا يقولنا الدولة بتتحمل عبء الدعم كأن الدولة دي ورث الحجة امه اللي بيطلع لنا منه 😏 "
▪الحفاظ علي الغطاء الذهبي لاصدار العملة
‏( اييييه داااا 😳 مش عبد الناصر ضيع الدهب في حرب اليمن بردووو 🤔
هنقف كلنا قدام ربنا و هيقتص من كل واحد اتهم غيره بما ليس فيه 👌🏻‏)

♦ازاي عبد الناصر سابنا من غير ديون طيب 🤷🏻‍♀️
اللهم قرض الاتحاد السوفيتي لبناء السد العالي و اللي تم اسقاطه لاحقا
🔹 ابدا يا سيدي كان بيصنع و بيزرع و بيعمل دراسات جدوي
ف كان ماشي بالخطط المتوالية
• يعني يبني 5 مجمعات صناعية في نفس التوقيت
• المجمعات دي بتنتج بالتوازي مع البناء
• ياخد الانتاج يبيعه و يمول المراحل التالية من البناء
• فيزداد الانتاج يقوم يحقق فوائض تذهب لايرادات الموازنة

انما بقا لو قال لا معلش انا هعمل 20 الف مجمع صناعي مرة واحدة .. و اخلقوا تمويل لها .. و افتحوا الاقتراض علي البحري
كان نتيجة طبيعية ان ال 20 الف يفشلوا 🤷🏻‍♀️🤷🏻‍♀️

لكن هو بدأ بالصناعات التحويلية الكبري 👌🏻

مصنع كيما 1 بتاع عبد الناصر تم بناءه بدون و لا مليم اقتراض لا داخلي و لا خارجي
و اعتمد علي تكنولوجيا تحليل المياه من خزان اسوان لتوفير الطاقة
انتاجه 645 طن نترات امونيا يوميا .. تكنولوچيا الستينات
مصنع كيما 2 انتاجه 1200 طن يوميا نترات
و 1575 طن يوريا يوميا

و مازال بيسدد اقساط ديون بناءه

كيما 1 مش مجمع صناعي فقط
ده خدمي و سكاني و مدينة كاملة و كليات هندسة و طاقة و معاهد فنية و مدارس فنية تم تشييدها علي مساحة 946 فدان
صرفت علي انشاءها و دخولها الحياة ايرادات المصانع الاخري اللي كانت خلصت و انتجت 🤷🏻‍♀️
كيما 2 مساحة 55 فدان
بقرض ضخم 12 مليار جنيه من البنوك المصرية 👌🏻

ف الجنيه مكنش محتاج انه يتفرم عشان يرضوا يدونا قروض 🤷🏻‍♀️🤷🏻‍♀️

📌 ايام عبد الناصر كان في ميزانين مدفوعات :
ميزان بيحقق فائض .. و ميزان بيحقق عجز
و بعدين ينضافوا علي بعض
▪الميزان الاول :
الواردات و الصادرات من السلع الاستهلاكية
و دايما كان بيحقق فائض
علي الرغم من عدم وجود اكتفاء ذاتي من القمح " اللي هي مأساة المصريين الابدية "
لكن استدامة الفائض بسبب ان وارداتنا عمرها ما تعدت 50% من صادراتنا 👌🏻
▪ الميزان التاني :
اللي كان بيضاف فيه واردات تحقيق النهضة
زي السلع الرأسمالية و الماكينات و المعدات و الالات الثقيلة اللازمة لبناء آلاف المصانع و مستلزمات تشييد السد العالي

بالاضافة لفاتورة التسليح

و العجز ده كان بينخفض سنة بعد سنة لحد ما في سنة 1969 حقق فائض
برغم ظروف الحرب و شراء السلاح 🤷🏻‍♀️
لأ ده كمان كان في فائض موازنة 👌🏻

🔸طب دايما معروف ان اي دولة بتحارب صعب تحقق فوائض 🤔
ده يا حبيبي مش في الدول اللي بتصنع
و مصر كانت تملك عمالقة صناعية زي مجمع الحديد و الصلب مثلااا و مجمع نجع حمادي للالومنيوم اللي كان مش ملاحق علي طلبات قارة افريقيا و منطقة الشرق الاوسط كلها
و تطوير مجمع السكر في قنا المصانع التحويلية و اللي بردو مكنتش ملاحقة علي التصدير 🤷🏻‍♀️🤷🏻‍♀️

و ده اللي مخلي دولة زي روسيا برغم من تكلفة الحرب و العقوبات بتحقق فوائض 👌🏻👌🏻

🔘 الدهب و عبد الناصر بقا :
لما عبد الناصر اللي ضيع الدهب في حرب اليمن
اومال الصكوك البريطانية اللي الدولة المصرية طالبت بيها بريطانيا سنة 2023 ب احتياطي الدهب اللي سرقوه اثناء الحرب العالمية التانية لتمويلها
اللي مصطفي النحاس و بعده احمد ماهر وقفوا للانجليز و صمموا يكتبوهم صكوك بقيمة الدهب لضمان حق المصريين

جبتوها منين 🤔
عملتوها بال AI 🤔

دهب مصر كله سرقته بريطانيا و تعهدت لاحمد ماهر باشا انها هترجعه بدء من سنة 1958 لما تمول خزينة بنك انجلترا من ضرائب المستعمرات و ممراتها الملاحية
" كانوا عاملين حسابهم انهم مطولين معانا بقا يا عيني .. ميعرفوش ان عبد الناصر هيطردهم شر طردة و ياخد قناة السويس من مصارينهم 👌🏻 "

📌مصر كان فيها 7 مناجم دهب تم اكتشافهم من سنة 1882
و فضلت تنتج خلال النصف الاول من القرن العشرين
و توقفت تماما سنة 1958
و ذلك بسبب استنزاف حاجة اسمها العروق السطحية للمناجم

يعني الانجليز فضلوا يحلبوا فيها .. لحد ما بقاش فيه
و مكنش في قدرات مصر وقتها التنقيب
لكن شركة التنقيب كان معد انشاءها سنة 1968 لاستئناف التنقيب .. و لكن ظروف النكسة خلت عبد الناصر يأجل التوقيت لسنة 1971
و لم يمهله الله 👌🏻

▪الانتاج من سنة 1950 + اللي تم مصادرته من العائلات التركية و الشركسية
تم وضعه في الاحتياطي
دون الاقتراب منه تماما 👌🏻

📌لا بس اتقالنا ان الدهب راح في حرب اليمن و مش عايزين نتكلم بقا 🙄
ما عشان التاريخ بيتاخد من فيلم احنا بتوع الاتوبيس

انما الدفاتر الرسمية و اللي موجود منها في ارشيف الدولة و دار المحفوظات و اي حد يقدر يطلع عليها
هتقول ان عبد الناصر استعار 350 كيلو دهب گ رهن للاتحاد السوفيتي لشراء سلاح لحرب اليمن
ثم فك الرهن سنة 1964 و ده اقر بيه احمد بن بلة رئيس الجزائر المؤقت بعد الثورة و التحرير
علي الرغم من ان احمد بن بلة فترة 1964 كانت فترة توترات بينه و بين عبد الناصر بسبب سلوكه الاعتدائي علي اهل الصحراء 👌🏻
و صك دخول الدهب بعد فك الرهنية موجود في دار المحفوظات

‏( في ابتدائي دراعي اتكسر و اخدت اذن من المير اني معملش الديڤوار
كان عندي واحدة زميلتي فاشلة .. كل ما مكنتش تعمل الديڤوار تزعق و تقول ما چيلان الشهر اللي فات كله مكنتش بتعمل الديڤوار
كانت بتداري فشلها في ظروف كسر دراعي 😒 ‏)

🔸طب و ايه اللي يدخل عبد الناصر حرب اليمن اصلا
ده تاريخ حرب اليمن ده وصمة عار في حقبة عبد الناصر 🤷🏻‍♀️🤷🏻‍♀️

ما احنا اتفقنا بقا ان التاريخ متاخد من احنا بتوع الاتوبيس و العرافة 🤷🏻‍♀️
انما الاسباب الحقيقية
كانت حماية قناة السويس من مخطط احتلالها و الاستيلاء عليها من جديد بعد تأميمها

و التاريخ بيعيد نفسه حاليا بالحرررررف عشان بس يبرأ ساحة عبد الناصر
📌 المملكة المتوكلية اليمنية اللي كان بيدعمها الانجليز
و كانت متحالفة معاهم
لما عبد الناصر دعم تحرير اليمن و عبد الله السلال واطاحوا بالملك محمد البدر حميد الدين
ده معجبش الملوك المحيطين .. لان عدوي المد الجمهوري ممكن تنتقل لهم
فمولت السعودية و الاردن بقايا المتوكلين بالمال و السلاح
و تدخلت اسرائيل بجسر جوي فيه سلاح و خدمات طبية يوميا و مؤن
و اللي كانوا بيقودوا العمليات العسكرية ضد السلال ظباط انجليز
▪هنا السلال طلب دعم عبد الناصر
و كان لازم يتحرك
لأن العين كانت علي القناة
و تم اغلاق مضيق باب المندب

و بريطانيا هاجت و ماجت في مجلس الامن و طالبت باستعادة قناة السويس عشان تحمي الملاحة البحرية
زي ما بيتعمل معاكم بالظبط دلوووقت 👌🏻👌🏻

ف تلاقي طبقة الموثئفين و الشمامين يقولك حرب اليمن فيتنام عبد الناصر 🤷🏻‍♀️

ما هو لو مكنش اتوحل فيها .. مكنش عرف يفتح باب المندب بالقوة و يوقف التمويل السعودي و الاردني و تنسحب القوات البريطانية من جنوب البحر الاحمر عودة للمحيط الهندي 🤷🏻‍♀️🤷🏻‍♀️

3 سنين بيحارب عشان يحمي القناة و الملاحة
مكنش وقتها متوفر الحلول الدبلوماسية و لا ترامب كان موجود عشان يدعي البراءة
كان موجود رئيس وزراء بريطانيا هارولد ماكميلان .. كان هو بلطجي الكوكب
و كان يوميا تصريحات متناقلة عنه في الصحف البريطانية 👈🏻 سنستعيد قناة السويس بالقوة و نجبر عبد الناصر علي تسليمها لنا 👌🏻👌🏻

و المجتمع الانجليزي كان منتظر ده
لدرجة ان لما جاء بعده أليك دوجلاس هيوم
البريطانيين مشوه بعد كام شهر لأنه تأخر في استعادة قناة السويس
و جابوا بعده هارولد ويلسون اللي لقي مفيش فايدة و القناة مش هترجع
ف أنهوا الصراع في اليمن
و خططوا لتدخل اسرائيل عسكريا في 5 يونيو 1967 و انهم يدعموها لحد ما تعبر القناة و تسيطر عليها تماما
لكن ستر ربنا ان ده محصلش 🤷🏻‍♀️🤷🏻‍♀️

النكسة اللي سببها اهل الثقة و التصديق المطلق لعبد الحكيم عامر
و مع ذلك مطلعش قال السبب في النكسة الخديوي توفيق مش انا ... ده طلع يتنحي
و الناس هي اللي رفضت

عبد الناصر هو الرئيس الوحيد في العالم اللي شعبه رفض انه يسيب السلطة و طوال 18 سنة لم يغضب منه شعبه و لا تظاهروا ضده و لا كرهوه

لم يكره عبد الناصر سوي الاخوان و الفئران و الجرذان و الذعران 👌🏻👌🏻

و لم يشوه عبد الناصر الا الاخوان و الصهاينة
شوفوا انتوا بقا مين فيهم 🤷🏻‍♀️🤷🏻‍♀️

و سبحان الله تشويه عبد الناصر و تحميله مسئولية انهيار الجنيه تزامن مع ذكري وفاته
اليوم ذكري وفاة حبيب المصريين و ناصر الغلابة و الاب العظيم لاتاحة فرصة مجانية تعليم المصريين و الاب العظيم للنقابات و الذي حمي المصريين من مذلة السؤال و الجوع و صاحب النهضة الصناعية و الكرامة المصرية و ساب نسبة الفقر 5.8%
اللي مفيش له خطاب وااااحد عاير فيه المصريين و قالهم انا عملت و عملت و عملت
الزعيم جمال عبد الناصر رحمه الله و غفر الله

🔹مكنش ملاك بلا اخطاء
لكن اخطاءه بسيطة اوي بالنسبة للي قدمه لمصر و لافريقيا و للعرب

يحكم عليه چيفارا و مانديلا و حتي كيسنجر و جولدا مائير في مذكراتهم اتكلموا عنه بمنتهي الاحترام الممزوج بالكره و دي معادلة عجيبة 👌🏻👌🏻

لحد سنة 92
كانت مصر كلها عايشة علي خير مصانع عبد الناصر
و لما اتباعت جوعتوا
كان له نموذج الاشتراكية الموجههة

لكن الحمد لله ربنا رحمكم بقا .. و بقيتوا رأسماليين و سوق حر و اتغنيتوا و القرش جري في ايديكم و بتقضوا ويك اند في الساحل و ويك اند في شرم 🤷🏻‍♀️🤷🏻‍♀️

مش انتوا مبسوطين يا حبايبي بمكاسب الرأسمالية و اتخلصتوا من عبد الناصر اليااااي بتاع الدعم و مجانية التعليم و المعاشات و حقوق العمال و الدعم للفقراء بينما الضرائب علي الاغنياء
ربنا يسعدكم كمان وكمان 🤲🏻🤲🏻

🔸 يلا يا ياسر سمع عموووو
الاقتصاد بيتحسن و المواطن بدأ يشعر
النمو بيزيد نسبته
هنجني الثمار بعد 45 سنة

الرأسمالية و السوق الحر ده قمررر قمررررر
اعظم عظمات الاقتصادات
إهييييي .. اوممممماااااال 🤷🏻‍♀️🤷🏻‍♀️

🔵 الرفاق حائرون يتسائلون
عمرو اديب و رفاقه بيبشرونا بالشهور الجاية صعبة و شديدة

📌 ايه السبب بقا 🤔
انا شخصيا معنديش معلومة عن حاجة

يمكن الاخوة الاعلاميين عندهم معلومة مش عندنا ... و ده ضروري طبعا
لان لهم علاقاتهم و مصادرهم و معدين البرامج بتوعهم

♦وارد الاجراءات الاقتصادية اللي هتتاخد
رفع الدعم عن المحروقات
لكن ده مش شئ مفاجئ .. احنا عارفين ان ده هيحصل
و يعقبه رفع الدعم عن الكهربا
و ده معروف لنا بردو

🔹الاثار الملازمة لذلك
ان التضخم هيرتفع و الاسعار هتزيد
و ده اجراء صندوق النقد نفسه قدم بيه تقرير يوم 17 اغسطس اللي فات
ان التضخم هيتجاوز حاجز ال 18% " وفقا لحساباتهم يعني 🙄 "

ف ايه الجديد اللي هيحصل 🤷🏻‍♀️
▪ التسعير الجديد للادوية
اللي فيها نسبة سعر الصرف و فيها نسبة التضخم
بس مفيهاش نسبة لدخل المرضي
▪ ارتفاع اسعار الدقيق و القمح
هو ارتفع عالميا نتيجة اغلاق الممرات الملاحية
و ده ارتفاع مؤقت مش دائم بالمناسبة

لان سبب رفع الاسعار هو تكلفة التأمين علي الملاحة
كمان رئيس شعبة المخابز كان علي اكسترا امبارح بيقول انهم طلبوا من وزير التموين رفع اسعار العيش
بنسبة 15%
لكن وزير التموين قالهم بعد اسبوع هرد عليكم 🤷🏻‍♀️🤷🏻‍♀️

ف ارتفاعات الاسعار عارفينها و متوقعينها
التضخم عارفينه
رفع الدعم عارفينه

ايه الجديد 🤷🏻‍♀️🤷🏻‍♀️

♦الحروب اللي دايرة قائمة كله بالاتفاق
و اسعار النفط ما بين الصعود و الانخفاض
و بورصة تداول منصات الغاز بردو بين الصعود و الانخفاض

♦التنبيه اللي نبهه بريطانيا و فرنسا عن تخزين الغذاء
سببه لا حرب نووية ولا غيره
و مكنش الدولتين دول بس
اكتر من دولة اوروبية نبهت نفس التنبيه

🔸السبب هو ما فعلته روسيا في اوكرانيا ال 3 ايام الماضية
روسيا في ضربة انتقامية
ضربت مراكز معالجة البيانات
و بعض اماكن السيرفرات في اماكن متفرقة في اوكرانيا
و السيرفرات دي مش كلها خاصة ب اوكرانيا
في دول مأجرة عندها
زي لاتيفيا و استونيا

اللي حصل ان كان مسرب معلومات ان روسيا هتشن هجوم سيبراني علي كل مراكز البيانات في اوروبا
و ده هيعطل كل انظمة الدفع الالكتروني
و سحب وتحويل الاموال
و الحركات البنكية و المصرفية

و لما انضربت مراكز البيانات في اوكرانيا
تعطلت حركة القطارات و المترو و الطيران في الدول المجاورة
غير انقطاع الكهربا عن 100 الف منزل في كييف
و تعطل انظمة التدفئة و انظمة معالجة المياه كمان

• الدولة الوحيدة اللي اعترفت بتعرض نظامها المصرفي لهجوم سيبراني
هي ايطاليا
و بنك كبير فيها اتسرق منه 925 مليون يورو بواسطة ال AI
وفشلوا في تعقبهم
لكن مفيش اي دولة تانية اقرت بذلك

▪ الدول اللي طالبت بتغيير اماكن السيرفرات ملهاش مكان الا سلوفاكيا
و دي صعب لتحالفها مع روسيا

و لاتيفيا و استونيا و دول البلطيق دي مش مؤثرة في خريطة الاحداث العالمية يعني 🤷🏻‍♀️🤷🏻‍♀️

♦ النخبة المثقفة اللي كتبوا علي صفحاتهم في الفيسبوك انهم راحوا سفارات اجنبية
كانوا بيسألوهم عن توقعاتهم للمجتمع المصري خلال اكتوبر و نوفمبر

هو يافندم احنا گ شعب مالنا 🤷🏻‍♀️
عملوا زي اعضاء مجلس الشعب اللي بيشتكولنا همهم علي الفيسبوك

المفروض كانوا توجهوا لمقر من مقرات الامن الوطني او المخابرات العامة
و بلغوهم باللي حصل
و بتحليلهم للموقف
انما استدعاءات في سفارات اوروبية و عربية و لاتينية
ايه لاتينية دي
هي امريكا اللاتينية فايقة لحد 🤷🏻‍♀️🤷🏻‍♀️

حضراتكم ده ميخصناش گ شعب
يخص الاجهزة الامنية
و ده كان دوركم
بتفضفضوا معانا مثلا 🙄🙄

🔹و اعتقد ان لو هؤلاء الاعلامين عندهم معلومات ستؤثر في الشعب سلبا
بدل ما تقعدوا تولولوا
تقدموا حلول
تنصحوا الحكومة انها تتخذ اجراءات لتلافي هذه الاثار السيئة و السلبية
تستضيفوا ناس تقدر تدعم الحكومة بحلول و خطط تساعدها

انما الايام القادمة صعبة و مخيفة و مشفتوش حاجة
هاااااا وبعدين
انا گ مواطن اعمل ايه مفهمتش 🤔

هل انزل اتكالب علي السلع عشان اخزن طيب 🤔
الناس معهاش فلوس حضرتك تجيب لوازم الاسبوع اساسا 🤷🏻‍♀️🤷🏻‍♀️

هتطرحوا مشكلة .. اطرحوا معاها حلول
اخدوا بيها اخدوووووا
مخدوش
خلاص " معذرة إلي ربكم " و عملتوا دوركم المنوطين بيه گ اعلام 🤷🏻‍♀️🤷🏻‍♀️

متخفش من اللي جي .. عشان كده كده جي 🤷🏻‍♀️🤷🏻‍♀️

🔵 #التحركات_الصهيونية_في_المنطقة:

بعيدا عن التقليل او التهويل
التحرك اللي تحركه نتنياهو بالأمس في منتهي الخطورة

منتهي الخطورة علي مصر 👌🏻

ذهاب نتنياهو للامارات و لا زيارة سرية و لا غيره
قبل ما يوصل اساسا وكالة الانباء الاماراتية اعلنت عن وصوله

السري في الموضوع هما الاطراف التانية اللي ذهبت للامارات للقاء نتنياهو
وكل طرف يحمل مطالب منه 👌🏻👌🏻

صحف عربية و اجنبية نزلت عناوين .. مجرد عناوين
زي إل فوجليو الايطالية و رويترز و DW الالمانية
و صحف عبرية كمان زي موقع واللا و يسرائيل هيوم

♦التفاصيل بقا
ان مكنش لقاء
دول اجتماعين
🔹الاجتماع الاول مع صدام حفتر :
فاكرين لما قولتلكم حفتر ممكن يتحالف مع الشيطان في مقابل انه لا يترك الحكم هو و اولاده
" الله يمسيك بالخير يا سيادة اللوا عباس و الله .. كنت عارف اوله من اخره 😒😒 "

▪ صدام حفتر راح لنتنياهو من اجل طلب دعمه في ترشحه للرئاسة و الفوز بها

هتقولي و نتنياهو ماله
هقولك متزعم التحركات الصهيونية يا بني 🤷🏻‍♀️🤷🏻‍♀️
و باتفاقاته مع ترامب الامور بيعاد ترتيبها
ف طلبات صدام حفتر
• وقف اعمال لجنة 4 + 4 لتوحيد ليبيا
و يوم انعقادها الاخير في بنغازي
خالد حفتر منع 85 عضو من مؤيدي التوحيد من الحضور بالقوة
احتجزهم في بيوتهم 👌🏻
ف هو محتاج نفوذ نتنياهو عند مسعد بولس
• الاعتراف بالجيش الليبي اللي تحت قيادته بانه الجيش الليبي النظامي
و ما دونه ميليشيات ارهابية
• دعم اسرائيل في ترشحه للرئاسة و هو معاه ضمانات نجاحه
و اسرائيل هتدعمه ازاي 🤔
عادي اما ينجح في الانتخابات امريكا تعلن صدام حفتر رئيس الجمهورية الليبية الشرقية و لا شوف بقا هيسموها ايه 🤷🏻‍♀️

📌 هل نتنياهو يقدر يعمل كده
اااه طبعا .. و هيعمل
عشان بس منعلقوش نفسنا بأوهام و طموحات فارغة

مش محتاجين بقا نقول ان صدام حفتر في المقابل هينفذ وعود ل نتنياهو
▪ مثلا هياخد فلسطينيين سواء من الضفة او غزة
▪ هيعلن التطبيع معاه و علاقات اقتصادية و دبلوماسية
▪ نتنياهو كده ضمن صوت جديد في الامم المتحدة لصالحه عند الاعلان عن الخريطة الجديدة لاسرائيل

🔸 احنا بقا مضمناش شرق ليبيا ليه وقت احكام السيطرة علي حفتر
و سيبناهم يعلنوا نفسهم حكم ذاتي

اااه عشان عشمانين ان ليبيا تتوحد و الشرف اللي في زمن عز فيه الشرف

طب عم عشم حط ايده في ايد شرف وجابوا اسرائيل علي حدودك الغربية كمان 😏😏

انا كنت عارفة و واثقة ان ليبيا هتتقسم
و الامر منتهي
و اي تضييع وقت هو شعارات فارغة ملهاش قيمة
لكن تتقسم تحت سيادة و دعم اسرائيل
دي مصيبة سودا دي 🤷🏻‍♀️🤷🏻‍♀️

🔹الاجتماع التاني :
نتنياهو و وفد رفيع المستوي سعودي
واللا قال يترأسه مسئول البلاط الملكي
و وفد رفيع المستوي اردني

و الاجتماع كان بحضور رئيس اركان الجيش المغربي
ليه حضر 👈🏻 حضرتك المغرب بينها و بين اسرائيل 3 اتفاقيات استخباراتية و عسكرية

📌 طلبات الوفد السعودي :
▪ فرض حماية علي مضيق باب المندب
▪ منع الحوثيين من الاجتياح البري للاراضي السعودية
لأنهم بيجهزوا للهجوم علي جازان
و نتنياهو هيمنعهم ازاي 👈🏻 هيخلي ترامب يوجه له ضربات عسكرية
و اسرائيل كمان تطلع بمقاتلاتها

لو نتنياهو وافق
يبقا اكيد فرض شروطه او مقايضة 🤷🏻‍♀️🤷🏻‍♀️
و اهم ما يطمح اليه 👈🏻 التطبيع

📌 الوفد الاردني بينفذ توصية ترامب للملك عبد الله اثناء لقاءهم في الامم المتحدة
▪ بين نتنياهو و عبد الله خلاف بسبب وقف اتفاقية الكهرباء مقابل المياه

و دي تم عملها سنة 2021 في شهر نوفمبر

اطرافها الامارات و اسرائيل و الاردن
عبارة عن مشروع
الاردن 👈🏻 تنتج الطاقة الكهربية من الطاقة الشمسية بقدرة 600 ميجا وات
اسرائيل 👈🏻 تشتري الطاقة النظيفة و تستخدمها في تحلية المياه
و تدي للاردن 200 مليون متر مكعب من المياه سنويا
الامارات 👈🏻تمويل مشروع الطاقة الشمسية في الاردن و محطة التحلية في اسرائيل
و تاخد ارباح سنوية من الاتنين
امريكا 👈🏻 المشروع اصلا اقتراحها و الدراسات و تقسيم الادوار 👌🏻

في ديسمبر 2023 بعد طوفان الخراب
اسرائيل وقفت الاتفاقية
و جمدت المشروع
و الاردن محتاجة المياه 🤷🏻‍♀️🤷🏻‍♀️

ف ترامب بعتهم لنتنياهو عشان تعاد آليات الاتفاقية للعمل من جديد

بن زايد محضرش الاجتماع بتاع صدام حفتر
و لا الوفد السعودي
لكن حضر اجتماع الوفد الاردني 👌🏻

يعني نقدر نقول ان ابوظبي كانت مكتب نتنياهو لتلقي طلبات اهل دايرته الانتخابية
او رعاياااااه
و اللي ينكر الواقع ده يبقا اهبل قولا واحدا 👌🏻

♦ طب هل الاتفاقات دي هتتم 🤔
كلها هتتم
الصهاينة نفذوا اجندتهم كاملة اساسا في المنطقة
و اللي بيحصل ده الرتوش النهائية

انا كنت قولتلكم لو لم ننتبه لدور ايران
و نلم سبحة الخليج في ايدينا
هيتجهوا للطرف الاخر حتي لو كان خصمك
لأن دي كلها ناس براجماتية
لا يهمها الا مصلحتها و مصلحة شعوبها
و شغل الشعارات بتاع القضية الفلسطينية و الحلول الدبلوماسية و المسارات المش عارف ايه ميفرقش معاها حاااااجة 🤷🏻‍♀️🤷🏻‍♀️

🔸طب و الامارات بتعمل كده ليه 🤔
دي حليف لمصر
معلش نعدل المصطلحات 👈🏻 حليف لمصلحتها الاقتصادية و المالية داخل مصر

انت مفكر نفسك فهلوي
و بتاخد منهم فلوس

لا يا حبيبي
الامارات بنت عندك كيان اقتصادي بعد 10 سنين هيدر تريليونات الدولارات
" انت ملكش فيه حاجة الا الضرايب بالمناسبة " 🤷🏻‍♀️
لييييه 👈🏻 لأنها بتأمن مستقبلها الاقتصادي في غير مجال النفط 👌🏻

و نفس الكلام بتعمله السعودية و الاردن و هتعمله البحرين و سلطنة عمان
مادام مفتاح الاستقرار عندهم في ايد اسرائيل يبقا why not 🤷🏻‍♀️🤷🏻‍♀️

هما مش عايزين حروب
و لا عايزين تعطيل اقتصادي
و لا عايزين تهديد لعروشهم " لانهم ادركوا ان تقسيمات الدول في المنطقة تقودها اسرائيل و بتنجح فيها 👌🏻"
و لاعايزين يوسخوا ارضهم و ياخدوا فلسطينيين يثيروا قلاقل بعد كام سنة و يقرفوهم

🔘 وما تفعله ايطاليا مع مصر ليس ببعيد عن يد اسرائيل :
في 10 ايام ضربتين في الضهر من الاخت ميلوني
📌 الاولي : ضغطها علي البنوك الايطالية بتمويل سد جديد في اثيوبيا ب 460 مليون دولار
اااه السد بعيد عن النيل
لكن ده دعم مادي هي عارفة انه هيصب في مصلحة سد النهضة اللي هيتعمل وفقا لخطة اسرائيل نواة شبكة سدود اثيوبية
🔹قبل اعلان التمويل الايطالي بأسبوع
وزير خارجية اسرائيل قال في تصريح : احنا هندعم اثيوبيا تكون قوة اقتصادية
و هنجبر حلفاء اسرائيل من الدول الاوروبية علي دعمها
و سنوصلها للبحر الاحمر
بعدها ندعت ب ايطاليا 🤷🏻‍♀️
📌 التاني : حكم المحكمة الايطالية انهاردة و بعد 10 سنين
علي ظابط مخابرات و 2 امن وطني بالسجن 10 سنين في قضية ريجيني

القضية اللي كانت اتقفلت سياسيا سنة 2020 .. و الرئيس كان تدخل فيها
لكن كان بيتم خداعنا
و تم فتحها من 5 شهور
و الحكم صدر انهاردة
▪ ايطاليا لن تطلب تسليم التلاتة لأن ده لا يحق لها قانونا
و لا احنا ممكن نسلمهم
▪ لكن هتضع اسماء ال 3 ظباط علي قوائم الانتربول
من غير لف و دوران و عنتريات
دي فضيحة 😒
الظباط دي مش هتتحرك برا مصر خلاص
و لا حتي يطلعوا عمرة

و هندخل في زن ملوش آخر من السفارة الايطالية في مصر
و وزارة الخارجية مبقاش فيها سامح شكري عشان يتعامل ببلطجة سياسية في الموضوع ل لي ذراعهم دبلوماسيا 🤷🏻‍♀️🤷🏻‍♀️

◾ميلوني مش هتعمل كده من نفسها
و صدام حفتر مطقش في دماغه اول امبارح بالليل انه يطلب دعم نتنياهو

ده اكيد في اتصالات و محايلات و تنازلات انتهت ب 👈🏻 طب تعالي
لا ما انت عارف مقدرش اجي اسرائيل عشان العالم الهبلة بتاعت القدس و الاقصي
• طب خلاص تعالي ابو ظبي يا حبيبي 🤷🏻‍♀️

▪ في اثناء الاتصالات دي
نتنياهو بيتواصل مع ميلوني
انها تقدم السبت
عشان تلاقي الأحد بجنة ليبيا اللي هتموت عليها 🤷🏻‍♀️

و بكده يبقا ميلوني حققت اكتر من بونت ينفعوها في حملتها الانتخابية الجاية
و مش بعيد ان صدام حفتر ياخد مليون و لا حاجة من اللاجئين اللي ميلوني عايزة ترميهم في اي باسكت زبالة عشان تخلص من زن و استجوابات البرلمان 🤷🏻‍♀️🤷🏻‍♀️

📌 حتة اننا من غير المؤمنين بموضوع الشرف في زمن عز فيه الشرف ده
و الله ده معتقدي
من امتي السياسة كانت شريفة و لا اخلاقية

دي مثالية بتاخد اصحابها و تلبس بيهم في حيط
السياسة اصلا فن ممارسة أناقة القذارة 🤷🏻‍♀️🤷🏻‍♀️

🔸طب ومصر هتسكت 🤔
و الله براحة الرئيس بقا
احنا اتسحلنا في الارض سحلة في غزة و زفت
خلت كل المسامير اللي في الارض تجرح جسمنا
سواء داخليا او خارجيا

لا يسعنا غير اننا نقول ليس لها من دون الله كاشفة 🤷🏻‍♀️🤷🏻‍♀️

🔘 علي طريقة احمد ابو كامل في فيلم شادر السمك
خالد حفتر بيحتجز النواب في بيوتهم و بيمنعهم من الحضور

لأن النواب دول عايزين توحيد ليبيا
و ده معناه عزل خليفة حفتر و ابناءه و عدم حصول صدام حفتر علي الرئاسة 🤷🏻‍♀️🤷🏻‍♀️

♦ ها وقد فازت مرشحة اسرائيل برئاسة الوزراء في المغرب
🙄🙄🙄🙄🙄🙄🙄

حزب الاصالة المعاصرة بتاعهتثا بيتلقي دعم شهري من وزارة المالية الاسرائيلية لانه حزب صديق

لا هي 2026 تشطب علي كده بقا و نعمل الكريسماس يوم 11 اكتوبر 😒😒

♦ اللهم لك الحمد
حمد الله علي سلامة ولادنا البحارة

شكرا و ممتنين لكل فرد ساعد في أعادتهم 🙏🏻🙏🏻