Avtomabil egasi va boshqa sovrindorlarni bu yerdagi storieslardan koʻrishingiz mumkin.

Ўзбекистон – шахмат олимпиадаси чемпиони!

Шахмат бўйича Ўзбекистоннинг биринчи эркаклар жамоаси Самарқанддаги шахмат олимпиадасида икки карра олимпиада чемпионига айланди.

Сўнгги 11-турда Украинага қарши ўйин якунланмасдан чемпионлик кафолатланди, чунки жамоанинг чемпионлик курашидаги асосий рақиби бўлган Ҳиндистон Венгрия билан дуранг ўйнаб қўйди ва Ўзбекистон биринчи ўринни ўзида сақлаб қоладиган бўлди.

👉 https://kun.uz/kr/52084467

Kun.uz расмий канали

Gʻalaba muborak boʻlsin aziz vatandoshlar 🏆🏆🏆

Bir shogirdim bor edi, otasi bilan ikki yildan beri gaplashmasdi.

Ikkalasi ham sababini allaqachon unutgan, faqat g'ururlari qolgan edi.

Unga g'alati bir vazifa berdim:
"Bugun otangning oyog'ini yuv."

U avval e'tiroz bildirdi, keyin indamay bajardi.

Otasi bunga javoban umrida birinchi marta yig'lab yubordi.

So'z yarashtirolmagan joyni, xizmat yarashtiradi.

Xafa bo'lgan onaga choy quying.
Charchagan otaning yukini oling.
Kechirim so'rash o'rniga, xizmat qiling.

Psixologiyada bunga "xizmat tili" deyiladi — sevgi so'zda emas, amalda ko'rsatiladi.

Tilingiz emas, xizmatingiz gapirsin.

@Doniyor_Nasriddinov

Mohiyat

Sinfda kichik bir tajriba o'tkazdim.

Ikki o'quvchiga bir xil geometrik shakllarni chizishni buyurdim.

Birinchisiga faqat shakllar nomini aytdim: uchburchak, to'rtburchak, doira.
Ikkinchisiga esa «hozir siz bilan uy rasmini chizamiz» dedim.
Keyin xuddi shu shakllarni aytdim.

Birinchisi qiyshiq, tarqoq, ishonchsiz chizdi.
Ikkinchisi tez, aniq, ishonch bilan chizdi.

Farq chizish qobiliyatida emas edi.

Ikkinchisi nima chizayotganini bilardi.
Birinchisi faqat buyruqni bajarardi.

Bunga pedagogikada mohiyatli o'rganish deyiladi.

O'qitishda ham xuddi shunday.
Nima uchun kerakligi o'rgatilmagan, mohiyati aytilmagan bilim, deyarli foyda bermaydi.

@Doniyor_Nasriddinov

Kimyoda bir hodisa bor.

Bir gramm katalizator — millionlab molekulani o'zgartiradi.

O'zi esa o'zgarmaydi. Kamaymaydi. Tugamaydi.

Odamlar orasida ham shundayi bor.

Kambag'al oiladan kelgan bir shogirdim bor edi.

Unga tekinga dars berdim, faqat bitta shart qo'ydim:
"Kelajakda oldingga qiynalgan bemor kelsa, uni ham tekinga davola."

Yillar o'tdi. U shifokor bo'ldi.

Bir kuni begona kishi meni qidirib kelibdi, ko'zida yosh.
Sababini so'rasam, shogirdingiz sizga bergan va'dasining ustidan chiqdi.
Pulga muhtoj edim, murakkab operatsiya bilan o'g'limni bepul davoladi.

Shunda bir narsani tushundim,
Ustozlik ulkan mas'uliyat.

Ular katalizator kabi minglab hayotlarni o'zgartiradi.
Bizga yaxshilik, insoniylikni o'rgatgan ustozlarimizdan Alloh rozi bo'lsin.

Bayramingiz muborak, aziz ustozlar.

@Doniyor_Nasriddinov

Biz Barselonaga keldik.

Uch aka-uka birgalik birinchi marta, rasmiy IRONMAN musobaqasiga qatnashamiz.

Yigirma yildan beri bir-birimizga qarab o'sganmiz.

Bolaligimizda kimyo olimpiadasida, yaxshiliklarda, endi sportda.

Hech qachon "kim kuchli" deb bahslashmaganmiz.

4-oktabr kuni bizni
3.8 kilometr suzish, 180 kilometr velosiped, 42 kilometr yugurish kutmoqda.

Hayajon bor, buni yashirmayman.

Bu musobaqa qanday tugashini o'zim ham hali bilmayman.

Duolaringizda eslab qo'ying.

@Doniyor_Nasriddinov

Qonli 4-oktabr, 1938

O'sha kecha o'zbek millati o'z gullarini yo'qotdi.

Cho'lpon. Fitrat. Abdulla Qodiriy va yana ko'plab boshqa millat farzandlari.
Ularning gunohi — millatga xizmat qilgani edi.

165 kishilik ro'yxat tuzilgan edi.

155 tasi otuvga hukm qilindi.

Bir necha kunlar davomida odam otilgan.

Aholi qatl ovozini eshitmasin deb, motor yoqib qo'yishgan.

Hammasi bitta chuqurga, kafansiz ko'milgan.

Bu — millatning boshi kesilgan kun edi.

Biz buni hech qachon unutmaymiz.

Millatni kuchaytirish uchun, istiqlolni saqlab qolish uchun borimizni berishimiz kerak.

Biz ilm bilan ko'tarilamiz.
Mehnat bilan ko'tarilamiz.
Millatni ildizidan mustahkam qilamiz.

Shunda ularning va boshqa ulug’larimizning qoni behuda ketmaydi.

@Doniyor_Nasriddinov

Ular qanday yashashgan?

Ming yil oldin ham odamlar bitta narsadan qo'rqishgan: vaqtning tugashidan.

Ulug'larimiz hayotini o'qib, "Biz umrimizni isrof qilyapmiz" degim keladi.

Ibn Aqiyl chaynashga ketadigan daqiqani ham ayardi.
Non o'rniga ivitilgan talqon yerdi.

Muhammad ibn Salom Poykandiyning darsda qalami sindi.
"Kimda qalam bo'lsa — bir dinor" deb chaqirardi, qalamlar unga uchib kelardi.

Xatib Bag'dodiy ko'chada yurganda ham kitobini qo'lidan qo'ymasdi.

Ibn Jarir Tabariyning oldiga vafotidan bir soat oldin mehmon keldi.
Suhbatda bir duo tilga olindi, u darhol qog'oz-qalam so'rab yozib oldi.
"Shu holatda ham-a?" deyishdi. "Odam o'lguncha ilmdan voz kechmasligi kerak" dedilar.

Ularning birortasi "vaqtim ko'p" demagan.

Hozir esa umr xuddi tugamaydigandek uni foydasiz ishlarga sarflayapmiz.
Instagramga bir kirib, chiqayotganingizda vaqtga qarasangiz oradan 2 soat o'tib ketgan bo'ladi.

"Vaqt qilichdir, agar sen uni kesmasang, u seni kesadi"
Imom Shofe'iy

@Doniyor_Nasriddinov

Alloh taolo behikmat ish qilmas.

IRONMAN musobaqasi qoldirildi, biz bunga deyarli 2 yil tayyorgarlik ko'rgan edik.
Nasiba ekan, musobaqa keyingi yilga qoldi.
Lekin, bu 3 aka-ukani unutilmas safarni amalga oshirishiga sabab bo'ldi.

Akang bilan gaplashib imoning ziyoda bo'lishi,
ukang bilan gaplashib xalovat topishing — naqadar yaxshi.

Yevropa bo'ylab sayohat qilyapmiz,

Mevlâ görelim neyler,
Neylerse güzel eyler.

@Doniyor_Nasriddinov

P.s: Video Fransiyaning Marsel shahridan Nitsaga ketishda olingan.

Monakodaman — dunyoning eng qimmat shaharlaridan biri.

Har yerni qilmagin orzu,
Har yerda bor toshu-tarozu.

@Doniyor_Nasriddinov

Bemor Naima Abdurahmonova bolaligidan 1-guruh nogironi.

U meningoensefalit (miya va miya pardasi yallig‘lanishi) kasalligini asoratlar hamda tez-tez qaytalanib turadigan tutqanoqdan aziyat chekadi.

Shifokorlar tomonidan belgilangan uzoq muddatli muolajalar, muntazam dori-darmonlar hamda reabilitatsiya kurslari oila byudjeti uchun og‘irlik qilmoqda.

Sizning ozgina eʼtiboringiz va saxovatingiz bir insonning og‘riqlarini yengillashtirishi mumkin.

Xayriya uchun plastik karta raqami:
5614 6819 1186 7673
6262910225498542

Kartalar Siddiqova Rislig‘oy (bemorning onasi) nomida.

#xayriya

• Оилангиздаги муносабатларни яхшиламоқчимисиз?
• Бахтли ва саодатли оила қуриш ниятингиз борми?
• Шахсан Икром Шарифдан жонли тавсиялар олишни истайсизми?

Акамиз Икром Шариф "Фароғат қасри" курсига қабул бошлабдилар. “Фароғат қасри” оилада тотувлик, бирдамлик, сакинатни бардавом бўлишига хизмат қиладиган курсдир.

Оила илмини ўрганаман деганлар учун тавсия қиламиз. Дарслар 19 октябр санасидан бошланар экан.

👤 Қабул менежерига ёзиш

📎 Курс ҳақида батафсил

@ikromsharif