قِيلَ ادْخُلِ الْجَنَّةَ قالَ يا لَيْتَ قَوْمِي يَعْلَمُونَ

فَلا يَحْزُنْكَ قَوْلُهُمْ إِنَّا نَعْلَمُ ما يُسِرُّونَ وَ ما يُعْلِنُونَ

إِنَّما أَمْرُهُ إِذا أَرادَ شَيْئاً أَنْ يَقُولَ لَهُ كُنْ فَيَكُونُ

فَسُبْحانَ الَّذِي بِيَدِهِ مَلَكُوتُ كُلِّ شَيْ‏ءٍ وَ إِلَيْهِ تُرْجَعُونَ

احس شوكت مانكوم نشوف رب العالمين بتفاصيلنا وردود افعالنا الصغيرة
ذاك الوكت يلا نكدر نشوفه بنعمنا وارزاقنا الكبيرة .. مو من المنطق " رغم كرم الله الغزير " انو نغيبه بتعاملاتنا ونريده حاضر ب احتياجاتنا بس …
الله يريد يشوف اثر وجوده عليك " اثر حبه بيك"
فمو من العدل تجحد اثره بيك
وتنتظر من عينك تشوفه شسوالك
مستحيل !
شوكت ماجان الله حاضر بتعاملاتك ويه نفسك وويه عباد الله هذاك الوكت تكدر تشوف كم موقف وموقف الله نجاك وحماك ورزقك بي ..
شلون تريد عينك تشوف الخير وانت بس تركز ع السلبي الي انت تشوفه بنظرتك القاصرة سلبي شمدريك يجوز حتى هذا خير!

يعني شلون تريد الله يحن عليك وانت متعرف تحن ع نفسك او ع الناس الي حواليك
شلون تريد الله يرزقك وانت تمنع الخير البسيط عن اي سائل التجألك

شلون تريد الله يحتوي ضعفك وانت صخرة اذا احد احتاجك
احس الدين اساسه مو بس صلاة وصيام
كل الدين " معاملة"
فالشاطر الي يعرف يشوفنا الله بتعاملاته
مو بكثرة ركعاته ..
الصلاة اذا متكدر تنهاك ع شي مؤذي
او متفتح بصيرتك
او مترقق قلبك
يعني بيها شي مو صح …

حجيت هواي وبودي الغي بعد
بس مدري هلوسات واحد نعسان ويريدله حجة
تصبحون ع خير ♥️، احلامكم سعيدة همات
لا حصلت منكم واهس فلم ولا مسلسل 🚶‍♀️ بخلاء " ع اساس ااذا انطيتوني حشوف "
ادعو انام ويفكني الارق الايع 😴

اجاني احساس اريد اروح لمرقد الامام علي
بس كون وحدي بدون احد اشيل مسؤليته
ويوم دوام يعني لا جمعة ولا سبت
يوم ثلاثاء مناسب عادي
مرايحتله غير مرة مدري مرتين
بس احس اذا اروح هناك ارجع جديدة ..
يخلوني فد ٥ ساعات وحدي
احير شسولف هناك او يجوز مو شرط واحد يحجي اكعد بتكية من التكيات واصفن
شعور انو كاعد كدام شخص كضى حياته كلها يفتهم الانس والجن والحجر والمدر والكافر والزين والمو زين .. الخ ذولة كلهم يفهمهم
شلون اذا واحد من الي يحبوه يكعد يكله فهمني نفسي
الامام علي تحسه مو ابو الائمة بس .. تحسه ابونا .. " ياعلي انا وانت ابوا هذه الامة"
وكبال الاب تكدر تحجي كل شي .. تكدر تكله وجهني تكدر تعاتب تكدر تتعب ..
روحك هناك تنشاف .

- الرساله ؛ أحبّ سوالفچ..
شوكت ميصيرلچ مجال فدوة تعاي كتبيلنة من خواطرچ..
بيهن آفاق وأبعاد، مو أفكار تقليديّة.🤍🤍🤍

نسميها الخواطر الدردماوية ؟

قفلت يارب انام هلمرة صدك

هو عادي واحد كاعد ب٨ بس يصبح ب١١

‏الإنسّان مدين لنَفسّه كل يوُم بـ سّاعة هدوُء .

نزلوا هذا التطبيق ، كلش حلو وممتع وبي هواي سوالف تفيد .. وهم مجاني ميحتاج نت هواي بي تفسير الميزان وروايات اهل البيت وكل شي .

وانت ضايج حتى نغمة ابو الغاز تغثك😆

"أنا مُتعب، أحبوا لبابك مُثقلًا
ويلي إذا يدنو العباد وأُطرد"..