Presentación do libro "Sombras á deriva", do alumnado do Obradoiro de Escrita Creativa 2022, o venres 09 de xuño ás 20.30 horas no salón de actos do auditorio de Rianxo. https://concelloderianxo.gal/cultura/-/blogs/presentacion-do-libro-sombras-a-deriva-do-alumnado-do-obradoiro-de-escrita-creativa-2022

O día 25 de maio o Obradoiro Dual de Emprego Pazo de Rianxiño, iniciou os traballos de adecentamento da Senda Litoral de Taragoña.

Actuarase principalmente nos lugares da Posta e do Porto.

Estes traballos consisten en roza de maleza e saneamento das especies existentes a conservar a modo de rareas e podas.

Aconséllase que se evite pasear pola zona en horario de traballo, pero se o fan que tomen as medidas de precaución necesarias, transitando por zonas despexadas e mantendo a distancia de seguridade dos traballos. https://concelloderianxo.gal/actualidade/-/blogs/traballos-de-adecentamento-da-senda-litoral-de-taragona-polo-obradoiro-dual-de-emprego-pazo-de-rianxino

Comunicación de Guerrilla, obradoiro formativo.

Actividade en colaboración co Fondo Galego de Cooperación dentro do proxecto People and Planet: un destino común, cofinanciado pola Unión Europea no marco do programa DEAR.

En Rianxo terá lugar o xoves 29 e venres 30 de xuño de 10.30 a 13.30 horas no Centro Social Liceo de Rianxo.
https://concelloderianxo.gal/cultura/-/blogs/comunicacion-de-guerrilla-obradoiro-formativo

Exposición pública do censo electoral para as vindeiras eleccións ás Cortes Xerais do Estado.
https://concelloderianxo.gal/bandos/-/blogs/bando-informativo-sobre-a-exposicion-publica-do-censo-electoral

O Documento do Plan Xeral de Ordenación de Rianxo que se vén de aprobar provisionalmente na sesión do Pleno da Corporación do 11 de maio de 2023 está dispoñible para a súa descarga e consulta na ligazón https://concelloderianxo.gal/pxom

A veciñanza que o desexe pode consultar o documento con persoal técnico do concello os martes e xoves, de 10 a 12 h, nas oficinas da Área de Rehabilitación (Rúa Adro, nº 2).

https://concelloderianxo.gal/pxom

A festa solidaria en favor da Asociación galega de Fibrose Quística, organizada pola Ludoteca Agarimo e na que colabora o Concello de Rianxo, adíase para o venres 16 de xuño.

O Concello de Rianxo vén de abrir o proceso de licitación da obra de Saneamento de Pousada 1ª fase, na parroquia do Araño.

O proxecto base de licitación está estimado en 222.357,39 euros, e rematará na presentación de propostas o día 29 de xuño, tras a que se celebrará a correspondente mesa de contratación.

O proxecto prevé conectar á rede xeral do Concello no Carballal, previo cruzamento da estrada autonómica AC305, un total de 25 vivendas do núcleo en caída sen empregar ningún pozo de bombeo. Unha actuación previa nesta estrada antes da construción das beirarrúas do Araño favorece este cruzamento. https://concelloderianxo.gal/obras/-/blogs/licitacion-da-obra-de-saneamento-en-pousada-1-fase

Listaxe provisional do Campamento de Verán 2023 https://concelloderianxo.gal/xuventude/-/blogs/listado-provisional-do-campamento-de-veran-2023

Reportaxe sobre o Parque Empresarial de Rianxo

https://www.youtube.com/watch?v=QQmUiN8LQkw

O Concello de Rianxo vén de asinar coa empresa CONSTRUCCIONES ANSPAL, SL a execución do proxecto de construción dun ascensor para o Centro Cultural de Taragoña e outras melloras no edificio. O proxecto forma parte do Plan Provincial de Cooperación ás obras e servizos de competencia municipal. https://concelloderianxo.gal/actualidade/-/blogs/dotacion-de-ascensor-ao-centro-cultural-de-taragona

A compañía teatral A Panadaría está a piques de pechar a súa xira co espectáculo "Elisa e Marcela" e fai unha parada en Rianxo. O evento terá lugar no sábado 17 de xuño, ás 20.30 horas, na sala Arcos Moldes do Auditorio de Rianxo. https://concelloderianxo.gal/cultura/-/blogs/teatro-elisa-e-marcela-da-panadaria

A Escola de Música de Rianxo presenta o Recital da Aula de Piano do curso 2022-2023, protagonizado polo alumnado dos profesores Alfredo Susavila e Tano Domínguez, o domingo 18 de xuño ás 12.00 horas na sala Arcos Moldes do Auditorio de Rianxo.

A carón do mar, saca o teu labor á rúa, xuntos e xuntas bordaremos e teceremos. Organizado por Ondiñas Mainas coa colaboración do Concello de Rianxo. Será no sábado, 17 de xuño, de 18 a 21 horas, no Paseo Marítimo de Rianxo, diante do Liceo. https://concelloderianxo.gal/cultura/-/blogs/a-caron-do-mar-saca-o-teu-labor-a-rua-organizado-por-ondinas-mainas

Festa solidaria en favor da Asociación Galega Fibrose Quística. Venres 16 de xuño, de 16.30 a 19.30 na Praza da Virxe de Guadalupe.

Todas as actividades e ingresos irán destinados integramente á Asociación Galega Fibrose Quística. https://concelloderianxo.gal/cultura/-/blogs/festa-solidaria-a-favor-da-asociacion-galega-de-fibrose-quistica-adiada-ao-16-de-xuno

O autobús de “Generación D” fai parada en Rianxo con xogos e actividades didácticas, totalmente gratuítos, que axudarán á veciñanza a potenciar a dixitalización e poñer freo á fenda dixital.

O autobús parará en Setefogas os días 19 e 20 de xuño de 10 a 13.30 e de 17 a 20.30 h. https://concelloderianxo.gal/novastecnoloxias/-/blogs/a-autob-s-da-campa-a-itinerante-generaci-n-d-fai-parada-en-rianxo

Hoxe sábado 17 ás 12 h podes seguir o Pleno de investidura na nosa canle de YouTube https://youtube.com/@concelloderianxo2584

O sábado 01 de xullo, en Vilas (Asados), celebración do San Pedro, organizada pola Comisión de Festas do San Pedro de Vilas coa colaboración do Concello de Rianxo. https://concelloderianxo.gal/cultura/-/blogs/san-pedro-de-vilas

O sábado 24 de xuño, celébrase en Buía en Araño, a Festa de San Xoan da Ermida, organizada pola Asociación Cultural A Carballeira de Baia coa colaboración do Concello de Rianxo e a Deputación da Coruña. https://concelloderianxo.gal/cultura/-/blogs/san-xoan-da-ermida-en-buhia-arano

No Centro Cultural Vicente Vidal de Leiro organizan, o venres 23 de xuño, unha festa para conmemorar a Noite de San Xoán, con sardiñada, parrillada, viño e queimada. https://concelloderianxo.gal/cultura/-/blogs/noite-de-san-xoan-no-centro-cultural-vicente-vidal-de-leiro