#мақола

ҚОНУНГА ИТОАТ – ХОТИРЖАМЛИК ПОЙДЕВОРИДИР

Мусулмонлар қонун ва раҳбарга итоат қилишни, нафақат ижтимоий тартибни таъминлаш, балки диний бурч ва фарз сифатида биладилар.
Қуръон Карим ва ҳадислар инсонни Аллоҳга, Пайғамбарга ва раҳбарларга итоат қилишга чақиради, жамиятда тартиб ва адолатни сақлаш муҳимлигини таъкидлайди.
Қуръон Каримнинг Нисо сураси 59-оятида Аллоҳ таоло ўз бандаларига ниҳоятда меҳрибонлик билан шундай марҳамат қилади:
يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ
Яъни: “Эй мўминлар! Аллоҳга итоат қилинглар, Пайғамбарга итоат қилинглар ва ўзларингиздан бўлган бошлиқларга (раҳбарларга) итоат қилинглар!”
Демак, бу оятда Аллоҳ таоло мўминларга мурожаат қилиб, ўзининг амрларига итоат қилишни, қайтарган ишларидан эса қайтишни буюрмоқда. Шунингдек, Пайғамбаримиз Муҳаммад саллаллоҳу алайҳи ва салламнинг суннатларига ҳам итоат яхшилик ва баракот омилидир.
Шундан кейин, “улул амр”, яъни ўзларингиздан бўлган раҳбарларга итоат қилиш ҳам буюрилган.
Тафсирларда “улул амр” деганда икки тоифа назарда тутилади:
1. Диний уламолар,
2. Жамиятни бошқараётган раҳбарлар — президентдан тортиб, барча масъул бошлиқларгача.
Шундай экан, раҳбарларга итоат қилиш ҳам шариатимизда вожиб саналади.
“Улул амр минкум” — ўзларингиздан бўлган бошлиқлар, яъни ҳукумат раҳбарлари, давлат тизимидаги масъуллар назарда тутилади.
Давлатнинг қонун-қоидалари одамлар ҳаётида тартиб, адолат ва хавфсизликни таъминлаш учун жорий этилади.
Пайғамбаримиз саллаллоҳу алайҳи ва саллам ҳам Маккадан Мадинага ҳижрат қилганларида, ўша ерда яшайдиган мусулмон ва мусулмон бўлмаган қабилалар билан жамият тартибини таъминлаш учун “Саҳифатул Мадина” деб номланган келишувни туздилар. Унда барча томонларнинг ҳуқуқ ва бурчлари баён қилинган эди.
Аждодларимиз ҳам давлат бошқарувида ўзига хос қонун-қоидалар ишлаб чиққан. Масалан, Амир Темур бобомиз Мўғуллар қоидасини эмас, балки ўзи яратган “Темур тузуклари” асосида давлатни бошқарган.
Демак, давлатнинг шаклланишида қонунчилик асосий пойдевор бўлган. Қонунга итоат қилиш эса лозимдир. Қайси жамиятда қонун устувор бўлса, ўша жамият қудратли бўлади, тинчлик, тараққиёт ва равнақ бўлади.
Ҳар бир давлатнинг ўз қонуни бор. Ўзбекистон қонунлари фуқароларнинг ҳуқуқи, бурчи ва манфаатларини ҳимоя қилишга қаратилган бўлиб, миллати, ирқи ва динидан қатъи назар, барча фуқароларга тенгликни кафолатлайди.
Қонун устуворлиги – ҳар ким қонунга итоат қилиши шарт демакдир. Бу қонунга зид иш қилмаслик мажбуриятидир.
Динимиз ҳам қонунга итоат қилишни буюради. Чунки қонунга бўйсунмаслик жамиятда тартибсизлик, ихтилоф ва фитнага сабаб бўлади.
Шунинг учун ҳам Расулуллоҳ саллаллоҳу алайҳи ва саллам:
“Бошлиғингиз қора қулдан бўлса ҳам, сизга раҳбар қилиб тайинланса, унга итоат қилинглар”, — деб марҳамат қилганлар.
Аммо бугунги кунда айрим кишилар ўзларини “олим” қилиб кўрсатиб, қонунни менсимасликка, давлатга қарши чиқишга, фитна чиқаришга чақирмоқда. Ижтимоий тармоқларда қонунга зид гапларни тарқатиб, одамларни чалғитишмоқда. Ҳатто: “Қўрқманглар, қамалиш шараф! Юсуфия мадрасаси!” деб ёшларни қонунни бузишга ундайдилар. Бу — катта фитна. Бу ишлар шариатга ҳам, ақлга ҳам тўғри келмайди. Қонун бузилиши — Аллоҳнинг амрига хилофдир.
Давлатнинг қонунлари инсонларнинг манфаатлари учун ишлаб чиқилган экан, итоат қилиш вожиб, аммо гуноҳга ундайдиган амрга, табиийки, бўйсунилмайди, қолган барча қонун ва кўрсатмаларга итоат қилинади.
Қонунларни писанд қилмаслик, давлатга қарши чиқишга ундаш — бу фитнадир. Бу иш билан шуғулланётган инсонлар ёшларни ҳам йўлдан уриб, ўзининг ҳам, бошқаларнинг дунё ва охиратини куйдирмоқдалар.
Расулуллоҳ саллаллоҳу алайҳи ва саллам Абу Бакр Сиддиқ розияллоҳу анҳудан ривоят қилинган ҳадисда шундай деганлар: “Ким раҳбарини хор қилса (унинг қонунига қарши чиқса), Аллоҳ таоло уни ўзи хор қилади”. (Имом Термизий ривояти)
Демак, қонунни бузган одам бу дунёда ҳам, охиратда ҳам хор бўлади. Уни қаҳрамон деб эътироф этиш — аслида ўзини ҳам, бошқаларни ҳам ҳалокатга етаклашдир.

Аллоҳ барчамизни фитналардан асрасин. Юртимизни тинч, фаровон, обод қилсин. Барчамизни тўғри йўлда собит қилган бўлсин.

Абдулҳамид домла Маликов,
Тошкент вилояти Пискент тумани "Пискент" жоме масжид имом-хатиби

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

АССАЛОМУ АЛАЙКУМ

Ҳаёт синовларингиз фақат муваффақиятли ўтсин, натижалар номаи амалингизга хайрла, ажру савобла битилишини Аллоҳ таоло муяссар айласин!

https://t.me/diyonatli

Konstitutsiya kuni munosabati bilan O‘zbekiston xalqiga bayram tabrigi
—

https://t.me/diyonatli

#КУН_ОЯТИ

Роббим мени мағфират этганини ва икром қилинганлардан қилганини», деди.

Ёсин сураси 27-оят

Иймони ва ихлоси туфайли Аллоҳ таоло ўз фазли ва карами ила у бандани жаннатга ҳукм қилди. У банда жаннатга кириб, нозу неъматларни ва иззат-икромни кўриши билан қавмини эслади. «Кошки қавмим билсалар эди. Роббим мени мағфират этганини ва икром қилинганлардан қилганини», деди».

Ижтимоий тармоқлардаги саҳифаларимиз:

https://t.me/diyonatli