🧑‍⚕️ 🔤amazon o‘tdi, lekin hammasi endi boshlanadi!

🔤ssalomu alaykum, do‘stlar!
Ramazon davomida nafaqat jismni ovqatdan tiydik, balki nafsimizni tarbiya qildik, o‘zimizni nazorat qilishni o‘rgandik.

🔤ng muhimi — shu tartibni saqlab qolish. Ko‘pchiligimiz Ramazon tugashi bilan yana eski odatlarga qaytamiz. Tartibsiz ovqatlanish, yarim tungacha tarmoqlarda o‘tirish, uyqusizlik va o‘zini nazorat qilmaslik. Natijada ramazonda erishgan barcha foydamiz bir pul bo‘ladi.

Shuning uchun sizga shifokor sifatida 3 ta oddiy qoidani tavsiya qilaman:

– ovqatlanishda shoshmang, me’yorni saqlang;
– Xotirjamlikni yo‘qotmang;
– o‘zingizni nazorat qilishni davom ettiring;

🔤ng katta yutuq — bu Ramazonda shakllangan intizomni saqlab qolish. Siz tayyormisiz shu holatda davom ettishga?

✅ @dr_akbarshoh

🥸 Bugungi mavzumiz o‘g‘il farzandi bor barcha ota-onalar uchun o‘ta muhim.

✔️ O‘g‘lingiz balog‘at yoshiga (16-18 yosh) yetganida, u bilan bu davrdagi o‘zgarishlar haqida ota-ona sifatida yaqin do‘st kabi suhbatlashyapsizmi?

⚠️​Ko‘pincha bizda bu mavzu "uyat" hisoblanadi. "Vaqti kelsa o‘zi bilib oladi" deymiz yoki bu borada masʼuliyatni onasiga, boshqalarga topshiramiz. Lekin ochiq aytish kerak, yigit kishining birinchi sirdoshi va maslahatgo‘yi — uning otasi (amakisi, tog‘asi, akasi, bobosi) bo‘lishi shart!

❓Bu borada ​Sizning fikringiz qanday?

❓ Umuman, o‘smir yigit va ota-ona o‘rtasidagi bunday nozik suhbatlarga qanday qaraysiz?

❓ Siz o‘zingiz farzandingiz bilan mana shunday maslahatdosh bo‘lishga, uning savollariga to‘g‘ri javob berishga tayyormisiz?

✔️ Bu mavzuda gaplashish nafaqat sog‘liq uchun, balki o‘rtadagi ishonchni mustahkamlash uchun ham juda zarur. Chunki u internetdagi to‘g‘ri-noto‘g‘ri ma’lumotlardan ko‘ra, sizdan yoki urolog shifokordan maslahat olgani ming marta afzal va sog‘ligi uchun xavfsiz.

​
❗️Fikrlaringizni izohlarda qoldiring, bu men uchun juda qiziq. Bu borada sizga qandaydir yordam yoki maslahat kerakmi?

✅ @dr_akbarshoh

​
🧑‍⚕️ Balog‘at yoshidagi yigitcha bilan "erkakchasiga" gaplashib olish uchun 5 ta oltin qoida

Agar farzandingiz yoki yaqiningiz 16-18 yoshdagi yigitcha bo‘lsa, u bilan bu mavzuda gaplashishning ayni vaqti. Va albatta bu mavzuda unga tushunarli bo‘lgan atamalar bilan suhbatlashing.

​Ko‘pchilik: "Bu mavzu biroz noqulay. Qanday boshlayman? Uyalib qolmaymanmi?" deb ikkilanishadi. Aslida, hammasi siz o‘ylagandan ancha oson. Agar suhbatni nimadan boshlashni bilmasangiz, quyidagi kichik yo‘riqnomadan foydalaning.

​1️⃣ Vaziyat va o‘smirning kayfiyatini hisobga oling.

Suhbatni dasturxon ustida yoki hammaning oldida boshlamang. Eng zo‘r vaqt — ikkingiz xoli qolganda: mashinada ketayotganda, birga aylangani chiqqanda yoki biror yumush bilan band bo‘lganda. Bu vaziyatda "ko‘z-ko‘zga" tushish shart emasligi bolaga bosimni kamaytiradi va uning ochilishiga yordam beradi.

​2️⃣ Birdaniga gap boshlamang

Suhbatni to‘g‘ridan-to‘g‘ri "balog‘atga yetgani" haqida emas, balki uning o‘sayotgan bo‘yi, o‘zgarayotgan ovozi yoki qiziqishlaridan boshlang.

Uning o‘rtoqlari, kundalik hayoti haqida 3-4 marta suhbat quring. Bu siz va bola o‘rtasidagi ishonch hissini oshiradi.

​Misol: "O‘g‘lim, qara, ovozing o‘zgarib, bo‘ylaring o‘sib qoptimi? Sezyapsanmi, endi haqiqiy erkak bo‘lyapsan..."

​3️⃣ O‘zingiz haqingizda gapirib bering

Bola o‘zini "g‘alati" his qilmasligi uchun o‘z tajribangiz bilan o‘rtoqlashing.

​Misol uchun: "Bilasanmi, men ham sening yoshingda odamlar ichida o‘zimni biroz noqulay his qilardim, yuzimga toshmalar chiqardi. Menga otam,amakim yoki bobom mana bularni aytib bergan edi... Bu hammada bo‘ladigan tabiiy jarayon..." kabi.

​4️⃣ Ishonch muhim

Unga: "Nima bo‘lishidan qat’i nazar, men sening yaqin do‘stingman. Biror savol tug‘ilsa yoki biror narsadan xavotir olsang, ko‘chadagilardan emas, birinchi mendan so‘ra. Uyaltirmayman, to‘g‘risini tushuntiraman," deb ayting.

​5️⃣ Salomatlikka urg‘u bering

Unga bu davrda gigiyena (tozalik), sport va tanaga e’tibor berish naqadar muhimligini tushuntiring. Erkak kishi o‘z sog‘lig‘iga yoshligidan mas’ul bo‘lishi kerakligini uqtiring.
​

Siz ota yoki o‘smir yigitchaning yaqini bo‘lsangiz bilib oling, siz gapirmasangiz, u internetdan yoki ko‘chadagi "bilimdon"lardan nimalarnidir bilishga harakat qiladi.

❗️Bu ma’lumotlar esa doim ham to‘g‘ri bo‘lavermaydi. Balog‘at yoshidagi yigitcha uchun eng ishonchli manba — siz bo‘ling!

✅ @dr_akbarshoh

#Qiziqarlimaʼlumotlar

Erkaklar tuxumlaridagi harorat, ular tanasining boshqa qismlariga nisbatan 2° pastroq bo'ladi.

Agar harorat tananing boshqa qismlari bilan bir xil iliqlikda bo'lsa spermatazoidlar yashab ketish ehtimoli yo'qoladi.

🧑‍⚕️ @dr_akbarshoh

Assalomu alaykum!

Barchangizga xayrli kun tilab, balog‘at yoshida uchraydigan o‘zgarish va muammolar mavzusini davom ettiramiz.

🧑‍⚕️ @dr_akbarshoh