Ытыктабыллаах улууспут олохтоохторо, ыалдьыттара, ытык-мааны аҕам саастаахтарбыт, сарсыҥҥыга эрэллээх эрэнэр ыччаттарбыт!
 
🔹Өбүгэ саҕаттан төрүттэммит үтүө үгэспитинэн, Үрдүк Айыыларбытыттан алгыс ылынар Үрүҥ Тунах Ыһыахпыт ыытыллар күнэ үүммүтүнэн улуус салалтатын аатыттан эҕэрдэлиибин!
 
🔹Ыһыах -
унньуктаах уһун кыһыны этэҥҥэ туораан, айылҕа уһуктуутун, күөх сайыммыт кэлиитин өрөгөйдөөн көрсөр үтүө кэммит.
Бу ытык күҥҥэ биһиги уйгу-быйаҥ олоҕу түстүүбүт, күүс-уох эбинэбит. Төрүт үгэспитинэн сирдэтэн, сиэри-туому тутуһан, өйбүтүн-санаабытын сааһылаан, айыыларбытын кытта алтыһабыт.
 
🔹Быйылгы үөрүүлээх Ыһыахпыт Дойдубутугар Норуоттар сомоҕолоһууларын, Сахабыт сиригэр Култуура, улууспутугар Олохтоох оҥорон таһаарыы сылларыгар ананар.
Кэрэ-бэлиэ күҥҥэ бар дьоммор түмсүүлээх, таһаарыылаах үлэбит иһин истиҥ махталбын тиэрдэбин.
Бу курдук тутуспутунан тапталлаах дойдубут салгыы сайдыытын тутуоҕуҥ, ыччат дьоммут кэлэр кэскиллэрин түстүөҕүҥ!
 
🔹Бар дьоммор этэҥҥэ буолууну, таһаарыылаах үлэни, өҥ-быйаҥ сайыны, эйэлээх халлааны, бары үтүөнү баҕарабын!
Сир-ийэ силигилии тыллар салгына уҕараабат эрчими эптин, ыраас санааны сахтын!
 
Орто дойдуга Ил-эйэ олохтоннун!
Дьол-соргу тосхойдун!
 
ҮРҮҤ ТУНАХ ЫҺЫАҔЫНАН!

💬 @dmitriytikhon0v

📲МАХ сыһыарыыга суруттар- https://max.ru/id1415008873_gos2

Ытыктабыллаах Иннокентий Егорович, үрүҥ халааттаах аанньалларбыт, доруобуйа харыстабылын эйгэтин бары үлэһиттэрэ, ытык-мааны бэтэрээннэрбит!
 
🔹Эһигини бүгүҥҥү идэлээх күҥҥүтүнэн – Доруобуйа харыстабылын үлэһиттэрин күнүнэн улууспут үтүө үлэһит дьонун-сэргэтин, салалтатын ааттарыттан итиитик-истиҥник эҕэрдэлиибин!

🔹Күннэтэ дьоммут-сэргэбит, кэнчээри ыччаппыт доруобай, чэгиэн сылдьалларын туһугар кыһамньылаах, бэриниилээх үлэҕит, тулуургут-дьулуургут иһин улууспут олохтоохторун ааттарыттан дириҥ махталбытын, ытыктабылбытын тиэрдэбин.

🔹Тус бэйэҕитигэр, чугас дьоҥҥутугар этэҥҥэ буолууну, бигэ туругу, эйэлээх халлааны, бары үтүөнү баҕарабын!
Инникитин даҕаны эhигини куруутун дьон махтала арыаллаатын, күүскүтүгэр күүс эптин, үлэҕитигэр-хамнаскытыгар ситиһии эҥээрдэстин, дьол-соргу тосхойдун диэн алгыс тылбын аныыбын.

💬 @dmitriytikhon0v

📲МАХ сыһыарыыга суруттар- https://max.ru/id1415008873_gos2

🔹Бүгүн, бэс ыйын 22 күнэ – 1941 сыллаахха фашистар хара күүстэрэ сэрии биллэриитэ суох саба түспүт ыар күнэ. Бу күн Аҕа дойду улуу сэриитэ саҕаламмыта.

🔹Биһиги бүгүн сэрии толоонугар дьоруойдуу охтубут буойуттарбытын, тыылга, үлэ фронугар Кыайыыны уһансыбыт дьоммут сырдык кэриэстэрин ахтан-санаан ааһабыт.

🔹Эйэлээх олох туһугар олохторун толук уурбут, дьоруойдарбыт хорсун быһыылара, албан ааттара үйэлэргэ умнуллубат!

Ким да умнуллубат, туох да умнуллубат!

💬 @dmitriytikhon0v

📲МАХ сыһыарыыга суруттар- https://max.ru/id1415008873_gos2