الا ان مفيش من وراه لقمة عيش بالبلدي كده
يعني تواجد استخباراتي و تجسسي
لكن مصر قررت تقدم خدمة مستدامة
▪مشروع vally tanks و اللي عمل مجموعة كبيرة من خزانات مياه الامطار اللي كانت بتهدر
و دلوقت بتوفر كل مياه الشرب لمزارع الماشية
▪مشروع المزرعة النموذجية
و ده مشروع عملاق علي الاراضي الاوغندية بينتج افضل رؤوس الماشية و المحاصيل الحارة
▪اوغندا معقل الحمي القلاعية
و ده بيخرب بيتها اقتصاديا
في اغسطس 2025 مصر عملت لهم مصنع لقاحات الماشية 🤷🏻‍♀️🤷🏻‍♀️
▪ده غير الاتفاقية العسكرية الذكية جدااا " اتفاقية 2+2"
و دي اتفاقية دفاع مشترك و تعاون دبلوماسي 👌🏻👌🏻

✨بروندي :
بلد جميلة و صغنتوتة و غلبانة كده
▪في يونيو 2025 تم افتتاح محطة " چيچي " الكهرومائية
" يااااه علي حركاتك يا عبدوووو😌"
و ده مشروع وفر الكهرباء لسكان بروندي اللي 72% كان بيعيش في الظلام علي لمبات الكيروسين
و طبعا كهربا مش معناها بس اضاءة
ده اكل عيش و ورش انتاجية و بيوت بتتفتح 👌🏻
▪تخيل مثلا يا عزيزي ان في 2024 في دولة مازالت معتمدة علي الدواب و الحمير في النقل
لذلك توجهت مصر لانشاء مشروع " ترامواي " " تروماي يعني "
و اللي وفر لهم وسائل نقل جماعية رخيصة 🤷🏻‍♀️
▪و كمان انتهت مصر من مشروع سدود حصاد المياه اللي قدمه الدكتور هاني سويلم و اشرف علي تنفيذه
و اللي بيهدف لتخزين مياه الامطار بدلا من هدرها 👌🏻

✨رواندا :
جميلة رواندا
و الحكومة الرواندية كمان حكومة وطنية جدااا .. اشتغلت معاهم شوية حلوين
و ناس بتخدم وطنها و بتسعي خلف تقدمه
▪مصر انشأت هناك مركز دكتور مجدي يعقوب لامراض القلب
و اللي هيخلي رواندا مركز لعلاج امراض القلب في شرق افريقيا
و مولت المركز ده ب 3.3 مليون دولار " ده الصرف الصح 👌🏻"
و هيتم افتتاح المركز في مارس او مايو 2026 مش متأكدة بالظبط
▪في سبتمبر 2025 رجال الظل خاضوا مشوار عظيم مع رواندا
اسمه 👈🏻 اتفاقية تبادل الاراضي
و اللي بناءا عليه رواندا منحت مصر ارض انشأت عليها و مازلت بتنشئ منطقة اقتصادية مصرية
" و ده طبعا لخلق مركز اقتصادي مصري في شرق افريقيا قوامه المواطن الشرق الافريقي نفسه 👌🏻"
▪ده غير الابار الجوفية اللي حاولت رواندا تعملها و فشلت
فنفذها العبقرينو بتاعنا د.هاني سويلم
▪وكمان خط السكك الحديدية اللي ربط العاصمة بالمدن المحيطة

و اظن انتوا عارفين التواجد المصري في الصومال و جيبوتي و اريتريا و قتلناهم بحثا

♦و بناءا علي الجولة التفكرية دي
الكاوبوي اكتشف ان سد النهضة تحول و بقا زي الجدي اللامؤخذة لا ب ..لامؤاخذة و لا بيبطل مأمأة 🤷🏻‍♀️🤷🏻‍♀️

لا عمل المطلوب منه و لا جاب فلوس و لا اشتغل اصلاااا .. و لا عارفين يوقفوا دفع فلوس لاثيوبيا 🤷🏻‍♀️🤷🏻‍♀️

🔹هنا بقا تفتقت الفكرة الي ذهن ال CIA الكاوبوي 👈🏻 بص يا مستر بريزيدنت ترامب
انت هتبعت جواب عاطفي لجنرال سيسي .... وتعرض عليه انك تتوسط عشان الفرهدة الاثيوبية دي تنتهي ... و يفتحوا صفحة جديدة مع بعض و هما يهبوووو بعض
📌 طب ده هيحصل ازاي يا چيلان يا قاسم 🤔
انظر حولك يا عزيزي 🤷🏻‍♀️
زي ما انت شايف كده الكوكب كله بقا ماشي بالفلوس و نظرية شيلني أشيلك
يعني ايه رأيك جنرال سيسي بدل ما سد النهضة عدو ... تروضه و تعتبره صديق 🤔
ايه رأيك نعملوا اتفاقيات سوا سوا و تاخدوه يلعب مع سد جوليوس نيريري 🤔

و نعملوا واحد شبكة كهرباء كبيرة
و نشوف ام السد اللي معموله عمل ده مبيشتغلش ليه و نشغلوه و ننبسطوا كلنا 🤔
" و بكرة الايام هتثبت لكم الفكرة دي و هتسمعوا العروض دي .. ومستعدة اراهن كمان 🙋🏻‍♀️"

🔸لو في عشوائية برجماتية : لو اللي بياخد القرار عشوائي
ممكن يوافق
مع ان السد ده كده كده هينهار
و هنا هتبقا امريكا لعبتها خرسا
ليييييه 👈🏻 لان السد ده لو دخل اي اتفاقيات
ف أي خسارة هتحصله هتتحمل ماليا علي الدول اللي داخلة معاه في الاتفاقيات دي 🤷🏻‍♀️🤷🏻‍♀️
🔸امنيا : هيترد عليه بواحدة لأه من اللاءات العشر
ما هو موصوفله 10 لاءات
اخد 4 فاضله 6 🙄

لأن مش بس اثيوبيا دولة خاينة و خدامة عند الكيان
نووووو 👈🏻 ده انت ممكن تلاقي الكيان نفسه شريك معاك في كل الاتفاقيات دي بالانابة و تبقا اكلته لقمة عيش زي الفل .. عيش ايه
دي لقمة القاضي يا بيه 🤷🏻‍♀️🤷🏻‍♀️
و نرجعوا نلعبوا اللعبة القديمة بتاعت عايزين كوباية من النيل .. احنا ولاد العم بردووووو 🤷🏻‍♀️🤷🏻‍♀️

♦و الصبح بدأت اثيوبيا تصيح علي مصر و تعنتها و سرقة مصر لمياه السودان
و ازااااي مصر مش عايزة حد يستفيد بالنيل غيرها
و نوع من انواع الضغط بالبروباجندا الاعلامية
قد ايييييه مصر شريرة
و لازم تبدي حسن نيتها و تدخل تحالفات تخص النيل عشان كله يستفيد
" علي اساس اننا بناكل من الكلام ده و كدززه 🙄 "

الايام هتثبت ان دي اسباب الخطاب العاطشفي ده
و مفيش اسرع من الايااااام 🤷🏻‍♀️🤷🏻‍♀️🤷🏻‍♀️

🔵 المعلم الديناري علي منصته تروث :

♦حليفتنا الحاذقة بريطانيا " حاذقة دي جاية من الحزق و لا ايه مصدر ال verb ده معرفش 🙄"
ارتكبت حماقة كبري بقرار تسليم جزر تشاجوس الي جمهورية موريشيوس
لأنها مكانها متميز
و روسيا و الصين هيطمعوا فيها
لذلك 👈🏻 سنستحوذ علي جرينلاند

♦الامس اوقفت هروب جماعي لارهابيين اوروبيين من سجون سوريا
و اعادتهم الي السجون
اوروبا ارسلت ارهابيين الي سوريا بالماضي
بموافقة روسيا و الصين
" و انت كنت بترسل ايه .. كيمو كونو ابو حتة شيكولاتة في الاخر 🤔"
لذلك 👈🏻 سنستحوذ علي جرينلاند

♦لا احد يرغب في الوجود مع ماكرون .. لا احد علي الاطلاق " و ده طبعا بعد ما نشرله الاسكرين المهببة 😂"
هو يريد ان يأتي بروسيا و الصين
لذلك 👈🏻 سنستحوذ علي جرينلاند

♦يمكننا اشراك المعارضة الفنزويلية الحاصلة علي نوبل للسلام في الحكم
النفط الفنزويلي الآن في امان بعيدا عن روسيا و الصين
لذلك 👈🏻 سنستحوذ علي جرينلاند

روسيا و الصين ☝🏻☝🏻☝🏻

🔵 هو مش قالك شايلينك للتقيلة يا مستر بريذيدنت اورانچ 🙄

♦العنوان 👈🏻 تشكيل تحالف "انتهاء ضبط النفس"
ده مين اللي طلع من هدومه ده يا چيلان ياختي 🤔
ده يا عزيزي جبهة تحرير اقليم اوجادين ONLF + منظمة وحدة الشباب الصومالي " SYU " + حزب الحرية و الديموقراطية الصومالي " SSDF "
و انا مش عارفة ليه الرمزيات بالحروف الانجلش .. كده بيبانوا موثفئن مثلا 🤔

دول 3 جبهات موجودين في اثيوبيا
كانوا عملوا اتفاقية سلام ووقف اطلاق نار سنة 2018
علي وعد ان الامم المتحدة و امريكا تساعدهم في حق تقرير المصير
و هو 👈🏻 عودة سيادة الاقليم للصومال

من 2018 يا مؤمن محدش عبرهم
عمك اورانچ عطاهم حقنة المخدر في الاتفاقية و ان شاء الله هنشوف
و من ساعتها صمت لاس

🔸الناس زهقت بقا
راحوا قرروا يوم 19 يناير 2026 انهم يلغوا العمل بالاتفاقية
و اعلان العمل المسلح
و ان اي عمل عسكري هيقوم بيه الجيش الاثيوبي " بتضحكني اوي حتة الجيش الاثيوبي دي 😂😂.. عندهم اقوي سلاح بحرية .. هي بس ع الناشف مش اكتر 😂😂"
المهم ... اي عمل سيقابل بمقاومة عسكرية تندم عليها الحكومة الفيدرالية

🔸يسكت ابو احمد ... ابداااا
طلع بيان اتهمهم فيه بالخيانة
و ان في اطراف خارجية لها اطماع في الصومال " اااه احنا .. احنا 🙄"
وراء هذا التحرك المفاجئ لاقليم اوجادين
و هذه الاطراف " اللي هو احنا 🙄" بيمدوهم بالسلاح و التدريب
و انه مش هيسكت

هو مش عارف هيعمل ايه
بس راح مزعق وقايل و ربناااا ما هسكت و راح مشوح بايده كدهوووو 🤔🤔

📌راح المتحدث باسم تحالف انتهاء ضبط النفس " التحالف اللي جاضض 😂😂" اسمهم لطيف اوي
التحالفات اتغيرت خالص عن زمان 😂😂
الفجر انهاردة مطلع بيان عودة العمل العسكري تجاه اثيوبيا

يلاااا فدانا 🙄🙄
‏( ده لسسسسه الاورانچ مان من نص ساعة بيتكلم في اتفاقية شراكة مصرية اثيوبية في دافوس و ايه رأيك يا بريزيدنت سيسي و بتاع ..... مبيكسروليش كلمممة لسسسسه الحلقة 2 مبردتش خمسة عليا و الله 🪬🪬.. الديڤا التي تصيب الهدف بفضل الله 🪬🪬‏)

قلبي عندك يا ابو احماااااا 🙋🏻‍♀️🙋🏻‍♀️

🔵 #المقعد_الاخر:
حلقة "3" #البديل

🔘 العداء الكاذب :
عمر ايران ما كانت عدوة لاسرائيل
لا انهاردة و لا امبارح و لا من 80 سنة و لا بعد 80 سنة
" و ما يخصنيش البؤساء عقليا اللي مصدقين العداء ده "

ايران مش دولة عربية
و بالتالي مش جزء من الصراع العربي الاسرائيلي
▪تاني دولة ذات اغلبية مسلمة اعترفت ب اسرائيل بعد تركيا " بعد مين 👈🏻 تركيا "
هي ايران في 14 ديسمبر 1950

الشاه رضا بهلوي كان شايف ان ايران و اسرائيل ممكن يشكلوا قوة غير عربية في منطقة العرب
و ده حقه و ميخصناش گ عرب
لانه مكنش مقدم نفسه لنا انه حليف للعرب ... البهلوية كانوا اصلا ضد العرب و ضد اي نفوذ لهم 🤷🏻‍♀️
▪عملوا اتفاقية الرمح الثلاثي
▪عملوا خط ايلات - عسقلان اللي شغال حتي اليوم .. حتي اللحظة
و اللي بينقل النفط الايراني لاسرائيل

و ده كان ماشي مع خط الصهيونية العالمية لدعم كيان اسرائيل
📌 في سنة 1953 لما محمد مصدق رئيس الوزراء الاكثر شعبية في ايران حب يقرب من العرب و يتحالف مع جمال عبد الناصر و تنظيم الضباط الاحرار
اخد قرار بتأميم النفط الايراني
" لانه كان تحت ايد بريطانيا "
ال MI 6 و ال CIA نظموا العملية " اياكس " للاطاحة بيه
و تخلصوا منه
و قالوا عليه شيوعي بيميل للاتحاد السوفيتي .. و بعدين لا ده اسلامي عايز يعمل قوة اسلامية مع العرب تهدد مصالحنا
و اتهموه بالخيانة العظمي و حاكموه 🤷🏻‍♀️🤷🏻‍♀️
" الوثائق دي تم الافراج عنها في 2013 عن طريق الخطأ
و فضحوا ازاي امريكا كانت مجندة ناس جوا الجيش ضد ايران و تعمل لحساب اسرائيل وهما اللي نفذوا اقتحام بيت مصدق "

▪و رجع النفط تحت يد بريطانيا و امريكا
و اتعمل اتفاقيات كتير تأمن لاسرائيل الغذاء و النفط

♦الشاه بهلوي اااه حليف جيد لل MI 6 و ال CIA
لكنه غلط غلطة عمره
افتكر نفسه بيحكم بجد
و انه صاحب قرار 👈🏻 و جه في 73 حول مسار ناقلة النفط لمصر لما السادات طلب منه " وهو كان صديق للسادات و بيحترمه "
بعت 600 الف طن نفط
يقااااال انها حمولة ناقلة كانت معدة انها تروح اسرائيل و تم تغيير مسارها .. لكن سامي شرف نفي المعلومة دي و قال انها خرجت من ايران لمصر مباشرة 👌🏻
و ان كمان الشاه بعت قطع غيار لطائرات الفانتوم المصرية لانه كان بيملك نفس الطراز الامريكي " ومفيش وثيقة للمعلومة دي "

📌 ازاي السادات اقنع بهلوي بالتصرف ده اصلا 👈🏻 ده اللي حكته شهبانو فرح ديبا
قالت ان السادات اقنعه بإن اسرائيل لو هزمت مصر هتتوحش في المنطقة و هتتوسع لحد ما تستولي علي الخليج العربي - الفارسي و ده هيخليهم يدخلوا ايران كمان
لازم اسرائيل يكون لها رادع و قوة تخاف منها

و ده اللي غير رأي بهلوي و خلاه يقف جنب مصر

" و ده اعلن عنه السادات بعد انتهاء الحرب "

🔹مكنش من الذكاء وقتها ان الصهيونية العالمية تعاقب بهلوي immediately طبعا
لسه خارجين من هزيمة
جولدا مائير و موشيه دايان في حالة تخبط و اتهامات من كل حدب و صوب
حالة نشوة بيعيشها العرب و ممكن جداااا يتحالفوا مع ايران ضدهم

🔹فكان لازم يرجعوا خطوة للخلف و يفكروا بهدوء
و التفكير كان في اتجاه الاطاحة بحكم الشاه گ عميل جيد لكن اخطأ .. و استبداله بعميل تاني
وهو 👈🏻 النظام الاسلامي عن طريق روح الله الخوميني احد انشط و اوفي عملاء ال MI 6
" وكنت شرحت انا قصة الخوميني و صعوده في بوست طويل سابقا .. مش مجال اعيده دلوقت .. موجود البوست بتاعه"

و بدأت رحلة تصعيد فكرة حكم المرشد الاعلي و حكم الاسلام الشيعي

و في نفس الوقت كان بيتصعد صيت الحركات الجهادية و تنظيم الاخوان المسلمين عشان يبقا الجناح السني

و بدأ يا ولاد مسلسل الصراع السني الشيعي
و الفزاعة الشيعية لحكام الخليج من اجل احكام السيطرة علي بترولهم .. و التفاف الناس في مصر و شمال افريقيا حوالين الناس " بتوع ربنا " 🙄
اللي تواجدوا بكثافة في الارياف و في المجالس المحلية و النقابات و اتحادات الطلبة وسيطروا علي كليات من بابها زي هندسة اسكندرية الموبوءة دي 🙄
و التنظيم لصلاة الاعياد .. و خطب التراويح بين الركعات
" كل ده كان بيحصل في مصر تحت رعاية السفارة الامريكية و السفير الامريكي أيا كان هو مين .. بس هو ابو الاخوان 👌🏻"

🔷🔶 اعادة صياغة وظيفة ايران :
بعد حكم المرشد
الدور الايراني اصبح الالتصاق بالدول العربية لتخريبها 👌🏻
علي سبيل المثال و ليس الحصر :
📌 تخريب العراق و دور ايران في اسقاطها في 2003 :
مذكرات السفير الامريكي في عهد جورج دبليو بوش .. زلماي خليل زاد و ده امريكي من اصل افغاني
بيحكي عن لقاءات دبلوماسيين امريكيين مع محمد جواد ظريف السفير الايراني في الامم المتحدة وقتها " و ده اعلنت عنه وثائق ويكليكس كمان "

و كان اعلي تنسيق بينهم :
▪تعهد تنسيقي بعدم تعرض ايران للطائرات الامريكية و فتح المجال الجوي
▪التعاون الاستخباراتي عن طرق تقديم وثائق فيها اماكن و تمركزات الجيش العراقي
▪دخول فيلق بدر من الحدود الايرانية العراقية و ده الفيلق اللي حرق مخازن السلاح في الحدود العراقية
▪اعادوا المعارضة الشيعية اللي اشتركت في مجلس الحكم اللي شكله الامريكان

🔸هل العراق قامت بقا بعد 2003 .. ابداااا
و انتهت العراق

📌 تقسيم لبنان :
بعد اجتياح اسرائيل للجنوب اللبناني ... ثم اجبارها علي الخروج
تدخلت ايران لاستقطاب شيعة لبنان من خلال بعض عملاء ال CIA و كونوا الاكذوبة اللي اسمها حزب الله
و اللي انهاردة انهي دوره و كلل مسيرته بالنجاح في مهمته 👈🏻 تسليم جنوب الليطاني لاسرائيل و تحقيق حلم ليڤي اشكول بالاستيلاء عليه 🤷🏻‍♀️🤷🏻‍♀️

📌 خيانة سوريا :
العلوية مذهب و الشيعة مذهب تاني ... لكن السذج روجوا للتضامن الايراني مع بشار الاسد علي انه دعم ديني ضد السنة
" و ده خلي الدولة الهبلة اللي عانلة زعيمة العالم السني و زعيمها المراهق الاهطل يدعم التنظيمات الارهابية و يمولها زي الجيش الحر و هيئة تحرير الشام 👌🏻"
▪نفذت ايران دورها ببراعة
و دبحت علي قد ما تقدر في السنة
و خلت الجيش السوري يستنزف نفسه في معارك وهمية مع التنظيمات الارهابية و الاكراد
و استولت علي نفط شمال سوريا لحساب امريكا
▪و لما جت ساعة الصفر اللي هي 5 ديسمبر 2024
انسحب فيلق القدس لايران
و معاه ميليشيات الحرس الثوري
و كان المخطط اغتيال بشار و اولاده علي طريقة القذافي رحمه الله يوم 10 ديسمبر
و لكن الاستخبارات الروسية بلغت بشار و اخدته بطيارته علي موسكو يوم 8 ديسمبر

📌 الحرب الاهلية في اليمن :
اليمن ده شعب في حاله
سنة و لا شيعة اهم عايشين و راضيين
مشفوش السواد الا اما اتعمل حزب الاصلاح بتاع الاخوان المسلمين
▪وبعد فوضي الربيع العبري
فجأة كده و بدون مقدمات
ايران طلعت لنا حاجة اسمها ميليشيا الحوثي الشيعية

و قسمت اليمن ما بين شيعة معشماهم مع اعوانها من ال CIA و ال MI 6 بحكم اليمن
و سنة بيتم التنكيل بيهم 🤷🏻‍♀️🤷🏻‍♀️

و استخدمت الحوثي في كل اجندتها :
▪قصف مصافي ارامكو و تكدير السعودية
▪محاولة اغتيال شخصيات اماراتية من العيلة الحاكمة
▪واخيرا تكدير قناة السويس و اذية اقتصاد مصر
تحت ذريعة دعم زفت غزة 🤷🏻‍♀️🤷🏻‍♀️

هل اهل اليمن شافوا خير من بعد الانقسام ده وظهور الميليشيا الايرانية 🤔

يبقا هنا ايران سواء بحكم بهلوي او بحكم المرشد لم تخدم حد في المنطقة الا اسرائيل
و لم يقدم وجودها دعم الا لاسرائيل .... اذن هي دولة وظيفية فقط لا غير 👌🏻

🔘 بالاضافة للاستثمار في تأجيج خلاف سني - شيعي بين المنطقة
و ده خلق تنظيمات ارهابية سواء سنية او شيعية
زي مثلا تنظيم ابناء غزوة بدر التظيم السني مع ميليشيا انصار الله في العراق ... و حربهم القبلية و الاغتيالات تحت مبرر ديني

♦و ده حصل بشكل اوسع في الحرب الاهلية اللبنانية
حرب عصابات بين الجيش اللبناني و حزب الله وحركة امل
زي موجهات 7 آيار 2008

لكن خلاص الخلاف السني الشيعي تم حلبه و تم استنزاف كل الجوانب اللي فيه
و بعض الجهات الاعلامية صنعت من ايران حامي حمي الاقصي و القدس
ف دورها انتهي بالشكل الحالي
مبقاش مطلوب استمرارها بالهيئة الدينية و تتحول لهيئة تانية بشكل علماني مرة اخري 👌🏻

🔷🔶 و عشان لازم cover body للمنطقة
يبقا لازم نوجد البديل
و البديل هنا هو 👈🏻 تركيا

دولة سنية - راعية الارهاب - حاضنة للتنظيمات - جهاز مخابراتها نجح جداااا في عمليات النقل للمرتزقة من سوريا ل ليبيا
و من العراق ل سوريا
و من سوريا ل مصر
و من الدول الاوروبية للدول العربية 🤷🏻‍♀️🤷🏻‍♀️
ساهمت في اسقاط سوريا و ركوب العميل الجولاني
و مشاركة في تقسيم سوريا و تسليم الجنوب لاسرائيل 👌🏻

ف لازقة بقا للدول العربية 👌🏻

♦ طيب مين بقا يهود اليوم و مين بقا الاتراك :
نرجع للماضي

✨بني اسرائيل " علي صدق الفرضية مثلا "
انتهوا من قرون
من وقت انتهاء السبي البابلي
و العرقية دي لم تعد موجودة اصلاااا
📌طيب مين يهود اليوم 👈🏻 تجمع الاشكيناز
و ده فئة تهودت وقت مملكة الخزر .. تهود سياسي

▪يعني تهود سياسي :
مملكة الخزر اللي كانت في جنوب شرق اوروبا " تركيا الحالية "
قبائل من التتر الشامانية
" الشامانية : ديانة وثنية "
كان شرقا يحدها الدولة الاسلامية بتوسعاتها لحد بلاد فارس
و غربا النفوذ المسيحي الروماني و الامبراطوريات
خاقان الخزر الملك بولان قرر اعتناق اليهودية سنة 740 م للخروج من المأزق ده
لكن حفيده الملك عوباديا اخد طريق الاخويات و الصهيونية
و جعل ارضه مكان لتجمع اليهود اللي بينطردوا من اوروبا و من شرق روسيا " اليهود اللي تهودوا 👌🏻"

و بدأت المملكة تتوسع و تجذب المتهودين اللي بعد انتهاء و سقوط مملكة الخزر رجعوا شرق اوروبا بصفة اليهود الاشكيناز

♦مملكة الخزر اليهودية اخدت فترة طويلة
لحد غزو روسيا لها سفياتوسلاف الاول بسبب محاولة استيلاء الخزر علي جنوب شرق روسيا سنة 969 م
و في سنة 1050 م انتهت تماما
" في كتاب مهم او مرجع موثق بوثائق تاريخية من ارشيف الخزر لكاتب يهودي اسمه ارتثر كوستلر سماه السبط الثالث عشر .. بيحكي فيه تفاصيل تانية مرتبطة بتحليل خرايط جينية و اعراق و انساب عائلات بيثبت فيه ان مفيش يهودي علي وجه الارض منتسب لبني اسرائيل اصلااا .. وانهم جنيعا نسل الخزر 👌🏻"

📌 وفي القرن ال 13 م دخلنا في عهد ارطغرل الغازي و تكوين الدولة العثمانية
اللي لقت في اعتناق الاسلام آلية توسعية لحدودها
يعني زي ما اليهودية كانت وسيلة دينية لتحقيق غاية سياسية
الاسلام اخد نفس الطريق معاهم 👌🏻

♦لحد ظهور الحاخام شبتاي تسفي اللي حب يرجع الدولة ليهوديتها في القرن السابع عشر الميلادي
و في ازمير ادعي انه المسيح المنتظر " المسيا "
و اللي لازم يتبعه الجميع للخلاص

شبتاي كان مرتبط بأخوية مهمة وقتها اللي هي بدايات الالوميناتي قبل جماعة آدم شيباونت 👌🏻👌🏻

🔹الحاخام شبتاي هو مؤسس جماعة يهود الدونمة " دونمة يعني مرتدين من اليهودية للاسلام "
و دي الجماعة اللي اظهرت اسلامها بينما كانت تمارس طقوسها اليهودية سرا
لييييييه 👈🏻 لأن السلطان محمد الرابع لما حكم بالاعدام علي شبتاي .. كان في حكم بديل
و هو انه يتحول للاسلام
و ده كان اقتراح لطبيب السلطان حياتي زاده مصطفي فيزي افندي
اللي هو ميييين 👈🏻 الطبيب اليهودي موسي بن رفائييل ابرابانيل " واحدة من العائلات اليهودية الكبيرة اللي بتعود نسبها لبنت خاقان الخزر الاخير يوسف بن ارون "
اللي اضطر يعتنق الاسلام حتي يحافظ علي منصبه گ طبيب القصر و السلطان " و ده منصب سياسي هام جداااا و له نفوذ عالية جداااا 👌🏻"

و بقا الحاخام شبتاي هو محمد عزيز افندي الشيخ المسلم 🙄🙄

و اللي فتحت جماعته الدونمة الطريق لهرتزل للوصول لبلاط السلطان عبد الحميد التاني

انا عارفة ان الموضوع مرهق ذهنيا .. و انك لو مش متخصص و هتقعد تربط كل التفاصيل دي ببعض حاجة مجهدة
لكن هي دي العلوم السياسية 🤷🏻‍♀️🤷🏻‍♀️
كل شئ في السياسة لها اصل تاريخي
كل اسم في السياسة له اصل و فصل لازم تعرفه عشان تعرف توجهاته و سلوكه سببهم ايه
كل دولة لازم ترجع لتاريخها و نسبها و عرقياتها عشان تعرف تترجم افعالها و تتنبأ بمستقبل سلوكها معاك ... وانا بحاول ابسط لكم الامور
و الله الموضوع اعقد من كده بكتيييير

🔘اليهودية يا عزيزي انتهت گ ديانة من زماااااان
و تحولت سلوك سياسي توسعي مالي بحت
استيلاء علي الاراضي و علي الذهب " باعتباره عصب الاقتصاد "
و هي الارض الخصبة اللي اتزرعت فيها الماسونية
اللي هي صناعة كيان الظلام 👌🏻👌🏻

مبقتش موجودة گ دين فقط
الديانة بقت وسيلة لتحقيق فكرة ومخطط
و كان سهل جدا التلون بين الديانات عشان يوصلوا لأهدافهم
يعملوا مسلمين و سلاطين و فاتحين .. مااااشي
يعملوا بابوات ويترأسوا كنايس هامة .. بردو ماااااشي

المهم يوصلوا للهدف 👌🏻👌🏻
" لو حابب تفاصيل اكتر عن التواجد اليهودي في النسيج العثماني .. و ازاي اتوغلوا في المنطقة
تقدر ترجع لتاريخ 17 اكتوبر 2023 هاشتاج #البوست_الانتحاري
و لو عايز مرجع تاريخي هتلاقي سقوط مملكة الخزر للمؤرخ اليهودي ثيلافيديوس مائير "

انت محاط بيهم
مش انت بس
العالم كله محاط بيهم
بيديروا العالم حواليك و انت مفيش قدامك الا انك تدرس ماضيهم عشان تتوقع مستقبلهم و تاخد اجراءاتك الاحترازية
اسرائيل الكبري مش مساحة جغرافية .... ده كيان عالمي
بيوظف الاسماء و الدول و الكيانات و البنوك
فيه اللي بينتموا للكيان ده بالاصل و النسب و الدين زي ايران و تركيا
و فيه اللي بيتم استعباده و توظيفه

و احنا في 2026 امام عملية سحب عميل و تعليبه " ايران " و نزول الاخر " تركيا "
ف انتبه للقادم و اياااااك و حسن الظن بالعدو ... لأن جملة عدو الامس صديق اليوم مش مبدأ انساني .. ده ميكافيلية عااادي لو اتبعتها .. المهم تكون مصحصح 👌🏻👌🏻

🔵 #علاج_في_خطوتين:

واحد من زمايلي راجع من دافوس
قعدت كده اتناقش معاه و اعرف الاخبار
راح مفاجأني بسؤال
لو حد جه و قالك اعمليلي خطة علاج في جملتين اتنين فقط لدولة ما
🔸ايه هما المحورين دول يا چيلان 🤔

ف سكتت چيلان ثم قالت 👈🏻 الطالب و الفلاح
ف اندهش الحاضرون
اللي هو نعم ياختي 🙄

♦اي حل في الدنيا لازم يحقق نتايج تكون مستدامة و علي المدي البعيد تفضل تحصد في النتايج دي

غير كده يا باشا اسمه ظرف كتافاست يسكن الالم شوية .. بس مش هيعالجه 🤷🏻‍♀️🤷🏻‍♀️

و لما التعليم و الصحة و الزرعة يبقوا سلعة .. يبقا ساعتها تمزق العقد الاجتماعي بين المواطن و الحكومة
و ده مش تطييب خاطر.. في فرع في الاقتصاد الكلي اسمه العقود الاجتماعية
لا يتغافل عنه الا حكومات نخاسين .. انما الحكومات المحترمة اللي مفيهاش لصوص و متسولين بتلتزم بيه 👌🏻👌🏻

و فسرت ايه القرارين اللي هاخدهم :
🔘 مجانية التعليم تماماااا وتوحيده :
يعني ايه 👈🏻 يعني هلغي الانترناشيونال و الخاص و القومي و كل الاصناف
و هيبقا تعليم موحد تحت اشرافي
▪هجيب مستشارين من كافة انحاء العالم و ادفعلهم و اخليهم يعملولي مناهج تتناسب مع واقع العالم ومتطلبات السوق
" اااه عادي هدفع لهم كتير .. ما احنا اما استرخصنا ومرضناش ندفع لبسنا في 371 مليار دولار ديون داخلي وخارجي 🙄 "
▪هرفع راتب المدرس ل 30 الف جنيه .. بس بشرط اللي هيدي درس هسجنه 10 سنين
عشان المدرس يرجع رسول العلم مش تاجر معلومة بتسيح بعد الامتحان بنص ساعة
▪هخلي اليوم الدراسي من 7 صباحا ل 4 العصر
يبدأ بطابور لياقة زي الميري كده
و يبقا في حصص لحد 12:30 مادتين تلاتة بالكتير
و لحد 2 انشطة
و من 2 ل 4 حل الواجب و التطبيق و الكويز
ال mathematics اللي بتتدرس في التجمع هي هي المنهج بتاع الزاوية الحمرا
ونفس اليوم ونفس التوزيعة
▪و هعيد هيبة التربية الدينية و التربية الوطنية و الخدمة الالزامية و الخدمة المجتمعية
" ما انت بقيت امور و حلو و بغل اهووو عندك 14 سنة عليك التزام ناحية الدولة
تنضف الشارع .. تزرع الجزيرة في اللي في النص .. تساعد مع عمال بناء في اي مشروع تنموي
يوم في الاسبوع تسدد من اللي عليك 🤷🏻‍♀️
ما انتي بقيتي شحطة اهو 16 سنة .. عليكي يوم تنزلي لدور الايتام و لا المسنين و لا المستشفيات الاميرية تخدمي و تحرري انسانيتك من قيود الانانية عشان تكوني ام صالحة 🤷🏻‍♀️"
▪الثانوي بالتخصص و الرغبة بناءا علي الجامعات المتاحة لسوق العمل اللي الدولة محتاجاه
▪و الطلبة اللي لا تمتلك قدرات دراسة المواد العلمية
تروح مدارس المهارات
و تقعد 5 سنين تدرس و تاخد بكالوريوس بردوووو

كل طالب في الدولة دي هيحصل علي نفس الفرصة بتاعت كل دفعته
تساوي الفرص التعليمية = جودة تعليم و جودة عقليات

▪هلغي الجامعات الخاصة
و الاهلية اللي اتخدعنا فيها
افتكرناها لتكافؤ الفرص
طلعت لاقتسام السبوبة 🙄
" الدولة اللي فيها اتنين دكاترة واحد جاب 95% وواحد جاب 70% دي دولة ظالمة لابناءها سعادتك وماشية بمبدأ معاك قرش تسوي قرش و اللي معهوش ميلزموش 😒😒"

📌 هل لما اخد القرار الثوري ده
نتيجته هتكون عقليات متميزة و تعليم جيد و خريجيين يواكبوا العالم وبس 🤔
ايوا فيييين الاثر الاقتصادي الايجابي 🤔

🔹اخر احصائية اتعملت في معهد برلين للاقتصاد في تعميم دراسة علي 25 شعب و انفاقهم علي الحصول علي شهادة
طلع الشعب المصري الانفاق علي المدارس و الدروس بيلتهم من 66% الي 82% من الدخل الشهري
- مصروفات مدارس
- مدفوعات دروس
- تكلفة انتقالات ومواصلات
- كتب خارجية وملازم

✨ ببساطة لو حد دخله 10000 ج
ف هو بيصرف من 6600 ج الي 8200 ج علي التعليم
ف لما حضرتك تمنع الدروس و التعليم يكون مجاني " زي دول كتير متقدمة علي فكرة "
هتوفر المبلغ ده للاسرة
▪بالتالي هيرتفع معدل القوة الشرائية للاسرة دي لسلع وخدمات اخري
▪يزيد المطلوب علي السلع و الخدمات
▪بدل ما الانتاج في المصانع و المحلات يدخل ضمن المخزون التام
ينزل السوق لأن عليه طلب
ف المصانع تصنع اكتر
ف عجلة الانتاج تدور
▪لما حجم الانتاج يزيد 👈🏻 هتحتاج عمالة مدربة 👈🏻 و ده معناه انك هتخلق فرص عمل 👈🏻 يعني رواتب و دخل شهري
▪زيادة عدد الافراد التي تحصل علي راتب ثابت شهريا 👈🏻 بتساهم في تقليل نسبة الفقر
▪و لما عجلة الانتاج بتزيد 👈🏻 معناها عدم حدوث ركود و استمرارية الانتاج والبيع و الشرا 👈🏻 وده معناه ان حجم الناتج المحلي للدولة بيزيييييد
▪لما حجم الناتج يزيد 👈🏻 رقم الديون هيقل 🤷🏻‍♀️
▪و لما رقم الديون يقل 👈🏻 النمو الاقتصادي نسبته هترتفع 🤷🏻‍♀️
▪و لما القوة الشرائية للمواطنين تزيد 👈🏻معناها انتاج مستمر 👈🏻 ده يرفع حصيلة الضرائب
▪حصيلة الضرائب اما ترتفع 👈🏻 تقلل عجز الموازنة و تساعد في خفض اتساع الفجوة التمويلية 🤷🏻‍♀️🤷🏻‍♀️

كل النجاح الاقتصادي ده
يتحقق لما تلتزم بالعقد الاجتماعي في التعليم

ولاد كارل جوستاف ملك السويد اتعلموا في نفس المدرسة اللي اتعلم فيها اولاد عامل تنظيف البلاعات عااااادي .. وحصلوا علي نفس الفرص المتكافئة 🤷🏻‍♀️

✨انت كمان ناسي الاثر الاجتماعي :
▪الولاد اللي هتخلص يوم دراسي شاق الساعة 4 و تروح البيت الساعة 5
يادوب هتقعد مع اهاليها ساعة و لا اتنين و تدخل تنام الساعة 9
مش هيكون عندها وقت تصاب بالتعفن الدماغي بسبب الموبايل و السوشيال ميديا
▪قلة الاحتكاك بالسوشيال ميديا = رقي اخلاقي
" عرايا و رقاصات التيك توك مش هيلاقوا سوق يبيعوا فيه اجسامهم "
▪هتقلل الطلاق اللي نسبته وصلت انه اعلي من عقود الزواج لنفس العام " و دي كارثة "
ليييييه :
- الظروف الاقتصادية للاسرة هتتحسن
و ده هيوفر الضغط النفسي اللي بيؤدي للطلاق
- الامهات هتقعد في البيت تشوف بيتها و جوزها و عيالها .. مش هتقعد تشيش علي الكافيهات مستنية چودي اما تنزل من السنتر تلاقي ماما بتشيش 🙄
- قلة التحرك في الشوارع و اغلاق الدايرة الاجتماعية ثبت انه بيحقق استقرار نفسي اكتر للمرأة
ف بدل ما تشوفك جحش و بارد مش رومانسي زي جوز مامت ياسين .. او بخيل مش زي جوز مامت زياد اللي بيخونها مع طوب الارض بس بيغدق عليها بالهدايا
هتركز في حياتها
و هترتب اولوياتها
- لما بعبع التعليم يخف
هيكون في فرصة للاجازات و الرحلات
اللي هو طبيعة النفس البشرية بالبحث عن مكافأة نفسية بعد كل عمل شاق
و ده هيقرب بين الاسر
و هتعرفوا حاجات عن ولادكم اللي ببتصدموا وهما في ثانوي و تسألوا هو مين ده
هو ده ابني اللي ربيته 😳
انت مربتش اصلا
اللي ربي الشارع و السنتر و الموبايل 🤷🏻‍♀️🤷🏻‍♀️ .. انت ATM لا طلعت و لا نزلت 🤷🏻‍♀️🤷🏻‍♀️

📌 لما المواطن يستقر نفسيا
طبيعي انتاجيته تزيد
و نرجع تاني 👈🏻 ناتج محلي يزيد 👈🏻 ديون تقل 👈🏻 نمو يزيد 👈🏻 عجز موازنة يقل 👈🏻 ايرادات تزيد 👈🏻 ف تعرف تنفق علي باقي مناحي الحياة 🤷🏻‍♀️🤷🏻‍♀️

🔷🔶 اقتصاديا :
س : اذكر اهمية التزام الحكومات بالعقد الاجتماعي
ج : الحفاظ علي الهيكل الاقتصادي للدولة .. ومنح الموازنة ركازة و استدامة تحقيق ايرادات

شوفت العلم حلو ازااااي 🤔

" كل الدول اللي باعت الصحة و التعليم گ سلعة 👈🏻 انهارت "

🔘 طيب الفلاح بقا 🤔
هتعلميه و تعمليله طابور لياقة بردووو🤔
لا يا باشا
هرجع الجمعية الزراعية 😎
مش بتاعت يوسف شعبان في فيلم الرصاصة لا تزال في جيبي
نووووو : الجمعية الزراعية بجد 👌🏻

📌 دعم الفلاح 👈🏻 تعليمه و تدريبه علي افضل وسايل الزراعة
📌 دعم الارض :
سولار و بنزين مدعوم .. تقاوي و اسمدة .. متابعة من المهندسين الزراعيين .. معهد البحوث اللي شاغل حيز من الهواء ع الفاضي هيشتغل للخروج بأفضل محصول

✨ هستفيد ايه من الدعم ده 🤔
هتستفيد حاجة بسيطة 👈🏻 محصول جودته مرتفعة + سعر رخيص
▪ ينزل الاسواق بأسعار عادلة 👈🏻 فيرفع القوة الشرائية للمواطن اللي هي الزرار بتاع الرواج او الركود 👌🏻
▪يقوم يقود موجة من هبوط الاسعار 👈🏻 ينخفض التضخم " بجد مش في التقارير المضروبة 😒"
▪لما التضخم ينخفض القيمة النقدية للرواتب ترتفع 👈🏻 يزيد استقرار العملة نتيجة لاستقرار السوق البيعي 🤷🏻‍♀️🤷🏻‍♀️
▪زراعة جيدة = تحقيق اكتفاء ذاتي
و ده ينقلنا للمرحلة اللي بعدها :
▪ اكتفاء ذاتي 👈🏻 صادرات 👈🏻 جلب عملة صعبة
▪اكتفاء ذاتي 👈🏻 تقليل واردات 👈🏻تقليل الطلب علي العملة الاجنبية 👈🏻 تنخفض العملة دي وفي المقابل ترتفع عملتك 👈🏻 و ده يحقق نمو اقتصادي 👈🏻 يخفض من قيمة الديون 🤷🏻‍♀️

🔹مش كده وبس :
اقتصاديا : الزراعة ام بيولوجية للصناعة
و في موازنات دول قايمة علي الصناعات الغذائية
▪مصانع يعني 👈🏻 فرص عمل 👈🏻 رواتب ثابتة 👈🏻 نسبة فقر بتقل 👈🏻 ناتج محلي بيزيد نتيجة زيادة الحصيلة الضريبية
▪مصانع يعني 👈🏻 صادرات 👈🏻 فائض ميزان مدفوعات 👈🏻 يسمع في الموازنة بالزيادة 👈🏻 تقل الفجوة التمويلية 👈🏻 تبطل تستلف و تقترض و تخرب بيت ام الشعب و الدولة و الكل كليله 🤷🏻‍♀️🤷🏻‍♀️


🔴 وعشان اعمل ده اكيد هحتاج معايا شاكوش ادق بيه ادمغة التعابين 👈🏻 dirty team can kill by order
بيسموهم كده في اجهزة المخابرات " DTK "

لكن الشعب اللي هيستفيد و يشعر بآدميته هيكون هو حمايتك الحقيقية

✨سألني صديقي : و حاجة زي كده ممكن امتي تحقق ثمارها
جاوبته 👈🏻 بعد 12 شهر هتشوف نتائج تبهرك

العقد الاجتماعي اتعمل للحفاظ علي هيكل الدولة
اوروبا بعد ما خلصت سرقة للعالم انتبهت للعقد الاجتماعي ف تحولت لقوة جاذبة لكل انسان عايز يعيش بآدمية

كان في مثل بيقول : ابني ابنك و لا تبنيلوش
بناء الانسان اهم بكتيييير من بناء الجدران 👌🏻👌🏻

مجرد طموح او روشتة ذهنية
و تحدي
تقدري تحلي في اجرائين
و انا محبش حد يتحداني 😎😎
ممكن اي دولة في العالم تطبقها الاااااا دولة واحدة 👈🏻 اللي عملتها الزلوط
و اللي بتخفض وتعوم الزلوط عشان تزود ثروات رجال الاعمال 🤷🏻‍♀️🤷🏻‍♀️
ملنااااااش دعووووة يا موووهي 🙄🙄

🌺 عيلتي اللي بحبها ❤
و اللي بشاركها كل مناسباتي الحلوة
انهاردة عيد ميلاد ملاكي الحارس .. الانسان اللي بالنسبة لي رصيد الامان اللي بسحب منه و مش قلقانة يخلص❤

🌺 كتير منكم اتعامل معاه وشاف قد ايه مبيتأخرش علي حد
و انا شهادتي فيه مجروحة
ربنا يقدرني و أرد ربع جمايله عليا و اهتمامه بأسرتي 🤷🏻‍♀️
كفاية اني اقول انه لو محستش انه بيحوم حواليا .. بتوه 🤷🏻‍♀️
Mmk
كل سنة و انت طيب يا راجل يا طيب❤
ربنا يحفظك و يبارك فيك و لا يسؤنا فيك .. و النجمة التالتة و النبي قمر و مش هتزاحم اخواتها الاتنين 🤔
و اما نوصل للسيفين العيلة هتقدمهم لك دهب .. ياللي اصلك ومعدنك اغلي من كل الدهب ❤

السنة دي @diaa_eddein كان فاكر قبلي وبيجهز مع نفسه كده .. و كالعادة يا سادة .. ضياء بيصنع لنا السعادة .. ويقدمهالنا سكرها زيادة ❤💚🌺

🔵 #متفرقات_اقتصادية:
♦ الصعود الجنوني للدهب :
و عموما لسه هيزيد كمان
هنسمع 6500 دولار للاونصة .. "و ده طبعا هيأثر علي اسعار الجرام في مصر .. السؤال الدوري🙄 .. احنا هنسمع 8500 ج للجرام "

🔸ليه بيحصل كده للدهب 👈🏻 بسبب انخفاض الدولار
" منخفضش في مصر 🤔 .. اقتصاد مصر و شكله مش مقياس لاي حاجة كونية بلييييز 😒"
الدولار عالميا بينخفض .. وجدااا

الدولار ملاذ آمن ادخاري
لذلك معظم المستثمرين استثمارات قصيرة الاجل بيعتمدوا عليه
ازااااي 👈🏻 بيروحوا يشتروا سندات و اذون خزانة و ادوات دين امريكية " و ده اللي بيمول الحكومة الامريكية "
الدولار ثابت .. فوايد مرتفعة .. عملة مقايضة و تبادل جيدة

▪طب ده مبقاش موجود 👈🏻 بقا في عزوف عن شراء الدولار في شكل ادوات مالية بسبب ان في عملات بقت افضل منه و لأنه بينزل
" افضل منه دي لها عدة معاني .. الافضلية ممكن تكون في مدي استقرار العملة .. اوووو معدل دورانها 👌🏻"
▪طيب .. العالم بيعاني من صراع اقتصادي
و ده من شأنه هيأثر علي الاحتفاظ بأدوات الدين

يبقا هنا الملاذ الامن الوحيد 👈🏻 الدهب
▪الدول بتشتري دهب عشان تعزز موقف الاحتياطي النقدي
▪ الاشخاص بتشتري دهب عشان وعاء ادخاري آمن
▪المؤسسات بتشتري دهب عشان تأمن جزء من سيولتها النقدية و ترفع من قيمة ارصدتها

الاقبال علي سلعة في ظل ثبات واستقرار حجم المعروض منها بيرفع سعرها

🔘 تأثير الوضع ده علي الاقتصاد " اي اقتصاد سواء عالميا او محليا "
هيكون حلو و لا حادق
لا ده ساااام و يؤدي للوفاة 🙄
📌 ليييييه 👈🏻 لأن الدهب بيسحب معاه كل المعادن الاخري و اللي بتدخل في الصناعات المختلفة

هتلاقوا ان سعر النحاس ارتفع عالميا
و ده هيأثر في الشخروميت صناعة اللي بيدخل فيها النحاس بالسلب
لأنه ارتفاع سعر المادة الخام معناه ارتفاع تكلفة الصناعة معناه انخفاض ارباح
و هنا المنتجين بيكون امامهم حل من اتنين :
▪اما يرفعوا سعر السلعة
▪او يوفروا مدخلات الانتاج و الحلقة الاضعف هنا هي العامل
فيسرحوا العمالة
و ده طبعا بيرفع نسبة الفقر و نسبة البطالة في الدول

و احنا اتعلمناها خلاص
عندك فقر عالي و بطالة
يبقا ناتجك المحلي ملوش لازمة اقتصادية في نسبة النمو 🤷🏻‍♀️🤷🏻‍♀️

زي النحاس .. الكوبلت .. الفضة .. الالومنيوم
بورصة المعادن انهاردة قدامي متجننة حرفيا 👌🏻

♦معركة الرسوم الجمركية :
النص التاني من 2026 هيشهد كساد اقتصادي بسبب استمرار استخدام الرسوم الجمركية گ سلاح حرب
ليييييه 👈🏻 لأن الدول اللي هتتعسف بالرسوم الجمركية .. هتاخد فترة زمنية " لكنها قصيرة " لتحويل وجهاتها الاقتصادية
و ده هيعمل حالة من السكون في الاسواق هتؤدي لكساد مالي

📌 كندا خبطها 100% رسوم :
ده هيوقفها تماما عن التعامل مع امريكا
و هتتجه لفتح اسواق تانية
ده هياخد شوية وقت
📌 كوريا الجنوبية اخدت 25% رسوم :
و ده خلي الحكومة انهاردة تتجه لقرار انها تعمل hold لكافة الصادرات الامريكية
📌اوروبا بتتذل بقا :
لذلك اتجهت الي الصين
و كمان الهند
الصين : مش عبيطة .. يعني مش هتنزلق بسهولة و هتنقط الاوربيين
الهند : مش بتتعامل مع حد من منطلق الخدمات
نارديرا مودي له استراتيجية من يوم ما مسك 👈🏻 الاول بيدرس دولته هتستفيد ايه من اي اتفاقية
و لازم يكون هو المستفيد الاول و الاكثر
و بعديييين يبقا يشوف يمشي الاتفاقية ازاي
و حاليا اوروبا هي مجرد سوق استهلاكي بشري .. مفيش شئ تقدمه لاي حد

الرسوم الجمركية الباهظة دي هتكون اداة تدشمل الهيكل الامريكي " وده شئ هيفرحنا كلنا و الله 🤷🏻‍♀️"

♦التذبذب في سعر النفط :
النفط هيتجه للصعود شوية بس مش كتير
لكن هينخفض
و مع التوصل لاتفاق روسي امريكي في اوكرانيا هينخفض اكتر
مع استمرار استقرار العرض و زيادته

🔸هل ده هيأثر علينا في مصر :
لا طبعا
احنا بنرفع الاسعار علي خلق الله بس
انما يستفيد المواطن بانخفاض اي اسعار عالميا .. لأ و دي تيجي 🤷🏻‍♀️🤷🏻‍♀️
" و المبرر : احنا بندعم الاسعار 🙄"
لكن دول العالم طبعا هتستفيد من الانخفاض ده و هيؤدي لكبح التضخم عندهم 👌🏻

♦المغتربين و حكومة النخاسة :
شوف يا عزيزي
احنا گ مغتربين دايما بيتبص لنا علي اننا بنقطف الفلوس من علي الشجر
من المعارف و القرايب و اي حد معدي في الشارع
من منطلق ده بيقبض باليورو .. و الدولار .. و الريال
و كأن ذنب المغترب ان الجنيه المصري رايح في مصيبة 🤷🏻‍♀️🤷🏻‍♀️
بدون النظر اننا بردوووو بنصرف بأم اليورو .. مش بقبض باليورو و اصرف بالجنيه
المغتربين اللي هما ستروا الحكومة دي و بيستروهم من فضيحة العملة الصعبة
احنا محدش بيلوي دراعنا بالعكس 🤷🏻‍♀️🤷🏻‍♀️
يا باشا احنا عااادي جدا نشتروا اذون خزانة من حكومة سويسرا ولا مصارف دبي و لا سندات بروكسل السيادية و ناخدوا فوايد 100% و نوجه رواتبنا لمصارف اخري

و انت هتخبط دماغك في الحيط .. المغترب هو المواطن الوحيد اللي مبيتلواش دراعه 🤷🏻‍♀️🤷🏻‍♀️🤷🏻‍♀️

القرار لا لحماية صناعة وطنية و لا مهليية .. القرار عين راشقة في جيب المغترب و تفتيشة .. و دي حكومة متستحقش احرق دمي عليها 👌🏻

دي كده لمحة سريعة لنقاط اقتصادية عالمية و محلية
و عشان تبقا عارف يا عزيزي :
🔹 كل السلع في العالم بيتلعب بيها الكورة حاليا
النفط .. الغاز .. الحبوب .. المعادن .. المواد الفعالة للادوية .. الاوراق المالية " ما دي سلع بردو"
بسبب العبث السياسي

يعني تغريدة من ترامب الله يحرقه عن قرب ضرب ايران 👈🏻فورا اسعار النفط تتأثر و المعادن ترتفع
تصريح من سخام البرك نتنياهو انهم مستمرين في الحرب 👈🏻 التأمين علي الملاحة يرتفع .. فيرفع معاه اسعار الحبوب الغذائية
كلمتين عن الرسوم الجمركية 👈🏻 البورصات اسهمها تقع و تعلم احمر كلها

و ده سلوك متبع من زمااااان من ايام بورصة القطن في نيويورك
انهم يتحكموا في الاسواق بالشائعات و الحروب الكلامية

الموضوع اكبر واعمق من الكلام الخايب اللي بتشوفوه علي الميديا و في اليوتيوب
و ان شاء الله اما اخلص الحلقة الرابعة من المقعد الاخر هتفهموا قصدي👌🏻👌🏻

🔵 السلام عليكم :
الموضوع طلع بجد .. مش الولاد في الجروب بتهزر معايا 🤔

" ترامب بيعوم الدولار " .. ااحييييه 😳😳
ايه يا اخواننا العبط ده

معلش استحملوني اقتصاديا بس شوية :
مفيش اي حاااااجة في الكوكب و الكواكب المجاورة اسمها 👈🏻 تعويم الدولار

♦سنة 1971 تم فك الدولار من الدهب " دولار بريتون وودز " و اصبح floating currency
يعني ايه 👈🏻 يعني مفيش ما يرتبط به و يقيم عليه

العملات فيها عملة سيد و عملة عبد
الدولار عملة سيد
لأن هو اللي بيقيم علي قيمته العملات الاخري
▪ لا توجد جهة تحدد سعره
▪سعر الدولار يخضع للعرض و الطلب

📌 امتي بينزل 👈🏻 لما تنخفض شراهة المستثمرين لشراء ادوات الدين الامريكية
📌 امتي بيرتفع 👈🏻 لما ترتفع اسعار الفايدة علي ادوات الدين الامريكية في ظل استقرار التضخم " يعني مش مهم يكون التضخم عالي لكن المهم اكتر انه يكون مستقر مش متذبذب "

♦ليه الدولار قيمته بتنخفض عالميا :
بسبب
▪انخفاض حصته من التجارة العالمية " و ده بعد ما دول كتير بدأت تتداول بالعملات المحلية ".. " او ممكن نقول سياسيا 👈🏻 بعد قرار الدول التجارية الكبري بالتخلص منه " دول تجارية يعني صادراتها اعلي من واردتها "
▪ارتفاع حجم اجمالي الديون الامريكية لتصل ل 100 تريليون دولار " مجموع ديون الحكومة + الافراد + القطاع المصرفي و المالي + المؤسسات الخدمية "
و عدم انخفاض الدين ده .. بالاضافة لتفاقمه
بيفقد المستثمرين الثقة في الاقبال علي الدولار
▪انخفاض انتاج القطاع الطاقي " نفط + غاز " 👈🏻 وده سبب سرقة فنزويلا
و انخفاض انتاج القطاع التكنولوجي 👈🏻 و ده سبب السعار خلف جرينلاند
▪تعدد الحروب و القلاقل الجيوسياسية اللي امريكا طرف فيها
و ده بيأثر علي آلية تدفق الدولار عالميا
و اللي منها حرب الرسوم الجمركية اللي هي تحولت من اقتصادية لسياسية

دي اسباب انخفاض الدولار اللي لو حضرتك بتعمل ماجستير .. خدها و انت مغمض و اشتغل عليها
اي حد يقولك الدولار بيتعوم ادعيله بالشفا 🙄

🔘 اللي فوق دي اسباب و اوضاع اقتصادية
لا تعالي بقا اكلمك عن النقطة الاهم :
و هي 👈🏻 دورة النصب الامريكي

يا ابني مش ترامب لوحده
النظام الامريكي بأكمله ادرك قرار العالم التجاري بإنهاء حكم الدولار
و الاجراءات فعلا بتتم علي الارض

لما قبل الحرب العالمية التانية الجنيه الاسترليني كان هو المتسيد .. الامريكان طلعوا بنصباية نيكسون و فكوا ارتباط الدولار بالدهب و بقا هو بديل الدهب
ف كل العملات ساعتها انهارت و اخدت 10 سنين للتعافي
و من كتر ما كان تعافيها كسيح و بطئ و لم يحقق الغرض
لجأوا لتوحيد العملات و اختراع عملة موحدة 👈🏻 اليورو

📌انهاردة الدولار بيتم تحييده
ف امريكا بتلعب لعبة جديدة

هو عمال يسيبه ينخفض
مع الانخفاض ده هيقل الطلب عليه
و تبدأ گ مستثمر تدور علي بدايل
البدايل هنا 👈🏻 العملات المشفرة

ف في خلال 3 سنوات مثلا معظم مدخرات العالم هتتحول داخل محافظ العملات المشفرة

العملات المشفرة مين بيتحكم فيها 👈🏻 امريكا
بدليل اقرار قانون العملات المشفرة و سماه قانون العباقرة .. وخلي سوق الكريبتو برعاية امريكية

" يعني بيطبق مبدأ كل نفسك قبل ما حد ياكلك 🤷🏻‍♀️"
هو انتوا مش مقموصين من الدولار .. خلاااااص امشي يا دولار روح للعو ياكلك
هات الكريبتو من الدرج

و يرجع الاقتصاد يدور في نفس الفلك الامريكي تاني 🤷🏻‍♀️🤷🏻‍♀️

و ده الدول التجارية بتتحوط ضده .. سيبك من الهطل اللي بيحصل في الدولار في مصر دي حكومة مرقعاتية ملهمش في الاقتصاد اساسا
روح بص علي الدول اللي ميزان مدفوعاتها موجب

📌 جزئية انه بيخفض الدولار عشان يخفض حجم الديون
" نفس العبط و الله "
الكلام ده صح لما تكون بتتكلم عن عملة بيتم تقييمها علي اساس الدولار
يعني زي ما تعويم 6 مارس الاسود رفع حجم الديون المصرية بنسبة 48%
لييييه 👈🏻 عشان انت بقيت تحتاج وحدات نقدية اكتر عشان توفر واحد دولار
يوم 5 مارس 2024👈🏻 كنت بتحتاج 31 جنيه عشان توفر 1 دولار
يوم 6 مارس 2024 👈🏻 بقيت بتحتاج 49 جنيه عشان توفر 1 دولار
ف انت عملت مصيبة في نفسك گ حكومة مصرية
هل بقا الدولار اتأثر 👈🏻 اطلاقا 🤷🏻‍♀️🤷🏻‍♀️

طيب في امريكا :
انت محتاج 1 دولار عشان توفر دولار
ايوا فين الازمة هنا 🤔
مفيش اي ازمة
يبقا انخفاض الدولار الامريكي لا يؤثر اطلاقا علي حجم الديون الامريكية 🤷🏻‍♀️🤷🏻‍♀️

انت في مصر مشغوووول برهوان الدهب و صعوده المرعب
لكن العالم برا حدودك مشغول بقصة تانية خاااالص
مشغول انه ميتورطش في الكريبتو عشان ميدخلش نفسه هيمنة الدولار
و الدهب هو ملاذ ادخاري و تحوط نقدي فقط لا غير

انا معرفش ليه لا درست اقتصاد و لا بتفهم اقتصاد مصممة تقحم نفسها فيه
و مصممة تنقل للناس خزعبلات فكرية
الشهرة علي السوشيال ميديا بتلحس المخ يا عيني 🙄

لكن انا دوري اني لما اشوف حد بيهبد في تخصصي .. اوقفه و اقول الصح وفقا للعلم 👌🏻

‏( اما بقا بالنسبة للاخوة بتوع النجاح الحكومي
و خفض التضخم
و النمو الاقتصادي
و الحكومة دي لازم تستثمر
و المواطن لازم يصرف علي الحكومة و يمولها
انا كنت في حالي و ساكتة
ما انت متنيل ساكت علي رأي سلطان السكري 😒😒
حاااااضر ... انا بقا هعملكم كشف حساب بالارقام
و لو في الناجحين حد يعرف يكدب رقم .. يبقا يطلعلي 🤷🏻‍♀️🤷🏻‍♀️‏)