ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
អាជ្ញាធរ​ខេត្ត​សៀមរាប​បាន​ជូន​ដំណឹង​ប្រាប់​ពលរដ្ឋ​ឱ្យ​ប្រុង​ប្រយ័ត្ន​ ពី​ការ​បាញ់​គ្រាប់​ពិត​ ពី​សំណាក់​ក្រុម​ទាហាន​កង​ពល​ធំ​អន្តរាគមន៍​លេខ២ នៅ​ចំណុច​ភ្នំ​ខ្យង ក្នុង​ឃុំ​កន្ទួត​ ស្រុក​ស្វាយ​លើ រយ:​ពេល ២ ថ្ងៃ ចាប់​ពី​ថ្ងៃ​ទី២៦ ដល់​ថ្ងៃ​ទី​២៧ ខែ​កុម្ភៈ នេះ។ https://www.facebook.com/photo/?fbid=1095158312653296&set=a.492095336292933
មជ្ឈមណ្ឌល​សិទ្ធិ​មនុស្ស​កម្ពុជា​ហៅ​កាត់​ថា CCHR ទទូច​ឱ្យ​មាន​ការ​បើក​ឱកាស​ដល់​ស្ត្រី​វ័យ​ក្មេង ក្នុង​សកម្មភាព​ចូលរួម​ចំណែក​ក្នុង​សកម្មភាព​សង្គម​ សេដ្ឋកិច្ច វប្បធម៌ និង​នយោបាយ។ ការ​ទទូច​នេះ ធ្វើ​ឡើង​ក្នុង​សេចក្ដី​ថ្លែង​ការណ៍​ របស់​មជ្ឈមណ្ឌល​សិទ្ធិ​មនុស្ស​កម្ពុជា ដែល​គ្រោង​នឹង​ប្រារព្ធ​ទិវា​អន្តរជាតិ​នារី​នៅ ថ្ងៃទី៧ ខែ​មីនា​ខាង​មុខ ក្រោម​មូល​បទ«សម្រាប់​ស្ត្រី​និង​ក្មេង​ស្រី​ទាំងអស់ ស្ដី​ពី​សិទ្ធិ​សមភាព និង​ការ​ពង្រឹង​សិទ្ធិ​អំណាច» ដើម្បី​អបអរ​សាទរ​ទិវា​អន្តរជាតិ​នារី​ថ្ងៃទី០៨ ខែ​មីនា នៅ​ទូទាំង​ពិភព​លោក។ https://www.facebook.com/photo/?fbid=1095160469319747&set=a.492095336292933
ក្រសួង​កសិកម្ម រុក្ខាប្រមាញ់ និង​នេសាទ លើក​ទឹក​ចិត្ត​ដល់​សង្គម​ស៊ីវិល ឲ្យ​ចូលរួម​ការពារ​ធនធាន​ធម្មជាតិ ខណៈ​រដ្ឋាភិបាល​ តែង​ធ្វើទុក្ខបុកម្នេញ​សកម្មជន​បរិស្ថាន និង​អ្នកការពារ​ធនធាន​ធម្មជាតិ។ សកម្មជន​បរិស្ថាន​លើកឡើង​ថា ការ​លើក​ទឹក​ចិត្ត​តែ​ម៉្យាង គឺ​មិន​គ្រប់គ្រាន់​ឡើយ លុះត្រា​តែ​ក្រសួង​ស្ថាប័ន​រដ្ឋ​ពាក់ព័ន្ធ​បើក​លម្ហ​សេរីភាព​ឲ្យ​យុវជន សកម្មជន និង​សហគមន៍​មូលដ្ឋាន​បាន​ចុះ​ល្បាត​ព្រៃ និង​ការពារ​ធនធាន​ធម្មជាតិ។ https://www.facebook.com/photo/?fbid=1095163255986135&set=a.492095336292933
ការផ្សាយឡេីងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃទី២៧ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ ៖ អភិបាលកិច្ចដែលមានប្រសិទ្ធភាព
វាគ្មិនកិត្តិយស៖
១. លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស
២. លោក សុន ពេញ នាយកប្រតិបត្តិអង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ CPDD
អ្នកសម្របសម្រួល៖ អ្នកស្រី ខេន សុខលេនhttps://www.facebook.com/comfrel.org/videos/1871561940254026
នាយករដ្ឋមន្ដ្រីវៀតណាម លោក ផាម មីញជីញ បានស្នើឱ្យកម្ពុជា និងវៀតណាមធ្វើការរួមគ្នាដើម្បីរៀបចំបោះបង្គោលព្រំដែនគោកដែលនៅសល់ ចំនួន១៦%។ សំណើរបស់មេដឹកនាំវៀតណាមដូចនេះធ្វើឡើងក្នុងជំនួបជាមួយលោក ប្រាក់ សុខុន រដ្ឋមន្រ្ដីក្រសួងការបរទេសកម្ពុជានៅក្នុងទីក្រុងហាណូយនាថ្ងៃទី២៥ កុម្ភៈ ឆ្នាំ២០២៥។ https://www.facebook.com/photo/?fbid=1095182805984180&set=a.492095336292933
ចួបគ្នាល្ងាចនេះ ជាមួយកម្មវិធី «ស្រ្តីអាចធ្វើបាន»
កាលបរិច្ឆេទ : ថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២៥ វេលាម៉ោង ៤: ០០ ដល់ ៥:០០ ល្ងាច)
ប្រធានបទ ៖ ស្ត្រី និងសិទ្ធិការងារល្អប្រសើរ
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo?fbid=1095164635985997&set=a.492095336292933
លោក​បណ្ឌិត សុខ ទូច ប្រធាន​រាជ​បណ្ឌិត​សភា​កម្ពុជា​បាន​សរសេរ​នៅ​លើ​ទំព័រ​ហ្វេស​ប៊ុក​នា​ថ្ងៃ​ទី​២៥​ ខែ​កុម្ភៈ​ថា ករណី​រាវ​លៀស​នៅ​បឹង​ទន្លេ​សាប​មិន​មែន​ដើម្បី​តែ​ក្រពះ​ប៉ុណ្ណោះ​ទេ​ តែ​ជាការ​នេសាទ​ដោយ​ប្រើ​ម៉ាស៊ីន និង​ទូក អូស​ក្នុង​ទ្រង់​ទ្រាយ​ធំ​ដើម្បី​យក​ទៅ​ធ្វើ​ជា​ចំណី​ត្រី និង​កិន​ធ្វើ​ចំណី​សត្វ​។​ តាម​ បណ្ឌិត​ សុខ ទូច ​លៀស​របស់​ខ្មែរ​រាប់​សិប​តោន​ត្រូវ​បាន​ដឹក​ចេញ​ពី​បឹង​ទន្លេសាប​ទៅកាន់​ប្រទេស​ជិត​ខាង​។​ ឆ្លើយ​ប្រាប់​វិទ្យុ​បារាំង​អន្តរ​ជាតិ​ RFI នាថ្ងៃ​ទី​២៦ កុម្ភៈ​នេះ ​លោក សុខ ទូច ថា​ករណី​នេសាទ​លៀស​ទ្រង់​ទ្រាយ​ធំ​នេះបាន​កើត​ឡើង​ច្រើន​នៅតាម​ខេត្ត​ដែល​ជាប់​នឹង​បឹង​ទន្លេសាប​។ https://www.facebook.com/photo?fbid=1095186219317172&set=a.492095336292933
នៅរសៀលថ្ងៃទី២៥​ កុម្ភៈ សាលាឧទ្ធរណ៍ក្រុងភ្នំពេញបានបើក​សវនាការលើជនជាប់ចោទពាក់ព័ន្ធនឹងគម្រោងតំបន់ត្រីកោណអភិវឌ្ឍន៍ កម្ពុជា ឡាវ និង វៀតណាម (CLV-DTA)។ សវនាការនេះធ្វើឡើង ក្រោយជនជាប់ចោទបានប្តឹងជំទាស់នឹងសេចក្តីសម្រេចរបស់តុលាការក្រុងភ្នំពេញដែលបំបែកសំណុំរឿងជា ៥សំណុំដាច់ពីគ្នា។ https://www.facebook.com/photo?fbid=1095188619316932&set=a.492095336292933
នៅពេលដែលក្រសួងការងារ និងបណ្តុះបណ្តាលវិជ្ជាជីវៈ ដាក់ចេញនូវវិធានការថ្មី ដើម្បីប្រយុទ្ធប្រឆាំងនឹងជំងឺមិនឆ្លងក្នុងចំណោមកម្មករ សហជីពសង្កត់ធ្ងន់លើតម្រូវការនៃការគ្រប់គ្រងកាន់តែតឹងរ៉ឹងលើការលក់អាហារជុំវិញរោងចក្រ ដោយលើកឡើងពីប្រាក់ឈ្នួលទាបជាឧបសគ្គដល់សុខុមាលភាពកម្មករ។ https://www.facebook.com/photo/?fbid=1095197965982664&set=a.492095336292933
អ្នកនាំពាក្យក្រសួងសាធារណការ និងដឹកជញ្ជូនប្រាប់វិទ្យុស្រ្តីនៅថ្ងៃទី២៦ ខែកុម្ភៈនេះថា ដំណើរការចុះពិនិត្យការដ្ឋានគម្រោងសាងសង់ស្ពានមិត្តភាពកម្ពុជា-កូរ៉េ មុខផ្សាររាត្រីឆ្ពោះទៅកាន់ក្រុងអរិយក្សត្រកំពុងបោះជំហានមួយដ៏វែងនិងយ៉ាងល្អិតល្អន់ មុននឹងប្រកាសបើកការដ្ឋានសាងសង់នាពេលខាងមុខ។ អ្វីដែលក្រុមការងារកំពុងផ្តោតការយកចិត្តទុកដាក់សិក្សាបច្ចុប្បន្ននេះ គឺការសិក្សាពីលំហូរចរាចរចេញចូលរាជធានីភ្នំពេញត្រង់ចំណុចផ្សាររាត្រី ព្រោះចំណុចនេះមានចរាចរមមាញឹក។ https://www.facebook.com/photo/?fbid=1095202522648875&set=a.492095336292933
ភរិយារបស់លោក សាន សិទ្ធិ ដែលសកម្មជនសន្ធិសញ្ញាទីក្រុងប៉ារីសបានធ្លាក់ខ្លួនមានជំងឺប្រចាំកាយ ចំណែកជីវភាពក៏ជួបការលំបាក ហើយថវិកាសម្រាប់កូនរៀនក៏ខ្វះខាតផងដែរ បន្ទាប់ពីស្វាមីរបស់ខ្លួនបានជាប់ពន្ធនាគារក្នុងសំណុំរឿងរិះគន់លើគម្រោងអភិវឌ្ឍតំបន់ CLV របស់រដ្ឋាភិបាល។ ការលំបាកផ្នែកជីវភាពនេះត្រូវបានអ្នកស្រី ស្វាយ ពៅ ភរិយាលោក សាន សិទ្ធិ ទម្លាយប្រាប់អ្នកសារព័ត៌មានកាលពីថ្ងៃទី២៦ ខែកុម្ភៈ គ្រាដែលសាលាឧទ្ធរណ៍ដំណើរការបើកសវនាការលើបណ្តឹងជំទាស់បំបែកសំណុំរឿងជា ៥ តូចៗដាច់ពីគ្នា។ https://www.facebook.com/photo/?fbid=1095203219315472&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖ ស្រ្តី និងសិទ្ធិការងារល្អប្រសើរ
វាគ្មិនកិត្តិយស :
១. កញ្ញា សារ៉ុន រ៉ុងសៃ យុវជនសកម្មក្នុងកិច្ចការងារសង្គម
២. លោក ផង អាន និស្សិតជំនាញសង្គមវិទ្យា
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437​ https://www.facebook.com/comfrel.org/videos/1627268211492091
ពលរដ្ឋ​ខ្មែរ​អ៊ិស្លាម​មួយ​ចំនួន​បន្ត​រស់​នៅ​ក្នុង​ទូក​លើ​ទឹក​ក្នុង​តំបន់​ជ្រោយ​ចង្វារ រាជធានីភ្នំពេញ ដោយ​ប្រឈម​នឹង​ការ​បណ្តេញ​ចេញ។ ពួក​គេ​ស្នើ​សុំ​ទីតាំង​ស្នាក់​នៅ​ត្រឹម​ត្រូវ​មួយ។ https://www.facebook.com/photo?fbid=1095949052574222&set=a.492095336292933
មន្ត្រី​សង្គម​ស៊ីវិល​លើកឡើង​ថា រដ្ឋាភិបាល​កម្ពុជា​គួរតែ​មាន​យន្តការ​កែលំអ ដែល​ឆ្លើយតប​ទៅ​នឹង​អនុសាសន៍ នៃ​យន្តការ​ត្រួតពិនិត្យ​ជា​សកល​តាម​កាលកំណត់ (UPR) របស់​អង្គការ​សហប្រជាជាតិ ដែល​កម្ពុជា​ទទួល​យក​ចំនួន ៨៥​ភាគរយ ពាក់ព័ន្ធ​នឹង​ការ​ប្ដេជ្ញាចិត្ត​ចំពោះ​បញ្ហា​សិទ្ធិមនុស្ស។ ការ​លើកឡើង​នេះ ក្រោយ​ពេល​កម្ពុជា បញ្ជាក់​អំពី​ការ​ប្ដេជ្ញាចិត្ត​ចំពោះ​ការគោរព​សិទ្ធិមនុស្ស​នៅ​ចំពោះមុខ​សហគមន៍​អន្តរជាតិ ប៉ុន្តែ​ជាក់ស្តែង​ស្ថានភាព​សិទ្ធិមនុស្ស​នៅ​កម្ពុជា​គ្មាន​ភាព​ប្រសើរ​នោះ​ឡើយ។ https://www.facebook.com/photo?fbid=1095952669240527&set=a.492095336292933
លោក​នាយករដ្ឋមន្ត្រី ហ៊ុន ម៉ាណែត បាន​បញ្ជា​ឱ្យ​មន្ត្រី​សាងសង់​វិទ្យាល័យ​មួយ​លើ​ភ្នំគូលែន​ក្នុង​ខេត្ត​សៀមរាប​ បន្ទាប់ពី​ពលរដ្ឋ​ត្អូញត្អែរ​ថា​ កូនៗ​របស់​ពួកគាត់​បោះបង់​ការសិក្សា​ទាំង​វ័យ​ក្មេង​ ដោយសារ​សាលា​រៀន​នៅ​ឆ្ងាយ​ពី​ផ្ទះ។ https://www.facebook.com/photo?fbid=1095955352573592&set=a.492095336292933
លោក​នាយករដ្ឋមន្ត្រី ហ៊ុន ម៉ាណែត លើកឡើង​ថា ការ​ប្រឡង​សញ្ញាបត្រ​បាក់ឌុប​នឹង​លែង​ចាំបាច់ នៅ​ពេល​សិស្ស​មាន​គុណភាព ប៉ុន្តែ​សម្រាប់​ពេល​បច្ចុប្បន្ន លោក​ថា ការ​ប្រឡង​នេះ​មាន​សារៈសំខាន់ ដើម្បី​បញ្ជាក់​ពី​កម្រិត​សមត្ថភាព​របស់​សិស្ស​ថ្នាក់​ទី១២។ https://www.facebook.com/photo?fbid=1095959949239799&set=a.492095336292933
ប្រជា​ពលរដ្ឋ​​នៅ​ក្រុង​បាត់ដំបង​ត្អូញត្អែរ​ពី​​បញ្ហា​ផ្លូវ​ខូច​​ជា​ច្រើន​កន្លែង​​ ដែល​បង្ក​​ផល​លំបាក​ ​ក្នុង​ការ​ធ្វើ​ដំណើរ ​និង​​​​ការ​​ប្រកប​មុខ​របរ​រក​ស៊ី​ប្រចាំ​​ថ្ងៃ​​​​ របស់​ពួក​កាត់។ ពលរដ្ឋ​​ថា បញ្ហា​ផ្លូវ​ខូច​នេះ​ កើត​ឡើង​​ជាង​១ឆ្នាំ​ហើយ ប៉ុន្តែ​​​ អាជ្ញាធរ​ហាក់​យឺតយ៉ាវ​ក្នុង​​ការ​ជួសជុល​​​ឱ្យ​បាន​ត្រឹម​ត្រូវ​​ ​ខណៈ​រដូវ​ប្រាំង​ឆ្នាំ​នេះ ​សោភ័ណភាព​ទី​ក្រុង​​​មាន​សភាព​​ក្រៀមក្រោះ​ និង ​​ក្ដៅ​ហួតហែង​ ពោរពេញ​​ដោយ​​ធូលី​​ដី​ហុយ។ https://www.facebook.com/photo/?fbid=1095962782572849&set=a.492095336292933
ពលរដ្ឋ​ថា ការ​លើក​ឡើង​របស់​អ្នក​នាំ​ពាក្យ​រដ្ឋាភិបាល​ថា អាជ្ញាធរ​បាន​ជោគជ័យ​លើ​ការ​បង្ក្រាប​ការ​ទន្ទ្រាន​ដី​ព្រៃ​ខុស​ច្បាប់​មិន​ឆ្លុះ​បញ្ចាំង​ពី​ការ​ពិត​ទាំង​ស្រុង​នោះ​ទេ។ គ្រួសារ​ពលរដ្ឋ​រង​គ្រោះ​ដោយ​ការ​ចោទ​ប្រកាន់​ថា បាន​រុករាន​ដី​ព្រៃ​ខុស​ច្បាប់ ហើយ​ត្រូវ​បាន​អាជ្ញាធរ​ចាប់​ដាក់​ពន្ធនាគារ​ អះអាង​ថា ការ​ចោទ​ប្រកាន់​មួយ​ចំនួន​របស់​អាជ្ញាធរ​មក​លើ​ពលរដ្ឋ ធ្វើ​ឡើង​ដោយ​គ្មាន​តម្លាភាព​ ហើយ​បង្ក​ការ​ឈឺចាប់​ដល់​ពលរដ្ឋ។ https://www.facebook.com/comfrel.org
សង្គម​ស៊ីវិល​ជំរុញ​ឱ្យ​អាជ្ញាធរ​ខេត្ត​ព្រះវិហារ​ ចាត់​វិធានការ​ទប់ស្កាត់​សកម្មភាព​ជនជាតិ​ចិន​ឆ្លង​ដែន​ខុស​ច្បាប់​ពី​ប្រទេស​ឡាវ​ចូល​មក​កម្ពុជា និង​ពី​កម្ពុជា​ចេញ​ទៅ​​​ឡាវ​​ក្នុង​ភូមិសាស្ត្រ​ឃុំ​កំពង់ស្រឡៅ១ និង​ឃុំ​កំពង់ស្រឡៅ២​ ស្រុក​ឆែប​ឱ្យ​មាន​​ប្រសិទ្ធភាព។ https://www.facebook.com/photo/?fbid=1095964205906040&set=a.492095336292933
យុវជនចំនួន ៣៥នាក់មកពីសកលវិទ្យាល័យផ្សេងៗគ្នាក្នុងរាជធានីភ្នំពេញ និងខេត្តបាត់ដំបងបានធ្វើដំណើរទៅកាន់ដែនជម្រកសត្វព្រៃ ព្រៃឡង់ស្ថិតក្នុងខេត្តស្ទឹងត្រែង។ កម្មវត្ថុរបស់ពួកគេ គឺដើម្បីសិក្សាស្វែងយល់ពីការប្រែប្រួលអាកាសធាតុ និងការអភិរក្សប្រព័ន្ធអេកូឡូស៊ី។ ទន្ទឹមគ្នានេះ ពួកគេក៏ទទួលបានការចែករំលែកបទពិសោធន៍ក្នុងការការពារ និងអភិរក្សធនធានធម្មជាតិពីប្រជាសហគមន៍ដែរ។ https://www.facebook.com/photo/?fbid=1095967322572395&set=a.492095336292933