Devendra Fadnavis
✔
4.08K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
CM Shri Devendra Fadnavis Tweets:

A transformative step for Maharashtra!

This tripartite agreement will empower our youth with technology and language skills, opening up new opportunities to excel in the global workplace and contribute to Maharashtra’s growth.

#Maharashtra #Mumbai #GlobalWorkforce

https://x.com/Dev_Fadnavis/status/2102046140354945448?s=20
Devendra Fadnavis
CMO Maharashtra Tweets: 🔸CM Devendra Fadnavis chairs a High-Level Roundtable on International Labour Mobility: Positioning Maharashtra in India's Global Workforce Strategy organised by Maharashtra Institution for Transformation (MITRA). Minister Mangal Prabhat…
CMO Maharashtra Tweets:

कौशल्य, भाषा आणि प्रशिक्षणातून जागतिक रोजगारासाठी महाराष्ट्राचा युवा सज्ज!

मुख्यमंत्री देवेंद्र फडणवीस यांच्या अध्यक्षतेखाली आज सह्याद्री अतिथीगृह, मुंबई येथे 'मित्र’ (महाराष्ट्र इन्स्टिट्यूशन फॉर ट्रान्सफॉर्मेशन) द्वारे आयोजित ‘इंटरनॅशनल लेबर मोबिलिटी : पोझिशनिंग महाराष्ट्र इन इंडियाज ग्लोबल वर्कफोर्स स्ट्रॅटेजी’ संदर्भात हाय-लेव्हल राऊंडटेबल पार पडली.

जागतिक रोजगाराच्या बदलत्या गरजांनुसार महाराष्ट्रातील युवक-युवतींना कौशल्य आणि भाषा प्रशिक्षण देऊन आंतरराष्ट्रीय रोजगारासाठी सक्षम करण्यात येत आहे. विविध देशांतील कुशल मनुष्यबळाची गरज ओळखून देशनिहाय ‘स्किल पासपोर्ट’ तयार करावा, औद्योगिक प्रशिक्षण संस्था आणि अन्य प्रशिक्षण संस्थांनी अभ्यासक्रम अद्ययावत करावा. तसेच महाराष्ट्रासाठी जागतिक कार्यबल गतिशीलता धोरणांतर्गत परदेशातील रोजगारासाठी सुरक्षित भरती व्यवस्था विकसित करण्याचे निर्देश मुख्यमंत्री फडणवीस यांनी दिले.

मुख्यमंत्री फडणवीस म्हणाले, जागतिक स्तरावरील बदलती लोकसंख्या आणि वाढते वृद्धत्व यामुळे कुशल मनुष्यबळाची मागणी मोठ्या प्रमाणात वाढत आहे. भारतातील युवा मनुष्यबळाची क्षमता लक्षात घेऊन जागतिक मागणीशी कुशल मनुष्यबळाची प्रभावी सांगड घालावी लागेल. त्यातून ‘सर्क्युलर मोबिलिटी ऑफ टॅलेंट’ ही संकल्पना अधिक सक्षम होईल आणि महाराष्ट्र या क्षेत्रात महत्त्वाची भूमिका बजावेल.

28 देशांसोबत कामगार गतिशीलतेसंदर्भात करार

भारताने सुमारे 28 देशांसोबत कामगार गतिशीलतेसंदर्भात करार केले आहेत. या देशांमध्ये अभियांत्रिकी, आरोग्यसेवा, बांधकाम आणि विविध तांत्रिक क्षेत्रांतील कुशल मनुष्यबळाला मोठी मागणी आहे. जागतिक आर्थिक मंचाच्या ‘फ्युचर ऑफ जॉब्स रिपोर्ट 2025’नुसार, 2030 पर्यंत जगभरात सुमारे 17 कोटी नवीन रोजगार निर्माण होतील, तर सुमारे 9 कोटी 20 लाख रोजगार विस्थापित होण्याचा अंदाज आहे. या पार्श्वभूमीवर महाराष्ट्र आंतरराष्ट्रीय कार्यबल गतिशीलतेच्या क्षेत्रात पुढाकार घेईल, असे मुख्यमंत्री फडणवीस यांनी नमूद केले.

विविध देशांच्या मनुष्यबळ विषयक गरजांची माहिती प्रशिक्षण संस्थांपर्यंत पोहोचवण्यासाठी भरती संस्थांच्या अनुभवाचा उपयोग करावा. पारंपरिक प्रशिक्षणासह डिजिटल आणि प्रत्यक्ष प्रशिक्षणाचा संमिश्र वापर करावा. ऑनलाइन भाषा प्रशिक्षणासाठी निश्चित कालावधी, किमान चाचण्या तसेच डिजिटल भाषांतर आणि इंटरप्रिटेशन साधनांचा उपयोग करावा, असे निर्देश मुख्यमंत्री फडणवीस यांनी यावेळी दिले.

मुख्यमंत्री फडणवीस म्हणाले, राज्य शासनाच्या धोरण मसुद्यात कौशल्य विकास, जागतिक मागणीनुसार प्रशिक्षण, भाषा प्रशिक्षण, प्रमाणपत्रे, कागदपत्रांसाठी सहाय्य आणि प्रस्थानपूर्व मार्गदर्शनाला प्राधान्य दिले आहे. परदेशातून परतलेल्या कुशल मनुष्यबळाला राज्यातील उद्योगांशी जोडण्यावरही शासन भर देईल.

यावेळी मंत्री मंगलप्रभात लोढा, मंत्री जयकुमार रावल, आमदार राजेश क्षीरसागर, मुंबईतील जपानच्या महावाणिज्यदूत सातो हितोमी, फ्रान्सचे महावाणिज्यदूत पॅट्रिक लेव्हरिनो, जर्मनीचे महावाणिज्यदूत ख्रिस्तोफ हॅलियर, मुंबईतील ब्रिटिश उप उच्चायुक्तालयातील राजकीय आणि द्विपक्षीय व्यवहार विभागाचे प्रमुख जॉन निकेल, 'मित्र’चे मुख्य कार्यकारी अधिकारी प्रवीण परदेशी, वरिष्ठ अधिकारी व इतर मान्यवर उपस्थित होते.

#Maharashtra #DevendraFadnavis #Mumbai #GlobalWorkforce