ЭҲСОНЛАР ЎЗ ЭГАЛАРИГА ЕТКАЗИЛЯПТИ

Президентимиз ташаббуслари билан бу йил Рамазон ойи юртимизда «Рамазон – меҳр-мурувват, аҳиллик ва шукроналик ойи» деган эзгу ғоя асоида жуда кўтаринки руҳда ўтказиляпти.

Бу жараёнда диний соҳа ҳодимлари ҳам фаол иштирок этиб, кам таъминланган, боқувчисини йўқотган оилаларга эҳсонлар тарқатяпти.

Хусусан, Бўстонлиқ тумани бош имом-хатиби ҳомийларни жалб қилган ҳолда боқувчисини йўқотган, кам таъминланган ҳамда ногиронлиги бор 60 та оилага озиқ-овқат маҳсулотларини етказиб берди.

Тумандаги «Олимжон ота» масжиди имом-хатиби Элёржон домла Эрпўлатов ҳомийлар ёрдамида 6 та кам таминланган, боқувчисини йўқотган оилага ва ёлғиз кексага озиқ-овқат маҳсулотлари тарқатди.
* * *
Юқори Чирчиқ тумани бош имом-хатиби Мирзоҳид домла Мирғаффоров «Абу Ҳанифа» масжиди имом ноиби Муҳаммадризо домла Оқилхонов билан бирга ҳомийларни жалб қилиб, «Дархон» маҳалласида яшовчи ногиронлиги бор бир хонадонга озиқ-овқат маҳсулотлари етказиб берди.
* * *
Оҳангарон тумани «Пайғамбар ота» масжиди имоми Саидлазизхон домла Бобохонов эҳтиёжманд оилаларга ҳомийларни жалб қилиб, 12 млн. сўмлик 85 жуфт пойабзал, 100 бош устки кийимлар тарқатди.
* * *
Чиноз тумани «Қулаҳмадхўжа» масжиди имом-хатиби Ҳ.Жумадиллаев “Тонг юлдузи” маҳалалсида истиқомат қилувчи саратон касаллиги билан оғриётган бир аёлга, яна бир ёлғиз аёлга, кекса онахонга кийим-кечак ва озиқ-овқат маҳсулоларини топширди.

Тумандаги «Турсунмат қори» масжиди имом-хатиби Тоҳиржон домла Тунгатов “Чорвадор” маҳалласи фаоллари билан биргаликда ижтимоий ҳимояга муҳтож аёлга озиқ-овқат маҳсулотлари эҳсон қилди.
* * *
Пискент тумани “Пискент” масжид имом ноиби О.Қаюмхонов “Саид ота” маҳалласида яшовчи боқувчисини йўқотган, кам таъминланган оилага озиқ-овқат маҳсулотлари ҳамда 2 млн сўмлик моддий ёрдам берди.

Тумандаги “Келовчи” масжиди имом-хатиби Тоҳирхон домла Тўлқинхонов маҳаллада ёлғиз яшовчи кекса киши ҳолидан хабар олиб, унга ҳомийлар томонидан хайр-эҳсон қилинди.

* * *
Қибрай тумани “Ар-Раҳмон” масжиди имом ноиби Акбаржон домла Қобилов “Маърифат” маҳалласи фаоллари билан биргаликда шу маҳаллада истиқомат қилувчи, 2 нафар ногирон фарзанди бор оилага ҳадялар улашди.

Тумандаги “Зайниддин ҳожи ота” масжиди имом-хатиби С.Жабборов ва ҳомийлар томонидан “Наврўз” маҳалласида яшовчи бир эҳтиёжманд оилага 20 турдаги озиқ-овқат маҳсулотлари етказилди.
* * *
Тошкент тумани «Кўк терак» масжиди имом-хатиби Абдуносир домла ҳомийлар кўмагида кам таъминланган хонадонларга эҳсон тарқатди.

Бекобод шаҳар “Исломобод” масжиди имом-хатиби Эргашбой домла Ҳамидов ҳомийларни жалб қилган ҳолда эҳтиёжманд бир оилага шаҳар марказидан 2-хонали хонадон хайрия қилинди.

Шаҳардаги "Исломобод" жоме масжиди имом ноиби Обидов Аббосхон томонидан ҳомийларни жалб қилган ҳолда аҳоли орасида кам таъминланган ва моддий эҳтиёжманд оилаларга озиқ-овқат (гўшт, ун, шакар, ёғ, гуруч, тухум, картошка-пиёз) маҳсулотлари хайрия қилинди.
* * *
Нурафшон шаҳар “Саид ибн Ваққос” масжиди имом-хатиби Б.Аширматов ҳомийларни жалб қилган ҳолда ҳудуддаги кексалар, ногиронлиги бўлган оилалар ҳолидан хабар олиб, уларга озиқ-овқат маҳсулотлари эҳсон қилди.
* * *
Янгийўл тумани “Гулбаҳор” жоме масжиди имом-хатиби Қамариддин домла Қамбаров ҳомийлар ёрдамида 20 та кам таминланган, боқувчисини йўқотган ҳамда кейим-кечакка муҳтож 20 нафар болажонга бир миллион сўмлик, жами 20 млн сўмга мавсумий кийимлар олиб берди.

Тумандаги “Халқобод” масжиди имом-хатиби Нуриддин домла Акромов ҳомийлар ёрдамида 3 та кам таминланган, боқувчисини йўқотган ҳамда беморлар ҳолидан хабар олиб, уларнинг ҳар бирига 10 турдаги бир млн сўмлик, жами 30 млн сўмлик озиқ-овқат маҳсулотлари етказиб берди.
* * *
Ангрен шаҳар “Қорабоғ” масжиди имом-хатиби Низомиддин домла Абдумаликов “Грум” ва “Янги Жигаристон” маҳаллаларида яшовчи кам таъминланган, ногирон фарзандлари бор оилаларгага озиқ-овқат маҳсулотлари эҳсон қилди.
* * *
Аллоҳ таоло эҳсонларни қабул қилсин!

Тошкент вилояти вакиллиги
Матбуот хизмати

Дўстларингизга ҳам улашинг:

https://t.me/diyonatli