ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ប្រមុខរដ្ឋស្តីទីកម្ពុជាលោក ហ៊ុន សែន បានព្រមានកុំឱ្យគេព្យាយាមចង់បំបែកបំបាក់ផ្ទៃក្នុងរបស់គណបក្សប្រជាជនកម្ពុជាឱ្យសោះ ព្រោះមិនអាចទៅរួចឡើយ។ ប្រតិកម្មព្រមានរបស់លោក ហ៊ុន សែនយ៉ាងដូច្នេះ ធ្វើឡើងបន្ទាប់ពីមានការចោទសួរថា ហេតុអ្វីបានជាលោក ហ៊ុន សែនបំពាក់ឋានន្តរស័ក្តិថ្នាក់នាយឧត្តមសេនីយ៍ផុតលេខផ្កាយមាស៥ ដល់លោក ទៀ បាញ់ និងលោកស្រី ម៉ែន សំអន ប៉ុន្តែ គ្មានលោក ស ខេង។ ចំពោះប្រមុខរដ្ឋស្តីទីកម្ពុជា ការចោទសួរបែបនេះមានចេតនាចង់បំបែកផ្ទៃក្នុងរបស់គណបក្សលោក។ https://www.facebook.com/photo/?fbid=1114431217392672&set=a.492095336292933
ជួបគ្នាថ្ងៃស្អែក ជាមួយកម្មវិធី «សំឡេងម្ចាស់ឆ្នោត» នៃការផ្សាយសំឡេងសង្គមស៊ីវិល (VOC) សហការជាមួយសមាគមបណ្ដាញយុវជនកម្ពុជា(CYN)
ប្រធានបទ ៖ លទ្ធផលនៃការប្រារព្ធទិវាព្រៃឈើអន្តរជាតិឆ្នាំ២០២៥
កាលបរិច្ឆេទ ៖ ថ្ងៃទី២៤ ខែមីនា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://web.facebook.com/photo/?fbid=1115994313903029&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២៤ខែមីនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាពលរដ្ឋ ខ្លះពេញចិត្ត តែអ្នកខ្លះក៏មិនពេញចិត្តជាមួយប្រជាធិបតេយ្យ?
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1341037277230127
នៅថ្ងៃទី២១ មីនា​ ក្រសួងមហាផ្ទៃបានទទួលស្គាល់ជាផ្លូវការនូវគណបក្សនយោបាយថ្មីមួយដែលមានឈ្មោះ សន្តិភាពជាតិ។ គណបក្សសន្តិភាពជាតិនេះ មានលោក រស់ សារ៉ុម ដែលជាអតីតសមាជិកគណបក្សកាន់អំណាចធ្វើជាប្រធាន។ លោក រស់ សារ៉ុម បានប្រាប់វិទ្យុបារាំងអន្តរជាតិនៅថ្ងៃអាទិត្យទី២៣​ មីនាថា ការ​សម្រេច​ចិត្តបង្កើតគណបក្សថ្មីមួយនេះឡើង គឺដើម្បីទប់ទល់នឹង​នយោបាយជ្រុលនិយមដែលកំពុងកើនឡើង។ https://www.facebook.com/photo/?fbid=1116835267152267&set=a.492095336292933
អ្នកប្រើប្រាស់បណ្ដាញសង្គម និងសកម្មជនសង្គម ព្រមទាំងអ្នកអត្ថាធិប្បាយនយោបាយ សោកស្ដាយ បើសិនវិទ្យុអាស៊ីសេរីប្រឈមមុខនឹងផ្អាកការផ្សាយរបស់ខ្លួននាពេលខាងមុខ។ពួកគាត់មិនចង់ឲ្យវិទ្យុមួយនេះ ផ្អាកដំណើរការផ្សាយនោះទេ ព្រោះបើអត់អាស៊ីសេរី ប្រៀបដូចអត់មានអ្នករូតវាំងននសង្គម បាត់វិទ្យុអាស៊ីសេរី នឹងបាត់ព័ត៌មានពិត ហើយសង្គមកម្ពុជានឹងប្រែទៅជាពិភពដ៏ខ្មៅងងឹត។ https://www.facebook.com/photo/?fbid=1116838910485236&set=a.492095336292933
លោក ជួន កក្កដា អតីតព្រះវិន័យធម៌គណខេត្តតាកែវបានបញ្ជាក់នៅថ្ងៃទី២២ មីនា ឆ្នាំ២០២៥ ថា ការលាចាកសិក្ខាបទរបស់លោកនាពេលថ្មីៗនេះមិនមែនការចាប់បង្ខំអ្វីឡើយ តែជាការសម្រេចចិត្តដោយខ្លួនឯង។ ការចេញមុខមកបញ្ជាក់យ៉ាងដូច្នេះ​ គឺក្រោយមានជជែកវែកញែកថា​ ការលាចាកសិក្ខាបទរបស់ជួន កក្កដាជាការបង្ខិតបង្ខំ ក្រោយសង្ស័យពាក់ព័ន្ធនឹងការបង្កើត «ក្រុមជំនុំព្រះត្រៃបិដក» ឡើងវិញ។ https://www.facebook.com/photo/?fbid=1116842507151543&set=a.492095336292933
តំណាងអយ្យការនៃតុលាការខេត្តកំពង់ស្ពឺសម្រេចមិនឃុំខ្លួនអ្នកបើករថយន្តដែលគ្មានប័ណ្ណបើកបរក្នុង​សំណុំ​រឿង​គ្រោះ​ថ្នាក់​ចរាចរណ៍​រវាង​ម៉ូតូ និង​រថយន្ត ដែល​បណ្តាល​ឲ្យ​មនុស្ស​៣នាក់​ស្លាប់​នោះទេ។ ការ​សម្រេច​ដូច្នេះ​ដោយ​សារតែ​សមត្ថកិច្ច​ជំនាញ​ចរាចរណ៍​រក​ឃើញថា អ្នក​បើក​បរម៉ូតូជាអ្នក​ខុស​ដោយ​សារតែ​បើ​ក​បញ្ច្រាសទិសមិន​ប្រកាន់​ស្តាំ និង​ផ្ទុកមនុស្សលើសចំណុះ។ នេះបើតាម​សេចក្តី​ប្រកាស​របស់​អយ្យការ​អម​សាលា​ដំបូង​ខេត្ត​កំពង់​ស្ពឺ​នៅ​ថ្ងៃទី២១ ខែ​មីនា។ https://www.facebook.com/photo/?fbid=1116843270484800&set=a.492095336292933
នាយករដ្ឋមន្ដ្រីថៃ លោកស្រី ផែថុងថាន ស៊ីណាវ៉ាត្រា នៅថ្ងៃសុក្រ ទី២១ មីនា បានបញ្ជាក់ថា ថៃ និងកម្ពុជា ត្រៀមខ្លួនរួចជាស្រេចក្នុងការដោះស្រាយបញ្ហាឆបោកតាមប្រព័ន្ធអនឡាញ និងការជួញដូរមនុស្សនៅតាមព្រំដែននៃប្រទេសទាំងពីរ។ តាមការស្រង់សម្ដីដោយសារព័ត៌មានថៃ The Nation លោកស្រីនាយករដ្ឋមន្ដ្រីថា ភាគីកម្ពុជាបានប្ដេជ្ញាចិត្តយ៉ាងពេញទំហឹង ក្នុងការផ្ដល់កិច្ចសហការលើរឿងនេះ។ https://www.facebook.com/photo/?fbid=1116845173817943&set=a.492095336292933
លោកស្រី ជា សេរី ទេសាភិបាលធនាគារជាតិនៃកម្ពុជា ដាក់ការព្រួយបារម្ភថា កម្ពុជានឹងអាចក្លាយជាចំណាប់ខ្មាំងរបស់អាមេរិក ប្រសិនបើនៅបន្តពឹងផ្អែកខ្លាំងលើការចាយវាយរូបិយប័ណ្ណប្រាក់ដុល្លារអាមេរិកក្នុងទីផ្សារយ៉ាងហូរហៀរដូចសព្វថ្ងៃ។ ការថ្លែងរបស់លោកស្រី ជា សេរីយ៉ាងដូច្នេះ គឺបន្ទាប់ពីលោកស្រីកត់សម្គល់ពីភាពមិនប្រាកដប្រជានៃនយោបាយសេដ្ឋកិច្ច និងហិរញ្ញវត្ថុរបស់អាមេរិក ខណៈបទពិសោធន៍កន្លងមក អាមេរិកបានបង្កកប្រាក់ដុល្លារអាមេរិកដែលរុស្ស៊ីបានតម្កល់ទុកក្នុងធនាគារកណ្តាលរបស់រុស្ស៊ី ដែលជាហេតុធ្វើឱ្យប្រទេសជាច្រើនមានការព្រួយបារម្ភលើការចាយវាយ និងរក្សាទុកប្រាក់ដុល្លារអាមេរិក។ https://www.facebook.com/photo/?fbid=1116847410484386&set=a.492095336292933
អ្នកនាំពាក្យក្រសួងការពារជាតិ ថ្លែងថា តាមការគ្រោងទុក នាវាជប៉ុន ជានាវាដំបូងគេ ដែលនឹងចូលចតនៅឯកំពង់ផែរាម នៅក្រោយពេលសម្ពោធជាផ្លូវការ នៅដើមខែមេសាឆ្នាំ​២០២៥។ អ្នកតាមដានភូមិសាស្ត្រនយោបាយ មើលឃើញថា ការអនុញ្ញាតឲ្យនាវាជប៉ុនចូលចតនៅកំពង់ផែរាម ក្រោយការធ្វើទំនើបកម្មអស់ពេលជាង៤ឆ្នាំក្រោមជំនួយរបស់ចិន ជាការបង្ហាញប្រាប់ទៅក្រសែភ្នែកអន្តរជាតិ ថា កម្ពុជាតែងតែបើកចំហជាមួយបរទេសទាំងអស់ មិនមែនដូចអ្វីដែលអាមេរិកធ្លាប់ចោទប្រកាន់ថា កំពង់ផែរាមជាមូលដ្ឋានទ័ពជើងទឹកចិននោះឡើយ។ https://www.facebook.com/photo?fbid=1116850997150694&set=a.492095336292933
ក្នុង​ពិធីបំពាក់ឋានន្តរសក្តិ​ដល់​មន្ត្រី​យោធាជាន់ខ្ពស់ ប្រធានព្រឹទ្ធសភា លោក ហ៊ុន សែន បានអំពាវ​នាវ​ឱ្យ​មាន​ការ​កែទម្រង់បោះឆ្នោត​ស្ថាប័ន​ព្រឹទ្ធសភា ព្រោះថា​ស្ថាប័ននេះ​គួរ​មានតំណាង​ទៅ​តាម​ខេត្ត​ច្រើន​ដូច​នឹង​សមាជិក​សភាដែរ។ លោក​លើក​ឡើង​ថា សមាជិកព្រឹទ្ធសភា «មិន​ធ្វើ​អ្វី​សោះ» និង​កាន់ការងារ​ដែល​ស្រួល​។​​ https://www.facebook.com/photo/?fbid=1116863743816086&set=a.492095336292933
ប្រជាពលរដ្ឋ​​​ជនជាតិដើមភាគតិច​​កួយ រស់នៅក្បែរតំបន់ព្រៃឡង់ ក្នុង​​ស្រុក​សៀម​​​បូក ​​ខេត្ត​ស្ទឹង​ត្រែង ត្អូញត្អែរពីការ​ធ្លាក់ចុះ​នៃ​តម្លៃ​ជ័រ​ទឹក ដែលធ្វើឱ្យ​ពួកគាត់ជួប​ការលំបាក​​​​​ក្នុងជីវភាព ខណៈពលរដ្ឋ​ខ្លះ​បាន​សម្រេច​បោះបង់​មុខរបរ​ដែលធ្លាប់ធ្វើតាំងពីដូនតា​​​​នេះ ហើយទៅចំណាក​ស្រុក​ទាំង​ប្រថុយ​​ប្រថាន​។ ​ https://www.facebook.com/photo?fbid=1116871027148691&set=a.492095336292933
ប្រជាពលរដ្ឋមកពីសហគមន៍មួយចំនួន​នៅរាជធានីភ្នំពេញ ស្នើរដ្ឋាភិបាល​​​​ពន្លឿន​​ការ​​ចុះ​​បញ្ជីដីធ្លី​​ពួក​គេ​ឆាប់​រហ័ស ដើម្បីធានាបាននូវសិទ្ធិលំនៅឋានរបស់ពួកគេ និងបង្កើនសុវត្ថិភាពក្នុងការកាន់កាប់ ក្រោយពួកគេ​បានរង់ចាំ​អស់រយៈពេលជាងមួយទស្សវត្សរ៍។ https://www.facebook.com/photo/?fbid=1116874597148334&set=a.492095336292933
សម្ដេច ហ៊ុន ម៉ាណែត នាយករដ្ឋមន្ត្រីកម្ពុជា ចាប់ផ្ដើមឱ្យក្រសួង ស្ថាប័ននានាទាំងថ្នាក់ជាតិ និងថ្នាក់ក្រោមជាតិ ធ្វើជំរឿនមន្ត្រីរាជការក្នុងស្ថាប័នពួកគេ ដើម្បីកាត់បន្ថយការចំណាយថវិកាជាតិ និងពង្រឹងប្រសិទ្ធភាពការងាររបស់ស្ថាប័នទាំងនោះ។ https://www.facebook.com/photo/?fbid=1117006243801836&set=a.492095336292933
មន្រ្តីអាជ្ញាធរអេដស៍កម្ពុជាប្រាប់វិទ្យុស្រ្តីនៅថ្ងៃទី២១ ខែមីនា ឆ្នាំ២០២៥នេះថា ដំណើរការផ្តល់ថ្នាំប្រឆាំងនឹងមេរោគអេដស៍ទៅកាន់អ្នកផ្ទុកជំងឺអេដស៍នឹងអាចដំណើរការជាប្រក្រតីធម្មតានោះទេ ទោះបីជាអនាគតដ៏ខ្លីខាងមុខនេះ សហរដ្ឋអាមេរិកផ្អាកជំនួយក៏ដោយ។ ការហ៊ានអះអាងពីនិរន្តភាពបែបនេះ ដ្បិតអាជ្ញាធរអេដស៍ថា ស្ថាប័នខ្លួនមានប្រភពជំនួយពីស្ថាប័នអន្តរជាតិផ្សេងៗទៀតក្រៅតែពីជំនួយរបស់អាមេរិក ពិសេសគឺថវិកាជំនួយពីរដ្ឋាភិបាលកម្ពុជា។ https://www.facebook.com/photo/?fbid=1117015560467571&set=a.492095336292933
Forwarded from PISETH NEM
https://www.facebook.com/comfrel.org/videos/988848429520000
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី២៤ ខែមីនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
ប្រធានបទ ៖ លទ្ធផលនៃការប្រារព្ធទិវាព្រៃឈើអន្តរជាតិឆ្នាំ២០២៥
==========================
វាគ្មិនកិត្តិយស៖
- អ្នកស្រី គង់ ស្រីលាប មន្ត្រីគម្រោងនៃអាក់សិនអេតកម្ពុជា
- លោក ខុន ប្រុសពៅ យុវជនមកពីខេត្តស្វាយរៀង
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437
ពន្ធនាគារ​ខេត្ត​បន្ទាយមាន​ជ័យ​បាន​ចេញ​មុខ​បំភ្លឺ​នៅ​ថ្ងៃ​ទី​២៣ ខែ​មីនា ឆ្នាំ​២០២៥ ពាក់​ព័ន្ធ​នឹង​ការ​ស្លាប់​អ្នក​ទោស​ម្នាក់ ក្រោយ​ពី​បាន​បញ្ជូន​ទៅ​ដល់​មន្ទីរ​ពេទ្យ​មិត្តភាព​កម្ពុជា-ជប៉ុន ក្នុង​ស្រុក​មង្គល​បុរី​។ ​ការ​បំភ្លឺរបស់​ពន្ធនាគារ​ខេត្ត​បន្ទាយ​មានជ័យ​ដោយសារ​តែ​គ្រួសារ​ជន​រង​គ្រោះសម្តែង​ការ​មិន​អស់​ចិត្ត​ចំពោះ​ករណី​ស្លាប់​កូន​ប្រុស​របស់​ខ្លួន​ដោយ​ពន្យល់​ហេតុ​ផល​ថា គឺ​មក​ពី​មាន​ការ​យឺត​យ៉ាវ​ក្នុង​ការ​បញ្ជូន​អ្នក​ជំងឺ​ទៅព្យាបាល​។ https://www.facebook.com/photo?fbid=1117723490396778&set=a.492095336292933
នៅថ្ងៃចន្ទ ទី២៤ មីនា អ្នកនាំពាក្យលោក ស ខេង អនុប្រធានគណបក្សប្រជាជនកម្ពុជាបានចេញសេចក្តីថ្កោលទោស និងបដិសេធលើព័ត៌មានដែលថា លោក ស ខេង គឺជាក្បាលម៉ាស៊ីននៃ «ចលនាជាតិតស៊ូ»។ ប្រតិកម្មថ្កោលទោសភ្លាមៗនេះធ្វើឡើង បន្ទាប់គណនីហ្វេសប៊ុកមួយឈ្មោះ Samdach Seng Ratana បានសរសេរថា លោក ស ខេង ជាប្រធានដឹកនាំចលនាជាតិតស៊ូប្រចាំកម្ពុជាដែលជាប់ពាក់ព័ន្ធនឹងអ្នកប្រឆាំងនៅក្រៅប្រទេស។ https://www.facebook.com/photo?fbid=1117777517058042&set=a.492095336292933
នៅថ្ងៃចន្ទទី២៤ មីនានេះ សមាជិកគណបក្សភ្លើងទៀនចំនួន៣រូបត្រូវបានដោះលែងឲ្យមានសេរីភាពឡើងវិញ ក្រោយពីបានអនុវត្តទោសក្នុងពន្ធនាគារចំនួន២ឆ្នាំ។ តាមអ្នកនាំពាក្យគណបក្សភ្លើងទៀន និងសម្ព័ន្ធឆ្ពោះទៅអនាគត សមាជិកគណបក្សភ្លើងទៀនទាំង ៣រូបបានស្នើសុំសម្រាកពីសង្វៀននយោបាយមួយរយៈដោយមិនបានកំណត់ពេលច្បាស់លាស់។ https://www.facebook.com/photo?fbid=1117779087057885&set=a.492095336292933
ក្នុងរយៈពេល ១សប្តាហ៍ពីថ្ងៃទី១៧ ដល់ថ្ងៃទី២៣មីនា កម្ពុជាមានភ្លើងឆេះព្រៃ ឬចំណុចឆេះជាង ៦០០ករណី។ នេះបើតាមមជ្ឈមណ្ឌលជំនាញឧតុនិយមអាស៊ាន (ASMC) ដែលទើបត្រូវបានក្រសួងបរិស្ថានកម្ពុជាចេញផ្សាយនៅថ្ងៃទី២៤ មីនានេះ។ ក្នុងចំណោមចំណុចភ្លើងឆេះព្រៃទាំងនោះ គឺមាននៅក្នុងខេត្តខ្មែរជាប់ព្រំដែនប្រទេសឡាវ និងវៀតណាម ដូចជា ស្ទឹងត្រែង មណ្ឌលគីរី និងរតនៈគីរីដែលត្រូវបានគេរកមានករណីភ្លើងឆេះព្រៃច្រើនជាងគេ។ https://www.facebook.com/photo/?fbid=1117782797057514&set=a.492095336292933