Аллоҳга ҳамд бўлсин...

سُبْحَانَ اللهِ وَالْحَمْدُ للهِ وَلاَ إِلَهَ إِلاَّ اللهُ وَاللهُ أَكْبَرُ

«Субҳаналлоҳи валҳамду лиллаҳи ва ла илаҳа иллаллоҳу валлоҳу акбар»

Маъноси: "Аллоҳни айбу нуқсонлардан поклаб ёд этаман. Аллоҳга ҳамд бўлсин. Аллоҳдан ўзга илоҳ йўқ. Аллоҳ буюкдир".



https://t.me/+wvPM7t4BiTE3NzUy

📖 РАСУЛУЛЛОҲ ﷺГА ФАРИШТАСИЗ НОЗИЛ БЎЛГАН 2 ОЯТ

"Аманар Росулу" оятининг шарҳи ва фазилатлари

✅Ўзбекистон мусулмонлари идораси Матбуот хизмати.


https://t.me/+wvPM7t4BiTE3NzUy

АЙБСИЗ ДЎСТ БОРМИ?

Фузайл ибн Иёз раҳимаҳуллоҳ «Ровзатул ъуқало» китобида: «Ким айбсиз дўст изласа, дўстсиз қолади» дедилар.
Тобеинлардан Аҳнаф ибн Қайс: «Дўстингнинг хатоларига чидашга ҳаракат қил. Ким дўстидан хато содир бўлишини хоҳламаса, уни йўқотишга тайёр бўлсин», деди.
 


https://t.me/+wvPM7t4BiTE3NzUy

#Ҳикмат

ОНА МАДРАСАДИР

Имом Абул Ҳасан Надвий роҳимаҳуллоҳ айтади:

"Онам менга жуда меҳрибон, шафқатли эдилар. Аммо икки ишда қаттиқ турганлар:
1. Намозда. Қанчалар қаттиқ ухламай бомдодга уйғотар эдилар.
2. Ходимнинг ёки бирор фақирнинг боласига шафқатсизлик қилсам дарров ундан кечирим сўрашга буюрар, унинг олдида ўзимни хор тутишга амр қилар эдилар.
Шунинг натижасида мен улғайгач ужбдан ва зулмдан қўрқадиган бўлдим. Хатойимни эътироф қилишим осонлашди!".

#Ҳадис

Расулуллоҳ соллаллоҳу алайҳи васаллам дедилар: «Тўрт нафар зот борки, жаннат уларга муштоқдир: ҳазрат Абу Бакр Сиддиқ, ҳазрат Умар ибн Хаттоб, ҳазрат Усмон ибн Аффон ва ҳазрат Али ибн Абу Толиб – розияллоҳу анҳум».

Яна ул зот алайҳиссалом дедилар: «Жаннат тўрт нафар кишига муштоқдир: ҳазрат Али, ҳазрат Аммор ибн Ёсир, ҳазрат Миқдод ва ҳазрат Салмон Форсий – розияллоҳу анҳум».

Яна ул зот алайҳиссалом дедилар: «Тўрт тоифа кишига жаннат муштоқдир: очларни тўйдирувчига, рамазон ойи рўзасини тутувчига, етимларга инъом-икром қилувчига ва кечаси одамлар ухлаган вақтда намоз ўқувчига».

Шайх Аҳмад Ғаззолий, "Баҳрул-маҳабба" асаридан.


https://t.me/+wvPM7t4BiTE3NzUy

ҲАЛОЛ ЛУҚМА ҚУДРАТИ

Имом Аҳмад раҳимаҳуллоҳдан: «Қалблар нима билан юмшаб, эрийди?», деб сўралганда: «Ҳалол ейиш билан», дея жавоб бердилар.

«Маноқибул имами Аҳмад» асаридан.



https://t.me/+wvPM7t4BiTE3NzUy

ОНАНГ БЕШИК БИЛАН КАЛЯСКА ОЛИБ КЕЛСИН"

#қисқа_савол_жавоблар

❓САВОЛ: Биринчи фарзандим туғилди, эрим онанг бешик билан каляска олиб келсин деди. Онамларда шароит яхши эмас. Мендан кейин икки қиз, бир ўғил бор, уларни уйли жойли қилиш керак. Шунга нима қилсам бўлади?

💬 ЖАВОБ: Бисмиллаҳир Роҳманир Роҳим.
Эр ўз фарзанди учун хотинининг оиласидан бешик, каляска, суюнчи пули, зиёфат ёхуд шунга ўхшаш нарсаларни талаб қилиши, биринчи навбатда шаръан дуруст эмас, қолаверса, бу иш пасткашлик ҳамдир. Чунки хотин ва фарзандларнинг нафақаси, кийим-кечаги ва зарурий эҳтиёжлари эрнинг зиммасига вожибдир.

Шундай экан, ҳар бир эркак зиммасидаги вазифасини ўзи бажариши лозим. Уни бошқаларга юклаш орқали зулм қилишдан сақланиши керак. Валлоҳу аълам.

Ўзбекистон мусулмонлари идораси
Фатво маркази.



https://t.me/+wvPM7t4BiTE3NzUy

Бир киши Суфён ибн Уяйна ҳузурларига келиб, уйланганини, лекин никоҳдан сўнг аёли уни беҳурмат қилаётганидан шикоят қилди. Яна аёлининг наздида паст кўрилган, таҳқирланган ва хўрланган ҳолга тушиб қолганидан нолиди.

Суфён: "Уйланишдан олдини у сабабли иззат ва икром орттиришга қизиққанмидинг?" дегандилар, у: "Ҳа", деди. Шунда Суфён: "Ким (уйланиш, аёл орқали) фақат иззатли бўлишни мақсад қилса, хорликка йўлиқади.
Ким (аёлга уйланиш орқали) фақат мол-мулкка эришиш, бадавлат бўлишни мақсад қилса, камбағаллик балосига учрайди.
Ким (аёлга уйланиш орқали) дин-диёнатли бўлишни мақсад қилса, Аллоҳ унга албатта дини билан бирга иззат-икром ва мол-дунёни жамлаб ато қилиб қўяди", дедилар.



https://t.me/+wvPM7t4BiTE3NzUy

Бугунги кунимиз ҳам нихоясига етди. Ўйлаб кўринг, кимнидир ранжитдингизми?
Ҳа! бўлса, ундан кечирим сўранг. Нима қилиб бўлса ҳам ўша инсонни ҳаётингизда тутиб қолишга ҳаракат қилинг.
Чунки инсонлар одатда ўзлари яхши кўрган одамдангина ранжишади...

Унутманг, сиздан ранжий олган инсон – сизни қадрлай оладиган инсондир.

Ҳайрли тун, қадрдонларим!
Тунингиз осуда ўтсин!



https://t.me/+wvPM7t4BiTE3NzUy

Ассалому алайкум ва раҳматуллоҳи ва баракотуҳ!

☀️ Хайрли тонг!

Умримизнинг яна бир гўзал саҳифасини о очиб берган Раббимизга ҳамдлар бўлсин, Алҳамдулиллаҳ!
Бугунги кунингиз хайрли ниятлар, ҳалол ризқ ва қалб хотиржамлигига тўла бўлсин.

Кун ҳикмати:
«Амалларнинг гўзаллиги ниятнинг софлигига боғлиқдир. Ниятингизни гўзал қилинг, шунда ҳаётингиз ҳам гўзаллашади».

Тилимизни тўғри сўзга, қалбимизни самимиятга ошно қилайлик!

🍁 Бугунги Сешанба кунингиз файзли ва баракали ўтсин!



https://t.me/+wvPM7t4BiTE3NzUy

Эй дунёни кўриб жонни кўра олмаган киши! Шуни яхши билки, дунё фонийдир, бир нафасдан иборатдир. Дунё деганинг чанг-тўзондир. Ҳавога кўтарилган бу чанг-тўзон ичида супурги ҳам кирланган, супурган ҳам. Эй бечора инсон! Бу ҳаёт машъаласи ўчмасдан сен дунёнинг ўткинчи ва бевафолигини англаб қол!
Мавлоно Румий




СЕШАНБА ТОНГИ ХАЙРЛИ БУЛСИН!!!

Аллоҳ хонадонларингизга фақат қувонч ва шодлик, меҳр-оқибат, рўзғорингизга барака, халол ризқ, барчангизга мустаҳкам соғлик ва иймон зиёдалигини насиб қилиб, ҳамиша яхшиликлари устида қилсин!



https://t.me/+wvPM7t4BiTE3NzUy

#Ҳадис

Абу Саид Худрий розияллоҳу анҳудан ривоят қилинади:
Расулуллоҳ соллаллоҳу алайҳи васаллам: «Ким:

رَضِيتُ بِاللهِ رَبًّا وَبِالإِسْلاَمِ دِينًا وَبِمُحَمَّدٍ صلى الله عليه وسلم رَسُولاً

«Розийту биллаҳи роббан ва бил ислами дийнан ва бимуҳаммадин соллаллоҳу алайҳи васаллама росула», деса, унга жаннат вожиб бўлади», - дедилар.
Абу Довуд ривоят қилганлар.

Маъноси: “Аллоҳни раббим деб, Исломни диним деб, Муҳаммад алайҳиссаломни расул деб рози бўлдим”.



https://t.me/+wvPM7t4BiTE3NzUy

Кунни гўзал ният билан бошланг, «Бугун албатта яхшиликлар бўлади!» - дея, яхши гумонда бўлинг.

Чунки кунингиз - кўзингиз билан  кўрганингиздек эмас, қалбингиз билан кўрганингиздек ўтади.

Кунингиз ва кўнглингиз
ойдин бўлсин!

ХАЙРЛИ КУН,  АЗИЗЛАР! ⠀ ⠀



https://t.me/+wvPM7t4BiTE3NzUy

ДОКТОР АЛИ САЛЛОБИЙ ТАВСИЯЛАРИ

Ким фарзандларини руҳий хасталиклардан сақлашни ва буюк шахсият эгаси бўлишини истаса, қуйидаги тавсияларга риоя қилсин, иншааллоҳ, яхши натижага эришади.

Фарзандлар билан алоқани мустаҳкамлаш дастури:

1. Фарзанд билан ҳар куни 20 дақиқа дўстона суҳбат (мактаби, ўқиши ҳақида гапирмай ва панд насиҳатсиз).

2. Ҳар куни 5-10 марта ота-она ўз фарзандларига меҳр-муҳаббат ҳисларини изҳор қилиши.

3. Ҳар куни 5 марта фарзанднинг яхши ахлоқи, чиройли амалига мақтов айтиш.

4. Ҳар куни фарзанднинг ўзини тутиши ва кўринишига мақтов айтиш (табассуми, чиройли, соғлом қадам ташлаши…)

5. Ҳафтада бир марта фарзанд билан уйдан ташқаридаги машғулотни бирга бажариш (пиёда юриш, спорт билан шуғулланиш, автоуловда сайр қилиш…), беш дақиқа бўлса ҳам.

6. Ҳаёт асосларини болада пайдо қилиш учун уйқудан олдин ҳар куни «Фалон яхши ишни бажарганингда, ўзимни жуда бахтиёр ҳис қилдим», «Укангга қараганинг – жуда катта иш», «Фалон келишувимизга амал қилганинг мен учун фахр» кабилар орқали ўз ризолигингизни билдириб туринг.

7. Ҳафтада бир ёки икки марта оилавий маслаҳат ва суҳбат учун кечки таомни оила даврасида танаввул қилиш.

8. Ҳар куни 1-3 дақиқа болага тўлиқ қулоқ солиш, қуйидаги ҳолатда: холи, тинч жойда фарзандга хоҳлаган гапини, чегара ва қайдларсиз гапиришига рухсат бериб, қулоқ тутиш.

9. Тасарруфлар билан фарзандга бўлган муҳаббатни изҳор қилиш; бошнинг орқа тарафини силаш – меҳрибонлик ва шафқатни ифодалайди, бошига қўлни қўйиш – фахрланишни ифода қилади, қўлни пешонасига қўйиш – тинчлантиради, қўлини тутиш – ота-бола ўртасидаги алоқани кучайтиради, агар асабий бўлса, кўксини силаш билан тинчлантиринг Қучоқлаш, Набий соллаллоҳу алайҳи васаллам фарзанд тарбиясида бизга ўрнак Зотлар. У Зот Фотима розияллоҳу анҳони масжидда ёки саҳобалар ҳузурида пешоналари, қўлларидан ўпар ва бағирларига босар эдилар.
Шу дастурга амал қилиб, фарзандингизга ўз меҳрингизни изҳор қилиш, унинг нақадар улуғ неъмат эканини ҳис қилдириш орқали ўртангизда кучли бир алоқа вужудга келсинки, у сизнинг ҳузурингизда чиройли хулқ эгаси, итоатли, катталарга ҳурмат ва кичикларга иззатли ва ота-онасини рози қиладиган ҳақиқий муслим бўлиб улғайсин, ахлоқини руҳан ва жисман бузувчи омиллардан узоқлашиб, уларга дуч келганда ўзини тўғри тута оладиган инсон бўлиб етишсин.




https://t.me/+wvPM7t4BiTE3NzUy

ҚИЙШИҚ ТИШЛАРНИ ТЎҒРИЛАШ МУМКИНМИ?

CАВОЛ:Тишларим қийшиқлиги ҳамда қозиқ тишим лабимдан билиниб тургани учун тишларимга брикет қўйдириб тўғрилатганман. Ҳадисларда тиш орасини кенгайтирганга лаънат айтилган экан. Ичимга шубҳа тушди. Мен нотўғри иш қилдимми?

ЖАВОБ: Сиз нотўғри иш қилмагансиз. Тўғри, Пайғамбаримиз алайҳисалом инсон хилқатини ўзгартиришдан қайтарганлар. Лекин у қайтариш соғлом аъзони зийнат учун ўзгартиришга тегишли. Носоғлом аъзони тузатиш, ўз ҳолатига келтириш учун қилинган даво чоралари ман қилинган иш эмас. Чунки, шариатда айбни кетказиш жоиз. Имом Термизий ривоят қилган ҳадисда: "Килоб уруши куни Аржафа ибн Асъад разияллоҳу анҳунинг бурни кесилди. У ўзига кумушдан бурун ясаб олди. Аммо у сасиб кетди. Шунда, Набий саллаллоҳу алайҳи васаллам амр қилдилар ва у ўзига тилладан бурун ясаб олди", дейилган.

Аммо бор чиройга яна чирой қўшиш мақсадида амалиёт қўллаш ножоиз. Бу мавзуда батафсил жавоб берилган.

Ўзбекистон мусулмонлари идораси
Фатво ҳайъати.


https://t.me/+wvPM7t4BiTE3NzUy

СРОК...

Биласизми...
Ота-она дуоларининг “яроқлилик муддати” бўлмайди. Улар бу ҳаётдан кетишсада, ота-она дуоларининг баракоти бутун умр давомида сизга ҳамроҳлик қилиб қолади.



https://t.me/+wvPM7t4BiTE3NzUy

Очни тўйдирган жаннат эшикларини биридан киритилади.

Жаририйдан ривоят қилинади:

«Ким мўминни оч ҳолда учратиб, унга таом бериб, тўйдирса ва сув бериб, чанқоғини қондирса, албатта жаннат эшикларини биридан киритилади».

Шарҳ: Оч ёки ташна биродарига хайр-эҳсон қилиш, қорнини тўйдириш, чанқоғини қондириш бандани жаннатдаги эшикларни биридан киришини таъминлайдиган даражадаги улуғ, солиҳ амал ҳисобланар экан. Шунинг учун ҳар бир мўмин-мусулмон садақага катта эътибор бериши, муҳтожларнинг ҳолидан хабар олиб туриши лозим.
Абу Саъид розияллоҳу анҳудан ривоят қилинади:
«Набий соллаллоҳу алайҳи васаллам:
«Қайси бир мусулмон кийими йўқ мусулмонга кийим кийдирса, Аллоҳ унга жаннатни яхши кийимларидан кийгизур. Қайси бир мусулмон қорни оч мусулмонга таом берса, Аллоҳ уни жаннат мевалари ила таомлантирур. Қайси бир мусулмон сувсиз, чанқаган мусулмонга сув берса, Аллоҳ азза ва жалла уни раҳийқи махтумдан сероб қилур», дедилар».
Абу Довуд ривоят қилган.
Раҳийқи махтум – жаннат шаробидир.

https://t.me/+wvPM7t4BiTE3NzUy

Оиша розияллоҳу анҳодан ривоят билинади :
"Набий Саллаллоҳи Алайҳи васаллам га :
"Софиянинг бундай бундайлигини сизга етарли" деган эдим.
"Денгизга ташлашса , денгизни ҳам айнитиб юборадиган сўз айтдинг да " дедилар.

У зотга бир инсон ҳақида ёмон гапирдим.
Шунда у зот : Менга мана бунча , мана бунча нарса берилса ҳам бирор инсонни калака қилишни истамаган бўлардим" дердилар.

Бу ғийбатдан қайтаришнинг энг юқори кўринишидир.


https://t.me/+wvPM7t4BiTE3NzUy

Бисмиллаҳир Роҳманир Роҳим!

Аллоҳим, оёғим билан юриб борган, қўлимни чўзган, кўзим билан кўрган, қулоқ солиб эшитган, тилим билан гапирган гуноҳларим учун, берган ризқингни кемтик қилган гуноҳларим учун Сендан мағфират сўрайман.

Осий ҳолимда ризқ сўрасам, яна ризқ бердинг. Мен эса бу ризқингни Сенга осийлик қилишга ишлатдим. Сен эса буни сатр қилиб, яширдинг.

Сендан зиёда қилишингни сўрадим, бундан ҳам маҳрум этмадинг. Аммо зиёда қилганингдан кейин ҳам Сенга ошкора осийлик қилавердим. Аммо Сен мени шарманда қилмадинг.

Мен Сенга осий бўлишдан тўхтамаяпман, Сен эса хайр ва эҳсонингни қайта-қайта беришдан тўхтамаяпсан.

Роббим, саййидимиз Муҳаммад (с.а.в) ва у зотнинг аҳли байтларига гўзал хулқ берганингдек, бизга ҳам гўзал хулқ ато эт. Барчамизни мағфират қилгин, эй мағфират қилувчиларнинг энг яхшиси! Амин я Роббилъаламийн..

Барчамизга осуда тун ва покиза тонгларда уйғониш насиб этсин!


https://t.me/+wvPM7t4BiTE3NzUy