Мулоқот жараёнида фуқаролар моддий ёрдам олиш, ишга жойлашиш, уй-жой билан таъминланиш ва мавжуд турар жойларни таъмирлаш, тўлов-контракт маблағларини қоплаш, кадастр ҳужжатларини расмийлаштириш, жарроҳлик амалиёти учун кўмак олиш, ичимлик суви ва электр энергияси таъминоти, турмуш ўртоғини ишга жойлаштириш, боғдорчилик билан шуғулланиш учун ер майдони ажратиш ҳамда чиқиндиларни ўз вақтида олиб кетиш каби қатор масалалар юзасидан мурожаат қилдилар.

Ҳар бир мурожаат атрофлича кўриб чиқилиб, уларда кўтарилган масалаларни қонуний ҳал этиш, зарур ҳолларда жойига чиққан ҳолда ўрганиш ва амалий ёрдам кўрсатиш юзасидан масъул раҳбарларга тегишли топшириқлар берилди.

Шунингдек, мурожаатлар ижросини қатъий назоратга олиш, белгиланган вазифаларни ўз вақтида ва сифатли бажариш, кўрилган чоралар ҳамда эришилган натижалар ҳақида фуқароларга маълумот бериш бўйича аниқ вазифалар белгилаб олинди.

Чуст туманида хонадондаги кичик иссиқхона катта даромад манбаига айланмоқда.

Айни пайтда унинг иссиқхонасида лимон, мандарин ва апельсин каби цитрус мевалари парваришланмоқда. Ўтган йили мазкур иссиқхонадан 35 миллион сўм даромад олингани тадбиркорни янада кенгроқ фаолият юритишга ундади.

Эришилган натижалардан руҳланган Алишер Парпиев фарзанди Тоиров Фирдавсбек номига ажратилган ёшлар ер майдонида ҳам янги иссиқхона ташкил этиш ташаббусини илгари сурди. Бунинг учун 100 миллион сўм кредит маблағи жалб қилиниб, 15 сотих майдонда замонавий иссиқхона барпо этилди.

Ҳозирда янги иссиқхонага 140 туп лимон кўчати экилган. Ердан унумли фойдаланиш ва қўшимча даромад олиш мақсадида кўчатлар орасига тўқсонбости усулида саримсоқпиёз ҳам экилган.

Тадбиркорнинг асосий мақсади — етиштирилаётган маҳсулотларни янги йил арафасида халқимиз дастурхонига етказиб бериш, оилавий даромадни янада ошириш ҳамда ёшлар ўртасида тадбиркорликка бўлган қизиқишни кучайтиришдан иборат.

Парпиевлар оиласи мисолида меҳнатсеварлик, ташаббускорлик ва мавжуд имкониятлардан самарали фойдаланиш орқали янги даромад манбаларини яратиш мумкинлигини кўриш мумкин.