Ikki kundan beri hech Asaxiyga yetolmayotgandim, shu kitobni olamam deb. Bugun oʻzlari yuborib qolishdi.

Kitobda sodda tilda falsafa tarixi yoritilgan. Menimcha koʻpchilikka qiziq mavzu. Oʻqiymiz.

#tez_kunda

Milan Kunderaning “Mavjudlikning chidab boʻlmas yengilligi” kitobi sanoqli kunlarda kitobxonlar qoʻliga yetib boradi 🎉

“Mavjudlikning chidab boʻlmas yengilligi” chexiyalik yozuvchi Milan Kunderaning qalamiga mansub, adabiyotshunoslar XX asr Yevropa adabiyotining choʻqqisi, deya e’tirof etgan asar. Mazkur kitob insondagi murakkab his-tuygʻular, chigal munosabatlar haqida hikoya qiladi.

@ZabarjadMedia – eng yaxshisini ilinamiz!

#tez_kunda

Navbatdagi yangiligimiz – Janni Rodarining “Chipollinoning sarguzashtlari” kitobi chiqishiga ham sanoqli kunlar qoldi 🎉

Janni Rodarining eng mashhur ertak-qissalaridan biri – Chipollinoning sarguzashtlari meva va sabzovotlar yurtidagi piyoz oilasi haqida hikoya qiladi. Bosh qahramon Chipollino timsolida bolalarga rostgoʻylik, halollik, adolatparvarlik kabi fazilatlarni oʻrgatadi.

📜 Kitob oʻzbek tiliga ilk bor toʻliq tarjima qilindi.

@ZabarjadMedia – eng yaxshisini ilinamiz!

Bolaligingda eng sevib oʻqigan kitobni kun kelib oʻzing tarjima qilsang, ilk tarjimangdanoq eng sevimli nashriyoting bilan ishlashni boshlasang, qaysi duolarimda soʻragan ekanman bunday baxtni 🥹

10k 🎉

Trenddagi kitoblarni oʻqimasang, instagramda auditoriya yigʻolmaysan, deyishgandi 😌

​​“Sartr inson erkinligini tavqi la’nat oʻlaroq koʻradi va oʻzi ham shu qarash bilan yashaydi. “Inson ozod boʻlishga mahkumdir”, deydi u. Ha, mahkum, chunki oʻzini oʻzi yaratmagan, ammo baribir ozod. Bu dunyoga uloqtirilgan-u, endi qilgan har bir ishiga oʻzi mas’ul.

Yustayn Gorder – Sofiyaning dunyosi

Faylasuflarning asarlarini dabdurustdan oʻqib ketolmaysiz. Avval ularning yashagan davri, qaysi oqimga tegishliligi, gʻoyalari haqida atroflicha tushunchaga ega boʻlib, keyin asarning oʻzini oʻqishga kirishsangiz boʻladi.

Yustayn Gorderning “Sofiyaning dunyosi” mana shu kirish vazifasini oʻtab beradi. Asarda 15 yoshli qizga falsafa tarixi – mifologiyadan tortib to zamonaviy falsafagacha sodda, tizimli qilib tushuntirilgan. Faylasuflarning nazariyalarini hayotiy misollar bilan izohlagani ularni yanada tushunarli qilgan.

Kitobni endi boshlaganingizda Sofiyaning qarashlari yosh bolanikidek taassurot qoldiradi. Kitob oxiriga borib fikrlashi oʻsgani e’tiboringizni tortadi, faylasuflarning qarashlarini soʻroq ostiga oladi, falsafa ustozi bilan bemalol bahsga kirishadi, savollari ham teranlashib boradi. Kitob oʻquvchiga ham qaysidir ma’noda mana shunday ta’sir koʻrsatadi. Muallif falsafaning asl maqsadini shu tarzda koʻrsatib bergan. Muallif oʻrtaga tashlagan savollar kitobxonni befarq qoldirmaydi, fikrlashga, mustaqil javob izlashga undaydi.

Asar faqat ma’ruzalardan iborat boʻlib qolmagani, oʻziga yarasha qiziqarli syujet chizigʻi ham borligi oʻquvchini zeriktirmaydi. Bu ham oʻziga xos yutugʻi deyish mumkin.

Agar falsafani jiddiy oʻrganmagan boʻlsangiz, kitobni bir oʻtirishda tugatolmaysiz. Har bir boʻlimga qoʻshimcha materiallar qidirishingizga toʻgʻri keladi. Shunga yarasha dunyoqarashingizga ham katta ta’sir oʻtkazadi.

Tavsiya qilaman.

Hozir mana shu kitobni oʻqiyapman. Bu yozuvchi oʻzbek kitobxonlariga “Musallas mamlakati” kitobi orqali tanish. Men uni oʻqimaganman.

“Qurbaqa” asari Xitoydagi “bir oilaga bir farzand” siyosati haqida. Koʻpincha bu haqda gap ketganda, uning siyosiy, iqtisodiy oqibatlariga e’tibor qaratiladi. Yozuvchi esa alohida insonlarning taqdiriga qanday ta’sir qilganiga e’tibor qaratgan. Aholiga majburan kontraseptik vositalarni qoʻllash, rejadan tashqari homilador boʻlganlarni majburan abort qildirish (hatto muddati katta boʻlsa ham), mana shu siyosatni deb necha-necha oilalar vayron boʻlganiga guvoh boʻlamiz.

Kitobda partiyaning chaqigʻiga har doim “labbay” deb javob qaytarish kerakmi, hatto u vijdon amriga qarshi boʻlsa hammi degan savol oʻrtaga tashlanadi. Bosh qahramon bilan shu savolga javob izlayapmiz, oxiri nima boʻladi bilmaymam, lekin kitob hozirdan yuragimni chilparchin qilib boʻldi 💔

“Kichkina shahzoda”ning toʻliq metrajli filmi chiqar ekan 🥹

Goodreads ishlatadiganlar, yangilikni koʻrdilaringmi? Endi yoqmagan kitoblarimizga 0,5, 0,75, hatto 0,25 qoʻyishimiz mumkin 🤭

Hozir oʻqiyotgan kitobimni videoda koʻrsatganman 🌚

https://www.instagram.com/reel/Dedt2qvAaPn/?obrf=YjJ4MjdldGNrNHg3

Minglab bolachalarning nogiron boʻlib qolishiga sabab boʻlgan xato va 2026-yil kimyo boʻyicha Nobel mukofoti