Forte Bank Есік қаласының оқушыларына жаңа мектеп сыйлады

Алматы облысындағы Есік қаласында қазақ тілді жаңа мектеп ашылды. Жаңа мектептің мақсаты – оқушыларға қолайлы жағдайда білім алуды қамтамасыз ету. Бұған дейін жергілікті мектептерде оқушы лықа толы болып, балалар мектепке автобус арқылы алыстан қатынауға мәжбүр болды.

https://dalanews.kz/kz/article/verniy-kapytal-men-bolat-otemuratov-qori-esik-oqushilarina-zamanauy-mektep-siyga-tartti-algashqi-saltanatti-jyin-otti.html

🏦 «Тарифті өзің жинақта»: Bereke Bank кәсіпкерлерге қолайлы өнім ұсынды

Bereke Bank жеке кәсіпкерлерге банктік қызметтерді өз бетінше таңдап, өзгертетін және банк комиссияларын 70%-ға дейін үнемдеуге мүмкіндік беретін бірегей қызметтін ұсынып отыр. Бұл қызмет «Тарифті өзің жинақта» деп аталады.

Кәсіпкерлер үшін маңызды қызметті қосу үшін сізге бірінші кезекте Bereke Bank B-Business қосымшасын жүктеп, тіркеліп, шот ашу (бұл қызметті онлай режимде тегін пайдаланасыз) керек. Бұдан кейін қосымшадағы «Тарифтер» бөліміне өтіп, әрі қарай, «Тарифті өзің жинақта» блогына кіріп, қажетті тарифтер мен лимиттерді таңдайсыз. Қажет болған жағдайда автоматты жаңарту функциясын қосып алуға да болады. Комиссияны төлеу үшін есептік жазбаны таңдап, өтінімге қол қойыңыз. Бар болғаны осы.

👉 Толық ақпарат
https://dalanews.kz/kz/article/bereke-bank-tin-taryfti-ozin-jynaqta-qizmeti-jeke-kasipkerlerdi-artiq-shiginnan-qutqaradi.html

⚡️ Менде ешқандай фобия жоқ! Тоқаев Жаңа Қазақстанның жауларына жауап қатты...

Президент Тоқаев өз Жолдауында Қазақстанға сес көрсетуге тырысатын түрлі теріс пиғылды күштерге жауап қатты.

DALA INSIDE Тоқаевтың фобия деген сөзге ерекше акцент бергеніне назар аударды.

Президент осы арқылы қазіргі биліктің ескі Қазақстан өкілдерінен де, Кремль пропагандасынан да және басқа да радикалдарды тараптардан қаймықпайтынын көрсетті.

"Кейбір теріс пиғылды күштер, оның ішінде шетелде жүргендер де бар, мәселені ушықтыру арқылы қоғамдық пікірге ықпал еткісі келеді, елімізге орынсыз шүйлігеді", - деді Мемлекет басшысы.

Тоқаевтың атап өткеніндей қазіргі жүйе әлгіндей провокацияларға төтеп беретін иммунитетке ие.

"Қазақстанның қоғамында да, билігінде де ешқандай "фобия" болған емес, қазір де жоқ, болашақта да болмайды.

Сондықтан ақша үшін ел ішіне іріткі салуды көздейтін мұндай жымысқы әрекеттерден түк шықпайды", - деді ол.

Тоқаев әділетті қоғам құрудағы күресті тоқтатпайтынын тағы бір рет шегелеп, халықты түрлі арандатушылық әрекеттерден биік тұруға шақырды.

Ескі Қазақстан? Президенттің пайымдауынша өткенмен өмір сүруге болмайды. Ескі жүйеден кінә іздей беру адамның еңсесін түсіріп, өзгеге өкпе артуға алып келеді.

Президент төңірегіндегі менеджерлерге Әділетті, Қауіпсіз және Таза Қазақстан құру туралы талап қойған. Бектенов үкіметі осы бір стратегиялық мақсатқа жету үшін тынбай әрекет етуі тиіс.

Жолдауды олигархат өкілдері де мұқият тыңдағаны анық.

"Өткен отыз жылдағы дүние-мүлкіңізді заңдастырам дейсіз бе? Онда Қазақстан экономикасына ақша құй! Әр теңге үшін саудаласпай, қажетті шараның бәрін өз еріктеріңізбен жасаңыздар. Мұндай кәсіпкерлердің есімі жомарт жандардың "алтын тізіміне" жазылады. Ал одан бас тартқан немесе сөзбұйдаға салған кәсіпкерлерге қатысты әңгіме қысқа болады", - деді Президент.

Бүгінгі мәлімдемеден кейін "комфорт зонадан" шыққысы жоқ кейбір олигархтардан маза қашты деседі.

Бұл туралы алдағы күні айтамыз. Бізге қосылыңыз👇

https://t.me/dalainside

🚀 Ресей 2025 жылдан бастап Байқоңырды қаржыландыруға қиналып отыр

Роскосмос келесі жылдан бастап Байқоңыр ғарыш айлағын консервациялау туралы жабық консультациялар өткізе бастады дейді, DALA INSIDE дереккөзі. Роскосмос мекемелері, әсіресе маңызды болып саналатын жер серіктерін жасайтын «Хруничев орталығы» мен зымыран құрастыратын РКЦ «Прогресс» санкцияға ұшырағалы бері, Ресейдің ғарыш ведомствосы ауыр қаржылық жағдайға душар болды. Барлық халықаралық тапсырыстар тоқтағандықтан, ал Ресей әскерилері спутниктерін Плесецк ғарыш айлағынан ұшырып жүргендіктен, Байқоңырдан Роскосмосқа шығыннан басқа ештеңе түспей отыр.

Ресей онсыз да Байқоңырда барынша қысқарып, 234 нысанды Қазақстанға қайтарып берген болатын. Өзіне тек ғарышқа зымыран ұшыратын инфрақұрылымды сақтап қалған. Бірақ оның өзін ұстап тұруға қажет шығындарды жаба алмайтыны байқалады. Ресей Федерациясы 2050 жылға дейін созылған келісім бойынша Байқоңырды жалға алғаны үшін Қазақстанға жылына 115 миллион доллардан төлеп отыруы тиіс. Биыл Ресейдегі бюджет дефициті 2 триллион рубльден асатыны болжанып отыр. Ол ішкі жалпы өнімнің 1,1 пайызы болады.

Роскосмостың жағдайы өте мүшкіл. Оған не мемлекет көмектесуі керек, немесе нарықтан қарыз алуы тиіс. Биылдан бастап Роскосмос облигация шығару құқығына ие болды. Ол Ресей Қаржы министрлігінің «мекеме нарықтан өзі қарыз алсын, біздің оған тікелей субсидия беретін жағдайымыз жоқ» ишарасын білдіреді.

«Бюджетті қысқартқанда, Роскосмостың ең бірінші ойланатыны Байқоңыр», - дейді дереккөз. «Ал Роскосмос қазіргі соғыс жағдайында әскери бағдарламалардан басқа барлық бюджетті қысқартуға мәжбүр. Сондықтан келесі жылды Байқоңырдағы зымыран айлақтарының техникалық қамтылуы екіталай. Ресей Байқоңырды тек стратегиялық жағынан ғана сақтап қалуға тырыспаса, былайынша, қазір еш практикалық қажеті жоқ».

Ресей кетіп қалған жағдайда, Қазақстан өз бетінше Байқоңырды тек музейге айналдыра алады. Себебі қазір біз жыл сайын ғарышқа бөліп отырған 1 миллиард теңге ештеңеге жетпейді. «Восточный» әуежайын сақтап қалып, дамытып, Байқоңырды шетелдік туристер келетін культті орынға айналдыру идеясы жаман емес. Немесе Байқоңырды кәдімгі ғарыш старты ретінде сақтап, дамыту үшін Қытай, әлде Илон Маскқа жүгіну ғана қалып отыр.

DALA INSIDE Роскосмостың 2024 жылғы қаржылық аһуалын мониторингте ұстап отырады. Бізбен бірге болыңыздар 👇

https://t.me/dalainside

🤜🔥 Қарашадағы шайқас: Қазақстан баж салығы үшін Ресей мен Беларусьпен айқаспақ

Мәскеу мен Минск Қазақстанның ЕАЭС-тегі импорт пошлинасы мәселесін биыл тағы да комиссияға шығаруға деген ниетін жақтырмай отыр. 2022 жылы бұл тақырыпты Астана дұрыс көтере алмаған болатын. Енді біздің тарап есептеудің жаңа методикасын дайындап, осы методиканы Еуразиялық экономикалық комиссияда бекітіп алмақ.

"Жаңа методика қабылданса, Қазақстан үлесі біршама өседі. Сондықтан Ресей мен Беларусь тарапы жаңа методиканы қабылдатпауға тырысары анық. Біздің делегацияның келіссөздердегі дайындығы мен мысы сол кезде белгілі болады", - дейді, DALA INSIDE дереккөзі.

Жаңа методикамен Қазақстанның Сауда және интеграция министрлігі айналысуда. Қазіргі үлес бойынша Еуразиялық экономикалық аймаққа импортталатын тауарлардан жиналатын баж түсімдерінен Қазақстан – 6,955%, Қырғызстан – 1,9%, Армения – 1,22%, Беларусь – 4,86%, Ресей – 85,065% алып отыр. Бірақ ол бірнеше жыл бұрынғы картинаны есепке алып қабылданған еді. Қазір жағдай өзгерді және бұл үлес пропорциялары Қазақстан үшін мүлде тиімсіз.

Еуразиялық экономикалық комиссия тәртібі бойынша соңғы екі жыл статистикасы қаралады. 2020 жылы Қазақстанның сыртқы сауда айналымы 86,4 миллиард АҚШ доллар деңгейінде тұрса, 2022 жылдан бастап динамикасы күрт өсті. 2023 жылдың қорытындысы бойынша сауда айналымы 140 миллиард долларға жетті, яғни, бірден 40 пайызға артқан. Оның ішінде кедендік баж салығы төленген импорт 61 миллиард долларды көрсетті. Қазақстанға келетін импорт бір жылда 20 пайызға артқан. Ал Ресейде осы кезеңде сыртқы сауда айналымы 16 пайызға қысқарған.

DALA INSIDE бұл маңызды мәселені бақылауда ұстап отыр. Бізге жазылып алыңыздар 👇

https://t.me/dalainside

⚡️ Берлин мен Астананың жасырын одағы: қазақ мұнайы Германияның энергетикалық қауіпсіздігін қамтамасыз етпек...

Германияның Бранденбургтегі мұнай өңдеу зауыты Қазақстаннан мұнай жеткізуді ұзақ мерзімге созатыны мәлім болды.

"Кәнцлер Олаф Шөлцтың Астана сапары барысында жария етілген жаңалық екі ел арасындағы энергетикалық серіктестіктің жаңа кезеңіне жол ашады", - деп жазады DALA INSIDE.

Бранденбург федералды аймағындағы Шведт қаласында орналасқан Petrolchemisches Kombinat Schwedt (PCK) зауыты бұрын Ресей мұнайына басыбайлы тәуелді болып, елдің солтүстік-шығысын жанармай және басқа да өнімдермен қамтамасыз еткен-ді.

Алайда, Кремльдің Украинаға басып кіруі және осыған байланысты санкциялар салдарынан, Берлин ресейлік мұнай импортына шектеу қойып, жаңа тасымал көздерін іздестіре бастады. Нәтижесінде Қазақстанмен арадағы мұнай жеткізу келісімдері маңызды рөл атқарып отыр.

2023 жылдан бері PCK зауыты төмен қуатта жұмыс істеп келгенімен, Қазақстаннан келетін мұнай көлемін біртіндеп арттыру жоспары жүзеге асырылуда.

Былтыр еліміз осы зауытқа 1 миллион тонна мұнай жеткізген, биыл бұл көлемді 1,4 миллион тоннаға дейін арттыру көзделіп отыр. Жаңа келісімдер қазақтың "қара алтынын" 2024 жылдан кейін де үздіксіз жеткізуді көздейді.

Айта кетсек, PCK мұнай өңдеу зауытының көп бөлігі "Роснефттің" неміс жеріндегі еншілес ұйымдарына тиесілі болғанымен (54%), Берлин 2022 жылы бұлардың бақылау пакетін сенімгерлік басқаруға алған. Бұл қадам Мәскеумен байланысты тәуекелдерді азайту мақсатында жасалған болатын.

Қазір неміс шенділері Қазақстанмен Rosneft Germany арқылы қосымша келісімшартқа қол қойып жатыр. Осынау келісім мұнай тасымалын қауіпсіз ету және Rosneft Germany, PCK Schwedt, Miro және Bayernoil мұнай өңдеу зауыттарының тұрақты жұмысын қамтамасыз ету мақсатында жасалуда.

Келіссөз нәтижесіне екі тараптың та көңілі толған тәрізді: немістерге 2025 жылдың аяғына дейін ай сайын 100 мың тонна мұнай жеткізіп тұруды мойнымызға алдық. Алдағы уақытта бұл көлемді ұлғайту мүмкіндігі де қарастырылуда.

Өз кезегінде Берлин "Роснефттің" Германиядағы еншілес кәсіпорындарына жаңа қожайын іздеп жатқан жайы бар. Жаңа меншік иесі табылса, Еурокомиссия тарапынан 400 млн еуро көлемінде қомақты субсидия бөлініп, Росток портынан Шведтке дейін созылып жатқан мұнай құбыры толық жаңарады. Бұл Қазақстаннан келетін мұнай көлемін арттыруға және жеткізу процесін жеңілдетуге ықпал етпек. Алайда, әлгі ақша тек "Роснефт" меншік иесі болмаған жағдайда ғана беріледі деген шарт бар.

Қазақстаннан Германияға жеткізілетін мұнай Ресей аумағы арқылы өтеді. Мұнай тасымалы үшін қолданылатын негізгі маршрут — Ресейдегі "Дружба" мұнай құбыры.

DALA INSIDE бұл маңызды мәселені бақылауда ұстап отыр. Бізге жазылып алыңыздар 👇

https://t.me/dalainside

⏳ Эгида Ш-2. Өмірзақ Естайұлының ресми қызметке оралу шансына нүкте қойылды

Кезінде Түркістан, Қостанай, Оңтүстік-Қазақстан облыстары мен Астана қаласының әкімі, Премьер-Министрдің орынбасары болған Өмірзақ Шүкеев енді мемлекеттік және квазимемлекеттік құрылымдарға оралмайды. Егер жеке бизнеспен айналысса және ол заңды болса, оған ешкім тиіспейді. Ал қоғамдық жұмыспен айналысса, саясат тақырыбынан барынша алыс жүргені абзал. Биыл 60 жасқа толған, зейнет жасына әлі үш жыл уақыты бар, күш-қуаты тасып тұрған Өмірзақ Шөкеевке қатысты «Сол жағалау» ұстанымы осындай болып отыр дейді, DALA INSIDE дереккөзі.

Өмірзақ Шөкеев Бердібек Сапарбаев, Иманғали Тасмағамбетовтермен бір қатарда тұрып, «Ескі Қазақстандағы» ең танымал шенеуіктің бірі болған еді. Ресми мансабын ол 2022 жылы Түркістан облысының әкімі ретінде аяқтады. Қол астына қарайтын Кентау әкімі Дәурен Мақажанов пара алып сотталғанда, заң бойынша Шөкеев отставкаға беруі тиіс болатын.

«Отставка бойынша берілген өтінішті Мемлекет басшысы қанағаттандырды деген хабар жеткенде бұл Өмірзақ Естайұлы үшін шынымен де күтпеген соққы болды. Ол бес күн бойы өз-өзіне келе алмай жүрді», - деп сыр шертеді, дереккөз.

Биыл «Жаңа Қазақстан» Өмірзақ Шөкеевке Түркістан облысының құрметті азаматы атағын берді. Яғни арқадан сипап, жылы шығарып салудың қалыптасқан ишарасын жасады. Енді Естайұлы өз жұмыстарымен тыныш қана айналысып, өмірінің қалған жылдарын мағыналы да мәнді өткізіп, уақытын ұрпақтарына бағыттайтын сияқты.

«Эгида Ш» операциясы қайталанбайтын болды

2022 жылы қызық оқиға орын алған. Оңтүстік өңірде белсенділігімен көзге түсіп жүрген саяси технолог Серік Байназаров Түркістан облысында әкім болып отырған Өмірзақ Шөкеевге «Эгида Ш» деп аталатын саяси пиар жоспарын ұсынады. «Осы жоспардың арқасында әкім креслосын сақтап қаласыз» деп үгіттеп, 1 миллион доллар сұраған. Мұның алаяқтық екенін бірден сезген Өмірзақ Естайұлы құқық қорғау органдарына шағымданып, іс «саяси технологтың» 5 жылға шартты сотталуымен аяқталды.

Енді Иманғали Тасмағамбетов бір жылдан кейін ОДКБ-дағы төрағалығын басқа елдің өкіліне тапсырғаннан кейін, «Ескі Қазақстандағы» А категориялы шенеуіктердің заманы толығымен аяқталмақ. Буын алмасу процесі биліктің барлық тармақтарында жүрді.

DALA INSIDE бұл қызық тарихи процесті бақылап отырады. Бізге жазылып алыңыздар 👇

https://t.me/dalainside

Kazakhstan Growth Forum алаңында кезекті рет Қазақстанның іскерлік элитасы бас қосып, елдің кәсіпкерлікке тартымдылығы, экономикалық өсім және компаниялардың бетпе-бет келіп отырған қиындықтары талқыланды.

Панельдік сессиялардың бірі Қазақстанның 2029 жылға дейін ЖІӨ-ні екі еселеу мүмкіндігіне арналды.

https://dalanews.kz/kz/article/qazaqstannin-iskerlik-elytasin-ne-tolgandiradi.html

Алматылық такси жүргізушісі Яндекс Go ұйымдастырған автомобиль ұтыс ойынында көлік ұтып алды

Жақында Яндекс Go жеке кәсіпкер ретінде тіркелген такси жүргізушілері арасында автомобиль ұтыс ойынын ойнатты. 41 жастағы алматылық тұрғын, төрт баланың әкесі Қайрат К жеңімпаз атанып, Kia Cerato көлігін жеңіп алды. Ол 8 жылдан бері такси жүргізушісі болып істеп жүр. Өзінің айтуына қарағанда, конкурстан көлік ұтып алғанын естігенде қатты таңғалған. Себебі жеңімпаз дәл өзі болады деп еш ойламапты.

Толығырақ Stan.kz сайтынан оқи аласыздар

https://stan.kz/almatilik-taksi-zhurgizushisi-kolik-ytip-aldi-406507/

👊🇰🇿 Қазақтың Әлиханына қарсы шабуыл күшеймек. Шабуыл үлкен пазлдың бір бөлшегі ғана

Жоғарғы аудиторлық палата төрағасы Әлихан Смайылов олигархтарға мемлекет тарапынан жеңілдетілген кредит беру практикасын сынға алғаннан бері, оған қарсы анонимді телеграм арналардан бастап, түрлі сарапшылар тарапынан негізсіз сын көбейген.

«Ескі олигархтар биылғы мамыр айынан бері «Өзге Қазақстан» атты бейресми жасырын ұйым құрып, бір жерге топтаса бастады. Өздерінің идеологтары бар және олар 2029 жылғы президент сайлауына тыңғылықты дайындық жасап, жоспар әзірлеуде. Әлихан Смайыловтың олигархтарға қаржыландыру беріп отырған Қазақстан Даму банкінің жұмысына араласа бастауы олардың ашуын туғызып отыр. Сондықтан олигархат түрлі ақпараттық шабуылдар арқылы Әлихан Асханұлына «аяғыңды тарт» деген сигнал бергісі келеді», - дейді, DALA INSIDE дереккөзі.

Соңғы уақытта «Өзге Қазақстан» ірі кәсіпорындардағы кәсіподақтармен астыртын байланысын күшейтті. Олар өзінің негізгі электоратын бюджетке бағынышты емес жұмысшы тап пен фермерлерден құрмақ. Моноқалалар мен ірі кәсіпорындарда кемінде екі миллион адамнан асатын электорат бар екенін ескерсек, «Өзге Қазақстан» болашақта елеулі күшке айнала алады.

«Өз өкілін президент қылу жоспары арзан тұрмайды. 5 жыл толассыз жұмыс жүруі қажет. Алдын-ала есептеулердің өзінде жүздеген миллиард теңге қажет екені белгілі болды. Және ол бизнестегі обороттан тыс, басы бос ақша болуы керек. Сондықтан да олигархатқа Қазақстан Даму банкі сынды жеңіл қаржыландыру көздері ауадай қажет», - дейді, дереккөз.

«Өзге Қазақстан» өзін белгілі бір саяси қозғалыс ретінде тек 2027 жылдары ашық көрсетеді деп топшылаймыз. Оған дейін астыртын жақтастар тарту, барлығын бір идеологияға біріктіру, инфрақұрылым дайындап, штабтар ашу бойынша шаруалар атқарады. Парламент депутаттарымен де біршама кездесулер жасауы мүмкін. Әзірге олар табан астындағы топырақтың қандай күйде екенін ақырын ғана байқамақ.

DALA INSIDE бұл бағытты үнемі назарда ұстап отырады. Халқымыз үшін өзге емес, әділетті Қазақстан жолы анағұрлым дұрыс деп санаймыз. Бізге жазылып алыңыздар 👇

https://t.me/dalainside

🇺🇦🚩 Дональд Трамп Украинаға қатысты қатты кетті

Трамп "мен билікке келсем, Украина көмек күтпесін" деп ашық айтты. Ол сондай-ақ президент Зеленскийді, өзінің саяси қарсыластары Джо Байден мен Камала Харристі соғысты тоқтата алмағаны үшін сынға алды. Трамптың пікірінше, Украина соғысты болдырмау үшін "аздап артқа шегінуі" қажет еді.

"Байден мен Харрис қазір тығырыққа тірелді. Олар ештеңе істей алмайды. Кеше БҰҰ-да сөйлеп тұрған бейшара Зеленскийді көрдім. Оның өзі не айтып тұрғанын түсінбеді, өйткені ол жақсы білетін Украина ендігі жерде жоқ", – деді Трамп. "Бұл енді Украина емес. Сіз қираған қалалар мен ауылдарды қайта қалпына келтіре алмайсыз, қайтыс болған адамдарды да қайтара алмайсыз. Мыңдаған адам құрбан болды. Біз әлі де миллиардтаған долларды Зеленскийге жіберудеміз, бірақ ол мәмілеге барудан бас тартуда".

Трамптың ойынша, Украина "өзіне тиімсіз мәміле жасаса да", бұл қазіргі жағдайдан әлдеқайда көрім болар еді. "Олар сәл ғана кейін шегінсе, адамдар аман қалар еді. Әр ғимарат бүтін болар еді, әрбір мұнара мыңдаған жол бойы міз бақпай тұра берер еді", – деп мәлімдеді Трамп.

Сонымен қатар, Трамп Байден мен Харристі Зеленскийге бұрын-соңды болмаған қаржылай және әскери көмек көрсеткені үшін сынға алды. Ол Украинадағы жағдайдың ушығуы себебінен соғысқа "балалар мен қарттарды пайдалануға мәжбүр болып жатқанын" айтып, бұл туралы ашып айтудың оңай емесін атап өтті.

Bloomberg агенттігі Трамптың Солтүстік Каролинадағы сайлауалды іс-шарасында Украина мен Зеленский туралы айтқан сөздері "оның осы күнге дейінгі ең қатаң және тікелей мәлімдемелерінің бірі" деп отыр.

https://t.me/dalainside

💥🔥 «Кауфман» операциясы. Кремль жақтағы күштер қазақ пен қырғыз ұлтын араздастыруды жаңа деңгейге көтермек

Көшпенділер ойынында орын алған «көкпар дауынан» кейін солтүстік көршіміздің саяси технологтары болашақ Тұран түркі одағын болдырмаудың бір құралы ретінде қазақ пен қырғыз арасындағы мәңгі дау тудыратын тақырыптарды таңдап, оларды үздіксіз қаузап отыру мақсатында ботофермалар мен аффирленген ақпарат құралдарын пайдалануды дұрыс деп тапты.

«Көкпар, кок боруу, қазақ пен қырғыз біздікі деп таласатын ұлттық тағамдар және Кенесары. Әлеуметтік желіде бірден жүздеген комментарийлер тудыратын осы даулы тақырыптар фейсбук топтар мен инстаграм пабликтерде, тик-ток пен ақпарат құралдарына арагідік шығып отырмақ», - дейді, DALA INSIDE дереккөзі.

Ресей Тұран идеясына түпкілікті қарсы. Себебі, өзінің ықпалында отырған Орталық Азия мемлекеттері Анкараның геосаяси кеңістігіне ауысып кетеді деген қорқынышы басым. Одан бөлек, өзінің құрамындағы Татарстан мен Башқұртстан сынды түркі мемлекеттері Тұранға қарап бой түзей бастаса, федерацияның ыдырап кету қаупі бар.

Осы аптада Алматы марафондағы қырғыз спортшысы Айнуска Қалилқызының дисквалификация алып, жүлдеден қағылғандығы туралы тақырып жан-жақты қаузалатын болады. «Қырғыз атлеті ереже бұзды» деген наразылық беларус делегациясының тарапынан келсе де, оны қазақ төрешілері әдейі жасады деген месседж «АкиПресс», «Кактус Медиа» сынды ресурстарда кеңінен жарияланбақ. Ал Россотрудничествомен жұмыс істейтін қазақстандық орыстілді блогерлер керісінше «қайта-қайта жылай береді» деп қырғыз ұлтына тіл тигізе бастауы тиіс. Осылайша қазақ пен қырғыз арасында алдымен әлеуметтік желілерде қоғамдық шиеленісті ушықтырып, артынан оны дипломатиялық салқындық деңгейіне дейін көтеру көзделген.

Сонымен қатар, штабы Петерборда орналасқан саяси технологтарға қазақ пен өзбек арасында осындай бір дау тудырып көру мүмкіндігін қарастыру ұсынылды. Бокс, басқа да тақырыптар потенциалы зерттелуде. Басты мақсат - Тұран идеясын паузаға қойып, Түркі елдері ұжымындағы қызып келе жатқан жұмыстың берекесін кетіру. Себебі, латын тіліндегі ортақ түркі әліппесінің ресми қабылдануы, және басқа да жобалардың белсенді жүруі Кремльдің мазасын қашырып отыр.

Ресей Тұран Одағын ыдырата ала ма? Егер түркі халықтарының ішкі бірлігі мықты болса ол жоспары іске аспайтыны анық. Бірақ Петербордағы технологтар түбі бір ұлттарды бір-біріне қарсы қоюға таптырмайтын жалған популизм мен псевдоұлтшылдықты пайдалануды меңгеріп алды. Онымен біраз бастаманың аяғын шалып отыруға болады.

DALA INSIDE антитұрандық «Кауфман» операциясының қалай өрбитінін бақылап отыратын болады. Бізбен бірге бақылаңыздар 👇

https://t.me/dalainside

⚽ Қазақ футболы қайда барады? Мәжіліс депутаты футболдағы "түсініксіз" құбылыстар туралы мәлімдеді

“Елім-ай” футбол клубы Қазақстан Кубогында есе жіберіп, жарыстан тыс қалды. Сол ойында төрешілерге біраз сұрақтар бар еді. Жарайды өтті-кетті. Нәтижесінде Ақтөбе футбол клубы Қазақстанның Кубогы иегері болды", - деп жазады, Мәжіліс депутаты Самат Нұртаза.

"Енді Қазақстан Чемпионатына келсек, сол жартас баяғы жартас тас. Төрешілердің бүйрегі бұру байқалғандай. Қазір Қазақстан Чемпионатында Семейдің “Елім-ай” клубы бірінші орында. Алайда Чемпионат өз мәресіне жақындаған сайын төрешілердің қателіктері үдее түсетіндей болып көрінеді.

Сонымен қатар, “Елім-ай” футбол клубы Қазақстан Футбол Федерациясына: “УЕФА төрешісін алдырып, 20-шы Қазанда болатын маңызды деген “Елім-ай” - “Астана” ойынына төрешілік етсе” деген тілек білдірді. Европа төрешілерінің Қазақстанға келуі - ол бір 90 минуттық іс емес. Ол біздің жас төрешілерге көзбе-көз үйренуге, Европа стандарттарына бой түзеуге және Fair Play ойынына тағы бір қадам жақындауға мүмкіндік берер еді.

“Елім-ай” клубының жанкүйері ретінде уайымдаймын. Енді-енді есін жиған Семейге қиянат жасап жібере ме деген ой. Жалпы Қазақстан футболында төрешілер реформасы қажет-ақ. Әділетсіз қарсыласты жығып беруге қарсымын, алайда көпекөрнеу белден басуды қою керек сияқты … Өз ойым" - делінген, жазбада.

Шынында да отандық футбол былықтардан арылмай келеді. Төрешілік пен легионерлер тартудағы жемқорлық мәселесі талай айтылды. Небір түсініксіз агенттер, Ресейден келіп футболды басып алған функционерлер тақырыбы күн тәртібінен түспей отыр. Ал футбол сапасына, отандық таланттарды тәрбиелеуге ешкімнің бас қатырмайтындығы, жаны ашымайтындығы байқалады.

DALA INSIDE бұл тақырыпты да назарға алды. Бізбен бірге болыңыздар 👇

https://t.me/dalainside

"Хабар" телеарнасы Яндекс Go сервисі арқылы тағамдарды жеткізетін курьерлердің біріне арналған сюжет шығарды.

Бұл тұлға жүздеген адамға жеткізілімнің уақтылы жүзеге асуын қамтамасыз етуде күн сайын көптеген қиындықтарды бастан кешіреді. Сюжет курьердің күрделі жағдайларды қалай шешетіні, сондай-ақ оның адал және жауапты еңбегі қала тұрғындарына ыңғайлы қызмет көрсету тізбегінің негізгі буыны болып табылатыны туралы әңгімелейді.

⚡️ Жарнамалық шектеулер және лудоманияға қарсы күрес: Қазақстанда букмекерлік нарық қалай өзгереді?

Қазақстандағы спорттық маркетинг және жарнама саласы соңғы кезде заңнамалық өзгерістерге байланысты үлкен қиындықтарға тап болуда.

Өткен айда күшіне енген заңға енгізілген жаңа түзетулер букмекерлік кеңселер мен тотализаторларды жарнамалауға айтарлықтай шектеулер қойды. Бұл шектеулер букмекерлік нарықта бизнестің жұмыс істеу тәсілдерін өзгертуге мәжбүрлейтін негізгі факторға айналды.

Астанада өткен спорттық маркетинг семинарында осы мәселелер кеңінен талқыланды деп жазады DALA INSIDE.

Жаңа заңның басты мақсаты – букмекерлік жарнаманы азайту арқылы құмар ойындарға, әсіресе жастар арасындағы лудоманияға қарсы күресу.

Шарада бұл заңның әзірлену барысында жарнаманың көлемі мен құмар ойынға деген тәуелділіктің артуы арасындағы нақты ғылыми зерттеулер ұсынылмағаны сынға алынды. Сонымен қатар, интернетте заңсыз құмар ойындар мен бәс тігу жарнамаларының кең таралғаны ескерілмеген.

Букмекерлік бизнес Қазақстанның спорттық индустриясымен тығыз байланыста. Ол спорттық іс-шараларды қаржыландыру, демеушілік келісімдер жасау арқылы спортты қолдап, бюджетке едәуір салық аударымдарын қамтамасыз етіп келеді. Жыл сайын заңды букмекерлік кеңселерден шамамен 100 миллиард теңге салық төленеді, бұл бюджеттің маңызды бөлігін құрайды.

Қазақстан букмекерлерінің өзін-өзі реттейтін ұйымы қауымдастығының президенті Рауан Кенжалин заңның көптеген қатаң талаптарын сынға алып, оның спорттық маркетингке тигізетін теріс әсері туралы пікір білдірді. Оның айтуынша, жарнамалық шектеулер букмекерлік бизнестің заңды қызметіне кері әсерін тигізуі мүмкін.

"Букмекерлік бизнес спортпен тығыз байланысты, өйткені бізде бәс тігуге болатын оқиғалар заң бойынша тек спорттық іс-шаралармен ғана шектелген. Сондай-ақ букмекерлік бизнес көптеген демеушілік келісімшарттармен де байланысты, ал бұл қарым-қатынастардың үздіксіз жұмыс істеуі спорт саласы үшін маңызды. Жаңа шектеулер бұл байланысты бұзуы мүмкін," – деді Кенжалин.

Ол сондай-ақ жарнамаға қатысты заңдардың толық түсіндірілмегенін атап өтті: "Мысалы, әлеуметтік желілердегі жарнамаға қатысты түсінбеушілік бар. БАҚ-та жарнамаға тыйым салынғаны түсінікті, бірақ интернет-платформаларда, мысалы, Instagram, Telegram және Facebook-та жарнамаға шектеулер қалай қолданылатыны туралы анық ақпарат жоқ."

Сарапшылардың пікірінше, букмекерлік бизнеске қойылған шектеулер Қазақстанда заңсыз құмар ойындардың артуына алып келуі мүмкін. Заңды букмекерлік кеңселерден келетін салықтық түсімдер айтарлықтай азайып, заңсыз нарықтың үлесі артуы ғажап емес.

"Бүгінгі таңда заңды букмекерлік нарық жыл сайын шамамен 100 миллиард теңге салық төлейді, енді бұл шектеулерден кейін бюджет бұл қаражаттан айырылуы ықтимал," – дейді Кенжалин.

Оның пікірінше, бұл мәселені шешудің ең тиімді жолы – заңсыз платформалармен күресудің нақты және нүктелі тәсілдерін қолдану. Ол заңсыз ойын платформаларын бұғаттау және күдікті операцияларды тоқтату шараларын іске қосу қажеттігін баса айтты. Сонымен қатар, заңды ойын бизнесі мен мемлекеттік органдар арасындағы тиімді диалог орнату арқылы реттеу құралдарын жетілдіру керектігін атап өтті.

"Біз қоғам, мемлекет және бизнес мүдделерінің теңгерімін сақтай отырып, ортақ шешім табуымыз керек," – деп сөзін түйіндеді Кенжалин.

DALA INSIDE бұл тақырыпты да назарға алады. Бізбен бірге болыңыздар 👇

https://t.me/dalainside

В Ташкенте на Форуме Central Asia Retail Week пройдёт визионерская сессия «Дискаунтеры – формат рационального потребления»
То
Специальным гостем сессии станет Анжела Рябова, директор формата «жёсткий» дискаунтер розничной сети «Магнит»

Гости сессии смогут задать свои вопросы Анжеле по поводу будущего розничной торговли в Узбекистане и развития форматов дискаунтера и хард – дискаунтеров.

Участие в визионерской сессии смогут принять представители всех стран Центральной Азии в онлайн и оффлайн формате.

Регистрация на Форум:
https://lk-asia2024.retailregistration.ru/reg/?utm_source=tg&utm_medium=link&utm_campaign=dalainside4

Dala Inside - информационный партнер форума

🍫 Дубайдағы шоколад фабрикалары толық қуатта жұмыс істеуде. Олардың өнімін қазақтар талап әкетуде...

Дубайдан жеткізілетін атышулы шоколадтың бағасы 20 мың теңгеге жетіп отыр, ал оның шынайы құндылығы бұл соманың жартысына да татымайды.

DALA INSIDE шоколадқа құмартқан кейбір қазақтардың соған бола соңғы тиынын санап беріп жатқанына қайран қалуда. Осынау құбылыс халықтың тұтыну мәдениетін ғана емес, сонымен бірге елдің қаржылық сауаттылығы қандай деңгейде екенін көрсетеді.

Шоколадқа жұмсалған 20 мың теңге, бір ғана тұтынушы тұрғысынан елеулі болмауы мүмкін. Бірақ, мұндай транзакцияның саны еселенген сайын, бұл миллиондаған теңгенің шетелге ағуына алып келеді. Шетелдік тауарға тәуелділік ұлттық капиталдың ішкі нарықта тұрақтауына кедергі жасайды.

Қазақстан үшін Дубайден жеткен шоколадтар белгілі бір әлеуметтік статустың белгісіне айналған. Оның дәмі сол 20 мыңның өзіндік құнын ақтай ма, мәселе онда емес. Мәселе, сіздің әлемжелідегі статусыңызға инфляциясыз өсім беретін шоколадтың өзінде болып тұр.

Мұндай психотипке ие адамдар үшін қаржылық тұрақтылық немесе жинақ жасау маңызды емес. Олардың психологиясы көбіне қоғамның көзқарасына тәуелді. Егер әлемжеліде немесе таныстар арасында "Дубайдан шоколад әкелу" трендке айналса, олар да солардың қатарынан қалғысы келмейді.

Бұл "қазақтарда ақша бар, бірақ оны қалай жұмсауды білмейді" дегеннің пікірдің классикалық үлгісі. Шоколадтың құнына көз тастай отырып, тек бір ғана сауал қоя аламыз: қазақтардың ақшасы қайда кетіп жатыр? Брендке, мәртебеге, ең бастысы, сыртқа кетіп жатыр.

Мұндай трендтің кең таралуы тұтыну мәдениетінің дұрыс бағытта дамып жатпағанының айқын көрінісі.

20 мың теңге – бұл символ. Бұл қарапайым шоколадтың құны емес, Қазақстан экономикасының өзін көрсету тәсілі. Біз өндірмейміз, біз сатып аламыз. Біздің ақшамыз шетелге кетеді, ал сол шетел бізді одан сайын "сатып алуға" итермелейді.

Дамыған елдерде адамдар қымбат заттарды сатып алудан бұрын оның құндылығы мен тиімділігін есептейді. Қымбат шоколад немесе сән-салтанатқа деген сұраныс оларда жоқ емес, бірақ олардың сатып алу әдеттері біздің елдегі үрдістен бөлек. Олар үшін шынайы байлық — материалдық заттарда емес, қаржылық тәуелсіздікте және өмір сүрудің сапасында.

Мысалы, АҚШ-тағы "жайлы өмір сүру" философиясы көбіне қарапайым, бірақ сапалы заттарды таңдаумен байланысты. Байлардың өзі люкс заттарды сатып алуда аса сақтық танытады, себебі олардың материалдық жетістігіне назардан гөрі, қаржылық тәуелсіздік пен тұрақтылық маңыздырақ. Бұл елдерде қарыздан сақтану принципі кең таралған.

Сәнді тұтынушылық емес, жеке қаржылық сауаттылық пен жинақтар, тәуелсіздік және болашаққа инвестициялау олардың байлықтарының негізгі құндылықтары.

Айталық, Швецияда "лагом" деген тұжырым бар, бұл – "жеткілікті" деген мағынаға саяды. Шведтер өз өмірін қарапайым және үнемді өткізіп, қажетсіз шығындардан қашады. Бұл философия біздің елде кездесетін шектен тыс тұтынушылық мінез-құлыққа мүлдем қайшы.

Дубай — туристердің Меккесі. Шоколад сияқты тауарды сатудың негізгі нарығы туристер. Басқаша айтқанда, шоколадтың өзіндік құны су тегін болар, бірақ оған туристік индустрияның қосатын құны оны 20 мың теңге деңгейіне дейін шарықтатып отыр. Бұл жерде басты байып жатқан — шоколад фабрикаларының өзінен гөрі, бөлшек сатушылар мен маркетингтік агенттіктер.

Айтқандай, Дубайдағы шоколад нарығы 2023 жылы шамамен 736 миллион АҚШ долларын құрап, жылына 5,2%-ға өсіп келеді.

Қорыта келе, Дубайдан әкелінген 20 мың теңгелік шоколад бұл жай ғана тауар емес. Бұл біздің қаржылық мәдениетіміздің айнасы, және бұл айнаға қарап, өзімізді қайта бағалау қажет. Тәтті шоколад, әрине, өмірдің бір қуанышы, бірақ қаржылық жауапкершілік одан да маңызды.

Бізге тіркелуді ұмытпаңыз👇

https://t.me/dalainside

⚡️ Wildberries пен Ozon қыспағы: Қазақстандық кәсіпкерлердің нарықтағы орны қысқарып жатыр ма?

Ресейлік маркетплейстердің Қазақстанда сауда көлемдерін күрт арттыруы еліміздің ішкі нарығына елеулі әсер етіп отыр деп жазады DALA INSIDE.

Wildberries және Ozon сияқты платформалар тек қана сатылымды еселеп өсіріп қоймай, еліміздегі логистикалық инфрақұрылымды да белсенді түрде дамытуда. Мәселен, 2024 жылдың алғашқы сегіз айында Wildberries арқылы тапсырыс берген қазақстандықтардың саны екі есеге артқан, ал сатылым көлемі 2,1 есе өсті. Ал Ozon платформасы сатылымдарын 12 есеге дейін арттырған.

Бұл жағдайдың басты себептерінің бірі – логистиканың қарқынды дамуы. Wildberries-тің Астана мен Алматыда үш логистикалық орталығы ашылып, тағы екеуі салынып жатыр. Бұл компанияға ел ішінде жылдам әрі тиімді тауар тасымалдауға мүмкіндік береді. Сонымен қатар, тапсырыстарды алу пункттерінің саны өткен жылмен салыстырғанда 8,9 есеге артқан, бұл қазақстандық тұтынушылар үшін платформаны қолжетімді ете түседі.

Алайда, бұл өсудің кері әсерлері де жоқ емес. Біріншіден, Қазақстандағы жергілікті бизнеске бәсекелестік күшейіп, отандық кәсіпкерлердің нарықта орын алу мүмкіндіктері тарылып жатыр.

Жергілікті кәсіпорындар ресейлік алпауыттармен тең дәрежеде күресе алмай, нарық үлесінен айрыла бастайды. Бұл экономикалық тәуелділікті күшейтіп, ел ішіндегі қаржылық ағындардың сыртқа ағуына себеп болуы мүмкін.

Екіншіден, шетелдік маркетплейстердің басым болуы деректер қауіпсіздігіне қатер төндіреді. Тұтынушылардың жеке ақпараттары, төлем деректері шетелдік серверлерде сақталады, бұл деректерді қорғау және құпиялықты сақтау мәселесін көтереді.

Үшіншіден, қазақстандық тұтынушылардың артықшылықтары мен әдеттері шетелдік платформалардың ықпалымен өзгеруі мүмкін. Отандық брендтерге деген сұраныс төмендеп, Ресей өнімдерінің басым болу ықтималдығы артады. Ұлттық экономика мен мәдениетке қатысты "мәдени импорттың" күшею қаупін де ескерген жөн.

Осыған байланысты, Қазақстанда сауда платформалары мен логистикалық инфрақұрылымды дамыту үшін жергілікті бизнесті қолдаудың жаңа тетіктерін қарастыру маңызды. Локализациялау мен цифрлық деректердің қауіпсіздігі мәселелері де мемлекеттік реттеуді талап етеді.

Бұл туралы әлі де айтамыз, бізге тіркеліп алыңыз👇

https://t.me/dalainside

⚡️ Талғардағы қанды қылмыс: Халық неге ашық сотты талап етіп отыр?

Шерзаттың ісі атышулы Қуандық Бишімбаевтың сотынан кем емес, өйткені мұнда бүкіл қоғамның әділдікке деген сұранысы тұр деп пайымдайды DALA INSIDE.

Шерзаттың ісінде қазақтілді орта тек заңдық нормаларды сақтауды ғана емес, құқықтық жүйенің әрбір элементінің әділ болуын талап етуде.

Иә, Бишімбаевтың ісі де дәл осылай қоғам назарында болды. Шерзаттың ісінде саяси немесе жоғары деңгейдегі тұлғалар болмаса да, қылмыстың қатыгездігі мен қоғамдық әсері оны одан да маңызды етеді.

Мұндай істерде халықтың талабына жауап беру тек заң тұрғысынан ғана емес, моральдық тұрғыда да маңызды.

Қоғамның талап етіп отырғаны – әділ сот, шынайы жазалау және сот процесінің ашықтығы. Мұндай талаптарды елемеу – халықтың билікке деген сенімін әлсірететін қадам болмақ.

Бишімбаевтың ісі – жоғары деңгейдегі шенеуніктің әйелін қинап өлтіруі және бұл істің тікелей эфирде көрсетілуі маңызды прецедент орнатты. Бұл сот қоғамға әділдік жүйесінің ашықтық қағидасын көрсетті.

Бірақ тек ашықтық жеткіліксіз. Шерзаттың жағдайында қоғам тек заңдық тұрғыдан әділдікке жетіп қана қоймай, моральдық қанағаттануды да талап етеді. Қоғамда қылмысқа қатысты жауапкершіліктің толықтығы мен әділдігі сұралып отырғанда, биліктің бұл мәселені ескермеуі үлкен әлеуметтік толқын тудыруы мүмкін.

Бишімбаевтың кінәсін мойындамауы және сот процесіндегі күдікті сәттер оның жазадан құтылып кету қаупін тудырды. Шерзаттың ісінде оның ауқымын одан да кеңірек қарастыру қажет.

Халық тек 7 күдіктінің ұсталғанына күмәнмен қарайды, өйткені іс барысында қылмысқа 13 адам қатысқаны туралы мәліметтер бар. Оқиғаға бірнеше адам қатысып, олардың бірқатары жазасыз қалуы мүмкін деген қауесеттер жұрттың наразылығы мен күдігін күшейтуде.

Жасөспірімдер арасында зорлық-зомбылықтың белең алуы, әсіресе қылмыстық топтың қатысуымен орын алған бұл оқиға жабық есік жағдайында қаралса, кінәлілердің жазасыз қалу мүмкіндігін туғызады.

Егер бұл іс жабық түрде өтсе, бұл тек қана құқықтық әділетсіздікке жол ашпайды, сонымен қатар қоғамдағы зорлық-зомбылықтың жазасыз қалуына ықпал етеді.

Билік бұл контексте құқықтық жүйенің тұрақтылығы тек заңдарға ғана емес, қоғамның сеніміне де тәуелді екенін түсінуі керек.

Қорыта айтқанда, Шерзаттың ісі тек қылмыс пен жаза туралы емес, ол бүкіл қоғамның әділдікке деген сұранысы. Сонымен қатар үлкен әлеуметтік мәселелер де су бетіне шыққаны өтірік емес.

Бишімбаевтың ісінде қоғамның сұранысы моральдық әділеттілікке жету болса, Шерзаттың ісінде бұл сұраныс одан да жоғары.

Айтқандай, Шерзаттың ісінде қазақтілді қауымның мобилизациясы өте жоғары деңгейде. Осы тұрғыда билік үшін соттың ашықтығы тек заңды талаптарды орындау емес, сонымен қатар саяси тұрақтылықты сақтау құралына айналуы тиіс.

Бұл туралы әлі де айтамыз, бізге тіркеліп алыңыз👇

https://t.me/dalainside

⚡️ Спорт саласында "кадрлық тазалау" басталды: Жаңа министрге толық карт-бланш берілді...

Бұған дейін сенімді дереккөзге сүйенген DALA INSIDE Олимпиададан кейін жаппай "кадрлық тазалау" басталатынын хабарлаған еді.

Париж олимпиадасы аяқталғасын спортқа жауапты мемлекеттік мекемелерде тиісті аудит жүргізілетінін айтқанбыз. Референдум біте сала Сол жағалау осы іске білек түре кіріскен сыңайлы. Майлы құйрығы креслоға желімделіп қалған спорт функционерлері жылы орнымен жылап-сықтап қоштасып жатқаны жайы бар.

Күні кеше Борис Иванищев қызметтен қуылды. Бөкең еліміздегі хәккей сүйерге қауымға өте жақсы таныс. Бюджеттің мойнына мініп алған, бірақ нәтижесі көңіл көншітпейтін "Барыстың" бас директоры.

Париждегі фиаскоға тікелей жауапты Туризм және спорт министрі Ермек Мыржақпаевтың ұзаққа бармасын оқырман алдымен DALA INSIDE-тан естіген еді.

Бізге жеткен мәлімет бойынша Сол жағалау оның орнын басқан Ербол Мырзабосыновқа толық карт-бланш берген. Су жаңа министр спорт саласын асты-үстіне шығарып, толық тазалау жүргізуге тас-түйін дайын отыр.

Ілгерідегі Боря, Борис Иванищевтың қызметінен қуылуы енді-енді көтеріліп келе жатқан дауылдың басы ғана.

"Алдағы уақытта бюджеттің ақшасын еміп, талай жыл бойы бір орында тапжылмай отырған спорт менеджерлері жаппай "тағынан таяды", - дейді осы тұста DALA INSIDE дереккөзі.

❗️ "Барыс" демекші, осынау хәккей клубының екі тізгін, бір шылбырын ескі Қазақстанның белді өкілі - Асқар Мәмин ұстап отырғанын білесіздер.

Біздің болжауымызша ауыс-түйістің алды "Барыстан" басталуы бекер емес. Демек, жақын күндері мызғымастай көрінген Мәминге қатысты сауалдар туындауы мүмкін. 

Барыс? Клубты шын мәнінде сіз бен біз "асырап" отырмыз. Былтыр осы клубқа ел қазынасынан 8,5 млрд теңге (!) бөлінген. Ал, нәтиже нөл. "Барыс" биылдыққа 14 ойын өткізіп, соның 12-сінде ойсырай ұтылған.

Толық карт-бланш берілген су жаңа министр клубтың көрсеткіштері үшін екі адам жауапты екенін білетін секілді. Мұның бірі - 2006 жылдан бері "Барысты" басқарып келген ілгерідегі Борис Иванищев пен хоккей федерациясының басшысы - Асқар Мәмин.

Шыны керек, бұған дейінгі ешбір министрдің Иванищев-Мәмин тандеміне тісі батпаған. Бізге жеткен мәлімет бойынша Мырзабосынов тек бұл екеуімен шектелмейді. Ас ішіп, аяқ босатудан өзгені білмейтін басқа да федерация басшылары мен спорт менеджерлерінен соңғы күндері маза кеткен.

"Әзірге қармаққа майда шабақтар ғана ілігіп жатыр. Ендігі кезек – шортандар мен акулаларда. Толық карт-бланш берілген жаңа министр спорттағы "жатыпішерлер мен арамтамақтарды" саладан түбегейлі қуады", - дейді DALA INSIDE дереккөзі. Ылайым, солай болғай!

Бұл туралы тағы бір маңызды инсайдпен бүгін-ертең бөлісеміз. Бізге тіркеліп алыңыз👇

https://t.me/dalainside