ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០៥ ខែមីនា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ ៖ អភិបាលកិច្ចដែលមានប្រសិទ្ធភាព
វាគ្មិនកិត្តិយស៖
១. លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស
២. លោក សុន ពេញ នាយកប្រតិបត្តិអង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ CPDD
អ្នកសម្របសម្រួល៖ អ្នកស្រី ខេន សុខលេន https://www.facebook.com/comfrel.org/videos/2792499460929834
អធិការស្រុកកណ្តាលស្ទឹងខេត្តកណ្តាលបានបញ្ជាក់នៅថ្ងៃទី៥ ខែមីនា ឆ្នាំ២០២៥ ថា កម្លាំងជំនាញនៅតែបន្តស្រាវជ្រាវរកអត្តសញ្ញាណជនសង្ស័យ និងម្ចាស់រថយន្ត Prius ពណ៌ក្រហមដែលពាក់ព័ន្ធនឹងករណីចាប់ជំរិតទារលុយជនជាតិចិន។ ក្នុងកិច្ចសម្ភាសខ្លីជាមួយវិទ្យុបារាំងអន្តរជាតិ អធិការស្រុកកណ្តាលស្រុកកណ្តាលស្ទឹង លោកវរសេនីយ៍ឯក ឡេង សុខរុនបានប្តេជ្ញាតាមរកជនសង្ស័យឱ្យបានឆាប់ ខណៈដែលជនរងគ្រោះកំពុងសម្រាកព្យាបាលរបួសនៅមន្ទីរពេទ្យ។ https://www.facebook.com/photo/?fbid=1100413025461158&set=a.492095336292933
លោក ប្រាក់ សុខុន រដ្ឋមន្ត្រីក្រសួងការបរទេសបានលើកឡើងនៅក្នុងសន្និបាតនាថ្ងៃទី០៤ ខែមីនា ឆ្នាំ២០២៥ ថា ប៉ុន្មានឆ្នាំតទៅមុខ ការប្រកួតប្រជែងខាងភូមិសាស្ត្រនយោបាយ សេដ្ឋកិច្ច និងយុទ្ធសាស្ត្ររវាងមហាអំណាចធំៗនឹងកំណត់អំពីការប្រែប្រួលនៃស្ថានការណ៍តំបន់ និងពិភពលោក។ រូបភាពនេះក៏នឹងដាក់សម្ពាធដោយផ្ទាល់ ឬដោយប្រយោលលើប្រទេសអំណាចកណ្តាល ឬតូចតាច ដូចកម្ពុជាដែរ។ អ្នកវិភាគនយោបាយ និងភូមិសាស្ត្រនយោបាយខ្លះយល់ថាកម្ពុជាចាំបាច់ត្រូវធ្វើដំណើរទៅមុខប្រកបដោយភាពប្រយ័ត្នប្រយែង និងខ្លះទៀតថាការប្រកាន់ខ្ជាប់នូវខ្លឹមសារនៃកិច្ចព្រមព្រៀងសន្តិភាពក្រុងប៉ារីស គឺជាមធ្យោបាយដ៏ល្អ។ https://www.facebook.com/photo/?fbid=1100415135460947&set=a.492095336292933
លោកស្រី អេង ចាន់ឌី នាយិកា​ប្រតិ​បត្តិ​នៃ​អង្គការ​យែន​ឌ័រ ​និង​អភិវឌ្ឍន៍​ដើម្បី​កម្ពុជា​កត់​សម្គាល់​ថា ​ការលើក​កម្ពស់​ស្ត្រី​នៅ​កម្ពុជា​មាន​ការ​ប្រែ​ប្រួល​គួរ​ចាប់​អារម្មណ៍​តាម​រយៈ​ផ្តល់​តួនាទី​ដល់​ស្ត្រីឲ្យ​កាន់​តួនា​ទី​ធំៗ​ក្នុង​ស្ថាប័ន​រដ្ឋ​។​ តែ​ក្នុង​បទ​សម្ភាស​ជាមួយ​វិទ្យុ​បារាំង​អន្តរជាតិ​RFI​ នៅ​ថ្ងៃ​ទី​៥ ខែ​មីនា ​លោកស្រី ​អេង ចាន់ឌី លើក​ឡើង​ថា ​ការ​ប្រមាថ​ទៅ​លើ​ស្ត្រី ​ការ​បៀត​បៀន ​និង​ការ​រើស​អើង​ភេទ​នៅ​តែ​បន្ត​កើត​ឡើង​ ខណៈ​ការអនុវត្ត​ច្បាប់​នៅ​មាន​កម្រិត​។​ អ្នក​ការ​ពារ​សិទ្ធិ​ស្ត្រី​រូប​នេះ​បាន​បញ្ជាក់​ថា ​បើភ្ជាប់​ការ​ប្រមាថ​ទៅ​លើ​ស្ត្រីទៅ​នឹងរឿង​នយោបាយ នោះ​គេ​ពិបាក​លុប​បំបាត់​ការ​រើស​អើង​ភេទ​។ https://www.facebook.com/photo/?fbid=1100424515460009&set=a.492095336292933
បី​ថ្ងៃ​ក្រោយ​ព្រឹទ្ធសភាផ្ដល់​ការ​យល់​ស្រប​ដោយ​គ្មាន​ការ​ជជែក​សួរ​ដេញ​ដោល​លើ​សេចក្ដី​ព្រាងច្បាប់​ប្រឆាំង​ការ​មិន​ទទួល​ស្គាល់​ឧក្រិដ្ឋកម្ម​ក្នុង​របប​ខ្មែរ​ក្រហម ព្រះមហាក្សត្រសម្ដេច​ព្រះបរមនាថ នរោត្ដម សីហមុនី បាន​ឡាយ​ព្រះហស្តលេខា​ប្រកាស​ឱ្យ​ប្រើច្បាប់នេះ​ជា​ផ្លូវការ​នៅ​ថ្ងៃទី១ ខែមីនា។ https://www.facebook.com/photo?fbid=1101131265389334&set=a.492095336292933
តុលាការ​កំពូល​​នឹង​ប្រកាស​សាលដីកា​​លើ​សំណុំ​រឿង​សុំ​នៅ​ក្រៅ​ឃុំ​របស់​​​ឪពុក​​​​អ្នក​អត្ថាធិប្បាយ​នយោបាយ​​ លោក ស៊ន តារា គឺ លោក សុខ ស៊ុនណារ៉េត នៅ​ថ្ងៃ​ទី​២១ ខែ​មីនា។ គ្រួសារ​ និង​​មន្ត្រី​​សង្គម​ស៊ីវិល​​​សង្ឃឹម​​ថា តុលាការ​កំពូល​​​នឹង​សម្រេច​​សេចក្ដី​ដោយ​ផ្អែក​លើ​ការ​ពិត​ និង​មិន​លំអៀង​ទៅ​គណបក្ស​កាន់​អំណាច។ https://www.facebook.com/photo?fbid=1101132735389187&set=a.492095336292933
ក្រសួង​បរិស្ថាន​ដាក់​ចេញ​នូវ​គោលការណ៍​អភិវឌ្ឍន៍​សេដ្ឋកិច្ច​សហគមន៍ ក្នុង​តំបន់​ការពារ​ធម្មជាតិ ដើម្បី​ឲ្យ​សហគមន៍​មូលដ្ឋាន​ទទួល​បាន​ប្រាក់​ចំណូល​ប្រចាំ​ថ្ងៃ តាម​រយៈ​ការ​ផ្ដល់​សេវាកម្ម​ទេសចរណ៍​ធម្មជាតិ ខណៈ​សហគមន៍​មូលដ្ឋាន​កំពុង​ប្រឈម​នឹង​ការ​គំរាមកំហែង​ស្ទើរ​គ្រប់​រូបភាព ដោយសារ​ការ​ការពារ​ធនធាន​ធម្មជាតិ។ អ្នកឃ្លាំមើល និង​សហគមន៍​មូលដ្ឋាន ស្នើ​ដល់​អាជ្ញាធរ ឲ្យ​ស្ដាប់​នូវ​គោលការណ៍​ណែនាំ​របស់​ក្រសួង និង​បើក​លម្ហ​សេរីភាព​ដល់​សហគមន៍ ឲ្យ​ចូលរួម​ការពារ​ធនធាន​ធម្មជាតិ។ https://www.facebook.com/photo/?fbid=1101138738721920&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០៦ ខែមីនា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ ៖ អភិបាលកិច្ចដែលមានប្រសិទ្ធភាព
វាគ្មិនកិត្តិយស៖
១. លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស
២. លោក សុន ពេញ នាយកប្រតិបត្តិអង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ CPDD
អ្នកសម្របសម្រួល៖ អ្នកស្រី ខេន សុខលេន https://www.facebook.com/comfrel.org/videos/1068999138325631
បន្ទាប់ពីជាងមួយទសវត្សរ៍នៃការរងទុក្ខវេទនាពីការផ្លាស់ទីលំនៅដោយហិង្សា បំផ្លាញដំណាំ និងការធ្វើសមរភូមិផ្លូវច្បាប់ដ៏យូរអង្វែង គ្រួសារកសិករប្រមាណ ៧០០​គ្រួសារ និងក្រុមហ៊ុនផលិតស្ករសធំមួយរបស់ប្រទេសថៃគឺក្រុមហ៊ុន Mitr Phol Co Ltd បានឈានដល់កិច្ចព្រមព្រៀងមួយ។ អង្គការ​ស​ម​ធម៌កម្ពុជា ថ្លែងថា ភាគីទាំងពីរពេញចិត្តនឹងដំណោះស្រាយនៃដំណើរការនីតិវិធី បន្ទាប់ពីដំណើរការសម្របសម្រួលរួច។
https://www.facebook.com/photo/?fbid=1101188222050305&set=a.492095336292933
រដ្ឋមន្ត្រីក្រសួងសុខាភិបាលអះអាងថា ក្នុងឆ្នាំ២០២៤ ការប្រើប្រាស់សេវាព្យាបាលជំងឺទឹកនោមផ្អែមនៅតាមមន្ទីរពេទ្យរដ្ឋ និងឯកជនបានកើនឡើងចំនួន ៥៩% ដែលជាកម្រិតខ្ពស់គួរឱ្យកត់សម្គាល់។ តាមលោករដ្ឋមន្ត្រី កំណើននៃការប្រើសេវាព្យាបាលជំងឺទឹកនោមផ្អែមនេះបានបង្ហាញឱ្យឃើញពីការយកចិត្តទុកដាក់របស់ប្រព័ន្ធសុខាភិបាលកម្ពុជា តែថា នេះក៏ជាក្តីព្រួយបារម្ភពីកំណើនអ្នកជំងឺទឹកនោមផ្អែមនៅកម្ពុជាដែរ។ https://www.facebook.com/photo/?fbid=1101178942051233&set=a.492095336292933
អ្នកស្រី ង៉ែត ឃុន ឬគេស្គាល់ថាជាយាយម៉ាំមី សកម្មជនដីធ្លីបឹងកក់ មានសុខភាពកាន់តែទ្រុឌទ្រោម ប៉ុន្តែនៅតែប្ដេជ្ញាតវ៉ាឱ្យតុលាការដោះលែងកូនស្រីខ្លួន ដែលជាប់ចោទពីបទ «បំផ្លាញទ្រព្យសម្បត្តិសាធារណៈ»។ ជាមួយគ្នានេះ អង្គការសិទ្ធិមនុស្ស ក៏នៅតែទទូចឱ្យតុលាការដោះលែងកូនស្រីសកម្មជនរូបនេះ ពីព្រោះការឃុំខ្លួននេះមិនបានផ្ដល់ប្រយោជន៍សម្រាប់សង្គមជាតិឡើយ មានតែទទួលបានការរិះគន់ពីសហគមន៍ជាតិ និងអន្តរជាតិប៉ុណ្ណោះ។ https://www.facebook.com/photo/?fbid=1101200142049113&set=a.492095336292933
សេរីភាពនៃការបញ្ចេញមតិ !
សេរីភាពនៃការបញ្ចេញមតិ !
This project is co-funded by @European Union in Cambodia
#EUfunded
#PromotingAccontbleGovernment
#FreeFairElections
#Smartvoter
សូមទស្សនាវិដេអូខ្លីខាងក្រោម https://www.facebook.com/comfrel.org/videos/2151844678573501
ចួបគ្នាល្ងាចនេះជាមួយកម្មវិធី «ស្រ្តីអាចធ្វើបាន»
កាលបរិច្ឆេទ : ថ្ងៃព្រហស្បតិ៍ ទី០៦ ខែមីនា ឆ្នាំ២០២៥
ប្រធានបទ ៖ ស្ត្រីក្នុងវិស័យនយោបាយ
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo/?fbid=1101332462035881&set=a.492095336292933
Forwarded from Yoeng Nim
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី០៦ ខែមីនា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖ ស្រ្តីក្នុងវិស័យនយោបាយ
វាគ្មិនកិត្តិយស :
១. លោកស្រី អេង ចាន់ឌី នាយិកាប្រតិបត្តិអង្គការយេនឌ័រ និងអភិវឌ្ឍន៍ដើម្បីកម្ពជា
២. លោកស្រី សឺនកេត សិរីលក្ខណ៍ អ្នកសម្របសម្រួលកម្មវិធីអប់រំ និងយេនឌ័រនៃអង្គការខុមហ្វ្រែល
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437​ https://www.facebook.com/comfrel.org/videos/1170224964762426
អាជ្ញាធរបានកំណត់គោលដៅទីតាំងអនឡាញខុសច្បាប់ចំនួន ១៨កន្លែង និងចាប់ខ្លួនជនបរទេសចំនួន ៣៧២៤នាក់ និងបានបណ្តេញពួកគេចេញពីប្រទេសចាប់តាំងពីឆ្នាំ២០២៤។ ទន្ទឹមនេះអាជ្ញាធរ ច្រានចោល ការអះអាងដែលថាបានលក់ព័ត៌មានសម្ងាត់ទៅឱ្យក្រុមឧក្រិដ្ឋជន។ ការណ៍នេះគឺនៅស្របពេលមានការខិតខំប្រឹងប្រែងជាបន្តបន្ទាប់ដើម្បីប្រយុទ្ធប្រឆាំងនឹងឧក្រិដ្ឋកម្មតាមអ៊ីនធឺណិត និងការក្លែងបន្លំ។ https://www.facebook.com/photo/?fbid=1101400198695774&set=a.492095336292933
ឧស្សាហកម្មយានយន្តនៅកម្ពុជាបានជួបប្រទះនឹងកំណើនមិនទៀងទាត់ចាប់តាំងពីឆ្នាំ២០១៧មក ជាមួយនឹងការកើនឡើងតិចតួចបំផុតត្រឹម ៤ភាគរយនៅឆ្នាំ២០២៤។ មន្ត្រីរដ្ឋាភិបាល និងអ្នកដឹកនាំវិស័យឯកជន ដែលបានចូលរួមក្នុងកម្មវិធីជួបជុំរបស់ Eurocham ស្តីពីវិស័យយានយន្តសម្រាប់ឆ្នាំ២០២៥ និងនាពេលអនាគត បានលើកឡើងពីបញ្ហាប្រឈម និងឱកាសសំខាន់ៗ ដើម្បីត្រួសត្រាយផ្លូវឆ្ពោះទៅមុខ។ https://www.facebook.com/photo/?fbid=1101403378695456&set=a.492095336292933
សាលា​រាជធានី​ភ្នំពេញ​ថា សំណើ​រៀបចំ​ប្រារព្ធ​ទិវា​នារី​អន្តរជាតិ​ លើកទី១១៤ នៅ​ទីលាន​ប្រជាធិបតេយ្យ របស់​ក្រុម​អង្គការ​សង្គម​ស៊ីវិល ត្រូវ​រង់ចាំ​ការ​សម្រេច​របស់​ក្រសួង​មហាផ្ទៃ ដោយសារ​តែ​ចំនួន​អ្នកចូលរួម លើស​ពី​សមត្ថកិច្ច​របស់​សាលា​រាជធានី​ភ្នំពេញ។ តំណាង​អ្នក​រៀបចំ​កម្មវិធី លើកឡើង​ថា ក្រសួង​មហាផ្ទៃ គួរតែ​អនុញ្ញាត​ឲ្យ​ក្រុម​អង្គការ​សង្គម​ស៊ីវិល ប្រារព្ធ​ទិវា​នារី​អន្តរជាតិ​ នៅ​ថ្ងៃទី​៨ មីនា ខាង​មុខ​នេះ តាម​ការ​គ្រោង​ទុក។ https://www.facebook.com/photo/?fbid=1101411925361268&set=a.492095336292933
ពលករ​ខ្មែរ​​​​រាប់​រយ​នាក់ ដែល​​​ធ្វើ​ការ​នៅ​​ប្រទេស​ថៃ​​ បាន​​​ចាញ់​បោក​មេ​ខ្យល់​ ​ឱ្យ​បង្កើត​​គណនី​ធនាគារ​​ថៃ យក​​​ទៅ​លក់​ឱ្យ​ក្រុម​​ឧក្រិដ្ឋជន​តាម​​អនឡាញ (Online) ដែល​ធ្វើ​ឱ្យ​​​​​ពលករ​ខ្មែរ​​​​​ខ្លះ​​​​ ​ត្រូវ​បាន​ប៉ូលិស​ថៃ​ ​​​ចាប់​​​ខ្លួន​​ដាក់​ពន្ធនាគារ​​​​​​ជា​​​បន្តបន្ទាប់​​​​​​ក្រោយ​ប៉ូលិស​ថៃ​រក​ឃើញ​​​ថា គណនី​ធនាគារ​របស់​ពួក​គាត់​ ​បាន​ទទួល​លុយ​​ពី​ក្រុម​ឧក្រិដ្ឋជន​តាម​​អនឡាញ​​​​​​ រាប់​​ម៉ឺន​​ដុល្លារ។ មន្ត្រី​សង្គម​ស៊ីវិល​​​ឱ្យ​ដឹង​​ថា​ ករណី​នេះ​​ ​​កើត​​ឡើង​តាំង​​ពី​​ឆ្នាំ​​២០២២​ ​រហូត​​ដល់​សព្វថ្ងៃ ប៉ុន្តែ​​​ពុំ​ឃើញ​មាន​ ​អាជ្ញាធរ​កម្ពុជា​-​ថៃ​ ​​សហការ​គ្នា​​​​ស៊ើបអង្កេត​​ចាប់​ខ្លួន ​មេ​ខ្យល់​ទាំង​នោះ​មក​ផ្ដន្ទាទោស​ចំពោះ​មុខ​ច្បាប់​នោះ​​ឡើយ​ដែល​ធ្វើ​ឱ្យ​ពលករ​ខ្មែរ​​​ ជា​ច្រើន​បន្ត​រងគ្រោះ។ https://www.facebook.com/photo/?fbid=1101423658693428&set=a.492095336292933