🔵 #خطة_ترامب_لأوكرانيا:

بعيدا عن مهاترات السوشيال ميديا عن الحرب الروسية الاوكرانية
الاول ناخد التطورات اللي حصلت
و بعدين نتطرق لخطة ترامب 👌🏻

🔘 اخر التطورات :
هنقسموها لجزئين
الجزء السياسي .. الجزء العسكري
🔷🔶 علي الصعيد العسكري :
📌 تقريبا روسيا انتهت من تحرير الدونباس تماما
و كمان بتتقدم داخل اوكرانيا نفسها
مش الشرق فقط

يعني امبارح اعلنت وزارة الدفاع الروسية تحرير كوبيانسك
و كذلك بوكروفيسك
و تم الانسحاب الكامل للقوات الاوكرانية من زابورجيا

كوبيانسك في خاركوف
ف احنا كده بنتحرك في اتجاه العاصمة
بالاضافة لتمركز القوات الروسية في خارج خاركوف نفسها
ده اسمه وضع الكماشة 🤷🏻‍♀️🤷🏻‍♀️

علي الارض .. الشرق الاوكراني بأكمله تحت السيطرة الروسية

اي مكان بتخرج منه مسيرات تهاجم ارض روسية سواء من اوكرانيا او من غيرها .. بيتم مهاجمته فعلا و فورا 👌🏻
▪في 7000 جندي اوكراني محاصر
علي وشك الاستسلام
زي ال 12000 بتوع الاسبوع اللي فات ... و لكن زيلينيسكي اعطي اوامر تصفيتهم حال استسلامهم .. و بوتين رفض تصفيتهم وطلب اسرهم
▪بوتين سلم اوكرانيا 4000 جثة
في حين ان زيلينيسكي سلم ال 420 اللي عنده 🤷🏻‍♀️

الدونباس كلها + القرم كلها + خاركوف + خريسون + ماريوبل + اوديسا + زابورجيا
مع بوتين
ده ابسط رد علي تخاريف روسيا المهزومة 🙄
لو كانت منتصرة بقا كان راح اخد ألمانيا مثلا 😂

▪بوتين اتحرك امبارح بنفسهو بالزي العسكري لمنطقة القتال الغربية لحضور رفع العلم الروسي علي كوبيانسك و بووكروفيسك سعادتك 🤷🏻‍♀️🤷🏻‍♀️

♦علي المستوي السياسي بقا :
تعالوا نشوف روسيا المتقزمة المعزولة 🙄
و چيلان قاسم لما بترصدلك واقع
بتجيب وقائع و تواريخ و ارقام
مش بتحكيلك حدوتة قبل النوم من خلال اراء شخصية بحتة 🤷🏻‍♀️🤷🏻‍♀️

ف تعالي نستعرض شوية تقزم و عزلة كده 🙄
📌 اشتراك روسيا في معرض دبي للتسليح في الامارات
و مشاركتها بجناح كامل هو اكبر جناح تقريبا
عرضت فيه المقاتلة su57E ومنظومة مسيرات اسمها الضباب و ماكيتات لصاروخ اورشنيك
و عملت عقود كويسة جدااا
من بينها دولة عربية اشترت 2 من مقاتلات السوخوي " لكن لم تعلن عن اسمها "

📌 روسيا المعزولة عملت منتدي اسمه " بريكس - اوروبا "
في الاسبوع التاني من نوفمبر تحديدا بتاريخ 14/ 15 نوفمبر
في مدينة سوتشي الروسية
▪ حضر المنتدي 14 نائب من برلمان الاتحاد الاوروبي
و 6 ممثلين عن حكومات بعض دول اوروبا
منهم فرنان كارترايزر عن حكومة لوكسمبورج .. و نائب في البرلمان الاوروبي كمان
و بينتمي لكتلة الممولين للاتحاد
▪المنتدي ناقش استمرار تدفق الغاز للدول الاوروبية الغير قادرة علي الدفع الكاش لامريكا
ناقش كمان التعاون في مجال الصحة
و اعلنوا مشاركتهم في اسبوع الثقافة الروسي اللي بينعقد قبل اعياد الكريسماس

و من مخرجات المنتدي 👈🏻 المجر و سلوفاكيا رفعوا العقوبات عن روسيا
و هيعقبهم يوم 28 نوفمبر رومانيا
و يوم 29 فنلندا هتبدأ التوجه لموسكو للتفاوض في العقوبات
و بالمناسبة المنتدي ده حضره السفير راجي الاتربي ممثل رئيس مصر في بريكس
و اتعرض فيه الحصول علي صفقات كتير من دول بريكس لدول اوروبا برعاية روسية 🤷🏻‍♀️

📌 كمان روسيا المعزولة
نظمت احتفالية الطاقة مع شرق اسيا في حضور وزير خارجية الهند و ممثل عن الخارجية الصينية
لتوسيع قاعدة عملاء الصين و الهند في توزيع الغاز و النفط الروسي

📌 كمان روسيا المعزولة
قام ارفع مستوي للوفود العسكرية و الدبلوماسية في روسيا و علي رأسه شويجو
بزيارة مصر و سلطنة عمان
زيارة مصر اتكلمنا عنها
و سلطنة عمان انتهت ب 5 اتفافيات اقتصادية و تعاون في مجال الطاقة

و بالمناسبة بوتين قرر يصنع فيرچن من السوخوي في دولة من دول الشرق الاوسط
تملك مصانع حاليا لتصنيع اسلحة الجو و انتجت نماذج مسيرات متطورة و و بتنقل تكنولوجيا من كوريا الجنوبية و الصين
حاولت اعرف اسم الدولة .. انه يقوووول ابدا 🙄
لكن الخبر اعلنته وزارة الدفاع الروسية علي قناتها علي تليجرام 🤷🏻‍♀️🤷🏻‍♀️

📌 مؤسسة يوروكلير المالية الخاصة بتشغيل اموال الاتحاد الاوروبي بصدد رفع قضية علي الاتحاد الاوروبي و تخص بالذكر اورسولا فون دير لاين
بسبب 👈🏻 سرقتها ل 6 مليار يورو من حساب عوائد الاصول الروسية المجمدة و تحويلها لاوكرانيا
و بتتهم فون دير لاين انها بتاخد رشاوي في شكل نسبة من المساعدات المالية دي

المؤسسة دي مكانها بروكسل في بلجيكا
و بناءا عليه الصين و الهند بدأت تبيع اسهمها في الاتحاد الاوروبي و القيمة السوقية للمؤسسة انخفضت للنصف 🤷🏻‍♀️🤷🏻‍♀️

♦ممكن بقا نتكلم عن فضيحة زيلينيسكي المالية

و المافيا اللي عاملها من اموال المساعدات
و استقالة وزيرة الطاقة الاوكرانية سيفيتلانا جرينشوك بسبب نفاذ مصادر الطاقة
و اغراق اوكرانيا في الظلام
و ان فلوس المساعدات في مسئولين بارزين في الاتحاد الاوروبي بياخدوا عمولات مقابل صمتهم علي تحويل المساعدات لحسابات شخصية تخص زيلينيسكي و عائلته
📌 و ده دفع فرنسا - المانيا - المجر - هولندا - النمسا - التشيك - بولندا
لوقف التمويل 🤷🏻‍♀️

و لما راح زيلينيسكي لفرنسا يطلب منه تسليح
قاله هديك 100 طيارة رافال
بس صفقة هتدفع تمنها و اول تسليم 2032 🙄


🔸طب هو ليه مش قادر يروح بريطانيا او المانيا 🤔
لان ميتريتس و ستارمر يواجهان خطر الاطاحة بهماااااا

▪الالمان شايفين ميتريتس لم ينجح في شئ سوي الاقتراض " و ده شئ مرفوض عند الالمان بسبب كبر حجم اقتصادهم 🤷🏻‍♀️ "
وفشل في كافة الملفات
و انهم هيواجهوا شتاء مرعب
▪و ستارمر واخد بريطانيا و ضارب بيها غطس في نفق مظلم 🤷🏻‍♀️

🔸جمهورية التشيك بعد نجاح اليمين من يومين اعلنت التخلي عن اوكرانيا ماليا
و العودة للغاز الروسي و الحبوب الروسية
و دي كانت صدمة ل فون دير لاين 🤷🏻‍♀️🤷🏻‍♀️

🔷🔶 نيجي بقا للخطة الترامبية :
نشوف بقا روسيا المهزومة المتقزمة

ترامب قرر انه ينهي العبث ده مع بوتين لانه لو صبر شوية بوتين هياخد اوكرانيا كلها

لأن في اصوات كتير بتتظاهر ضد زيلينيسكي و فساده و بتطالب بمحاكمته
و العودة الي الحضن السوفيتي

و ده هيفتح علي امريكا باب مش هيتقفل ... و هيؤذيهم لو عاد الاتحاد السوفيتي 👌🏻👌🏻

♦خطة ترامب عبارة عن 28 نقطة :
منقسمة لعسكرية .. اقتصادية .. اجتماعية .. سياسية
احنا مش هنستعرضهم كلهم
لكن هنركز علي كام نقطة :
▪شرق اوكرانيا كله هيروح لروسيا
و الامم المتحدة هتعترف بده و مجلس الامن
▪محطة زابورجيا هتتقسم الطاقة المنتجة منها 50% روسيا .. 50% اوكرانيا
▪هيتم الاطاحة ب زيلينيسكي و تتعمل انتخابات خلال 100 يوم من وقف اطلاق النار
▪رفع العقوبات عن روسيا
▪ الاجزاء المتبقية في اوكرانيا هيتم اعادة اعمارها بتمويل 100 مليار دولار من الاتحاد الاوروبي و 100 مليار من اوكرانيا
و روسيا و امريكا هيتشاركوا في مشروعات استثمارية فيها بجزء من اصول روسيا المجمدة " اللي هما تقريبا 645 مليار دولار "
▪عودة روسيا لمجموعة الثمانية " ما هي كانت G8 وبعد الحرب بقت G7 "
▪اقرار عدم الانحياز في الدستور الاوكراني و منع ضمها للابد الي الناتو او الاتحاد الاوروبي
▪اقامة منطقة عازلة تحت سيطرة القوات الروسية
▪تجميد الهجوم في خيرسون و زابورجيا ووضعها تحت السيادة الروسية
▪تكوين مجلس سلام برئاسة ترامب مقره كييف لمراقبة الفساد و السرقة الاوكرانية و الاطاحة بالمسئوليين الحاليين

ده انت مهزوم جدا يا بوتين
ايه الانهزام ده كله 🤔
" ما اللي يخلي محللي البسطرمة يعتبروا ضياع غزة انتصار .. يبقا اكيد ده هزيمة بالنسبة لهم 😂 "

📌 ايه بقا اللي بيحصل دلوقت 👈🏻 زيلينيسكي بيتفاوض مع روبيرو انه يخرج خروج آمن بالفلوس اللي سرقها
و يسيبلهم اوكرانيا يتصرفوا فيها براحتهم 🤷🏻‍♀️🤷🏻‍♀️

♦توقعاتي للخطة دي :
هيتم قبولها
برغم انها تجاهلت وجود الاتحاد الاوروبي تماماااا 😂
لو زيلينيسكي رفض .. چي دي فانس هيسلمه لبوتين
و بكده السيادة الروسية هتعلن علي اوكرانيا كلها
و امريكا تدخل في مفاوضات انسحابها من بعض الاراضي و يتعمل دولة علي الضيق كده 🤷🏻‍♀️🤷🏻‍♀️

▪بند رفع العقوبات تدريجي هيناهد فيه بوتين عشان تترفع مرة واحدة
▪هيرفض العودة لل G 8
▪الاتحاد الاوروبي هيرفض دفع ال 100 مليار دولار
و بكده هيضطر ترامب يجيب ناس تانية تدفعهم
🤷🏻‍♀️🤷🏻‍♀️🤷🏻‍♀️
لكن زيلينيسكي مش هيرفض
لانه لسه من ساعتين اتنين بيقول للشعب في خطاب الجمعة " اللي هو بيطل يهذي عليهم كل جمعة كده " 👈🏻 يؤسفني ان اخبركم اننا سنواجه الايام القادمة خيارا صعبا جدااا و لكننا مجبرين عليه لحماية الارواح " اتكسف يقولهم روحه هو و اهله و عشيرته 🙄 "

و بالنسبة للهذيان بتاع وزيرة الدفاع الفرنسية عن حرب محتملة مع روسيا
و استعدوا لخسارة ابناءكم ايها الفرنسيين 👈🏻 اهو الفرنسيين بنفس ذات ايها طلعوا لها يدوها بالجزمة نااااو و يطالبوا بعزلها هي و الحكومة اللي مكملتش شهر 🤷🏻‍♀️🤷🏻‍♀️

انتصر بوتين و انهزم الغرب كله سياسيا و عسكريا و اقتصاديا

انه ابو البتابيت يا سادة قيصر الكوكب ... و لا عزاء للحلمبوحة 😎😎

🔵 إلي من أعتبره مثل أبي " و اعذر لي اني لم اقل ابي .. لأنني لم أري يوما لي أب سوي الرجل الذي يتشرف اسمي بالالتصاق باسمه " ... و لكني لم أراك يوما إلا مثل الأب

و لو أنني من مدرسة أن رئيس الجمهورية لا يجب اعتباره أب للمواطنين بل هو جزء من التكوين السياسي للدولة

و لكن منذ العام 2012 وجدتك تأخذ مصر خلف ظهرك و تزود عنها كما كان يفعل معي أبي .. تقسو عليها الجماعة الماسونية اللعينة التي حكمتها عام كامل ف تضمها إلي صدرك مربتا عليها في حنان كما كان يفعل معي ابي كلما قست عليا الايام .. تتحرك بين الحياة فخورا بها و مشيدا بصلابتها في مواجهة أعاصير القدر مثلما كان يشيد أبي بصلابتي
ف رأيتك أب لها و لنا

الفارق الوحيد هو أن ابي لما يكسر لي خاطر يوما ... بينما كسرت أنت خاطر ابنتك تلك

أنكرت عليها صبرها و ايمانها و تضحياتها في ستر الله عليها
و ألصقت بركتها بحثالات الشعوب

🔸هل جزاء الاحسان إلا الاحسان يا سيادة الرئيس
جميعنا يخذلنا اللسان أحيانا
جميعنا تخوننا التعبيرات أحيانا
و ربما نصل إلي كسر الخاطر بكلمة نتفوه بها نظن أنها ربما ترأب صدع ما .... فتزيد الهوة اتساعا

🔹سيادة الرئيس /
البركة في ابنتك الحزينة
سببها :
▪الرجال الاطهار الذي سالت دماءهم الطاهرة في كل شبر من أرض مصر شرقا في سيناء الحبيبة او غربا في الصحراء الغربية
قدموا دماءهم بنفس آمنة مطمئنة .. فنالوا الشهادة في سبيل الوطن فرجعت تلك الأنفس الي ربها راضية مرضية فادخلهم الله في عباده و ادخلهم جنته ... و ادخلنا في بركة الدم الطاهر
▪ابناءهم ... ابناء هؤلاء الذي باعوا أرواحهم للوطن .. فربحوا البيعة
هل تتذكر ابناء الشهداء سيدي الرئيس
هل تتذكر الطفل ابن الشهيد محمد الأكشر الذي ابكاك في حفل تكريمهم
قال بالنص " أنا ملحقتش اشوف بابا لكن تيتة وماما حكولي عن بطولاته .. تيتة قالتلي بابا عمره ما خاف "
هذه الجدة التي تملك القوة لتحكي لحفيدها عن فلذة كبدها الذي ودعته شهيدا و استكملت حياتها بسكين غائر في قلبها .. رضاها عن تضحية ابنها هي سبب البركة
الابن الذي ارتضي ان يكمل حياته يتيما و حرم لسانه من نداء " بابا " منحنا البركة بذلك الفضل علينا
▪ذوي الهمم .. ملائكة الله في الأرض
و الذي يطاردونك بدعواتهم الحنونة و يدعمونك ببراءتهم
هل تعلم سيدي الرئيس ان واحدة من الدعوات التي لا ترد هي من ألسنة لم تعصي الله
و لأنهم رفع عنهم القلم فلا عصيان عليهم
ف دعواتهم لك بالستر هي سبب أن سترك الله
رحمة الصغيرة التي احتضنتك و قالت " ربنا يسترها معاك يا حبيبي " ف أبكتك و أبكتنا
و تمنيت من الله أن اقابلها لتدعوا لي مثل تلك الدعوة ف لا أضام بعدها أبدا
▪الحاجة زينب الملاح ... عجوز مصرية من الريف المصري الطيب
سمعت أن مصر تمر بضائقة مالية
فجائت إليك تحمل كل ما تملك في الدنيا ... قرطها الذهبي الذي تؤمن به كفنها ووضعته في يدك
و وضعت معه بركة عجزها و شقاءها في سنين مرت من عمرها هي نفسها لا تعرف كيف عاشتها
▪ضباط و معاشات القوات المسلحة و عائلاتهم المرضي .. مستحقي العلاج الشهري
الذي لم يعد متوفر لأنه يذهب الي المساعدات
و لكنهم صابرون صامتون
يرون في صبرهم و تحملهم لشراءه من خارج مستشفيات القوات المسلحة دعم لك و سند لك في فرض سيادتك علي جيران السوء
يخرجون من ميزانية طعامهم و كفافهم الي شراء حقهم بطيب نفس و رضا من أجلك .... فمنحوك البركة
بركة رضاهم و صبرهم
▪لم نعد نراك بشوارعنا يا سيدي
ربما لو تذكرت عامل الديلفري و زوجته و ابناءه و ابتسامتهم حينما استوقفتهم
لتذكرت ان البركة في تلك الابتسامة الراضية و في دعاءه لك " ربنا يكرمك يا ريس "
هل ذهبت الي مخبز بلدي في حي شعبي
انصحك بالذهاب و لو مرة
و انظر في تلك الوجوه
انظر الي صبرها في العينين
و الي الرضا في الملامح المتعبة
و استرق السمع لأنينهم .. سيدهشونك حينما ينهوا حديثهم بجملة " الحمد لله احنا احسن من غيرنا وعايشين في نعمة " هذه هي البركة بعينها
▪احصائيات عام 2025 الي اليوم
تشير الي أن عدد النساء الأرامل في مصر يتراوح بين 3.8 الي 4 مليون ارملة
هل تعلم سيدي الرئيس أنهن يعشن شريفات
ف أنت أعلم مني بأن الزنا يورث الفقر ... و لأنهن مستورات بفضل الله و يعيشن في رضا
فيشهد لهن الله بالشرف
و نعيش نحن في بركة ذلك الشرف الممزوج بالاحتياج و العوز و الوحدة و مشقة تربية الاطفال وحيدة في مواجهة هذه الحياة الاثمة
أنا اعيش ببركة عفيفات مصر من الارامل و كذلك أنت و جميعنا
▪الشباب العامل في القطاع الخاص بفتات الرواتب و لا قوانين تحميهم و لا مؤسسة تضمن لهم حياة آمنة
و لكنهم يصرون علي كسب رزقهم بطريق حلال رغم كل التزاماتهم .... نحن نعيش ببركة ذلك الحلال الذي اختارونه

▪ كبار السن و اصحاب المعاشات
هؤلاء الذين كلما تقدم بهم يوم .. فقدوا جزء من رفاهيتهم و كفافهم
ف المعاشات التي لم تعد تكفي روشتة الدواء المصاحب لهم بسبب أمراضهم المزمنة و لا زيارات الطبيب الذي تجاوز كشفه الألف جنيه
و لكنهم يغمرونك ببركتهم
يحملون ما تبقي لهم من جهد فوق عصا أنهكتها الايام ... و يذهبون لانتخابك و يشكلوا قوة ضاربة أمام اللجان يتباهي بها اعلام ضال بعد ذلك
يربتون علي أكتافنا و ينصحوننا بمزيد من الصمود و الصبر من أجل وطننا
تلك التربيتة البسيطة هي كل البركة


ما سبق هو عتاب من عشم
عتاب ابنة جرحها أب
و حاشاني أن اتجرأ و أعوق أبي وحاشاك أن يتجرأ عليك أبناءك

📌 اما القادم هو اضاءة الضوء الاحمر المزعج الصاخب
سيادة الرئيس /
ابناءك من الشعب الصابر الصامد المحب لوطنهم ... لم يعودوا في حاجة لبركة اللاجئين " الضيوف "
▪ف علي وزارة الداخلية ان تخبرك ان عدد قضايا الاتجار في المخدرات في العام 2025 فقط 1017 قضية أبطالها " الضيوف البركة " بقيمة مالية تجاوزت ال 6 مليار دولار
و هناك عرف في الشرطة أن المضبوط يمثل 1 : 10 من الكميات التي دخلت الاسواق
اي ان حجم المخدرات التي ابتلي بها ابنائي من بركة اللاجئين تجاوزت ال 60 مليار دولار
▪هل هناك متسع من الوقت لينزل رجالك الي مدينة الشروق و مدينتي و مدينة نصر و مصر الجديدة و ميامي و سبورتنج و سموحة
لرصد عدد البركة المتحصلة من بلطجة الضيوف علي النساء و الفتيات و الاطفال و التعدي عليهن بالاسلحة البيضاء
و تعاطي المخدرات و تدخين الحشيش في مداخل العقارات
▪لماذا تتكتم الداخلية علي حالات السرقة بالاكراه و السطو علي المحال و المساكن
في وقائع ابطالها اللاجئين
و التي تخطت ال 700 واقعة في العام 2025 فقط
▪سيادتك تعلم جيدا أن رأس المال بلا قلب
ف لتجوب مصانع العاشر من رمضان و السادس من اكتوبر و العبور و برج العرب
ستجد أن الضيوف يحتلون الوظائف و العمالة ... بينما ابناء هذا الوطن يعانون البطالة
لماذا 👈🏻 لأن اللاجئ يقبل الراتب القليل الذي يعود بالنفع علي صاحب العمل .. ف هو يملك العديد من مصادر الدخل
تتسول ابناءه في الشارع .. تعمل امراءته في البيوت
يعيشون 5 عائلات في شقة واحدة دون حياء
بينما العامل المصري لا مصدر له سوي عمله و يستر عورة بيته و حرمة زوجته و ابناءه في شقة يتحمل أجرها وحده .. و يواجه وحده غلاء المعيشة ف يكون جزاءه البطالة حتي يحتل اللاجئ مكانه
▪انا اعلم جيدا أن حكومتنا المبهرة لا تخبرك بإخفاقتها
استئجار العقار في مصر يواجه كارثة بسبب بركة اللاجئين
الوحدة تؤجر ب 10 اضعاف قيمتها
مما يرهق كاهل المصري ف لا يستطيع استئجارها
و لكن قطعان اللاجئين الذين يعيشون سويا في وحدة واحدة يستطيعون

هل انت سعيد سيدي بإنخفاض عدد المواليد المصريين
الامر غير مرتبط بوعي و لا يحزنون
الامر مرتبط بكارثة العزوف عن الزواج بسبب تكلفته
و بينما أنا مطالبة بتحديد النسل و أن اتبع ثقافة طفلين
ضيوف سيادتك ينجبون ما بين 6 الي 8 اطفال

📌 سيادة الرئيس /
▪ حصة مياه النيل 55.5 مليار متر مكعب من المياه
تقسم علي عدد افراد الشعب
انت تمنحهم 17% منها اي انهم يحصلون علي 9.435 مليار متر مكعب .... من حقي و حق ابنائي دون موافقتنا
▪الدعم الذي يؤرق سيادتكم و الذي يصل ل 600 مليار جنيه
يذهب 17% منه للضيوف
اي انهم يحصلون علي 102 مليار جنيه دعم .... من حق الشعب المصري الفقير ... من حق هؤلاء الذين استكثرت عليهم حكومة سيادتك حافز غلاء 300 جنيه و منعتهم منه للعام الثاني علي التوالي كان يصرف في اكتوبر
▪علي لسان السيد رئيس الوزراء ان الضيوف يكلفون مصر 10 مليار دولار سنويا
بينما الدعم الذي يسبب غصة لسيادتكم تكلفته 12.76 مليار دولار
" فبأي آلاء ربكما تكذبان "
20 مليون ينفق عليهم 10 مليار دولار
بينما 120 مليون يدعمون و يكرمون و يراضون ب 12.76 مليار دولار


ثم بعد سنوات نجدهم يحكموننا
و نتحول نحن للعبيد و هم للسادة .. فلم نجد من يحنو علينا في اوطاننا 🤷🏻‍♀️🤷🏻‍♀️

📌 سيادة الرئيس /
ليس كل الخير خير
ف ربما خيرا نظن أننا فاعليه
و هو الشر نفسه
و ربما صدقة نخرجها عن أنفسنا
و هي في طياتها تؤذي المتصدق عليه
و كذلك فعلت
ف قد أفرغنا دول الجوار من أهلها حتي باتت الأرض عارية .. لا أحد يستر عورتها و لا أحد يغطي جسدها المنتهك

لم نصفي القضية الفلسطينية بقبول التهجير ... و لكننا شاركنا في تصفية دول أخري
و كأن الحرام علي اسرائيل حلال علي من سواهم 🤷🏻‍♀️


اعلم جيدا ان استراتيجية سيادتك في هذه المرحلة .. أن تمتص غضب المواطنين
بأن تلصق بنفسك كل ما يغضبهم من فشل الحكومة
معتمدا علي رصيد محبتك لدي الشعب ... و ان لك مكانة خاصة في قلب كل مصري اصيل يحب وطنه و يعتبر سيادتك اصل من أصول هذا الوطن

و لكن عشما منا ابناء هذا الوطن الصامد
لا تقسو علينا هكذا
لا تذبح كبريائنا بكلماتك
لا تنكرنا و كأننا لم نفعل شيئا لأجل هذا الوطن

رجاءا انتبه لنا
و اغفر لي ان تسببت في ضيق او تجاوزت في شئ
ف لو كنت كتمت غيظي داخلي كنت سأمرض حقا
و يكفيني كل ما بداخلي يمرضني

أعانك الله سيدي الرئيس
ومنحك دعوات المصريين الاطهار و جل دعواتهم هي البركة بذات نفسها 🤲🏻🤲🏻

🔵 صباح الخير عليكم :
فاكرين العركة اللي دخلتها مع الواد ده
و حلفت لكم انه مش ظابط

و دخل باص ال " مصطفي " الترددي القناة عشان يرددوا كلامه هو و بالبغل ابو قناع و يطعنوا في الجيش استنادا لكلام الرائد ايمن الكاشف .. رائد الصاعقة اللي نفسه الشعب ينزل يكسر الشوارع عشان عنده معلومات من زوووملاؤووه الظبابيط انهم هيطيحوا بالريس😂

📌 وبعد قليل من الاسئلة في اليومية العسكرية و اما قولتله انت يالا مدخلتش جيش اصلا و لا شوفت فيلم عبود ع الحدود حتي .. راح حظرني و جابلي حظر يوتيوب 48 ساعة

اتفرج يا سلام
الباشا الظابط اللي متقطع في الكتيبة موجود في بريطانيا .. و داخل من اب ستور تركي

فهمتوا لما قولتلكم مفيش حاجة اسمها الظابط الملثم و لا المتمرد و لا الهبد ده

يا باشا انت لو ظابط في الخدمة .. في ربع ساعة هيتجاب هو كتيبته ووحدته و اللوا و الفرقة بتوعه 🤷🏻‍♀️🤷🏻‍♀️
تليفوناته دي تتركب في فيمتوثانية و يتعرف بيدخل التواليت كام مرة في اليوم
الجيش مفيهوش القرف اللي في حياتنا المدنية اللي عاملة زي بلاعات الصرف الصحي 🤷🏻‍♀️🤷🏻‍♀️


و بهذه المناسبة:
احب اشكر الاخ الحبيب المحبوب ايلون ماسك علي الفضيحة اللي فضحها لهذه العناصر الغبية 😂😂

🔵 #عودة_الصراع_مع_المأجورين:

📌 چيلان شوفي كده البوست ده
هات البوست
( مصر اقترضت 2520 مليار جنيه في شهرين و علينا فوائد ديون في 2026 .. 30 مليار دولار و الدين العام 161 مليار دولار )

🔹هو اول سطر بس كفيل انه يضحكك
مليش دعوة مين اللي بيروج الكذبة دي ومش عايزة اعرف
خلينا في الارقام
▪مبدئيا : 2520 مليار جنيه = 53.6 مليار دولار علي حسبة الدولار ب 47 جنيه

ايه الجهة اللي اقرضت مصر 53.7 مليار دولار دي 🤔

حبيبي انا لو الحكومة بتاعتنا عندها القدرة انها تجيب المبلغ ده قروض في شهرين ... كان زمان صندوق النقد بيجري وراك تديره 🤷🏻‍♀️🤷🏻‍♀️

💫 ولو دي اموال ساخنة
ده انا ابعت ورد و شيكولاتة لمدبولي علي مكتبه 🙄
اجمالي الارقام الساخنة في مصر حاليا 34.5 مليار دولار
كلها علي بعضهااااا 🤷🏻‍♀️🤷🏻‍♀️

▪وايه 30 مليار دولار خدمة دين دي 🤔

انا الصراحة مبحبش أرد علي الارقام في نفس ذات اللحظة .. عشان لغة الارقام تحتاج دقة و مصداقية

♦شوف يا عزيزي :
اجمالي الدين 161.2 مليار دولار
🔸 المطلوب مننا سداده في 2026 :
مبلغ 29.19 مليار دولار

جه منين :
▪اجمالي مستحق 26.25 مليار دولار
مقسمين الي :
فوائد " خدمة دين " بقيمة 5.15 مليار دولار
و اقساط بقيمة 21.75 مليار دولار
تم زيادتهم بقيمة 0.28 مليار دولار
ثم 1.34 مليار دولار في اخر اغسطس 2025
ثم 1.32 مليار دولار في 15 اكتوبر 2025

🔹ايه الزيادات دي
او ايه معني زادوا بكذا ثم بكذا 🤔
دي حضرتك السندات و اذون الخزانة اللي بتصدرهم وزارة المالية و يعد دين قصير الاجل مدته لا تزيد عن سنة
لذلك يستحق السداد في 2026 👌🏻

📌 الشيء الكويس
ان من اجمالي المبلغ 29.19 مليار دولار
في وديعة سعودية بقيمة 5.3 مليار دولار مستحقة السداد في ابريل 2026
و دي بيتم تجديدها
يبقا احنا المفروض هنطرح قيمة الوديعة من اجمالي المبلغ
يبقا مطالبين بسداد 23.89 مليار دولار
" ده لحد انهاردة من واقع بيانات البنك المركزي
لحد يوم 24 نوفمبر 2025 .. لو تم اصدار اي سندات اخري او ادوات دين اخري من الحكومة تضاف علي المبلغ 👌🏻 "

ف انا معرفش ايه ال 53 مليار و 30 مليار فوائد اللي نطوا في وشنا فجأة كده بدون اصل
اي رقم في العاااالم له اصل 👌🏻

▪ف لو قولنا ان الاقتراض في اخر شهرين 1.34 مليار دولار + 1.32 مليار دولار
يبقا 2.66 مليار دولار × 27 جنيه = 125.02 مليار جنيه
مش 2.520 تريليون ابداااا 🤷🏻‍♀️🙄

ده تصحيح الهبل بتاع البوست
واعتقد انه يروح يموت بقا .. كفاية كده قرن ورا قرن تأذي في البشر زي الست اطاطا 😏

مش معني اني مش راضية عن اداء الحكومة الاقتصادي
اني هسكت علي ترويج الاكاذيب 👌🏻
---------------------------------------------------
🔘 طب يا چيلان مش عارف مين عمالين يقولوا اننا هنفلس و هنبيع اعضاءنا 🤔

سبق و قولتلكم قبل كده بدل المرة شخرومية .. الاقتصاد مش وجهات نظر و لا حدوتة قبل النوم
اللي ينزل بوست تحليل اقتصادي خااااالي من الارقام و المعادلات و لما يجيب رقم و تسأله عن اصله ميعرفش يرد
متسمعلوش تاااااني 🤷🏻‍♀️🤷🏻‍♀️

♦ خدوا المفيد منه :
احنا كنا خفضنا الدين من 160.5 مليار دولار الي 154.5 مليار دولار

و رجع قفز تاني القفزة دي
ليه و ازاي :
🔹 ليه 👈🏻 لعدم وجود ايرادات
🔹ازاي 👈🏻 عن طريق زوربيح الادوات المالية اللي بيصدرها كچوك بلا رقيب او حسيب
و عمااااال يصدر في سندات و اذون خزانة و هيغور في داهية .. و يسيب الطين في دقن صحابه 🤷🏻‍♀️🤷🏻‍♀️

📌 بمنتهي الهدوء و الصدق :
المجموعة المالية اداءها المالي زي الزفت
و مبيعملوش حاجة غير انهم يلموا فلوس يدفعوها للديون
و بيستثمروا استثمار سلبي في الدين " يعني بيسد الدين ب دين اخر .. و ده سبب لتفاقم الديون "

حلها ايه 👈🏻 يمشووووا و يتجاب مكانهم money makers ... ناس تعرف تجيب ايرادات
انما ماجستير و دكتوراه التسول مش هيجيب الا ديون
و انا اهو و انتوا اهو
كچوك ده علي ما يمشي هيسلمنا رقم الدين من 164 : 166 مليار دولار 👌🏻

🔹طب ليه كده .. ليه مفيش ايرادات 🤔
لأن الدولة لااااا تملك قطاعات اعمال كبيرة تدخل ايرادات للحكومة تسدد التزاماتها
و تصرف علي البنية التحتية و المشروعات التنموية و منظومة الحماية الاجتماعية
ف بتلجأ اما لتفتيش المواطن بضرائب باهظة تقطم وسطه .. او اقتراض قصير الاجل و ده اخطر من طويل الاجل 🤷🏻‍♀️

🔹 ايه الحل 👈🏻 الاسراع في عمل مشروعات قطاع عااااام

📌 ازااااي يا چيلان .. مش القطاع العام ده بتاع الناس اليااااي اللي مش رأسماليين 😒
ما هو يا فندم الخمسين سنة اللي فاتت اثبتت لحضرتك انك فشلت رأسماليا .. و الرأسمالية فشلت معاك و احتارت و احتار دليلها 🤷🏻‍♀️

لأن النظام الرأسمالي بيعتمد علي :
▪قطاع خاص قوي بيمول خزينة الدولة بحصيلة ضريبية كبيرة
▪رواتب عالية للافراد يقدروا من خلالها سداد ضريبة دخل محترمة مقابل خدمات بيحصلوا عليها
و كذلك خفض الشريحة اللي محتاجة دعم و حماية اجتماعية 🤷🏻‍♀️🤷🏻‍♀️

ف ازمة النظام الاقتصادي المصري انه واقف في النص و بيغني انا مش عارفني انا توهت مني انا مش انا 😏
لا هو اشتراكي و لا هو رأسمالي و لا هو مختلط و لا هو كلي و لا هو افراد
و لا هو اقتصاد اصلا
هو قوائم مالية ونقدية مرصوص فيها ارقام 🤷🏻‍♀️🤷🏻‍♀️
نظام بلا هوية

♦الحل بتاعك سهل جدااا
لكن العناد لمجرد العناد
ونتيجة العناد ده انك عايش علي الاقتراض
الحل 👈🏻 مشروعات تملكها الدولة .. تستوعب عدد كبير من الايدي العاملة
الراتب وفقا للانتاجية
بالتالي هتاخد انتاج كبير .. تقدر تصدر و ترفع صادراتك .. تظبط بيه ميزان مدفوعاتك و تحول العجز لفائض .. يتحول الفائض ده لبند الايرادات في الموازنة .. تزيد ايراداتك .. توجهها لاصلاح هيكل الرواتب و المعاشات .. ترفع من مستوي معيشة الافراد .. تقدر تاخد منهم نسب ضريبية كويسة .. توجهها للمشروعات التنموية و الحماية الاجتماعية 🤷🏻‍♀️🤷🏻‍♀️

صعبة دي يا حبيبي
مش صعبة
بس هو العناااااد في المطلق

♦طب هل مصر هتفلس :
شوف يا سيدي
في مصطلحين :
الافلاس و التفليسة
و شتان الفارق بينهما
▪ الافلاس : انك لم تعد تملك اي دخول او ايرادات او قدرة علي الاقتراض
و مضطر تبيع املاكك " اللي هي اصول الدولة "
زي ما حصل في اليونان كده
و بيحصل في الارجنتين حاليا
▪التفليسة : انك معندكش ايراد حالي .. ف بتقترض بضمان ايراد مستقبلي
" زي بالظبط اما بتضرب تفليسة و تروح تميل علي الحجة تقلبها في قرشين من المعاش لحد اما مرتبي ينزل بس يا امي 🤷🏻‍♀️ "
ده وضع التفليسة

و ده اللي احنا عايشين فيه في مصر
مفيش فلوس في الخزينة .. لكن داخل ايرادات من وزارة السياحة كمان 3 شهور
خلاص هقترض بضمان الايرادات دي
مفيش فلوس لكن بنظبط صفقة علم الروم هتخلص في خلال 4 شهور
خلاص هقترض بضمان الفلوس اللي جاية من الصفقة

و هكذاااا
و لذلك احنا گ مواطنين مش حاسين بأي تحسن .. لأن مثلث برمودا معيشنا وضع التفليسة 🤷🏻‍♀️🤷🏻‍♀️

🔹طب هل هنفلس بقا .. او وارد افلاس مصر 🤔
لا مش هيحصل ان شاء الله

و ده مش مجرد امنية
" الاقتصاد مفيهوش دروشة 🙄 "
لكن :
▪عندنا دخل ثابت من مصدرين السياحة و قناة السويس
اااه بيتأثر نتيجة احداث چيوسياسية لكن لا يتوقف
بيقل لكن مش بيبقا صفر 👌🏻
▪عندنا تدفق استثمارات من عدة دول
و نقل تكنولوجيا
و ده تدفقات نقدية بتدخل
▪عندنا اصول متداولة كويسة
" انواع الاصول اللي بتملكها الدولة :
اصول ثابتة و اصول متداولة "
الاصول المتداولة تقدر تعرضها للبيع و تستفيد من عائد البيع
زي مجمعات المصانع و الورش مثلا اللي تم بناءها و عطلانة لحد انهاردة مش عارفين يدوروها 😒

ف العوامل دي تقف حائل بينك و بين الافلاس
لكن وضع التفليسة مش وضع جيد ابدااا بردوو .. لكن مستقر

وبيحصل في كل دول العالم و بيتظبط و يرجع تاني و يتظبط و هكذا
لكن في مصر يمكن اصلاحه جدااا انما العقبة في الاشخاص و الفكر 👌🏻👌🏻

📌 وفقا لحسابات سنة 2022 اننا في 2026 مطالبين بسداد 16.8 مليار دولار
جه في 2023 رفعها ل 22.867 مليار دولار
بقينا انهاردة مطالبين ب 29.19 مليار دولار

ده بسبب الاستثمار السلبي في الديون .. السياسة اللي بيتبعها المكسحين بتوع وزارة المالية اللي عندنا
سلو وزارة المالية كده 🤷🏻‍♀️🤷🏻‍♀️

لو كانت اي ارقام زي اقتراض 53 مليار و لا فوايد 30 مليار
انا كنت هقول
انتوا عارفني مبسكتش في الاقتصاد و الفلوس
و عارفين اني مش غسالة سمعة زي غسالين السوشيال ميديا
لكن دي بلدنا
الصح نقولوا صح و الغلط نشاور عليه
نختلف مع اداء حكومي اه .. انما نروج اكاذيب تضر بالمناخ العام الاقتصادي و تشكك فينا المستثمرين
دي اسمها خيانة عظمي
و ده رأي فيه من 3 سنين 😒😒

🔵 #التغريد_خارج_السرب:
#الهدنة_السودانية:

مع كامل احترامي لوجهات النظر المتبنية موافقة حميدتي علي هدنة انسانية
انها استسلام و هزيمة
انا مش مقتنعة بالكلام ده
و شايفاه مهادنة غريبة ظهرت في توقيت غريب
اللي هو اعلان اخوان الاردن ولبنان و مصر منظمة ارهابية اجنبية تستوجب اعتقال افرادها علي الاراضي الامريكية .. ومصادرة كافة اموالهم و ممتلكاتهم

ايه ممكن يكون علاقة السودان بالقرار ده 🤔
تعالوا نشوف بعض النقط

📌 علي الارض محدش كسبان
طرفي الصراع خسرانين
و المدنيين جثث لا تعد

🔹مسعد بولس طلب هدنة انسانية من 10 ايام و البرهان بعد ما تشاور مع مرشد الاخوان سيف الله ارباب و عقل الاخوان المدبر علي كرتي و اللي مسيطر علي الجيش
رفض الهدنة و قال هنستكمل الحرب

الحقيقة انا مش هصدق ابدا ان في اي فرع من فروع الاخوان في اي دولة يهمه وحدة اراضيها و سلامة شعبها
و اعتقد انهم مفيش دولة دخلوها الا قسموها و ضيعوها
▪ اللي سلم فلسطين اخيرا لاسرائيل هما الاخوان متمثلين في حماس
▪ اللي دمر سوريا حاليا و قسمها و سلم جنوبها بالكامل لاسرائيل
و بيدبح الاقليات العرقية و الدينية من اجل انفصالات عن الدولة
هما هيئة تحرير الشام
حركة ارهابية متبنية فكر سيد قطب الاخواني القذر و كل الحركات الارهابية في العالم هي من رحم الاخوان اصلاااا
▪ اللي قبض فلوس من باراك اوباما مقابل التخلي عن الشريط الحدودي في سينا ليكون وطن بديل للفلسطينيين
هما جماعة الاخوان في مصر
▪ اللي دمر صندوق الاجيال الاقتصادي الكويتي .. و بهدل اقتصاد الكويت بتمويلات لجهات مشبوهة و جماعات استخباراتية غربية .. ساهمت في غزو و احتلال العراق
كان اغلبية مجلس الامة الكويتي الاخواني
" اللي يمكن معلومة لم تتناقل ان مجلس الامة الاخواني كان عامل رواتب لظباط الاستخبارات البريطانية اللي كانوا مقيمين هناك من اجل حصار استخباراتي للعراق من سنة 1996 لحد سنة الغزو 2003 "

ف الاخوان مش دورهم في المنطقة انهم يحافظوا علي حدود دولة ... دي جماعة ماسونية انشأتها حكومة العالم من اجل جعلها احد اذرع اخطبوط التدمير المستوحش في المنطقة
مع الكيان الصهيوني اللي استولي علي 3 دول ..... مع الشيعة المتمثلة في ايران و اذنابها گ كيان وظيفي اخر

يبقا المنطقة فيها 3 كيانات بتعمل علي تنفيذ اجندة التفتيت 👌🏻
اسرائيل + ايران + الاخوان

🔸بيتعاون اخوان السودان مع ايران
گ العادة 🤷🏻‍♀️
▪ اخوان فلسطين بتدين بالولاء لايران
لدرجة ان اسماعيلهم هنية اتقتل هناك و لم تحرك لهم ساكنة
▪ اخوان مصر لما حكموا
دخلولنا احمدي نجاد و رفع علامة النصر في وشنا كلنا في الازهر
و المخابرات العامة رصدت دخول المجحوم قاسم سليماني و لقاءاته المتعددة مع ابولهب خيرت الشاطر و المرشد

ف ااااه طبعا اخوان السودان بيتاجروا في السلاح مع ايران ..... ايه الغريب في كده

و السلاح ده بيجي من السوق السودا للسلاح
و بينزل للحركات الارهابية في افريقيا
وكذلك انواع معينة بتروح من اخوان السودان للحوثي في اليمن عشان يهدد بيها الملاحة في قناة السويس و مصافي البترول السعودية 🤷🏻‍♀️🤷🏻‍♀️

معلومات قديمة و قولناها قبل كده

♦الجديد بقا اننا نرتبوا البازل :
▪ طرفي الصراع في السودان
طرف بتحكمه ال CIA اللي هو الاخوان اللي بيحركوا الجيش
و طرف بتحكمه ال MI 6 اللي هو الدعم السريع
▪ امبارح ترامب صرح انه هيصنف الاخوان جماعة ارهابية
▪ فجأة انهاردة حميدتي يعلن انه وافق علي هدنة انسانية 3 شهور " و لكنها تبقي من طرف واحد .. و بيتوسل لرباعية الوسطاء يقنعوا البرهان عشان المدنيين يدخل لهم مساعدات يا عيني "🙄
▪ الطرف التاني اللي هو البرهان المدعوم من الجماعة الارهابية وفقا لترامب
رفض رفضا قاطعا الهدنة واعلن قراره باستمرار الحرب
▪ كوووون ان البرهان هيضرب و حميدتي مش هيضرب
كده هيسقط ضحايا من مناطق سيطرة الدعم السريع 🤷🏻‍♀️
▪ جيش مدعوم بحركة ارهابية بيقتل ارهابيين 👈🏻 طبيعي ماما امريكا تدخل تحارب الارهاب ... شرطي العالم و قاضي العالم وجلاد العالم كمان 🤷🏻‍♀️
يتصنف منظمة ارهابية عااادي
" هو طبيعي جيش يتصنف منظمة ارهابية 🤔
اه وحصلت قبل كده في امريكا اللاتينية ... ف مش هيكون طلب غريب علي تصويت الامم المتحدة "
▪ بقت هنا الاية اتقلبت
و المواطنين الابرياء بيتساقط منهم قتلي
يبقا لازم نوصل لورقة المفاوضات اللي مسعد بولس نزل بيها للبرهان
و هي :
📌 هدنة انسانية
📌 حل مجلس السيادة و ازاحة الحكومة الاخوانية
📌 حل الحزب الاخواني المشكل للحكومة
📌 انتقال السلطة لسلطة مدنية من حقها توجيه السودانيين لتقرير المصير

ايه هو تقرير المصير ده سيادتك 👈🏻 استفتاء التقسيم 🤷🏻‍♀️🤷🏻‍♀️
📌 استلام السلطة من البرهان و تحييده
و ده بعد الجيش ما اتدمر تماما


ف احنا امام فيلم نسخة من فيلم غزة ... وفي النهاية هيعملوا اللي عايزينه 🤷🏻‍♀️🤷🏻‍♀️