🔵 في سكرين للاندبندنت عن تصريحات احد القساوسة ان بحلول 2050 لن يتبقا مسيحيين في الضفة
و ده بناءا علي الممارسات الاسرائيلية من الفصل العنصري و التهجير القسري و الابادة

📌 لو ربطنا التصريح ده باللي شرحناه امبارح عن محاولات العودة للمدينة و مكة .. و 2050 يعني دورة 20 سنة أهي
يبقا احنا امام محاولات اخفاء اثار المسيحية من القدس و ما حولها لمحو آثار المسيح .. نفس السيناريو 👌🏻👌🏻

♦الاسكرينات التانية دي بقا بلوة جديدة من نجاح الاحتلال في تحقيق تقدم في أجندتهم

لكن مش ده اللي عايزة اتكلم عنه
اللي عايزة اتكلم عنه الكارثة بتاعت 👈🏻 قانون املاك الغائبين

📌 ايه القانون ده :
ده قانون صدر بعد النكبة
بموجبه يحق للمحاكم الاسرائيلية مصادرة اي ارض زراعية او بيوت او محلات غاب عنها اصحابها الفلسطينين مدة 12 شهر من بعد تاريخ 27 نوفمبر 1947 وتم تهجيرهم الي الدول المجاورة مصر .. الاردن .. سوريا .. لبنان
او تم نزوحهم داخليا

🔸بموجب القانون ده يمنع الفلسطيني من حق العودة مرة اخري سواء للاراضي الفلسطينية داخل غزة او الضفة
او من مناطق السيطرة الاسرائيلية زي النقب مثلا

بالقانون ده تم احتلال القدس الغربية بالكامل وكذلك المنطقة المسماة غلاف غزة حاليا
و هو القانون اللي اتاخد بيه المناطق غرب الخط الاصفر في القطاع و هيتاخد الباقي
و هو القانون اللي الفلسطينيين بيلجأوا بيه للمحاكم الاجنبية عشان يحصلوا علي جنسيات بديلة
و لانه قانون اسرائيل اقرته وفقا لدستورها
فالمحاكم الاجنبية " في اي دولة تانية يعني " بتدي الجنسية او علي الاقل اقامة دايمة

في سنة 1968 تم اضافة جملة في القانون جنب الدول المجاورة او اي دولة اخري👌🏻

و بسبب القانون ده دول الخليج مبتاخدش نازحين فلسطينيين ابدا لأنها مش هتعرف ترجعهم تاني

🔹 و بناءا علي القانون ده بردوووو 👈🏻 نتنياهو مبيفتحش المعبر و يدخل الغزاوية من مصر
لأنه بالفعل وفقا لدستوره ماشي قانوني .. و مش كده وبس
ده وفقا للقانون الدولي اللي اتعمل عشان يخترقوه هما 🤷🏻‍♀️🤷🏻‍♀️

و ده القانون اللي اللوا عمر سليمان رحمه الله بسببه مكنش بيفتح القطاع لا علاج و لا غيره وقت اي قصف
و كان سايبهم يتحركوا من خلال الانفاق
لأن كده كده بيتحركوا تحت عينيه 👌🏻👌🏻

🔸الناس اللي ذاكرت القضية الفلسطينية " القضية الفعلية في محكمة العدل الدولية " مش العبط بتاع الميديا و الاعلام
عارفة كويس ان احد الدعاوي فيها كان الاجحاف في اصدار القوانين مثل قانون منع حق العودة الصادر بناءا علي تفعيل قانون أملاك الغائبين
و كانوا بيحاولوا يسقطوه
و حنان عشراوي كانت قدمت بنود و مواد القانون لمجلس الامن بردو لاسقاطه .. لأنه بيتسبب في عدم استقبال فلسطينيين عائدين

و القانون ده اللي هتتاخد بيه باقي غزة
و اي حد اخد غزاوية بقا الف هنا علي قلبه 🙄🙄

لا ترامب و لا مجلس سلام هيرجع مخلوق
هو اصلا كان الصهاينة التزموا ببند واحد
ده لسه في غفلة من الزمن الاسبوع اللي فات انتهت من بناء ثكنة عسكرية غرب محور فيلادليفيا في رفح الفلسطينية علي بعد 700 متر من الحدود .. دي ناس اصلا وصلت لطموحها
و اي حد ساهم بتفريغ القطاع من سكانه هو بالفعل جزء من تصفية القضية
و الحقيقة اي حد هيقولي اصلهم هيرجعوا مش هصدقه .. ان كنت اصلا مش عارف تتخلص من الاسري المبعدين و بقوا جزء من مجتمعك و عملوا مطاعم و محلات سجاجيد

بتناشدوا الناس بتحديد النسل و ميخلفوش و رايحين تجيبوا مزاريب بشرية .. كائنات مبتعملش حاجة غير الخلفة
في دولة بتعاني من نقص موارد و شح مائي و معايرة بالدعم طالع نازل
🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️

🔵 #نتنياهو_عقل_الحرباية:

قالك ايه بقا 👈🏻 نتنياهو وافق علي بدء اعادة الاعمار في شرق رفح
ده نقلا عن المراسل العسكري دارون كادوش
اعلن عن مسوغات الموافقة
▪ مد شبكة كهرباء
▪ مد شبكات مياه و صرف صحي
▪ التمويل من دول مجلس السلام انما موازنة اسرائيل لن تتحمل شيكل واحد
▪ يسمح للعمال و الثقاولين الفلسطينيين المشاركة بعد فحصهم امنيا من الشاباك " من المتواجدين في الداخل الغزاوي .. يعني اللي برا القطاع مش هيدخلوا " حد يرن علي نقيب المهندسين المصري المتآمر علي مصر بقا يقوله 🤷🏻‍♀️

لكككككن 👈🏻 بداية اجتماعات مناقشة دخول مساكن مؤقتة لن تبدأ قبل نوفمبر 2026


يعني لسه هيتناقشوا 🤔
اومال هتنتقل ليه لاعادة الاعمار
طب ليه هتستهلك اموال اعادة الاعمار و تعمل بنية تحتية 🤔
هي مش شرق رفح دي اللي عملوا فيها قاعدة عسكرية بردو .. اعادة اعمار جنب القاعدة 🤔

هنا نتنياهو بيقدم نفسه علي انه ماشي اهو في خطة السلام

📌 بس علي الصعيد الاخر الضفة بتنتهي تماما 🤷🏻‍♀️🤷🏻‍♀️
و انهاردة تم الاعلان عن الانتهاء من بناء مستوطنة جديدة اسمها عيمك دوتان بالملاصقة لقرية عرابة في محافظة جنين " طبعا شهر و المستوطنين يدخلوا علي عرابة يدشملوها و يضموها "

و الحكومة الاسرائيلية نقلت للمستوطنة الجديدة 22 اسرة في ظل دعم حكومي
و اعلنوا عن تدشين وحدة خدمات صحية و بناء مدرسة علي حدود المستوطنة لتقديم الخدمات التعليمية لابناء المستوطنة

🔹الجملة دي كفيلة تقولك ان بلدة عرابة و كل البلدات الاخري هتتاخد
اصل اسرائيل مش هتعمل مدرسة عشان تخدم 100 طفل فقط يعني 🤷🏻‍♀️🤷🏻‍♀️

و بكده يبقوا انتهوا في سنة من بناء 11 مستوطنة من ضمن مشروع ال 19 مستوطنة الجديدة في الضفة المعتمد من الكنيست و المخصص له موازنة و دعم تمويلي خارجي
و اللي اقروا فيه علي نقل 60 الف اسرائيلي فيه 👌🏻👌🏻

طبعا خد بقا نفتح باب المناقشات في نوفمبر بعد عودة الكنيست
ناخدلنا سنة بنتناقش لحد نوفمبر 2027
شوف انت في السنة دي ممكن يحصل ايه 🤷🏻‍♀️🤷🏻‍♀️

و اصلك متقدرش تعترض و لا تتهمه بالمماطلة .. لأنه بيقدم نفسه دولة قانون و احترام ديموقراطية
ااااه انا الديموقراطية الوحيدة في الشرق الاوسط.. و لازم احترم الكنيست و اعضاءه 🤷🏻‍♀️🤷🏻‍♀️

مغرقك تصريحات
▪ اااه هننتقل للمرحلة التانية
▪ احنا هننسحب بس حماس تسلم سلاحها بالكامل .. و خد بالك انت متعرفش حجم سلاحهم انما الموساد عرفاه فالتسليم يكون وفقا للمعلومات اللي تقدمها الموساد
▪ تعالي حبيبي نعمل اعادة اعمار شرق رفح .. بس معلش هي بنية تحتية بس

يعني لا معترف اساسا بتسليم السلاح " اللي هو بالمناسبة خرافة لن تحدث " لكن انا مبثقش الا في الموساد " و طبعا دي ذريعة استمرارية في العرقلة 👌🏻"

و البنية التحتية اللي هو دمرها تماما
هيسمح باعادة انشاءها
و من غير ما يدفع شيكل 👌🏻

و ماشي في خططه في الاتجاه الاخر و بيتوسع في فلسطين غير توسعه في لبنان

🔸 وعلي فكرة اول جلسة للكنيست بعد العودة جدول اعمالها مناقشة انشاء 22 مستوطنة في جنوب لبنان عشان يحمي حدوده الشمالية حسب كلام يسرائيل كاتس

ان تأمين الارض هو انك تسعي لانشاء مجتمعات مدنية فيه
لأن المجتمعات المدنية محمية بموجب القانون الدولي
و اي اعتداء عليها هيرجعنا لنقطة العمليات العسكرية الموسعة و يحق لنا الاستيلاء علي النقاط التي تشكل خطر ارهابي
" نفس سيناريو 7 اكتوبر بالحررررف 👌🏻 .. يلا اضربوا مستوطنات غلاف غزة عشان غزة كلها تلزمنا 🙄 "

📢 يا جماعة يا بتوع الحوثي ياللي بتقاوموا العدو الصهيوني
فضربتوا مدينة المخا انهاردة في اليمن و اسقطوا عشرااااات القتلي و الجرحي
و مصفاة ارامكو في جازان في السعودية
حووووش الضفة اتغرقت مستوطنات و اهالينا في الاقصي بيبادوا و يتهجروا

📢 يا حج عراقچي يا بتاع سنردع العدو الصهيوني .. لسه الصبح انت قايل هنردع
ف ضربت ناقلة الغاز بتاعت ادنوك
إلحق العدو الصهيوني مدشمل الضفة

ايه مفيش مسيرة كده و لا صاروخ كده علي العدو الصهيوني 🤔

مش هتسقطوا قتلي صهاينة
مكملين في قتل العرب 🤔

اااه يا محور مقاومة نتنياهو للعرب .. حقيقي الصهيونية تبررررع في اختيار رجالها 👌🏻👌🏻

🔵 انت يا عم يا بتاع المقاومة
يا جماعة ياللي بتضربوا الدول العربية

إلحقوا الكلام علي بلاطة 👈🏻 לא עזה ולא הגדה
" لو جازا ڤيلو هاجادا "
لا غزة و لا ضفة
و لا في فلسطين 🙄🙄

انا عارفة ايران مستحيل تسكت علي الكلام ده و لن تترك الاقصي وحيدا 👈🏻 هتضرب البحرين او الكويت حاجة في الرينچ ده 🤔

انشالله بتوع الطوفان يكونوا مبشوطين كده
و المعاتيه بتوع الطوفان أحيا القضية
هو أحيا فعلا بس بدون " ي " 🙄🙄

🔵 ده مقال علي موقع BBC عربي و انجليزي كمان من ساعة واحدة فقطططط

📌 فكروني كده كنت بشرح في ايه امبارح و اول امبارح عن استخدام الاركيولوچي في المدينة المنورة و الضفة بغرض ايه 🤔

غالبا كاتب المقال مشرف في الانتريه 🙄

و كله في خدمة الدين الابراهيمي الشيطاني

🔵 #ليڤل_الوحش_من_الاقتراض:

📌 ايه يا چيلان الصكوك الضريبية اللي رئيس وافق علي اصدارها انهاردة دي 🤔 .. و دي حلو و لا حادق 🤔

الحقيقة يا عزيزي هي لا حلو و لا حادق
هي حاجة في رينچ الفسيخ كده بالنسبة للناس اللي مبتقدرش تاكله 🙄

🔸دي اداة تمويلية بتبتكرها الحكومات الضالة
هي بمثابة سحب رصيد ايرادات الضرائب المستقبلية علي المكشوف

🔹 ورقة مالية اسمها صك " امتلاك حق "
بتبيعها للممولين الضريبيين
بحيث تتخصم من مبلغ الضرائب المستحق عليهم مستقبلا
مع سداد عوائد مجزية
مفهمناش 🤔
طيب .. حط الكلام ده علي جنب و تعالي اشرحهالك بالبلدي

هفترض اني عندي قاعدة ضريبية مكونة من 10 ممولين بيسددولي گ حكومة ضرايب 10 مليون جنيه بشكل سنوي
واحد بيسدد مليون .. واحد بيسدد 3 مليون .. واحد بيسدد نص مليون
و هكذا

انا گ حكومة مفلسة و مديونة لطوب الارض
معنديش فلوس اسدد
اقوم اعمل ايه 👈🏻 اروح للممولين الضريبيين و اقولهم خدوا صكوك اهي ب 5 مليون جنيه
و عليها فوايد 20% سنويا

بس انا مش هدفعلكم قيمة الصك كاش
انا هخصمه من مستحقاتكم الضريبية

يعني مثلا الممول Z المفروض ان في 31 مارس 2027 يدفع ضرايب 2 مليون جنيه
هيشتري دلوقت من الحكومة صكوك ب نص مليون جنيه
يبقا هو مداين الحكومة ب نص مليون جنيه
يجي يسدد 1.5 مليون جنيه فقط

لااااا .. ده في عائد 🤷🏻‍♀️🤷🏻‍♀️
الصكوك السيادية فايدتها من 20% ل 23%
نفترض انها اتعملت 20%
يبقا العائد 100 الف جنيه
يبقا الممول هيسدد 1.4 مليون جنيه فقط

♦ ده يا عزيزي مسموش اقتصاد :
اسمه قمار
بنلعب قمار بأرباح غير موجودة و غير حقيقية

ليييييه 👈🏻 لأن انت متعرفش هل الممول هيستمر اصلا في السوق و لا لأ 🤷🏻‍♀️🤷🏻‍♀️
ما جايز الممول يموت
و الورثة يصفوا العين الضريبية 🤷🏻‍♀️

ف انت گ حكومة مديون بفلوس لا تملكها و لم تتحقق بعد .. لأ و عليها فوايد كمان
ف انت مضطر ترجع الفلوس بالفوايد
بدل ما مولت نفسك لسداد ديون
انت حطيت عليك ديون تااااااني

📌 مش هي دي بس الخطورة الوحيدة
ده في حاجة اخطر 👈🏻 مدة الصكوك

لو الفايدة 20% سنويا
يبقا الصك اللي مدته 5 سنين فايدته 100%
يعني الحصيلة الضريبية بتاعتك معرضة انها تكون صفر

الحصيلة الضريبية اللي هي في موازنة العام المالي الحالي 100.4% منها رايح في سداد فوايد الديون

بعد 5 سنين هتجيب منين 🤷🏻‍♀️🤷🏻‍♀️

بالاضافة لأن انت گ حكومة سالف 75% من الامكانيات المالية للقطاع المصرفي
يعني معندهمش يمولوا مشروعات جديدة و قطاع خاص جديد
يعني كده كده قماشتك الضريبية متقلصة بقالها سنتين و انت عارف كده
و زيادة الحصيلة الضريبية انت جايبها من الرسوم و الغرامات و الاتاوات و الضريبة المضافة و الضريبة الجمركية

انت مفيش ممول عندك زيادة من 2024 لحد انهاردة بسبب ان في شركات قفلت بسبب التعويم الجمييييل بتاع 6 مارس 😒😒


ف احنا وصلنا للقمار
خلصنا الربا
و دخلنا في القمار
نوأد بنات بقا عشان نقفل الجيم 😒😒

♦الاقتراح ده وراه الاخ جهاد ازعور
مندوب الصندوق في مصر
لأن هو ورياض سلامة محافظ مصرف لبنان .. اما كان ازعور وزير مالية
لعبوا قمار بالاحتياطي بتاع الدهب و الودايع طويلة الاجل
و خسرووووهم " حسب كلامهم يعني 🤷🏻‍♀️ "

📌 فالحقيقة في ظل الظروف الچيوسياسية المحيطة
ازاي بتسحب حصيلة الضرايب علي المكشوف 🤷🏻‍♀️🤷🏻‍♀️

ان كنت بعد 13 سنة مفيش عندك ايرادات
و في هوس للبيع و حق الانتفاع للانجازات بتاعت العهد الحالي و العهود السابقة
لاصولك و ممتلكاتك عشان سداد جبل ديون لا يعلم احد كيف تراكمت صخوره الا الله 🤷🏻‍♀️🤷🏻‍♀️

انت انهاردة واقف بتبيع اصولك عشان تسدد ديونك و منها الاصول اللي بتدر عليك ايرادات ... زي شركة فجر بتاعت الغاز كده

معتقد هتجيب منين ايرادات بعد كده 🤷🏻‍♀️🤷🏻‍♀️

و بعدين هل انت ضامن ظروف المنطقة والعالم
هو مش لما الناس تصرخ من الفقر و الغلاء
بتشغلوا الاسطوانة 👈🏻 اصل الحرب الروسية .. اصل الكورونا .. اصل حرب غزة .. اصل حرب ايران

الدول اللي بتنضرب من ايران مزودتش اسعار المحروقات و الكهربا
انت زودتها
اوكرانيا اللي بتنضرب من روسيا مخفضتش قيمة الهيرفينيا .. و روسيا اللي عليها زوربيح عقوبات مخفضتش الروبل
انت دشملت الجنيه و خليته و لااااا يسوي 🤷🏻‍♀️🤷🏻‍♀️

ف انت اصلا فاشل اقتصاديا و اداريا
و مش قادر تدير ازمة
و بقيت عاجز في جلب الايرادات
و محدش داخليا قادر يسلفك لأنك سالف 11.2 تريليون جنيه من الداخل

ف لجأت لتقليب ممولين الضرايب
و بفوااااايد
و كله علي حساب المواطن اللي فقرتوه و خربتوا بيته 🤷🏻‍♀️🤷🏻‍♀️

بتلعبوا قمار بحق الاجيال الجاية في كل شئ 🤷🏻‍♀️🤷🏻‍♀️

📌و ده بقا هيودينا فيييين 👈🏻 الموازنة
اااه ... ده معناه ان الموازنة فيها بنود جلب ايرادات حالية مستخلصة من ايرادات مستقبلية ذات عوائد
يبقا رقم العجز بتاع الموازنة اللي تم اعتمادها رقم Faaaake مزيف

و ده نتيجة التمسك بواحد تربية ايد حرامي وجاسوس بشهادة رئيس جهاز المخابرات شخصيا و ب مهندس لا يفقه في الاقتصاد الا الكلمتين اللي حافظهم : الدولة تتحمل العبء الاكبر من الدعم و التضخم انخفض
يدير اقتصاد وكله في الكليتش
وتقاريرك الدولية زي الزفت
و تقرير الفقر داخليا متعتم عليه بقاله 5 سنين و دوليا رقم مفزع
بالظبط اما اجيب محامي و اقوله معلش ادخل بس اوضة العمليات في مريض شيله الزايدة
المريض لازم هيموت 😒😒

مبارك اللي كان بيقول علي نفسه معاه دكتوراه في العند
اما كانت بتغفلج معاه
مكانش بيخاطر بالبلد
كان بيلجأ لنادي باريس و يعمل كام تليفون و يخفف عبء الديون شوية
فبما إن الحكومة الضالة مستمرة بالعند في الجميع
ممكن ناخد دكتور العند قدوة
و نروح لنادي باريس

يعني محاولة لتخفيض الديون
و احنا معانا كروت
يعني الغزاوية اللي اخدناهم
وكارت اللاجئين اللي فاتحين لهم البلد علي البحري و بنبيع لهم بيانات المواطنين في شركات الاتصالات
و كده يعني

وصلت للصكوك الضريبية 🤔
ده محصلش في تاريخ مصر الا ايام الخديوي اسماعيل
اما الديون تثاقلت بسبب القرارات الغلط في غلط
ف جاب اسماعيل باشا المفتش وزير مالية ?راح الراجل ابتدع بدعة ما انزل الله بها من سلطان
و هي صدور قانون المقابلة سنة 1871
و اللي نص علي تحصيل الضرايب عن الاطيان مقدما بقيمة ضريبة 6 سنين
مقابل اعفاءهم من 50% من قيمة الضرايب بعد مرور ال 6 سنين للابد
" كان معتقد يا عيني ان في 6 سنين هيسدد الديون اللي اثقل بيها مصر و الدنيا هتتعدل "

لكن الحقيقة ان سداد الديون بديون اثقل كاهل المزارعين و اصحاب الارض و اصحاب الدكاكين
و لبسنا في الانجليز بقا
جم نورونا 77 سنة


ليس لها من دون الله كاشفة بقا🤷🏻‍♀️🤷🏻‍♀️
دي ناس لا بتحترم اقتصاديين
و لا بتسمع لعلم
و ماشية بالعناد
و مش هتسمع اصلا .. ف ربنا ينجينا 🤷🏻‍♀️

🔵 حبايبي ... اخواتي ... اسرتي
و حشتوني جدااااا

كل سنة و جميعنا بخير
تتوافق ايام البركة كما عودنا الله في مصر

عيد صعود جسد السيدة العذراء سيدة نساء العالمين .. و المولد النبوي الشريف

♦و بالمناسبة دي اول امبارح و انا بتفرج كده علي اليوتيوب
لقيت عنوان 👈🏻 مسيحي يفوز بالعمرة في مسابقة حفظ القرآن .. و يهديها لجارته

عنوان قرأته كتير كأنه أكلاشيه
لكن دخلت الفيديو
مكنش مسابقة حفظ قرآن
كانت مسابقة لايف بتعملها وزارة الاوقاف اسئلة دينية
و اللي بيجاوب اكتر بيدخل قرعة
لقيت شاب مسيحي اسمه مينا يوسف
ظهرتله صفحة فيها اكونت جارته و هي بتجاوب بأكثر من كومنت
اتصل عليها يسألها عن السبب

قالتله عشان كل ما جاوبت
كل ما زاد فرصة اختياري في القرعة للفوز بقرعة عمرة و انا نفسي ازور بيت ربنا اوي

مينا دخل علي الصفحة و حضر اللايف
و جاب فون تاني
يسيرش علي الاجابات في جوجل
و يجاوب بسرعة
و يكرر الاجابات 20 و 30 مرة

القرعة العشوائية اختارت مينا يوسف بالفعل
و اتصل عليه احد المسئولين بالاوقاف
ف مينا فهمه الموقف
و اخد الفون وخبط علي جارته
و عرفها انه ساعدها عشان تفوز

🔹ممكن نخرج الموقف ده من اطار العاطفة اللي بتربط بين المسيحيين و المسلمين في مصر
الموضوع اكبر يا عزيزي
الموضوع انه انصهار متداخل جوا بعض
مينا مفكرش ان جارته مسلمة و هو مسيحي و الموضوع لا يعنيه .. مينا فكر في امكانية هل ممكن يسعد جارته
جارته .
جارته و بس .
انتهي توصيفها عنده علي انها طنط جارته اللي بيحبها مفيش بقا " المسلمة "
و السيدة الفاضلة لما تلقت الخبر من مينا
وقفت عند نقطة انت عملت كل ده عشاني يا مينا يابني .
بردو نقطة 👌🏻
مش ازااااي يا مينا ده انت مسيحي

العلاقة بين شعب مصر مختلفة عن طائفية كل الدول اللي أنهتها الطائفية
العلاقة بين المصريين علاقو قايمة علي صلة الدم

عشان كده كل اللي حاول يزرع فتنة
او يفرق بين المصريين فشل
ف استوردوا لنا فتن 😏

مصر الطيبة
بتعمل قرص العدرا و بتروح كلها دير درنكة تولع شمع للعدرا ... و بيرجعوا يدخلوا مع بعض محلات حلاوة المولد عشان الفولية و السمسمية اللي هي بتاعتنا كلنا

كل حلاوة مولد و انتوا حلوين
و كل قرص عدرا و بيوتكم فيها ريحة الخبيز .. ريحة الخير
كل ثانية
و احنا ضهر بلدنا 👌🏻

بعتذر لعدم وجودي
بس حقيقي الواحد مهدووووود
و كلها يومين تلاتة و اكون معاكم علي القناة التانية ❤❤

🔵 #الدعم_اللي_أكل_جبنة_المصريين:

سيادة الرئيس قال انهاردة انه طلب من الحكومة تحسبله الدعم اللي حصل عليه المصريين خلال ال 50 سنة اللي فاتوا
و تقارنه بحجم الديون

📌 هو انا معرفش ايه العلاقة
و معرفش ايه المنطق في ان المصريين هيتحاسبوا بأثر رجعي
علي دعم خارج الحقبة الزمنية اللي بيحكمها الرئيس عشان يطلعوا هما السبب في الديون اللي اتعملت في عهد الرئيس

نفس الفكرة بتاعت احنا ملناش دعوة ان الدولار ب 50 جنيه
ده يناير بنت اللذينا
انما احنا زي الفل و قراراتنا زي الفل

انا مليش دعوة انا معملتش جبل ديون .. ده الدعم بتاع السادات و مبارك 🤷🏻‍♀️🤷🏻‍♀️

منطق سيز علي رأي الحليف اردوغان 🙄

🔹هو بس في كام نقطة احب اوضحهم لسيادتك :
▪مبدئيا كده مصدر الدعم ايام السادات و مبارك
كان ايرادات الموازنة
عشان كانت الموازنة برغم انها بتحقق عجز الا انها فيها ايرادات
عبد الناصر كان سايب للسادات موازنة فيها ايرادات و ميزان مدفوعات فيه فائض و نقابات منتظمة
و مبارك كان بيدفع الدعم من ايرادات السياحة و قناة السويس اللي كانت بتروح لحسابات الرياسة و يطلع منها الدعم

سيادتك بس اللي الموازنات الحالية مفيهاش ايرادات
ف عشان كده مفيش فلوس للدعم المزعوم
اللي هو اصلا مفيش حاجة اسمها دعم

▪النقطة التانية 👈🏻 ايام السادات و مبارك كان الدعم مقسم علي المصريين فقط
و المصريين بيسددوا ضرائب و رسوم و عوائد

انما في عهد سيادتك
معانا 20% من تعداد المصريين زيادة جوا البلد .. ضيوف سيادتك .. بيتقسم عليهم الدعم مع المصريين
و مش بيدفعوا التزامات المصريين

يعني بيستفيد من دعم الكهربا و دعم المحروقات لكن مش بيدفع ضريبة منبع للدخل و لا تأمينات و مليون بس منهم اللي قانوني بيدفع رسوم اقامة
انما الباقي اللي حوالي 17 و لا 18 مليون عايشين سفلقة 🤷🏻‍♀️🤷🏻‍♀️

▪النقطة التالتة 👈🏻 ان سيادتك بتتكلم عن فاتورة الدعم في ال 50 سنة
بس السادات استشهد و مكنش عليه ديون
يعني 187 مليون دولار ده مش دين .. و الراجل كان بيدفع الدعم و مشتكاش و الله
بالعكس عمل معاش السادات گ ميزة دعم و حماية اجتماعية جدعنة منه كده للارامل و المطلقات بلا عائل
و لما شاله عشان صندوق النقد و حس انه هيخسر الناس .. والناس بتعاني
رجعه تاني
متجاهلش أوجاع الناس و آلامهم و تجاهل صرخاتهم🤷🏻‍♀️

و مبارك كان علي خلاف مع الكوكب كله بسبب الدعم و رفضه لرفع الدعم
و سابها و عليها 34.9 مليار دولار ودين داخلي 962 مليار جنيه ... بس بردو سابها و الاحتياطي بتاعها 36.5 مليار دولار
ف مكنش في ازمة ديون
لأن الاحتياطي بتاعه كان مغطي
و كان عنده 3 مصادر ثابتة للايرادات

سيادتك عليك
* دين خارجي انهاردة حوالي 172 مليار دولار
" 164 مليار نهاية الموازنة + 1.5 مليار يورو من الاتحاد الاوروبي + 3.9 مليار يورو اللي راحوا لوزارة النقل عشان القطار السريع + 355 مليون دولار بتوع البنك الصيني + 285 مليون دولار بتوع اليابان بتوع المترو "
* دين داخلي تجاوز 11.3 تريليون جنيه
* دين حكومي بيني " يعني ديون علي الوزارات لبعضها " 5.2 تريليون جنيه

ايه علاقة الدعم المقدم للمصريين ايام السادات و مبارك بالارقام دي ☝🏻☝🏻

هل لو كان السادات و مبارك شالوا الدعم .. مكناش استندنا هذا الكم الهائل من الديون 🤔

▪النقطة الرابعة 👈🏻 هو سيادتك اخدت الديون .. دفعتها لنا دعم
تمام
نتحاسب 🤷🏻‍♀️🤷🏻‍♀️
اعملك انا يا ريس الجدول بكل دعم في خلال ال 13 موازنة

السنة المالية : دعم مواد بترولية : دعم كهربا : دعم خبز و سلع تموينية
2014-2015 : 73.92 : 23.63 : 31.56
2015-2016 : 51.05 : 28.48 : 38
2016-2017 : 110 : 27.59 : 47
1017-2018 : 120 : 28.60 : 87.44
2018-2019 : 84.73 : 16.00 : 87
2019-2020 : 18.68 : 4.00 : 80.43
2020-2021 : 18.91 : zero.0 : 83.02
2021-2022 : 59.83 : zero.0 : 96.81
2022-2023 : 58.09 : zero.0 : 121.81
2023-2024 : 119.41 : 2.08 :127.70
2024-2025 : 154.50 : 25.50 : 134.15
2025-2026 : 75.03 : 75.0 : 160
2026-2027 : 15.4 : 104.16 : 175.30

اجمالي دعم المواد البترولية طول 13 سنة 951.08 مليار جنيه
اجمالي دعم الكهربا طول 13 سنة 260.63 مليار جنيه
اجمالي دعم الخبز و السلع التموينية طول 13 سنة 1.187.8 تريليون جنيه

يعني اجمالي الدعم 2 تريليون و 400 مليار جنيه
يعني 21.44% من اجمالي الدين الداخلي


ف هااااا 🤷🏻‍♀️🤷🏻‍♀️
الدعم طلع ملوش دعوة بحجم الدين أهوووو

انما لو عشان نقيف الرقم
و نطلع الدعم = رقم الديون
فناخده من 50 سنة فاتت

يبقا لازم ندخل في حسبة تانية اكبررررر 👈🏻 نقاط اخري
▪التدفقات النقدية اللي دخلت للسادات و مبارك
و اللي دخلت في عهد سيادتك
▪مبالغ الاستثمارات اللي دخلت في عهد السادات و مبارك
و اللي دخلت من 2014
▪قيمة العملة في عهد السادات و مبارك
و قيمة العملة حاليا
▪قيمة الاصول اللي تم بيعها في عهد السادات و مبارك
و اللي تم بيعها في عهد سيادتك

📌 طب هو في ملحوظة بسيطة 👈🏻 الفارق الكبير بين ارقام الدعم في 2019 و 2020 ثم القفزة من بعد 2024
ده الكارثة بتاعت تخفيض قيمة العملة ل 50 جنيه " اللي عملته يناير ... مش صندوق النقد خااااالص بعد تعاونه مع مافيا السوق السودا و رجاله في مصر 🤷🏻‍♀️🤷🏻‍♀️ "

" هو محدش في الحكومة كان جايب 60 من 60 في ال math في الاعدادية يعرف يطلع حسبة لا يشوبها العوار و التزييف ابدا كده😒😏 "


🔸سيادة الرئيس / كده احنا بنسوق الحجج
و الحجج دي بنسوقها
في محاولة لامتصاص جزء من اثر الكارثة اللي هتحصل قبل نهاية سبتمبر 2026

صندوق النقد نشر في الصحف انه طالب الحكومة المصرية بتعويم هيئة البترول

يعني ايه تعويم هيئة البترول 👈🏻 يعني رفع الدعم تماما عن المحروقات
و يحاسب المصريين علي الاسعار العالمية
يعني لتر البنزين ب 46 جنيه و لتر السولار ب 35 جنيه

و في ناس بالفعل بدأت تحذر ان الاستجابة لذلك هيؤدي لكارثة في البلد
زي الكتلة البرلمانية لحزب العدل مثلا ... وكذلك بعض الخبراء الاقتصاديين
اللي بيصرخوا من دلوقت و بيقولوا ان الخطوة دي هتخلي الاقتصاد ينهار تماما

ف سبب الديون :
▪التمسك بحكومة فاشلة عاجزة عن توليد ايرادات
بوظت المشروعات كلها و بعدين عرضتها للبيع لانها حكومة لصوص
▪القرارات الغلط بخفض قيمة العملة اللي زاد عبء الموازنة
▪الاستثمار السلبي في الديون
يعني بنسدد الديون بديون تانية بفايدة تانية
▪الاصرار علي استكمال مشروعات بلا ايرادات
عشان احنا دولة مش بتحترم دراسات الجدوي و العلم
و عايزين ندور الاقتصاد بالعافية و لوي الدراع


عدم الاعتراف بالاشكاليات اللي عندنا و محاولة رميها علي رؤوساء تانيين معتقدش انه هيحل الكارثة القادمة
لو الرئيس السادات رحمه الله له خطأ .. ف هو الاندفاع خلف الرأسمالية و احنا مكنش عندنا لا مقومات اقتصادية و لا رصيد مالي و لا قدرة شعبية لتحمل القرار ده
و اننا ندخل صندوق النقد بدون احتياجنا ل كده 🤷🏻‍♀️🤷🏻‍♀️

مبارك بقا
اعتقد من اخطاءه الشعب ثار عليه و اجبره علي التنحي
ف المفروض ان الشعب بقا يتحاسب .... يعني كان المفروض الشعب يطلع علي مبارك يقوله ابوس ايديك ارفع عننا الدعم و جوعنا عشان القادم بعدك الحكومة متعايرناش بالدعم
و تحملنا فشلهم و اخفاقهم الاقتصادي 🤔🤔

عموما القرار بتاع تعويم هيئة البترول ده قرار خراب
و مش هتعرفوا تلموا اثاره
زي ما لحد انهاردة مش عارفين تلموا كوارث تدمير العملة و اللي اتدمر علي اثره حياة المصريين 👌🏻👌🏻

عودة عجيبة غريبة
بس الله غالب ... مادمنا مكملين في انكار الواقع و ان العيب في الشعب 🤷🏻‍♀️🤷🏻‍♀️

🔵 #الخيبة_القوية:

ده انفوجراف عاملاه قناة العين الاماراتية عن العلاقة الاستراتيجية بين مصر و الامارات
و ده شئ واقعي
و تقريبا اكتر دولتين قريبتين في المنطقة من بعض هما مصر و الامارات
و ده شئ مفيش فيه اي مشكلة

📌 الامارات بقا حاليا بتعمل علي تأمين الغذاء لمصر 🤔
هنا العيب مش في الامارات
العيب فينا

و لازم نفهم الموضوع

الحكاية ان الامارات عن طريق شركة الظاهرة الاماراتية لاستصلاح الاراضي دخلت اشترت 67 الف فدان زراعي من مناطق الصالحية .. شرق العوينات .. توشكي
" اشترت مش حق انتفاع .. يعني الاصول آلت ملكيتها للامارات .. و بالتقسيط و انهت الاقساط في يوليو الماضي يعني تقسيط علي 10 سنين كمان تقريبا "

شركة الظاهرة زرعت قمح و ذرة صفرا و برسيم حجازي و بنجر

🔹ايه بقا زيادة صادرات الاماراتية دي اللي مكتوبة في الانفوجراف
ما الامارات يافندم بتصدرلنا الانتاج .. و بتبيعه لنا بالسعر العالمي كمان

هو بيدفع تكلفة الزراعة كاملة
لكن الارض الخصبة دي اصل من اصول الدولة
حصة المياه اللي بيحتاجها للزرع اصل من اصول الدولة
المحصول اللي بيطلع من الارض دي هو مستخرج من اصلين اساسيين في الدولة 👈🏻 الارض و المياه

🔹فين المنطق و العقل اللي يقول اني ابيع الارض .. و افرط في حصة مياه بالبيع
عشان احصل علي سلعة استراتيجية بدل ما ادفع فيها سعر التكلفة ... ادفع فيها سعر عالمي 🤷🏻‍♀️🤷🏻‍♀️
▪ايه الميزة بقا اللي مصر ضحت عشانها برقعة زراعية هامة زي دي 👈🏻 ان احنا هندفع السعر العالمي بالدولار لكن ما يعادل قيمته بالجنيه المصري
ف هنخفف العبء علي طلب الدولار
يا سلااااااام 🤔

مين فاقد الاهلية اللي عمل العقود دي
مين المختل عقليا اللي شاف ان العبث ده صفقة اصلا 🤷🏻‍♀️🤷🏻‍♀️

طب ما انت هتعمل ضغط علي طلب جمع الوحدات النقدية من العملة المصرية لأن عملتك متدمرة و متسواش
و بالتالي هتلجأ لحاجتين :
▪اما الطباعة : و ده متقدرش تعمله عشان الصندوق ميوقفكش وشك للحيط و يشيلك الشنطة
و لو عملته هتفشخ السوق تضخم اصلا
▪او تستدين من البنوك و القطاع المصرفي
و ده اللي انت بتعمله
و اذ فجأة تفاجئ الجميع ان الحكومة مستدينة 75% من البنكنوت الخاص بالسوق النقدي في البنوك
و محتجزاه عندها
و البنوك بتمشي نفسها ب 25%
" و ده هيعمل بلوة قريب "
لأن الحكومة مبتسددش للقطاع المصرفي
و منتظرة الصندوق يمشي
عشان تطبع اموال
و بالتالي السوق هينهار بسبب انفجار التضخم " حاجة شبه فنزويلا كده "

ف هل التضحية تساوي الميزة
اطلاااااقا
التضحية لمجرد تغطية عوار و فشل حكومة اللصوص بتاعتنا 🤷🏻‍♀️🤷🏻‍♀️

🔸النقطة التانية المميتة :
اتفاقية التمويل
مصر المحروسة بجلالة قدرها
عشان تشتري قمح
اقترضت من مكتب في ابوظبي

" ياليتني مت قبل هذا و كنت نسيا منسيا "

مصر بتقترض من مكتب .. مش دولة و لا قطاع بنكي
لاااا مكتب .. حتة مكتب
نص مليار دولار
بشروط المكتب :
▪هتاخدهم علي 5 سنين كل سنة 100 مليون دولار
▪هتشتري بيهم القمح من نفس الشركة اللي بيتبع لها المكتب المالي
" يعني الظاهرة خلت مكتب التمويل بتاعها يسلفنا عشان بفلوس السلف دي نشتري منها انتاجها اللي في ارضنا اللي احنا فرطنا فيها و بيعناها لهم عشان ناخد دولارات نسدد ديون مش عارفين راحت فين .... اااه اخدها الرئيس السادات طلعها دعم في كوبون معونة الشتا نسيت نسيت ان السادات و مبارك هما السبب 😒😒"
▪كافة شروط التمويل و الدفع وتحديد الفايدة تخضع ل ADEX " مكتب ابوظبي للصادرات "
و دور مصر فقط هو الالتزام و التنفيذ
▪الفايدة بقا اللي ADEX محددها " و هنا قمة المسخرة "
الفايدة تسدد كل 6 شهور = 2.8% + Term SOFR
" ايه SOFR ده 👈🏻 ده يافندم سعر الفايدة المرجعي المتغير كل 6 شهور عندهم هناك و هو حاليا 4.3%"
يعني المفروض اني اسدد فايدة عن ال 6 شهور الاولي من القرض 4.3% + 2.8% = 7.1%

و دي اعلي فايدة في تاريخ اي اقتراض
يعني لو ثبتت
هسدد بعد 5 سنين 71 مليون دولار تقريبا
لان الفايدة 7.1% فايدة نصف سنوية يعني اجمالي الفايدة سنويا 14.2%

يعني انا خسران مرتين :
▪مرة اني بدفع السعر العالمي بدل سعر التكلفة
▪والمرة التانية 71 مليون دولار تكلفة الاقتراض

هي هي نفس فكرة محطة جبل الزيت
خدوها حق انتفاع عشان احنا عالم عويلة مش قادرين نعملها صيانة و هنشتري منكم بالدولار وبالسعر العالمي بردو

هي هي نفس فكرة عقود التنقيب اللي اتعملت من 2016 ل 2023
احنا هناخد اتاوة التنقيب بس
و حلال عليكم الانتاج
و هنشتروه منكم بالسعر العالمي
و هنعاير الشعب بالدعم
مش هنقول ابدا اننا فاشلين في انشاء شركات تنقيب

♦الجديد بقا ان الامارات عايزة تزود محفظة الحيازة للاراضي الزراعية المصرية ل 150 الف فدان
يعني بتتفاوض في حوالي 90 الف فدان
اماكنهم مختلفة و لكن اهمهم يقع غرب النيل
" اعتقد ان دي الاراضي اللي بيتم نزع ملكيتها حاليا من المزارعين بعد عقود التصالح ذات ال 23 بند .. و سداد المزارعين الاقساط
الناس صحيت الصبح
لقيت رئيس الوزرا اصدر قرار ب لحس كلامهم و الغاء العقود و نزع ملكية الاراضي .... و اخبطوا دماغكم في الحيط يا مزارعين يا مصريين .. احنا خدامين الدولار "

📌 قرار تملك الاراضي للمزارعين ده
قرار اصدره رئيس الجمهورية سنة 2021
خاص باملاك الدولة
و ان اللي حاطط ايده علي ارض يقدر يشتريها و ياخد عقد تملك
و بالفعل مزارعين كتير جداا اكتر من 30 الف مزارع
راحوا و عملوا مصالحات
و دفعوا غرامات باثر رجعي و دفعوا مقدم شرا الارض و سددوا اقساط كمان
و اخدوا عقود تملك
من شهر كده رئيس الوزرا لغي قرار رئيس الجمهورية و قال ميلزمنيش الحقيقة قرار رئيس الجمهورية ده
الغي يابني العقود دي و انتزع الاراضي من المزارعين .. وفي اراضي انتزعوها لحساب جهاز مستقبل مصر
و الجهاز عارضها للبيع ضمن 100 الف قطعة ارض

طب ما هي متباعة
و الناس دفعت تمن البيع
و زرعت
و وردت لك المحصول
وملتزمة في السداد

لحساب مين الفساد ده
عقود القمح فساد .. عقود الكهربا فساد .. عقود البترول فساد .. انتزاع الاملاك من الشعب فساد

لحساب مين الفساد ده كله
لحساب مين الخساير المهولة دي من الاقتراض

اكيد السبب في الفساد ده هزيمة المماليك في معركة ابوقير البحرية 🤔🤔
زي ما سبب فشل ادارة موارد الدولة و الاقتراض بشراهة لحد ما خربتوا بيتنا سببه الجزمة السليبس بتاعت باتا و توب بيجامات الكستور بتاع السادات 🤔🤔

و انهاردة مصر بتقترض من مكتب

يعني لو كنا عملنا شركة قابضة لاستصلاح الاراضي و مولناها من اكتتاب عام للشعب
و زرعنا احنا القمح ده و الدرة و البرسيم
و خلناها مشروعات صغيرة الشباب تدفع التكلفة و تقتسم الارباح مع الدولة
مش كان اكرم لنا من الاهانة دي

يعني كان دعم الشركة دي مش هيأثر في حجم الفلوس اللي اتسرقت في عمولات القروض و بيع الاصول 🤷🏻‍♀️🤷🏻‍♀️

لو كانت البلد اخدت معلقة كشري من طبق الكشري ... مكنش حد هيحس

اااه متبقوش تنسوا تكتبوا في الانجازات اللي هتعرضوها في اكتوبر .. استصلاح الرقعة الزراعية و بيعها 👌🏻👌🏻

و يمكن اسبقكم انا قبل اكتوبر
و اقولكم الانجازات راحت فين بالظبط ومصيرها ايه 👌🏻👌🏻