#tarqating

Harbiy xizmatchilar va ularning oila a’zolarini ijtimoiy himoya qilish kafolatlari mustahkamlanmoqda
 
⭐️ Oliy Majlis Qonunchilik palatasining navbatdagi majlisida “Harbiy xizmatchilar maqomi va ularni ijtimoiy himoya qilish to‘g‘risida”gi qonun loyihasi birinchi o‘qishda ko‘rib chiqildi.

🗃 Mazkur qonun loyihasi harbiy xizmatchilarning huquqlari, imtiyozlari, kafolatlari hamda ularning majburiyatlari bilan bog‘liq munosabatlarni kompleks tartibga solishni nazarda tutadi.

🗃 Xususan, qonun loyihasida O‘zbekiston Respublikasi Qurolli Kuchlari tarkibiga kiruvchi vazirlik va idoralar harbiy xizmatchilarining huquqiy maqomi, huquq va majburiyatlari, javobgarligi, shuningdek ular va oila a’zolarini ijtimoiy va huquqiy himoya qilishning aniq mexanizmlari belgilab berilmoqda.

🗃 Loyihaga ko‘ra, harbiy xizmatchilar uchun davlat tomonidan kafolatlangan huquqlar, erkinliklar, qonunchilik hujjatlari bilan belgilangan imtiyozlar, cheklovlar, majburiyatlar va javobgarlik majmui harbiy xizmatchilar maqomi deb belgilanmoqda. Hujjatda harbiy xizmatchi maqomiga ega bo‘lish va uni bekor qilish tartibi, xizmatni o‘tashning o‘ziga xos xususiyatlari, xizmat intizomi va xizmat majburiyatlariga doir talablar aniqlashtirilmoqda.

🗃 Qonun loyihasida harbiy xizmatchilarni ijtimoiy qo‘llab-quvvatlashning zamonaviy mexanizmlari alohida o‘rin olgan. Jumladan, ularni moddiy ta’minlash, sifatli tibbiy xizmat ko‘rsatish, uy-joy bilan ta’minlash, majburiy davlat sug‘urtasi, pensiya ta’minoti, xizmat vazifasini bajarish chog‘ida jarohat olgan yoki halok bo‘lgan taqdirda kompensatsiya to‘lovlarini amalga oshirish kabi muhim kafolatlar qonun darajasida mustahkamlanmoqda.

🗃 Shuningdek, harbiy xizmatchilarning ijtimoiy himoyasini mustahkamlash maqsadida qonun loyihasida qator yangi imtiyozlar ham nazarda tutilmoqda. Xususan, harbiy xizmatdan bo‘shatilgan va xizmat yillari 20 yildan kam bo‘lmagan harbiy xizmatchilarga yiliga bir marotaba sanatoriy-kurortlarga 75 foizlik imtiyoz asosida yo‘llanma olish imkoniyati yaratilmoqda. Bunda yo‘llanma narxining 25 foizi harbiy xizmatchi hisobidan, 75 foizi esa tegishli vazirlik va idoralarning budjet mablag‘lari hisobidan qoplanadi. Shu bilan birga, mazkur qonun loyihasi bilan harbiy xizmatchilarga yiliga bir marta bazaviy hisoblash miqdorining 100 baravarigacha bo‘lgan miqdorda moddiy yordam to‘lash imkoniyati yaratilmoqda.

🗃 Deputatlar muhokamalar davomida ushbu qonun loyihasi harbiy xizmatchilarning huquqiy maqomini aniq belgilash, ularning ijtimoiy himoyasini kuchaytirish, harbiy xizmat nufuzini yuksaltirish, Vatan himoyachilari va ularning oila a’zolari uchun mustahkam kafolatlar yaratishda muhim ahamiyat kasb etishini alohida ta’kidladilar.

⭐️Safarbarlik tayyorgarligi va safarbarlik sohasida yagona huquqiy asos yaratiladi
 

🗃Qonun loyihasida safarbarlik tayyorgarligi va safarbarlikning asosiy maqsadlari, prinsiplari va ustuvor yo‘nalishlari belgilanmoqda. Shuningdek, davlat organlari, tashkilotlar hamda fuqarolarning o‘zini o‘zi boshqarish organlarining vakolatlari va majburiyatlari aniq nazarda tutilmoqda. Loyihada “safarbarlik tayyorgarligi” va “safarbarlik” tushunchalari ilk bor aniq va kompleks huquqiy mazmunda ifodalanmoqda.

🗃Shu bilan birga, loyihada umumiy yoki qisman safarbarlikni e’lon qilishning aniq huquqiy mexanizmlari, davlat organlari va tashkilotlarning vazifalari, iqtisodiyot tarmoqlarini urush davri sharoitida ishlashga o‘tkazish tartibi ham belgilab berilmoqda. Xususan, davlat va aholining ehtiyojlarini uzluksiz ta’minlash maqsadida oziq-ovqat, yoqilg‘i, tibbiy xizmat, transport, aloqa kabi muhim tizimlarning barqaror faoliyatini ta’minlash choralari nazarda tutilgan.

🗃 Bundan tashqari, safarbarlik davrida chaqirilgan fuqarolar uchun ish joyini saqlab qolish, kredit to‘lovlarini kechiktirish, yetkazilgan zararlarni kompensatsiya qilish kabi ijtimoiy kafolatlar ham mustahkamlanmoqda.

🗃Majlisda qonun loyihasi deputatlar tomonidan birinchi o‘qishda qabul qilindi.

𝘾𝙤𝙢𝘽𝙖𝙩.𝙪𝙯

#tezkor #tarqating
Milliy gvardiyaga xizmatga kirish uchun arizani endi onlayn berish mumkin!

O‘zbekiston Respublikasi Milliy gvardiyasi safida kontrakt bo‘yicha harbiy xizmatni o‘tash yoki maxsus unvonli xodimlar lavozimiga xizmatga kirish istagida bo‘lgan fuqarolar uchun qulay imkoniyat yaratildi.

✅ Endilikda ishga kirishda arizalar my.gov.uz portali orqali masofadan turib topshirish mumkin!

💻Xizmatdan foydalanish uchun:

⏺my.gov.uz portalida avtorizatsiyadan o‘tib, so‘rovnomani to‘ldiring;
⏺ Milliy gvardiya mas’ul xodimlari ma’lumotlarni ko‘rib chiqib, nomzodni saralash bosqichlariga yo‘naltiradi;
⏺15 ish kuni ichida saralash tadbirlariga ruxsat berilgani yoki sababi ko‘rsatilgan holda rad etilgani haqida bildirishnoma keladi;
⏺ Dastlabki o‘rganishdan muvaffaqiyatli o‘tgan nomzodlar belgilangan joyda amaliy va jismoniy sinovlarni topshiradilar.

Taqdim etilishi kerak bo‘lgan hujjatlar:

➖Yashash joyidagi poliklinikadan sog‘liq holati to‘g‘risida ma’lumotnoma;
➖Sport sohasidagi yutuqlar, xorijiy tillarni bilish, IT-kurslar hamda “Vatanparvar” tashkiloti sertifikatlari (mavjud bo‘lgan taqdirda).

Xizmatdan foydalanish mutlaqo bepul!

✈️Milliy gvardiyaga ishga kirmoqchi bo'lgan tanishlarga yuborib qo'yamiz!

𝘾𝙤𝙢𝘽𝙖𝙩.𝙪𝙯