የመጨረሻው ዙር ዕጣ ወጣ
እድለኞች እንኳን ደስ አላችሁ!
***********

የኢትዮጵያ ንግድ ባንክ የዘመን መለወጫን በዓል ምክንያት በማድረግ ከውጭ ሀገር ገንዘብ ለሚላክላቸው እና የውጭ ሀገር ገንዘብ ለሚመነዝሩ ደንበኞቹ ያዘጋጀው የሽልማት መርሐ ግብር የመጨረሻ ዙር ዕጣ በዛሬው ዕለት በዋናው መሥሪያ ቤት የመሰብሰቢያ አዳራሽ የብሔራዊ ሎተሪ አገልግሎት ተወካይ በተገኙበት ወጥቷል፡፡
 
ዛሬ ጥቅምት 12 ቀን 2019 ዓ.ም  በወጣው ዕጣ 136 ደንበኞች፣ እንዲሁም ከጳጉሜ 2/ 2018 እስከ ጥቅምት 9 ቀን 2019 ዓ.ም በቆየው የሽልማት መርሐ ግብር በአጠቃላይ 461 ደንበኞች የ10 ሺ ብር እና 50 ሺ ብር ተሸላሚ መሆናቸውን የባንካችን የማርኬቲንግ ዳይሬክተር አቶ ተስፋ ተክሌ ተናግረዋል።
 
የባንካችን የሪቴል ባንኪንግ ምክትል ፕሬዚዳንት አቶ ደሳለኝ ዓለሙ የሽልማቱ ዓለማ ደንበኞች በህጋዊ መንገድ ከውጭ ሀገር ገንዘብ እንዲያስልኩ እና እንዲመነዝሩ ለማበርታታት መሆኑን ተናግረዋል።
 
አቶ ደሳለኝ የኢትዮጰያ ንግድ ባንክ የሚያገኘውን የውጭ ምንዛሪ ለሀገል ልማት እና ዕድገት መልሶ በማዋል  ሕብረተሰቡ ተጠቃሚ እንዲሆኑ ያደርጋል ብለዋል፡፡

ባንካችን ዲጂታል አማራጮችን ጨምሮ በርካታ ገንዘብ መላኪያ አማራጮችን ማዘጋጀቱን የገለፁት አቶ ደሳለኝ፣ ደንበኞች የውጭ ምንዛሪን በሕጋዊ መንገድ መላክ እና መመንዘር  ለሀገር ያለውን ጠቀሜታ በውጭ ሀገራት ላሉ ዘመዶቻቸው በማሳወቅ  በባንኩ በኩል ገንዘባቸውን እንዲልኩ እንዲሁም የዲያስፖራ ባንክ አገልግሎት እንዲጠቀሙ በማስተዋወቅ ለባንካችን አምባሳደር እንዲሆኑ ጥሪ አቅርበዋል።
 
 በሦስተኛው ዙር ዕጣ አሸናፊ የሆኑ ደንበኞች በሥነ-ሥርቱ ላይ በመገኘት ከባንኩ የሥራ ኃላፊች ሽልማታቸውን ተቀብለዋል፡፡

የኢትዮጵያ ንግድ ባንክ፦ ታሪካዊ አሻራ፣ ዲጂታል ፈጠራና ጠንካራ የሕዝብ እምነት!
*****
በዲጂታል ዘመን ትክክለኛና ወቅታዊ መረጃን ማድረስና ለደንበኞች ጥያቄዎች ተገቢውን ምላሽ መስጠት ለባንካችን ስኬቶች ወሳኝ መሆኑን የኢትዮጵያ ንግድ ባንክ ኮምዩኒኬሽን ዳይሬክተር አቶ አልሰን አሰፋ ገለፁ።

አቶ አልሰን ይህንን ያሉት የኢትዮጵያ ንግድ ባንክ ለሀገር ኢኮኖሚ ዕድገት እያበረከተ ያለውን አስተዋጽኦ፣ ታሪካዊ ጉዞና በዲጂታል ዘመን የተቋሙን ማንነትና መልካም ስም ለማጠናከር የሚያስችለውን የተቀናጀ የኮሙኒኬሽን አቅጣጫ የሚዳስስ ገለጻ ዛሬ በሰጡበት ወቅት ነው።

የኢትዮጵያ ንግድ ባንክ የቦሌ ዲስትሪክት ኃላፊዎችና የባንካችን የኮሙኒኬሽን ሰራተኞች በተገኙበት፣ ገለጻው በባንኩ ዋና መሥሪያ ቤት ተካሂዷል።

አቶ አልሰን በገለጻቸው በዲጂታል ዘመን ትክክለኛና ወቅታዊ መረጃን ማድረስ፣ ለደንበኞች ጥያቄዎች ተገቢውን ምላሽ መስጠትና የባንካችን ስኬቶች ለሕዝብ በተቀናጀ መንገድ ማስተዋወቅ ትኩረት ተሰጥቶ ሊሰራ እንደሚገባ ተናግረዋል።

የባንካችን መልካም ስም መጠበቅና የሕዝብን እምነት ማሳደግ የአንድ ክፍል ብቻ ኃላፊነት ሳይሆን፣ የሁሉም ሠራተኞች የጋራ ተግባር መሆኑም አመላክተዋል።

የኢትዮጵያ ንግድ ባንክ ታሪካዊ አደራውን በመጠበቅ፣ የቴክኖሎጂ አቅሙን በማሳደግና ከማኅበረሰቡ ጋር ያለውን ቁርኝት በማጠናከር፣ ለሀገር ኢኮኖሚ ዕድገትና ለዘላቂ ልማት ያለውን አስተዋጽኦ ለማስቀጠል እየሠራ መሆኑን የገለፁት ደግሞ የኢትዮጵያ ንግድ ባንክ ቦሌ ዲስትሪክት ዳይሬክተር አቶ ጫላ ገመቹ ናቸው።

የኢትዮጵያ ንግድ ባንክ ለሀገርና ለህዝብ እያበረከተ ያለውን ከፍተኛ አስተዋፅኦ ለማህበረሰቡ ማድረስና የባንካችንን መልካም ስም መጠበቅ ከሁሉም ሰራተኛ የሚጠበቅ የጋራ ስራ መሆኑን አቶ ጫላ አስምረውበታል።