ما أهميتك ك #dataanalyst لأي شركة ؟ ايه سبب المقابل المادي المرتفع ل #dataanalyst؟


the power of data
مهم جدا تكون على علم بأهمية شغلك ودورك في أي شركة


لإن فهمك للمهارات ال ربنا رزقك إياها :

• هيساهم بشكل كبير في حب المجال و الصبر والسعي للوصول لحل أي مشكلة ممكن تقابلك مهما كانت معقدة..

• بالإضاف لمساعدتك في الصبر على ملل المذاكرة ..

• غير إن عقلك هيقدر يدرك ليه المقابل المادي مجزى جدا داخل أو خارج مصر لمحللين البيانات..

*وإن كان خارجها أفضل بأضعاف 😃


فما أهمية وجود #dataanalyst شاطر في أي شركة ؟

البيانات :
البيانات من أهم عوامل تطور أي شركة في أي قطاع ولكن امتلاك بيانات و حدها شئ عديم القيمة لإن الشركة هتواجه مشكلة أكبر وهي:
ليه تتحمل الشركة عبء تجميع وتخزين البيانات ؟

وده سؤال مهم
ليه ممكن نجمع البيانات ...؟
ازاى هستغلها لصالح الشركة ...؟


مين الشخص ال يقدر يستغل ما نملك من البيانات لصالح تطور الشركة ؟


دور محلل البيانات المميز :

» فهم نظام عمل الشركة بشكل عام

» تحديد مدي أهمية البيانات ومدى تأثيرها على حل مشاكل بعينها

» فهم نظام تخزين البيانات و مراحل تكونها بشكل عام علشان يساهم ولو بنسبة في تحديد العوامل ال ممكن نخزنها ونتتبعها
» توضيح مدي أهمية البيانات للشركة وازاي نقدر نتتبع اداء الشركة خلال فترة في الماضي

» التنبؤ ببعض احداث المستقبل من خلال مؤشرات معينة أو نمط محدد بيتكرر على فترات محددة


» تحديد وحل عدد من المشكلات في الماضي والتعلم منها

» تحديد عدد من المشكلات ممكن تحصل مستقبلا واقتراح حلول مجدية لتلافي المشكلة ..

» المساهمة بشكل كبير في اتخاذ عدد من القرارت المهمه ومدي تأثيرها على اداء الشركة وازي ممكن اتخذ القرار بأفضل شكل ممكن

» توصيل فهمه للبيانات بصورة سهله وسلسه للفرق المختلفة بشكل مختصر وفعال

» استغلال كل معلومة واستخراجها من الشركة للمساهمة في تطورها وفق الهدف المحدد مسبقا

خليني أوضحلك من خلال مثال :

شركة لبيع الساعات محتاجة تنتج منتج جديد ولكن عملية الدفع بمنتج جديد في السوق لازم يكون وفق احتياج العملاء ..

يعني لو حددت فئة عمرية معينه
(specific persona )

لازم اكون فاهم احتياجهم علشان المنتج نحقق أعلى أرباج ..

وهنا بيجي دورك كمحلل

بيكون موجود بيانات باختلاف انواع المصادر *ممكن اتكلم عن مصادر البيانات بالتفصيل في post جديد *

هتبدأ تجمع البيانات وفق المشروع وهتواجهك عدد من المشاكل من تنظيم وترتيب وغيره إلى أن تصل لإجابات لعدد من الأسئلة..

ووقتها :
✓ هتساعد الشركة في تصميم المنتج وفق متطلبات السوق وبالتالي هتحقق الهدف الأساسي للشركة وهو أعلى ربح ممكن..
✓ بإذن الله هتحقق مقابل مادي مجزي ولكن تحرى الحلال..

✓ بالاضافة لتقدير واحترام زمايلك في الشركة من مختلف الاقسام ... لإنك فعلا ذو قيمة


وانصحكم بتقوى الله في السر والعلن لأنها والله سبب الرزق والعلم والنجاة في الدنيا والآخرة ..

{واتقوا الله ويعلمكم الله والله بكل شيء عليم} [البقرة: 282]
ــــــــــــــــــــــــــــــــــــــــــ
Join our channel 👇:
https://t.me/DataAnallysis