🇱🇻 Riga shahrida YTTB Yillik yig‘ilishi–2026 o‘z ishini boshladi

Yig‘ilishning ilk kunida iqtisodiy barqarorlik, inson kapitali, raqamli transformatsiya, moliyaviy farovonlik, xususiy sektorni rivojlantirish hamda Markaziy Osiyoning strategik ahamiyatiga bag‘ishlangan masalalar muhokama qilindi.

Progressiv islohotlar markazi vakili tadbir doirasidagi sessiyalar va uchrashuvlarda ishtirok etib, xalqaro hamkorlar bilan muloqotlarni davom ettirmoqda.

Batafsil:
🔗 https://proreforms.uz/uz/post/ebrd-annual-meeting-2026-opens-in-riga-528

#YTTB #EBRDAM2026 #Riga #MarkaziyOsiyo #IqtisodiyIslohotlar #PIM

Progressiv islohotlar markazi Markaziy Osiyo fuqarolik jamiyati forumining hamkor tashkilotchilaridan biri bo‘ldi

2026-yil 17-sentabr kuni Samarqand shahrida “Demokratik taraqqiyotda fuqarolik jamiyati institutlarining ahamiyati: O‘zbekiston va Markaziy Osiyo mamlakatlari tajribasi” mavzusida Markaziy Osiyo fuqarolik jamiyati forumi bo‘lib o‘tdi.

Forumda davlat organlari, fuqarolik jamiyati institutlari va xalqaro tashkilotlar vakillari, ekspert hamda tahlilchilardan iborat 150 ga yaqin ishtirokchi qatnashdi. Progressiv islohotlar markazi (PIM) tadbirning hamkor tashkilotchilaridan biri sifatida ishtirok etdi.

Forum davlat va fuqarolik jamiyati o‘rtasidagi muloqotni mustahkamlash, demokratik taraqqiyotga oid dolzarb masalalarni muhokama qilish hamda mintaqaviy tajriba almashish uchun muhim platforma bo‘ldi.

Uchta parallel yo‘nalishdagi to‘qqizta sessiyada xalqchil boshqaruv va ijtimoiy sheriklik, hududlarning ijtimoiy-iqtisodiy rivojlanishi, yoshlar va xotin-qizlar faolligi, ijtimoiy himoya, raqamli transformatsiya, ekologik tashabbuslar, jamoatchilik nazorati hamda mintaqaviy hamkorlik masalalari muhokama qilindi.

🌐 PIM tashabbusi bilan besh davlatdan xalqaro ekspertlar jalb etildi.

Forum doirasidagi xalqaro muloqotni kengaytirish maqsadida Markaz Buyuk Britaniya, Kanada, Rossiya, Vengriya va AQShdan ekspertlarni taklif etdi. Ular davlat va fuqarolik jamiyati hamkorligi, inklyuziv rivojlanish, ijtimoiy himoya hamda barqaror taraqqiyot bo‘yicha o‘z tajribalari bilan o‘rtoqlashdilar.

Xususan, kanadalik ekspert Dr. Frederic Martin Kanada va Lotin Amerikasi tajribasi asosida davlat organlari va fuqarolik jamiyati institutlari o‘rtasidagi samarali hamkorlik mexanizmlari haqida so‘z yuritdi. Stuart Moir esa zo‘ravonlikdan jabrlangan shaxslarni reabilitatsiya qilishda fuqarolik jamiyatining o‘rniga oid xalqaro tajribani taqdim etdi.

PIM direktori Mirshohid Aslanov “Fuqarolik tashabbuslari va jamoat tashkilotlarining hududlarni ijtimoiy-iqtisodiy rivojlantirishdagi ishtiroki” mavzusidagi sessiyaga moderatorlik qildi. Unda jamoatchilik monitoringi, davlat organlari va fuqarolik jamiyati institutlari hamkorligi, mahalliy tashabbuslar hamda ijtimoiy hamjihatlik masalalari muhokama qilindi.

Forum yakunida fuqarolik jamiyati institutlarini qo‘llab-quvvatlash, davlat organlari bilan hamkorlikni mustahkamlash, xalqaro tajriba almashinuvini kengaytirish va Markaziy Osiyoda mintaqaviy muloqotni rivojlantirishga qaratilgan taklif hamda tavsiyalar ilgari surildi.

PIMning ushbu forumdagi ishtiroki dalillarga asoslangan muloqotni rivojlantirish, xalqaro hamkorlikni kengaytirish hamda O‘zbekiston va Markaziy Osiyoda davlat institutlari va fuqarolik jamiyati o‘rtasidagi samarali hamkorlikni qo‘llab-quvvatlash borasidagi izchil faoliyatining muhim qismidir.

#ProgressivIslohotlarMarkazi #PIM #FuqarolikJamiyati #MarkaziyOsiyo #Samarqand #XalqaroHamkorlik

PIM Gonkong delegatsiyasini qabul qildi: O‘zbekistonning iqtisodiy imkoniyatlari muhokama qilindi

21-oktabr kuni Progressiv islohotlar markazi (PIM) “RBR 613 Study Tours to Selected Belt and Road Countries” o‘quv dasturi doirasida Gonkongdan tashrif buyurgan talabalar va professor-o‘qituvchilar delegatsiyasini qabul qildi.

Uchrashuv davomida Markaz vakillari Saodat Umarova va Mavluda Hojakbarova “Iqtisodiy imkoniyatlarni boshqarish” (Managing Economic Opportunities) mavzusida taqdimot o‘tkazdilar. Taqdimotda O‘zbekistonda amalga oshirilayotgan iqtisodiy islohotlar, investitsiya muhiti, erkin iqtisodiy zonalar, IT Park faoliyati hamda biznes uchun yaratilayotgan yangi imkoniyatlar haqida ma’lumot berildi.

Uchrashuv ochiq va konstruktiv muloqot ruhida o‘tdi. O‘zbekistonga investitsiya kiritish va mamlakatda tadbirkorlik faoliyatini yuritish masalalari yuzasidan qizg‘in savol-javob bo‘lib o‘tdi. Tomonlar kelgusidagi hamkorlikni rivojlantirish, jumladan, O‘zbekiston bozoriga kirishga qiziqish bildirayotgan xitoylik tadbirkorlar va kompaniyalarga PIM tomonidan konsalting xizmatlarini ko‘rsatish imkoniyatlarini ham muhokama qildilar.

Markaz ushbu samarali muloqotni davom ettirish va yangi hamkorlik aloqalarini yo‘lga qo‘yishdan manfaatdor ekanini bildirdi.

#PIM #CPR #Uzbekistan #HongKong #InvestmentOpportunities #EconomicReforms #BeltAndRoad #BusinessCooperation