Devendra Fadnavis
✔
4.11K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
CMO Maharashtra Tweets:

मुख्यमंत्री देवेंद्र फडणवीस यांच्या हस्ते आज सह्याद्री अतिथीगृह, मुंबई येथे इलेक्ट्रॉनिक्स, माहिती तंत्रज्ञान व कृत्रिम बुद्धिमत्ता विभागाच्या डेटा ॲनालिटिक्स ॲज अ सर्व्हिस आणि 'मिनी सेतू' केंद्रांचे लोकार्पण करण्यात आले.

MahaIT DAaS (Data Analytics as a Service) या उपक्रमामुळे राज्यातील विविध विभागांची माहिती एकत्रित करून डेटा-आधारित निर्णयप्रक्रियेला गती मिळणार आहे. यामुळे सेवा वितरण अधिक कार्यक्षम, पारदर्शक आणि नागरिकाभिमुख होणार आहे तसेच पुरावा आधारित धोरणनिर्मितीसाठी सक्षम आणि सुरक्षित डेटा विश्लेषणाला चालना मिळेल.

गडचिरोलीतील दुर्गम, डोंगराळ व नक्षलप्रभावातून मुक्त झालेल्या भागातील नागरिकांना शासकीय सेवांसाठी तालुका किंवा जिल्हा मुख्यालयात जावे लागू नये, यासाठी 13 दादालोरा खिडकी केंद्रे आणि 9 आदी सेवा केंद्रांमध्ये एकूण 22 'मिनी सेतू' केंद्र (आपले सरकार सेवा केंद्र) सुरू करण्यात येत आहेत. यामुळे नागरिकांना गावपातळीवरच विविध ऑनलाइन सेवा उपलब्ध होऊन त्यांचे पैसे, वेळ व श्रमाची बचत होईल, तसेच शासनाच्या सेवा अधिक सुलभ आणि प्रभावीपणे उपलब्ध होतील.

#Maharashtra #DigitalMaharashtra #MiniSetu
Devendra Fadnavis
CMO Maharashtra Tweets: 🔸CM Devendra Fadnavis chairs a review meeting regarding 'Governance Process Re-engineering - Phase 3'. CM Fadnavis directed all departments to speed up their work so that the maximum number of citizens can benefit from the Government's…
CMO Maharashtra Tweets:

नागरिकांच्या सोयीला प्राधान्य, शासकीय सेवांमध्ये सुलभीकरणाला वेग

मुख्यमंत्री देवेंद्र फडणवीस यांच्या अध्यक्षतेखाली आज सह्याद्री अतिथीगृह, मुंबई येथे 'गव्हर्नन्स प्रोसेस री-इंजिनिअरिंग - टप्पा 3' संदर्भात आढावा बैठक पार पडली. शासकीय सुधारणांचा जास्तीत जास्त नागरिकांना लाभ व्हावा यासाठी 15 ऑगस्टपर्यंत सर्व विभागांनी गतीने काम करण्याचे निर्देश मुख्यमंत्री फडणवीस यांनी यावेळी दिले.

राज्य शासनाच्या गव्हर्नन्स प्रोसेस री-इंजिनियरिंग (जीपीआर) उपक्रमांतर्गत शासकीय सेवा अधिक सुलभ, पारदर्शक व तंत्रज्ञानाधारित करण्याच्या प्रक्रियेला गती देण्यात येत असून, सर्व विभागांनी 15 ऑगस्टपर्यंत भरीव प्रगती करण्याचे निर्देश मुख्यमंत्री फडणवीस यांनी दिले. तसेच प्रत्येक सेवेचे नव्याने पुनरावलोकन करून कागदपत्रांची संख्या कमी करावी. 'महाराष्ट्राची सर्वाधिक सुलभ शासकीय सेवा देणारे राज्य' अशी ओळख निर्माण करण्यासाठी सर्व विभागांनी समन्वयाने काम करावे, असेही निर्देश मुख्यमंत्री फडणवीस यांनी दिले.

‘जीपीआर’ अंतर्गत प्रत्येक सेवेसाठी 6 टप्प्यांची प्रक्रिया निश्चित करण्यात आली असून त्यामध्ये जीपीआर अहवाल, मुख्यमंत्री कार्यालयाशी चर्चा, विभागीय मंजुरी, महाआयटीमार्फत तांत्रिक विकास, शासन निर्णय निर्गमित करणे आणि अंतिम चाचणी यांचा समावेश आहे. सर्व विभागांनी 15 ऑगस्टपर्यंत किमान पाचव्या टप्प्यापर्यंत, म्हणजे आवश्यक शासन निर्णय निर्गमित करून सेवा अंतिम चाचणीसाठी तयार ठेवाव्यात, असे निर्देश मुख्यमंत्री फडणवीस यांनी दिले.

मुख्यमंत्री फडणवीस म्हणाले, राज्यातील नागरिकांना जलद, पारदर्शक आणि सुलभ सेवा उपलब्ध करून देण्यासाठी शासनाने शासकीय सेवांचे व्यापक पुनरावलोकन केले आहे. त्यानुसार विविध विभागांतील सेवांचे एकत्रीकरण व सुलभीकरण करून सेवांची संख्या निश्चित करण्यात आली आहे. यामध्ये दुहेरी सेवांचे एकत्रीकरण तसेच कालबाह्य व अन्य सेवांची समाप्ती करण्यात आली आहे.

महाडीबीटी 2.0, मैत्री आणि आपले सरकार 2.0 या डिजिटल प्लॅटफॉर्मवर सर्व शासकीय सेवा टप्प्याटप्प्याने उपलब्ध करून देण्याचे काम सुरू आहे. सेवा वितरणात कोणताही तांत्रिक अडथळा येणार नाही, यासाठी माहिती तंत्रज्ञान विभागाने सक्षम तांत्रिक व्यवस्था उभारावी, तसेच सर्व कामे निश्चित कालमर्यादेत पूर्ण करावीत, असे निर्देश मुख्यमंत्री फडणवीस यांनी यावेळी दिले.

डेटा ॲनालिटिक्स ॲज अ सर्व्हिस आणि मिनी सेतू केंद्र प्रकल्पांचे लोकार्पण

मुख्यमंत्री देवेंद्र फडणवीस यांच्या हस्ते इलेक्ट्रॉनिक्स, माहिती तंत्रज्ञान, कृत्रिम बुद्धिमत्ता विभागाच्या डेटा ॲनालिटिक्स ॲज अ सर्व्हिस आणि मिनी सेतू केंद्र या 2 प्रकल्पांचे यावेळी लोकार्पण करण्यात आले.

मुख्यमंत्री फडणवीस म्हणाल, डेटा ॲनालिटिक्सच्या वापरामुळे प्रशासनातील उत्तरदायित्व अधिक प्रभावी होत असून गैरव्यवहार रोखणे, शासनाचा निधी वाचविणे आणि सेवा वितरणात पारदर्शकता वाढविणे शक्य होते. गडचिरोली जिल्ह्यातील माओवादमुक्त भागांमध्ये 'पोलीस दादालोरा खिडकी'चे 'सेतू केंद्रात' रूपांतर करण्याचा निर्णय नागरिकाभिमुख प्रशासनाच्या दृष्टीने महत्त्वाचा आहे. या भागांमध्ये सर्व शासकीय सेवा प्रभावीपणे उपलब्ध करून देण्यासाठी विशेष प्रयत्न करण्यात येत आहे.

यावेळी वरिष्ठ अधिकारी उपस्थित होते.

#Maharashtra #DevendraFadnavis #ProcessReengineering #MiniSetu