Нега Аллоҳ таоло "шифо ва раҳмат" деди, "раҳмат ва шифо" демади?

Бисмиллаҳир Роҳманир Роҳийм

Қуръон - дардга шифодир. Аллоҳ таоло бундай марҳамат қилади: "(Биз) Қуръондан мўминлар учун шифо ва раҳмат бўлган (оят)ларни нозил қилурмиз" (Исро сураси, 82-оят).

Савол: Нега Аллоҳ таоло "шифо ва раҳмат" деди, "раҳмат ва шифо" демади?
Жавоб: Муҳаммад Мутаваллий Шаъровий раҳимаҳуллоҳ бундай дейдилар: Бу жуда нозик илоҳий ҳикматдир!

Шифо - касаллик бор бўлганидан кейин келади.
Раҳмат - эса касалликни бошиданоқ олдини олишдир.
Пайғамбаримиз соллаллоҳу алайҳи васаллам рисолат олиб келган пайтда инсонлар “касал” эди - залолат, ширк ва куфр ичида эдилар. Шунинг учун Қуръон аввал шифо бўлиб келди - дардни даволаш учун.
Сўнг: Улар ширкдан тузалганидан кейин раҳмат келди - яхши, саодатли ҳаёт сифатида.

Қоида: Зарарни даф қилиш манфаатни жалб қилишдан олдин туради.
Шунинг учун: Аввал - шифо (касалликни даволаш). Сўнг - раҳмат (бахтли ҳаёт).
Қуръон эса ҳар бир замонда инсоният учун доимий “дорихона” бўлиб қолади!

Ҳомиджон қори ИШМАТБЕКОВ

Дўстларингизга ҳам улашинг:

https://t.me/diyonatli

#Ҳадис

Аллоҳ бир бандасини яхши кўрса...

Бисмиллаҳир Роҳманир Роҳийм

Ибн Масъуд розияллоҳу анҳу ёки Набий соллаллоҳу алайҳи ва ъалаа олиҳи васалламнинг бошқа саҳобаларидан ривоят қилинади. У зот алайҳиссалом: “Аллоҳ таоло бир бандасини яхши кўрса, уни синовга учратади. Бандасига бўлган муҳаббати туфайли бандасининг овозини эшитиш учун бало етади”, дедилар.

“Муснади Шоший” асаридан
Даврон НУРМУҲАММАД таржимаси

Дўстларингизга ҳам улашинг:

https://t.me/diyonatli

#КУН_ОЯТИ

Кимки яхшилик қилса, бас, ўзи учундир. Кимки ёмонлик қилса, бас, ўз зараригадир. Сўнгра Раббингиз ҳузурига қайтарилурсиз.

Жосия сураси 15-оят

Ижтимоий тармоқлардаги саҳифаларимиз:

https://t.me/diyonatli

Роббинг ким? Пайғамбаринг ким? Дининг нима?

Бисмиллаҳир Роҳманир Роҳийм

Югурдим хоҳишларим ортидан, улар этдилар мени қул,
Гар қилсам эди қаноат мен бўлардим ҳур, бўлмасдим бир пул.

Эътибор қилинг, қанчадан-қанча авлодлар алмашди, уларнинг бирортаси йиққан мол-дунёси, қурган қасрлари, эгаллаган мансабларини ўзи билан олиб кетди-ми? Йиққан олтин-у кумушлари билан дафн этилди-ми ёки охират диёрига ўзларининг машиналари-ю самолётлари билан кўчиб ўтишди-ми? Йўқ, албатта! Ҳатто кийимларидан ҳам маҳрум қилинишди ва қабрга фақатгина кафанлари билан киритилишди. Сўнгра улардан сўров бошланди: Роббинг ким? Пайғамбаринг ким? Дининг нима?

Шундай экан сиз ана шу кун учун тайёргарлик кўринг. Дунё матоҳларини деб маҳзун бўлманг, афсус чекманг. Чунки улар ўткинчи, сизнинг фақатгина солиҳ амалларингизгина қолади. Аллоҳ таоло айтади:

﴿مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ﴾

“Эркагу аёл, ким мўмин ҳолида яхши амал қилса, Биз унга яхши ҳаёт кечиртирамиз ва албатта, уларни қилиб юрган амалларининг энг гўзалига бериладиган ажр ила мукофотлармиз” (Наҳл сураси, 97-оят).

Шуъла: Касаллик – унда хушхабари бўлган мактуб, саломатлик эса бадали тўланиши керак бўлган безакдир.

Доктор Оиз ал-Қарнийнинг
"Дунёдаги энг бахтли аёл" китобидан

Дўстларингизга ҳам улашинг:

https://t.me/diyonatli

#Раддия #Мақола

НАМОЗНИНГ ҚИЁМИДА ОЁҚЛАР ОРАСИНИ КЕНГ ОЧИБ ТУРИШ...

Бисмиллаҳир роҳманир роҳийм

Намоз улуғ ибодат саналади. Ибодат бўлганда ҳам диннинг устуни ҳисобланади. Ибодатнинг моҳияти банда Рoббиси хузурида синиқлик, илтижо ва хушуъ билан туришдир. Бу ҳақида Аллоҳ таоло шундай марҳамат қилади:

Яъни: "Батаҳқиқ, мўминлар нажот топдилар. Улар намозларида хушуъ қилувчилардир". (Муъминун сураси, 1-2-оятлар)

Батафсил

Абдул Хамид домла Маликов,
Тошкент вилояти Пискент тумани "Пискент" жоме масжид имом-хатиби

Дўстларингизга ҳам улашинг:
https://t.me/diyonatli

Замонавий жоҳилиятнинг жинояти

Бисмиллаҳир Роҳманир Роҳийм

Замонавий жоҳилият – 20-аср жоҳилияти – қадимги жоҳилиятдан қолган баъзи бир нарсаларни тирилтиришга кирошмоқда. Инсонларни ризқ борасида қўрқитиш ва уларни болаларини (аборт) олдириш - бундан мақсад болалари улар билан бирга таом ейишларидан қўрқишлари - бунинг яққол мисолидир.

Аммо, мусулмонлар Аллоҳ таолонинг ваъдасини унутмай, Унинг Ўзи ризқ берувчи Зот эканига хотиржам бўлдилар.

Табук ғазотида оғир аҳволдаги қўшинни таъминлаш пайтида саҳобалар молларини инфоқ қилишда мусобақа қилдилар. Ҳазрат Умар розияллоҳу анҳу молининг ярмини келтирдилар, Ҳазрат Абу Бакр розияллоҳу анҳу эса, молининг ҳаммасини келтирдилар шунда, Расули акрам соллаллоҳу алайҳи васаллам Ҳазрат Абу Бакр розияллоҳу анҳуга: “Аҳлинг ва фарзандларинга нимани қолдирдинг?" дедилар. Абу Бакр розияллоҳу анҳу: "Уларга Аллоҳ ва унинг Расулини қолдирдим!" дедилар.

"Таваккул" китобидан
Яҳё домла АБДУРАҲМОНОВ таржимаси

Дўстларингизга ҳам улашинг:

https://t.me/diyonatli

Бандам Мендан уялмайди

Бисмиллаҳир Роҳманир Роҳийм

Аллоҳнинг ўз бандаларидан уялиши нима эканини биласизми?

Тавротда айтилган: “Гуноҳ қилишдан уялгин, дарҳақиқат, сени жазолашдан Мен ҳам уяламан”.

Шунингдек, яна илоҳий китобларнинг бирида бундай дейилган: “Бандам Менга бўлган муносабатда адолатсиздир: Мен унинг сўраган нарсасини рад қилишга уяламан, ҳолбуки, у итоатсизлик қилганида Мендан уялмайди ҳам”.

Ҳазрати Пайғамбаримиз соллаллоҳу алайҳи васаллам марҳамат қиладилар: “Ҳақиқатда Аллоҳ энг ҳаёли, энг саховатлидир. Қачонки бандаси недир сўраб илтижо билан қўл очиб дуо қилса, Аллоҳ бу дуога жавоб қилмасликдан уялади” (Имом Баззор ривояти).

“Ахлоқус солиҳийн” (Яхшилар ахлоқи) китобидан
Йўлдош Эшбек, Даврон Нурмуҳаммад
таржимаси.

Дўстларингизга ҳам улашинг:

https://t.me/diyonatli

#КУН_ОЯТИ

Осмонлар ва Ернинг ҳукмронлиги Аллоҳга хосдир. (У) хоҳлаган кишиларни мағфират қилур ва хоҳлаган кимсаларни азоблар. Аллоҳ мағфиратли ва раҳмли зотдир.

Фатҳ сураси 14-оят

Ижтимоий тармоқлардаги саҳифаларимиз:

https://t.me/diyonatli