Bir videorolik ko‘rib qoldim, qizig‘i, bolalarim ko‘rib o‘tirgan ekan sizlarga ham ilindim, xullas bog‘cha, maktab yoshdagi farzandlarim bilan birga tahlil qildik.

Bizda ko‘p turizm obyektlarida o‘sha joylarni, xususan, ayniqsa xojatxonasini rasvo qilib ketishlarini ko‘p kuzatamiz. Zarda bilan unitaz tepasiga bir nimalar yozib qo‘ygan rasmlar ham bejiz internetda tarqalmagan. Bu umuminsoniyatning eng elementar madaniyati hisoblanib, afsuski o‘shanday katta yoshdagi odamlar yoshligidan mana shunday rolikni ko‘rib qo‘ymagan, umrida bir bora bo‘lsa ham diqqat bilan shularni ko‘rganda, yoki kimdir tushuntirib berganida edi, eng oddiy va eng zarur etika qoidalarini o‘rgangan bo‘lar edilar. Biron joyga sayohatga chiqsa ham, farqi yo‘q u mamlakat hududidagi ichki turizmmi yoki chetdagi tashqi turizmmi, o‘zi ham dovdiramasdi, yon atrofdagi jamoatni ham noqulay ahvolga solmagan bo‘lar edilar.
Bu oddiy rolik emasligidan, bunda bog‘cha, maktab yoshdagilarga zarur etika qoidalari bola tilida tushuntirilgani sababli sizlarga ham ilindim. Bolajonlaringizga qo‘yib berib albatta birgalikda ko‘rib, tahlil qiling, bog‘cha guruhlaringizga monitoringizda ulab ko‘rsating, kerak bo‘lsa savol-javob qilib ilm hosil qiling bu haqda, yodida qoladi bir umr, sinf guruhlarga, o‘quvchilar esa bir-birlarimgizga tarqating albatta. Ishoning, bunday erinmay qlingan rolik kamdan-kam topiladi, hafsala yetmaydi bunchalik sifatli tayyorlashga.

Shunday roliklarni ko‘rsam sizlarga ilinishda davom etaman kelajakda, jamiyat bir-biriga eng yaxshi, kerakli ilmlarni targ‘ibot qilib borishi kerak, deb o‘ylayman. Film ijodkorlariga ota-onalar, bolajonlarimiz nomidan rahmat!

@domlajon
t.me/domlajon

#fidoyiUstozlar
Kontent markazining "Fidoyi ustozlar" loyihasi.

10 yildan buyon tanib, faoliyatini kuzatib kelayotgan ustozlarimdan biri — Karimova Rohila Azimovna.

Rohila opa Mirzo Ulug‘bek tumanidagi 248-maktabda 1992-yildan buyon matematika fanidan dars berib keladi. Tajribalari respublika miqyosida ommalashgan, "Bir million dasturchi", "Besh million dasturchi" va SAT xalqaro sertifikatlariga ega. KRK va KRS yo‘nalishlarida tuman mentori, sun’iy intellekt bo‘yicha xalqaro malaka oshirish dasturi (Malayziya) ishtirokchisi.

Yaqinda maktabiga borib, o‘quvchilari bilan ham suhbatlashdim. Hammasi Rohila opani yaxshi ko‘radi. Eng sho‘x, eng to‘polonchi o‘quvchilarning ham tilini topib, ularni to‘g‘ri yo‘lga boshlay olishi — ustozning alohida mahorati.

Menga qolsa, Rohila opaning eng katta yutug‘i sertifikatlari yoki mukofotlarida emas. Shu yillar davomida biror o‘quvchiga qo‘l ko‘tarmagani, bolaning shaxsiyatiga tegadigan so‘zlarni ishlatmagani va har bir o‘quvchiga mehr bilan yondashganida.

Chunki haqiqiy ustoz nafaqat matematikani o‘rgatadi, balki bolaga inson sifatida munosabatda bo‘lishni ham biladi.

Rohila opa — o‘z kasbiga sodiq, bolalarni sevadigan va fidoyiligi bilan e’tirofga loyiq ustozlardan biri.

https://www.instagram.com/reel/De4lYugs3L7/?obrf=MTB0OW95M3kyaWg2aQ==

Sizning ham shunday fidoyi ustozlaringiz bormi? Ularni bizga yuboring: @fidoyibot

#FidoyiUstozlar

@domlajon
t.me/domlajon

Bravo O‘zbekiston!
Biz hech kimdan kam emasmiz, biz katta davlatmiz, bizning sivilizatsiyamiz Eronnikidan kam emas, Xorazmshohlar, Temuriylar Eronni qanchalik titratganini uqtirishgani yaxshi bo‘ldi elchini chaqirib!
Bizning barcha davlat bilan do‘st, tinchlik tarafdori bo‘lishni istaydigan aqlli hukumatimizga balli.

@domlajon
t.me/domlajon

Haqiqatan ham shunday bolalar uchraydi, ko‘p uchraydi, uyida to‘y bo‘lib tursa ham maktabiga ketadi. Shunchaki o‘qishni yurakdan sevadi ular va muvaffaqiyatli bo‘ladi xayot yo‘li ham bunday tartib intizom bilan katta bo‘lgandan keyin.
Ajoyib kadr.

@domlajon
t.me/domlajon

Kimdir ruchkani sinfning poliga sanchishi ortidan maktab o‘quvchilarida shu bo‘lmagur narsa trendga chiqdi, deysihmoqda.
Kamiga mana bunday tiktokerlar o‘sha qizning oldiga kelib maktablarda videolar qilmoqchi bo‘libdi, maktablar bularni kiritmayapti ekan.
Barakalla, boplashibdi maktablar!
U bechora maktabda polning teshilmagan joyi qolmagandir oʼzi.
Hech qaysi maktab bularni kiritmasligi kerak, bolalar tiktokerlar yoki vaynerlardanmas olimpiada g‘oliblarini ortidan ergashishi kerak, bemaza trendlarnimas bilim olishni ommalashtirish kerak. Maktab direktorlari ketiga tepib xaydasa ham xursand bo‘laman bunday vaynerlarni.

@domlajon
t.me/domlajon

"O‘qimagan ota-onadan keyin kim tug‘iladi, o‘qimagan bola tug‘iladida!", — mashhur memga mos holat. Qo‘shimcha qiladigan bo‘lsak, befarosat ota-onadan ham farosatsiz bola bo‘lib o‘rnak olib yetishadi.

@domlajon
t.me/domlajon

Qaysi pulga qilsin, shuni ham aniq manbaasini ko‘rsatishmabdida.(#)

O‘zi qayoqqa shoshyapmiz, 6 oydan keyin kuchga kiradigan qonunga nega bugundan xaybarakallalchilik bilan topshiriq boshlandi?

@domlajon
t.me/domlajon

#fidoyiUstozlar

84 yoshli, 61 yillik stajga ega fidoyi matematik ustoz!

Bugun sizlarga tanishtirmoqchi bo‘lgan ustoz O‘zbekistonda yagona bo‘lsalar kerak, o‘zlarining yuksak bilimlari va hozirgacha saqlanib kelayotgan salohiyatlari bilan haftasiga 20 soat dars o‘tib kelayotgan Abdumalik ustoz bilan tanishtirmoqchiman!

Shayxontohur tumanidagi 13-maktabda shunday ustoz bilan tanishib, suhbatlashganimdan baxtiyorman. Ustoz yillar davomida o‘quvchilarni olimpiadalarga tayyorlagan, o‘zlari tuman matematiklarining sardori bo‘lib, o‘nlab yillar tayanch maktab sifatida faoliyat yuritib, boshqa ustozlarga mentorlik qilgan. 1995-yildan buyon oliy toifali ustoz hisoblanadilar.

Darslarini hozirgacha yoshlardek shijoat va g‘ayrat bilan o‘tarkanlar. O‘quvchilariga hamon qattiqqo‘l va talabchan ekanlar. Umuman olganda, maktab jamoasi va o‘quvchilar ularni "ota" deya hurmat-izzat qiladigan ajoyib ustoz ekanlar.

Men 2002-yilda institutga kirgan bo‘lsam, uni bitirib, qariyb 20 yil maktabda ishlashga ham ulgurdim. Abdumalik ustoz esa aynan 2002-yilda pensiyaga chiqqan bo‘lsalar-da, haligacha haftasiga 20 soat dars o‘tib kelmoqdalar. Qoyilmisiz?!

13-maktab direktori Nargiza opa aytishlaricha, ustoz shu yoshda ham ta’til paytlarida maktabga o‘zlari kelib, biror ish topib, bajaraverar ekanlar. Kerak bo‘lsa, ustalarga qo‘shilib, maktab pollarini ham bo‘yab ketaverar ekanlar.

Ustoz shu maktabda qariyb o‘n yil direktor bo‘lib ham ishlaganlar. Hozir ham maktabning kam-ko‘stini to‘ldirish masalasida direktor ustoz bilan maslahatlashar ekan. Ustoz esa otalarcha maslahat berib, maktab rivojiga chin yurakdan yordam berarkanlar. Hatto devor va pollarni bo‘yashdan ham qaytmas ekanlar.

Maktablarda majburiy mehnat haqida murojaatlar uchrab turadigan bugungi paytimizda, bunday yoshdagi ustozning o‘z ixtiyori bilan mehnat qilishi, yoshlarga namuna bo‘lib kelayotgani alohida e’tirofga loyiq.

Bu gaplarni bekorga aytmayapman. 84 yoshga kirgan ustoz haqida eshitgan odam, "Bu yoshda charchab qolmasmikanlar?" deb o‘ylashi mumkin. Ammo ustozning aynan shu yoshda ham maktabning turli jabhalarida yoshlarga o‘rnak bo‘lib kelayotgani — haqiqiy FIDOYILIK NAMUNASI!

Suhbatimizni tomosha qiling. Siz ham shunday yoshga yetib, elning hurmat-izzatida bo‘lishni yaxshi niyat qilib qo‘ying:

🎥 https://www.instagram.com/reel/De82XjCMgq8/?vrfl=MWY0YzRvcGoyZWs3aQ==

Sog‘ bo‘ling, ustoz!

Aytgancha, ustoz bizning chiqishlarimizni, xususan, "Tanaffus" podkastimizni ham doimiy kuzatib borarkanlar!

Siz ham o‘z ustozingizni butun O‘zbekistonga taniting!

📩 Ustozingiz haqida ma’lumot yuboring: @fidoyibot

📚 Barcha fidoyi ustozlar: @fidoyiUstoz99

@domlajon
t.me/domlajon

Afsuski, yana bog‘cha tarbiyalanuvchilari o‘rtasida kasallanish holatlari aniqlandi.
Bu safar Farg‘ona shahar maktabgacha taʼlim tashkilotlarining 3 tasidagi o‘nlab bolalar shifoxonaga tushgan.

Bolalar oziq-ovqatining sifat talabini hamma narsamizdan ustun qo‘yib nazorat qilishimiz zarurs-, yetkazib beruvchi tashkilotlarni ko‘z ochirmaslik kerak. O‘tgan yili ham Farg‘onada shunday ommaviy zaharlanish bo‘lgan edi, unda ham oziq-ovqat bilan taʼminlovchi tashkilot aybdor deyilgan edi.

Bolalarga sog‘lik tulaymiz, tezroq ko‘rmagandek bo‘lib ketsin sho‘rlik bolajonlar.

@domlajon
t.me/domlajon

“‘Eslab-eslab’ bir gapiring qani” — prezident aktyor Farhod Abdullayevga hazil qildi

Kinematografiya sohasi xodimlari bilan uchrashuvda Farhod Abdullayev prezident Shavkat Mirziyoyevga minnatdorchilik bildirib, farzandlari va nabiralari kelajagidan ko‘ngli to‘qligini aytdi.

Prezidentimiz ham hammamiz sevgan ushbu ko‘rsatuvni ko‘rar ekanlar demak)

@domlajon
t.me/domlajon

Shuni o‘zbekchasini tarjima qilib chiqarishibdi.

@domlajon
t.me/domlajon

👤 Gulxayoxon Maxammadaliyeva Qobuljon qizi

📍 Buloqboshi tumani, Andijon
🏫 2-maktab
📘 Fan: Nemis tili
📆 Ish staji: 8 yil
📨 Loyihaga taqdim etgan: Gulxayoxon Maxammadaliyeva Qobuljon qizi

📝 Ustoz hikoyasi
❝ 1. 2019-yilda DAAD(Germaniya akademik almashinuvi) dan 100% lik grand yutib, Germaniya poytaxti Berlin shahrida Freie Universitet da 1 oy malaka oshirib kelganman

2. 1.5 yil ichida uchchala toifani (ikkinchi, birinchi, oliy) yuqori ballar bilan qo'lga kiritdim.

3. 2025-yil bahorda attestatsiyada 88 ball to'plab, 70% li ustama sohibasi bo'ldim.

4. 2025-yil may oyida nemis tili fanidan B2 milliy sertifikat oldim 1-urinishda

5. 2025-yil Respublika nemis tili o'qituvchilari konferensiyasida faol qatnashib sertifikat bilan taqdirlandim

6. 2025-yil Respublika nemis tili o'qituvchilari o'rtasida o'tkazilgan Insholar tanlovida 5-o'rinni oldim.

7. 2026-yil "Vazir ustamasi" sohibasi bo'ldim.

8. 2026-yil nemis tili fanidan "1-sinflarda nemis tilini she'riy tarzda o'qitish" Metodik qo'llanmam Respublika miqyosida ommalashdi.

9.Respublika va xalqaro ilmiy maqolalari muallifiman

10. O'zim yozgan she'rlarim va nemis tilidan o'zbek tiliga tarjima qilgan she'rlarim gazetalarda nashr etilgan. ❞

❝ 2020-yil ADU chet tillari fakulteti nemis tili va adabiyoti yo'nalishini tamomlaganman va shu yildan buyon Buloqboshi tumani 2-maktabda nemis tili fanidan dars beraman.

Yutuqlarim:

1. 2019-yilda DAAD(Germaniya akademik almashinuvi) dan 100% lik grand yutib, Germaniya poytaxti Berlin shahrida Freie Universitet da 1 oy malaka oshirib kelganman

2. Bir yarim yil ichida uchchala toifani (ikkinchi, birinchi, oliy) yuqori ballar bilan qo'lga kiritdim.

3. 2025-yil bahorda attestatsiyada 88 ball to'plab, 70% li ustama sohibasi bo'ldim.

4. 2025-yil may oyida nemis tili fanidan B2 milliy sertifikat oldim 1-urinishda

5. 2025-yil Respublika nemis tili o'qituvchilari konferensiyasida faol qatnashib sertifikat bilan taqdirlandim

6. 2025-yil Respublika nemis tili o'qituvchilari o'rtasida o'tkazilgan Insholar tanlovida 5-o'rinni oldim.

7. 2026-yil "Vazir ustamasi" sohibasi bo'ldim.

8. 2026-yil nemis tili fanidan "1-sinflarda nemis tilini she'riy tarzda o'qitish" Metodik qo'llanmam Respublika miqyosida ommalashdi.

9.Respublika va xalqaro ilmiy maqolalari muallifiman

10. O'zim yozgan she'rlarim va nemis tilidan o'zbek tiliga tarjima qilgan she'rlarim gazetalarda nashr etilgan.

11. 2026-yil avgust oyida Maktabgacha va maktab ta'limi vazirligi hamda xalqaro imtihon markazi Telc bilan hamkorlikda 1 haftalik malaka oshirdim. (Respublika bo'yicha 20 nafar ustozlar saralab olindi) ❞

Siz ham eng fidoyi ustozlar (yoki o`zingiz) haqida ma'lumotni bizga yuboring, u insonni barchaga na'muna qilib ko'rsatamiz: @Fidoyibot
#FidoyiUstozlar #Andijon

@fidoyibot botimizga kelib tushgan ustozlarni ko‘rib ko‘zingiz quvnaydi.

Mana birgina ustozning yutuqlarini ko‘ring, o‘z ustida ishlab, katta natijalarga erishmoqda, dunyo ko‘rmoqda.

Barcha ustizlar o‘zlaringiz haqingizda hikoyalarni yuboring, eng diqqatga sazovorlarni saralab @Domlajon kanalida chiqaramiz. Maktabingizga borib suhbat quramiz. Qolgan ustozlarni @fidoyiustoz99 kanalimizga aʼzo bo‘lib, o‘qib borishingiz mumkin.

Shu loyihamizni respublika bo‘yicha ommalashishida o‘z hissangizni qo‘shing, bugun 100 ta ustozning yangi hikoyalarini o‘qiylik:

@fidoyibot

O‘zbekistonda o‘rtacha oylik ish haqi 7,3 mln so‘mni, mediana ish haqi 4,2 mln so‘mni tashkil etdi.

Bu haqda Milliy statistika qo‘mitasi ma’lumot berdi. 2026-yilning yanvar–sentyabr oylarida O‘zbekistonda o‘rtacha oylik nominal hisoblangan ish haqi 7 274,1 ming so‘mni tashkil etdi.
Bu ko‘rsatkich 2025-yilning mos davriga nisbatan 18 foizga oshgan.

Hududlar kesimida o‘rtacha oylik nominal hisoblangan ish haqi:

Toshkent shahri — 12 300,8 ming so‘m;
Navoiy viloyati — 8 820,5 ming so‘m;
Toshkent viloyati — 6 889,9 ming so‘m;
Buxoro viloyati — 5 840,9 ming so‘m;
Andijon viloyati — 5 765,4 ming so‘m;
Sirdaryo viloyati — 5 736,0 ming so‘m;
Qoraqalpog‘iston Respublikasi — 5 676,8 ming so‘m;
Xorazm viloyati — 5 623,2 ming so‘m;
Jizzax viloyati — 5 506,4 ming so‘m;
Namangan viloyati — 5 395,9 ming so‘m;
Farg‘ona viloyati — 5 383,3 ming so‘m;
Samarqand viloyati — 5 373,4 ming so‘m;
Surxondaryo viloyati — 4 988,9 ming so‘m;
Qashqadaryo viloyati — 4 969,7 ming so‘m.


Iqtisodiy faoliyat turlari bo‘yicha:

bank, sug‘urta, lizing, kredit va vositachilik faoliyati — 19 712,6 ming so‘m;
axborot va aloqa — 17 006,9 ming so‘m;
tashish va saqlash — 11 269,2 ming so‘m;
sanoat — 8 365,9 ming so‘m;
savdo — 7 694,4 ming so‘m;
qurilish — 7 138,1 ming so‘m;
san’at, ko‘ngil ochish va dam olish — 5 732,8 ming so‘m;
yashash va ovqatlanish bo‘yicha xizmatlar — 5 359,2 ming so‘m;
ta’lim — 5 015,2 ming so‘m;
sog‘liqni saqlash va ijtimoiy xizmatlar ko‘rsatish — 4 454,2 ming so‘m.

Shuningdek, eksperimental hisob-kitoblarga ko‘ra, 2026-yilning yanvar–avgust oylarida respublika bo‘yicha mediana ish haqi 4 166,3 ming so‘mni tashkil etgan.

@domlajon
t.me/domlajon

Nega Koneru Hampi jahon shaxmatining tirik afsonasi hisoblanadi?

Toshkentga kelayotgan V “Zakovat-Gambit”ning faxriy mehmoni haqida bilishingiz kerak bo‘lgan 5 ta fakt:

1. 15 yoshida grossmeyster — o‘z davrida Yudit Polgarning rekordini yangilab, eng yosh ayol grossmeysterga aylangan;
2. 2600 reyting — shaxmat tarixida bu natijani zabt etgan bor-yo‘g‘i ikki ayol shaxmatchidan biri;
3. 2 karra Jahon chempioni — rapid yo‘nalishida 2019 va 2024-yillarda dunyo toji sohibasi;
4. Klassik shaxmatda jahon vitse-chempioni (2011);
5. Olimpiada g‘olibi — Hindiston terma jamoasi bilan Olimpiada chempioni va sovrindori.

Koneru Hampi 29–30-oktyabr kunlari Toshkentdagi finalda o‘zbekistonlik shaxmatchilar bilan yuzma-yuz uchrashadi va maxsus shaxmat seansi o‘tkazadi.

@domlajon
t.me/domlajon

#FidoyiUstozlar

🏫 KONTENT MARKAZINING "FIDOYI USTOZLAR" LOYIHASI

👩‍🏫 22 yildan buyon bir maktabga rahbarlik qilayotgan fidoyi direktor!

Toshkent shahri Shayxontohur tumanidagi 13-maktab direktori Nargiza Mahkamjonovna — "Fidoyi ustozlar" loyihamizning navbatdagi qahramoni!

Nargiza opa 2005-yildan buyon ushbu maktabga rahbarlik qilib kelmoqda. Ustozlar, o‘quvchilar, ota-onalar va mahalla ahli bilan yaqin munosabat o‘rnatgan rahbar maktabni shunchaki ta’lim maskani emas, balki katta bir oilaga aylantirishga intiladi.

🎙️ Suhbatimiz davomida Nargiza Mahkamjonovna maktabga yangi ustozlarni ishga qabul qilishda amal qiladigan tamoyillari va o‘z tajribalari bilan o‘rtoqlashdilar.

📹 Ushbu videoni 13-maktab bitiruvchilariga ham yuboring! Balki ular ham o‘z maktabining mehribon rahbarini ko‘rib, maktabdagi unutilmas xotiralarini yodga olishar.

https://www.instagram.com/reel/DfAFytUsoHB/?vrfl=aGRiamdrN2YzMnQ0

❤️ Siz ham o‘zingiz hurmat qiladigan, mehnati va fidoyiligi bilan ajralib turadigan ustozlarni bilasizmi?

📩 Ular haqidagi ma’lumotlarni bizga yuboring. Sizning tavsiyangiz orqali yana bir fidoyi ustozni butun O‘zbekistonga tanitishimiz mumkin!

👉 Telegram botimiz: @fidoyibot

Fidoyi ustozlar — e’tirofga munosib insonlar!

@fidoyiustoz99