នៅថ្ងៃទី២៩ ខែកញ្ញានេះ ក្រុមលេខាធិការនៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) យោធភូមិភាគទី៤ កម្ពុជា និងកងទ័ពភូមិភាគទី២ ថៃ បានជួបប្រជុំក្រៅផ្លូវការ ដើម្បីពិភាក្សាពីការបន្តអនុវត្តកិច្ចព្រមព្រៀងពាក់ព័ន្ធ និងការដោះស្រាយបញ្ហានានា។ កិច្ចប្រជុំក្រៅផ្លូវការនេះ សំដៅពង្រឹងទំនុកចិត្ត និងស្ថិរភាពតាមបណ្តោយព្រំដែនកម្ពុជា-ថៃ។ https://web.facebook.com/photo/?fbid=1599986798837109&set=a.492095336292933
លំហសិទ្ធិសេរីភាពរបស់ប្រជាពលរដ្ឋនៅតែជាក្តីបារម្ភមួយ ខណៈការបោះឆ្នោតជ្រើសរើសសមាជិកក្រុមប្រឹក្សា ឃុំ-សង្កាត់ ឆ្នាំ២០២៧ ខិតជិតមកដល់។ នេះជាការកត់សម្គាល់របស់ លោក នី សុខា ប្រធានសមាគមការពារសិទ្ធិមនុស្សអាដហុក អំឡុងពេលដែលសមាគមអាដហុកកំពុងអនុវត្តនូវគម្រោងមួយស្តីពី «ការការពារលំហស៊ីវិល និងការពង្រឹងភាពធន់សិទ្ធិមនុស្សនៅកម្ពុជា» លោកបានឃើញថា សកម្មជននយោបាយ សិទ្ធិមនុស្ស បរិស្ថាន សមាជិកសង្គមស៊ីវិល សកម្មជនសហជីព អ្នកសារព័ត៌មាន និងពលរដ្ឋផ្សេងទៀត ចំនួន ១៣៧នាក់ នៅតែបន្តជាប់ឃុំ ដោយសារតែការអនុវត្តសិទ្ធិរបស់ពួកគេ។ https://www.facebook.com/photo/?fbid=1600048855497570&set=a.492095336292933
ប្រជាពលរដ្ឋសហគមន៍ថ្លាន់១០០ពីខេត្តកំពត ប្រមាណ ៤០នាក់ នៅថ្ងៃទី២៨ ខែកញ្ញា ឆ្នាំ២០២៦ បានមកតាមដានសំណើរបស់ពួកគេនៅក្រសួងរៀបចំដែនដី នគរូបនីយកម្ម និងសំណង់ និងបន្តដាក់ញត្តិនៅទីស្តីការគណៈរដ្ឋមន្ត្រី ដោយស្នើឱ្យអាជ្ញាធរពន្លឿនការចុះបញ្ជី និងចេញបណ្ណកម្មសិទ្ធិដីធ្លីជូនពួកគេ ខណៈពួកគេលើកឡើងថា បានដាក់សំណើតាំងពីឆ្នាំ២០១៩មក ប៉ុន្តែមិនទាន់ទទួលបានដំណោះស្រាយជាក់លាក់នៅឡើយ។ https://www.facebook.com/photo/?fbid=1600176532151469&set=a.492095336292933
អាជ្ញាធរវៀតណាមបានបញ្ជាក់ថា សកម្មជនប្រជាធិបតេយ្យ ២នាក់ គឺលោក Tran Hiep ជនជាតិអូស្ត្រាលី ដើមកំណើតវៀតណាម និងលោក Nguyen Duc Thuan ជនជាតិន័រវែស ដើមកំណើតវៀតណាម រួមទាំងបុគ្គលម្នាក់ទៀតត្រូវបានឃាត់ខ្លួនកាលពីថ្ងៃទី១៨ ខែកញ្ញាពីបទប៉ុនប៉ងឆ្លងដែនដោយខុសច្បាប់ពីប្រទេសកម្ពុជាចូលប្រទេសវៀតណាម។ ក្រុមអ្នកការពារសិទ្ធិមនុស្សបានស្នើឲ្យរដ្ឋាភិបាលអូស្ត្រាលី និងន័រវេសមានចំណាត់ការជាបន្ទាន់លើរដ្ឋាភិបាលទីក្រុងហាណូយចំពោះទង្វើបង្ក្រាបសកម្មជនប្រជាធិបតេយ្យ។ https://www.facebook.com/photo/?fbid=1600241472144975&set=a.492095336292933
ការដំឡើងប្រាក់ឈ្នួលអប្បបរមាចំនួន ២ដុល្លារ សម្រាប់កម្មករនិយោជិតក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូប សម្រាប់ឆ្នាំ២០២៧ បានធ្វើឱ្យកម្មករ និងសហជីពមួយចំនួនបង្ហាញការសោកស្តាយ ។ សម្រាប់ពួកគេ ប្រាក់ឈ្នួលថ្មីនេះ នៅមិនទាន់ឆ្លើយតបនឹងការចំណាយប្រចាំថ្ងៃ ពិសេសបន្ទុកជីវភាពគ្រួសារនៅឡើយ។ https://www.facebook.com/photo/?fbid=1601049855397470&set=a.492095336292933
គណៈកម្មាធិការសម្របសម្រួលអន្តរជាតិសម្រាប់ការអភិរក្ស និងការលើកតម្លៃប្រាសាទព្រះវិហារ (ICC-ព្រះវិហារ) បានស្នើឱ្យភាគីថៃផ្តល់ព័ត៌មានអំពីទិសដៅបាញ់ និងទិន្នន័យពាក់ព័ន្ធនឹងការទម្លាក់គ្រាប់បែកតាមអាកាស និងការបាញ់ពីដី ដើម្បីជួយបោសសម្អាតមីន និងយុទ្ធភណ្ឌមិនទាន់ផ្ទុះ ព្រមទាំងស្តារសុវត្ថិភាពសម្រាប់ការងារអភិរក្សនៅតំបន់ប្រាសាទ។ https://www.facebook.com/photo/?fbid=1601099595392496&set=a.492095336292933
អង្គការសង្គមស៊ីវិលសរុបជាង ១០០ស្ថាប័ន បានស្នើសុំឱ្យរដ្ឋាភិបាល និងរដ្ឋសភា អនុម័តលើសេចក្តីព្រាងច្បាប់ស្តីពី«សិទ្ធិទទួលព័ត៌មាន»ដែលបានអូសបន្លាយជិត ២ទសវត្សរ៍មកហើយឱ្យបានឆាប់ ដោយលើកឡើងថា ច្បាប់នេះ គឺជាគន្លឹះសំខាន់ក្នុងការលើកកម្ពស់សុចរិតភាព និងតម្លាភាពនៃសង្គមកម្ពុជា។ យ៉ាងណាក្តី ក្រសួងព័ត៌មានបានឱ្យដឹងថា សេចក្តីព្រាងច្បាប់ ស្តីពី សិទ្ធិទទួលព័ត៌មាន ដែលជាគ្រឹះដ៏ចាំបាច់ ក្នុងការលើកកម្ពស់លទ្ធិប្រជាធិបតេយ្យ និងអភិបាលកិច្ចល្អនេះ គឺកំពុងស្ថិតនៅក្នុងវដ្តនៃការពិនិត្យផ្ទៀងផ្ទាត់ល្អិតល្អន់ លើទិដ្ឋភាពច្បាប់ផ្សេងៗ។ https://www.facebook.com/photo/?fbid=1601271945375261&set=a.492095336292933
នៅថ្ងៃទី៣០ ខែកញ្ញា ឆ្នាំ២០២៦ ក្រសួងមហាផ្ទៃ និងស្ថាប័នសិទ្ធិមនុស្សរបស់រដ្ឋាភិបាលកម្ពុជាបានចេញមកច្រានចោល ចំពោះការលើកឡើងរបស់តំណាងថៃនៅអង្គការសហប្រជាជាតិ (អ.ស.ប.) ដែលថា ពលរដ្ឋខ្មែរនៅភូមិជោគជ័យ និងភូមិព្រៃចាន់បានរស់នៅលើទឹកដីថៃ។ ប្រតិកម្មរបស់ស្ថាប័ននានារបស់កម្ពុជាពេលនេះ ធ្វើឡើងក្រោយឯកអគ្គរដ្ឋទូតថៃថ្លែងប្រាប់អង្គប្រជុំ អ.ស.ប. កាលពីថ្ងៃទី២៨ ខែកញ្ញាកន្លងទៅ ដោយមួលបង្កាច់ការពិតទាំងស្រុង។ https://www.facebook.com/photo/?fbid=1601352315367224&set=a.492095336292933
សម្ដេច ហ៊ុន ម៉ាណែត នាយករដ្ឋមន្រ្តី បានអំពាវនាវដល់ប្រជាពលរដ្ឋគ្រប់បក្ស និងគ្រប់និន្នាការ រួមគ្នាគាំទ្រ និងលើកទឹកចិត្តដល់កងទ័ព ជាជាងបំបាក់ទឹកចិត្តកងទ័ពដែលកំពុងឈរជើងនៅតាមព្រំដែន។ https://www.facebook.com/photo/?fbid=1602174475285008&set=a.492095336292933
ក្រុមអ្នកសង្កេតការណ៍អាស៊ានប្រចាំកម្ពុជា នៅថ្ងៃទី១ ខែតុលា បានចុះសង្កេតការណ៍ និងផ្ទៀងផ្ទាត់ស្ថានភាពនៅបង្គោលព្រំដែនលេខ២៧ ក្នុងខេត្តបន្ទាយមានជ័យ ខណៈក្រសួងការពារជាតិបញ្ជាក់ជាថ្មីពីជំហររបស់កម្ពុជាក្នុងការដោះស្រាយបញ្ហាព្រំដែនជាមួយថៃដោយសន្តិវិធី តាមរយៈការពិភាក្សា និងយន្តការទ្វេភាគី។ https://www.facebook.com/photo/?fbid=1602225051946617&set=a.492095336292933
ក្រុមការពារសិទ្ធិស្ត្រីនៅកម្ពុជាកំពុងជំរុញឱ្យរដ្ឋាភិបាលធ្វើកំណែទម្រង់ស៊ីជម្រៅលើច្បាប់ស្តីពីអំពើហិង្សាក្នុងគ្រួសារឆ្នាំ២០០៥ ដោយលើកឡើងពីចំណុចខ្វះខាតពាក់ព័ន្ធនឹងការការពារជនរងគ្រោះ ការដាក់ទណ្ឌកម្ម ការគាំទ្រផ្នែកច្បាប់ និងការអនុវត្តច្បាប់ បន្ទាប់ពីដំណើរការកំណែទម្រង់ត្រូវបានអូសបន្លាយពេលជាងមួយទសវត្សរ៍មកហើយ។ https://www.facebook.com/photo/?fbid=1602387371930385&set=a.492095336292933
កម្ពុជាបានតវ៉ាជាថ្មីប្រឆាំងនឹងសកម្មភាពរបស់ភាគីថៃដែលបន្តរំលោភបំពានទឹកដីកម្ពុជា ក្នុងខេត្តពោធិ៍សាត់។ ជាសកម្មភាពដែលយោធាថៃ អមដោយព្រះសង្ឃ បាននាំគ្នាលើកទង់ជាតិថៃ នៅច្រកទ្វារអន្តរជាតិថ្មដា កាលពីថ្ងៃទី៣០ ខែកញ្ញា ឆ្នាំ២០២៦។ នេះជាការបញ្ជាក់របស់ក្រសួងការបរទេសកម្ពុជា។ កម្ពុជាចាត់ទុកទង្វើរបស់ថៃនេះថា ជាការកាន់កាប់ទឹកដីកម្ពុជាដោយខុសច្បាប់។ ក្នុងថ្ងៃជាមួយគ្នានេះ តំណាងកម្ពុជាក៏បានប្រាប់កិច្ចប្រជុំអង្គការសហប្រជាជាតិ ពីការដែលកងកម្លាំងថៃ នៅតែរារាំងពលរដ្ឋខ្មែរជាង ២ម៉ឺននាក់ទៀត មិនឲ្យវិលទៅលំនៅឋានវិញ។ https://www.facebook.com/photo/?fbid=1605247271644395&set=a.492095336292933
ប្រធានស្នាក់ការរងបរិស្ថានស្ពង់ ស្ថិតក្នុងស្រុកថាឡាបរិវ៉ាត់ លោក ស្រី រតនា បានបដិសេធការចោទប្រកាន់រូបលោកថា បានទទួលយកសំណូកចំនួន ១០០ដុល្លារអាម៉េរិកក្នុងមួយខែសម្រាប់ម៉ាស៊ីនអារឈើមួយគ្រឿង ជាថ្នូរនឹងការបើកដៃឱ្យមានការកាប់បំផ្លាញព្រៃឈើក្នុងដែនជម្រកសត្វព្រៃ ព្រៃឡង់។ https://www.facebook.com/photo/?fbid=1605428294959626&set=a.492095336292933
ក្នុងសម័យប្រជុំលើកទី៦៣នៃក្រុមប្រឹក្សាសិទ្ធិមនុស្សអង្គការសហប្រជាជាតិ អ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅកម្ពុជា លោក Tom Andrews បានបង្ហាញការព្រួយបារម្ភជុំវិញសេរីភាពបញ្ចេញមតិ លំហសង្គមស៊ីវិល និងការចូលរួមនយោបាយ ជាពិសេសនៅពេលការបោះឆ្នោតឃុំសង្កាត់ និងថ្នាក់ជាតិខិតជិតមកដល់។ តែតំណាងកម្ពុជាបានបញ្ជាក់ជាថ្មីពីការប្តេជ្ញាចិត្តរបស់រដ្ឋាភិបាលចំពោះកិច្ចសន្ទនា កិច្ចសហប្រតិបត្តិការ និងការការពារសិទ្ធិមនុស្ស។ https://www.facebook.com/photo/?fbid=1605501238285665&set=a.492095336292933
ប្រជាពលរដ្ឋសហគមន៍កោះមាស ប្រមាណជិត ១០០នាក់ បានប្រមូលផ្តុំគ្នាប្រារព្ធទិវាសិទ្ធិលំនៅឋានពិភពលោកជាលើកទី២ នៅថ្ងៃទី៤ ខែតុលា ឆ្នាំ២០២៦ ដោយស្នើសុំ ឱ្យរាជរដ្ឋាភិបាល និងអាជ្ញាធរពាក់ព័ន្ធផ្តល់បណ្ណកម្មសិទ្ធិដីធ្លីស្របច្បាប់ ដើម្បីធានាសិទ្ធិរស់នៅ និងបំបាត់ការភ័យខ្លាចចំពោះការបណ្តេញចេញពីលំនៅឋាន ទាំងបង្ខំ ។ https://www.facebook.com/photo/?fbid=1606241021545020&set=a.492095336292933
អ្នកនាំពាក្យកងទ័ពថៃ បានចេញមុខមកអះអាងថា ការដែលយោធាថៃ ដកចេញទូកងតឺន័ររបស់ខ្លួនពីតំបន់អូរខ្លាំឃ្មុំ ក្នុងសង្កាត់អូរស្មាច់ ក្រុងសំរោង ខេត្តឧត្តរមានជ័យ គឺជាការកែលម្អវិធានការសន្តិសុខរបស់ថៃ។ ការអះអាងដូចនេះរបស់ភាគីថៃ គឺបន្ទាប់ពីមានការផ្សព្វផ្សាយវីដេអូខ្លីមួយដែលបង្ហាញពីសកម្មភាពយោធាថៃ ដែលបានស្ទូចទូកុងតឺន័រចេញពីចំណុចអូរខ្លាឃ្មុំ នាថ្ងៃទី ៤ ខែតុលា ឆ្នាំ ២០២៦។ https://www.facebook.com/photo/?fbid=1606423831526739&set=a.492095336292933
ក្រុមជនសង្ស័យទាក់ទងនឹងបទល្មសល្បែងភ្នាល់អនឡាញ (Game Betting) ជិត៦០០នាក់ ត្រូវបានសមត្ថកិច្ចកម្ពុជា ឃាត់ខ្លួន ក្នុងនោះ១០៦នាក់ជាស្ត្រី។ បើតាមការចេញផ្សាយរបស់អគ្គស្នងការដ្ឋាននគរបាលជាតិ មេខ្លោងរបស់ពួកគេ គឺជាជនជាតិថៃ ហើយការឃាត់ខ្លួន គឺធ្វើឡើងក្នុងប្រតិបត្តិការបង្ក្រាបបទល្មើសនៅទីតាំងមួយកន្លែងក្នុងអគារកញ្ចក់កម្ពស់៣០ជាន់ ស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ https://www.facebook.com/photo/?fbid=1606494661519656&set=a.492095336292933
បន្ទាប់ពីការដំឡើងប្រាក់ឈ្នួលអប្បបរមាចំនួន ២ដុល្លារសម្រាប់កម្មករនិយោជិតក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូប សម្រាប់ឆ្នាំ២០២៧រួចមក សហជីព និងអង្គការសង្គមស៊ីវិលប្រមាណជាង៧០ស្ថាប័ន ចេញសេចក្តីថ្លែងការណ៍រួមមួយ ដោយបង្ហាញការខកចិត្តចំពោះសេចក្ដីសម្រេចនេះ ដោយថា ការដំឡើងត្រឹមតែ ២ដុល្លារនេះ ជាការដាក់សម្ពាធកម្មករនិយោជិត ខណៈទំនិញនៅលើទីផ្សារបន្តឡើងថ្លៃ និងមិនអាចជួយសម្រាលបន្ទុកចំណាយ និងគ្រួសាររបស់ពួកគេ។ https://www.facebook.com/share/p/1HniRr4py5/
អាមេរិកបានប្រាប់ថៃឲ្យបញ្ឈប់សកម្មភាពវាតទីលើទឹកដីកម្ពុជា។ នេះជាការបញ្ជាក់របស់លោកនាយករដ្ឋមន្ត្រី ហ៊ុន ម៉ាណែត នាព្រឹកថ្ងៃពុធទី៧តុលានេះ ដោយលោកអះអាងថា ព័ត៌មាននេះលោកទើបទទួលបានបន្ទាប់ពីជួបឧបការីអាមេរិកមួយរូប កាលពីបីថ្ងៃមុន។ បើតាមលោក ហ៊ុន ម៉ាណែត ឧបការីអាមេរិករូបនោះបាននាំពាក្យរដ្ឋមន្ត្រីការបរទេសអាមេរិក ដែលថា អាមេរិកបានទាមទារឲ្យថៃបញ្ឈប់សកម្មភាពបង្កភាពតានតឹងតាមបន្ទាត់ព្រំដែនជាមួយកម្ពុជា។ https://www.facebook.com/photo/?fbid=1607391814763274&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃពុធ ទី០៧ ខែតុលា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ លទ្ធផលនៃការចចារប្រាក់ឈ្មួលអប្បបរមាក្នុងវិស័យវាយនភ័ណ្ឌសម្រាប់ឆ្នាំ២០២៧
វាគ្មិនកិត្តិយស៖
1. អ្នកស្រី វុន សម្ផស្ស ប្រធានកម្មវិធីនៃសហព័ន្ធសហជីពឯករាជ្យ
2. លោក ថន ធន មន្ត្រីនៃសហព័ន្ធសហជីពសេរីកម្មករ នៃព្រះរាជាណាចក្រកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1C8ynXDF5Y/
សម្រាប់ថ្ងៃពុធ ទី០៧ ខែតុលា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ លទ្ធផលនៃការចចារប្រាក់ឈ្មួលអប្បបរមាក្នុងវិស័យវាយនភ័ណ្ឌសម្រាប់ឆ្នាំ២០២៧
វាគ្មិនកិត្តិយស៖
1. អ្នកស្រី វុន សម្ផស្ស ប្រធានកម្មវិធីនៃសហព័ន្ធសហជីពឯករាជ្យ
2. លោក ថន ធន មន្ត្រីនៃសហព័ន្ធសហជីពសេរីកម្មករ នៃព្រះរាជាណាចក្រកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1C8ynXDF5Y/