السلام عليكم ورحمة الله
ربنا يسهل ونحاول ندردش مع أستاذنا الدكتور محمد الألفي شوية
يوم الأحد القادم اونلاين (٣١ أغسطس ٢٠٢٥) الساعة ١٠ مساءا بتوقيت القاهرة باءذن الله
هيكون علي تطبيق ( free confernce call ( fcc
وهوه زي زووم لكن افضل من حيث انه بيقبل اي عدد والوقت فيه مفتوح ..ننزل التطبيق من دلوقتي
وان شاء الله الرابط هينزل علي التليجرام والفيس والواتس قبلها بربع ساعة
...
دي هتكون دردشة مع أستاذنا ..وربنا ييسر نستمر ويكون فيه حجات كويسه
...
طبعا مش محتاج أقول لحضراتكم ان مفيش مرور الاسبوع ده ...الأصل حاليا ان مفيش مرور غير لما ربنا ييسر ونعلن لحضراتكم قبلها فمحدش يسافر غير لما نعلن الاول
....
وان شاء الله فيه حجات تانية كويسه هننزلها لحضراتكم قريبا

السلام عليكم ورحمة الله
توضيح بالنسبة للقاءنا بكره اون لاين مع أستاذنا الدكتور محمد الألفي
زي ما قلت دي هتكون (دردشة )
مش محاضرة ولا شرح باطنة
دي أول نقطة
النقطة التانية المشروع اللي وعدناكم بيه بنشر علم أستاذنا ..ده أول فيديو منه ..حالة جميلة من حالات المرور اللي بتبين ان التشخيص الصحيح ممكن يكون هو العلاج
الفيديو عملته بال AI ..وهو بالانجليزي
نشوف رأي حضراتكم ايه ولو حابين نعمل منه نسخة عربي عرفوني في التعليقات وان شاء الله نحاول
هحاول كل أسبوع ننشر حالة علي الاقل ان شاء الله
.....
دي روابط جروب المرور
تليجرام (وده افضل حاجه تتابع بيها )
https://t.me/DrAlAlfy
واتس
https://chat.whatsapp.com/HMJLROGtoINDVrynit8wZy?mode=ac_t
فيس
https://www.facebook.com/groups/2093939414174472/?ref=share&mibextid=NSMWBT
ودي القناة بتاعتي  clinical sense  اللي هننزل عليها الحالات واللي عليها فيديوهات قديمة بردو لاستاذنا
https://www.youtube.com/@clinicalsense813
دي اول حالة    “When Diagnosis Becomes the Cure”
https://youtu.be/f4zNZFWBZQQ?si=bqjQ2glvIaA9Pr7V
وهتلاقي علي القناة قوائم تشغيل قديمة منها حجات في الطب واغلبها هي لبناء الطبيب اللي هيحمل الامانة وتفيد عموم الناس
.....

When Diagnosis Becomes the Cure”
https://youtu.be/f4zNZFWBZQQ?si=bqjQ2glvIaA9Pr7V

Case 1 "When Diagnosis Becomes the Cure”

السلام عليكم ورحمة الله
توضيح بالنسبة للقاءنا النهارده اون لاين مع أستاذنا الدكتور محمد الألفي
زي ما قلت دي هتكون (دردشة )
مش محاضرة ولا شرح باطنة
دي أول نقطة
النقطة التانية المشروع اللي وعدناكم بيه بنشر علم أستاذنا ..ده أول فيديو منه ..حالة جميلة من حالات المرور اللي بتبين ان التشخيص الصحيح ممكن يكون هو العلاج
الفيديو عملته بال AI ..وهو بالانجليزي
نشوف رأي حضراتكم ايه ولو حابين نعمل منه نسخة عربي عرفوني في التعليقات وان شاء الله نحاول
هحاول كل أسبوع ننشر حالة علي الاقل ان شاء الله

دي اول حالة “When Diagnosis Becomes the Cure”

https://youtu.be/f4zNZFWBZQQ?si=bqjQ2glvIaA9Pr7V
.....
دي روابط جروب المرور

تليجرام (وده افضل حاجه تتابع بيها )

https://t.me/DrAlAlfy

واتس
https://chat.whatsapp.com/HMJLROGtoINDVrynit8wZy?mode=ac_t

فيس
https://www.facebook.com/groups/2093939414174472/?ref=share&mibextid=NSMWBT

ودي القناة بتاعتي clinical sense اللي هننزل عليها الحالات واللي عليها فيديوهات قديمة بردو لاستاذنا

https://www.youtube.com/@clinicalsense813

وهتلاقي علي القناة قوائم تشغيل قديمة منها حجات في الطب واغلبها هي لبناء الطبيب اللي هيحمل الامانة وتفيد عموم الناس
.....

معادنا النهارده باءذن الله (الاحد ٣١ اغسطس ) مع استاذنا اون لاين الساعه ١٠ مساءا بتوقيت القاهرة
كلنا بننزل تطبيق
free confernce call
علي الموبايل او اللاب
وندخل من الرابط ده
Join online for Video and Screen Sharing:
https://join.freeconferencecall.com/drmahmoud782
هتضغط عليه هيفتح في المتصفح
هتضغط join  هتلاقي التطبيق فتح هتكتب اسمك بس
....

إيه اللي هيحصل لما الباطنة "تموت"؟
خلينا ناخد الـ SMA syndrome كمثال:
بتبدأ القصة بولد أو بنت لأي سبب يبدأ يرجع. وبعد شوية الترجيع يطول، فيسيب الأكل ويفقد الوزن. كل ما يطول الموضوع يبقى أصعب:
   الكيتونات تزيد
→ تتعب المعدة أكتر
→ يقلل الأكل أكتر
→ الكيتونات تزيد أكتر
… ويدخل في دايرة مغلقة.
طيب، إيه هي متلازمة الـ SMA؟
باختصار: الاثنا عشر بيعدي بين أنبوبتين (أوعية دموية كبيرة): الأورطى والـ SMA.
اللي يمنع انسداد الطريق ده إن جدار الاثنا عشر يكون سميك وحواليه دهون تمنع الانضغاط.
لكن لو حد فقد وزن شديد
→ الدهون دي تقل
→ الاثنا عشر ينضغط
→ الطريق يتقفل
→ الترجيع يزيد.
المهم: هنا الانضغاط ده بيكون نتيجة لفقدان الوزن، مش السبب الأساسي!
لكن مع الوقت بيزود المشكلة زي الكيتونات كده.
.....
نرجع تاني لقصتنا
بنت صغيرة بقالها فترة بترجع، خدت كل أدوية الترجيع ومفيش فايدة. في الآخر تروح لدكتور يطلب لها أشعة على شرايين البطن → يطلع التقرير: SMA syndrome.
يقولها: "أخيرا وصلنا للتشخيص، الحل عند الجراحة"… ويبعتها للجراح.
للأسف بقينا نشوف ده كتير. وتلاقي دكتور مبسوط إنه "شخص مرض نادر"، بس مش واخد باله إنه حكم على بنت عندها ٢٠ سنة إن بطنها تتفتح بدون داعي !
....
كنت بكلم جراح شاطر عن الـ SMA.
بيقولي: "العملية بتاعته وحشة جدًا، وببقى نفسي ألاقي أي سبب تاني عند المريض وكاره اني اعملها"
قلتله: المفروض دكتور باطنة يشوفها الأول.
قالي: للأسف دكاترة الباطنة هما اللي بيبقوا باعتينها.
وحكى لي عن حالة دخلت عمليات ٤ مرات، كل مرة تعمل العملية ومفيش أي تحسن، اخرهم على إيد خبير أجنبي. قلتله: الصح إن الحالة دي تتشخص الأول، ولو فيه فرصة تتعرض على أستاذنا في المرور بس للاسف مكنش له تواصل مع الحالة
.......
انا بقالي ٩ سنين مع أستاذنا الدكتور محمد الألفي، بيجلنا الحالات النادرة ومع ذلك مفيش ولا مرة شخص حالة SMA.
آه، جالنا عشرات الحالات متشخصة من بره ومعاها أشعتها بتقول SMA، وبعضهم حتي عمل العملية من غير أي تحسن.
كل الحالات دي كان لها سبب تاني:
حالات طلع السبب فيها chronic pancreatitis.
حالات تانية السبب فيها نفسي.
آخر حالة كانت رايحة جراحة، ولقطها دكتور امتياز وجابها المرور علي أمل إن "ممكن يكون فيه حل غير العملية" → وبالفعل اتشخصت chronic giardiasis.
.....
طبعًا عارف إن ناس كتيرة هتزعل من كلامي…
مش هقولهم دي حالة نادرة، واللي بيحصل ده over-diagnosis ولا حاجة.
هقولهم: تشخيصكم كان صح وكل حاجة، وهو فعلاً SMA.
بس الشطارة إنك تعالج العيان ده medical، متبعتوش جراحة.
لو عملت كده أنا معنديش مشكلة.
اقرأ الجملة دي من medscape:
Review of the literature reveals that the success rate is 100% with medical management only in cases with an acute presentation of SMA syndrome.
الشطارة إنك تلحق المريض في الأول قبل ما يدخل في الدايرة المغلقة:
هو كان بيرجع في البداية بسبب واحد (السبب الأصلي).
لو اتساب
→ هيبدأ يرجع كمان عشان الكيتونات.
وبعدين عشان الاثنا عشر انضغط.
وبعدين عشان اتعود على الترجيع.
وبعدين عشان فقد الأمل إنه يتحسن.
وحتى الناس دي… متفقدش الأمل معاهم.
اللي بيحضروا مرور أستاذنا شافوا حالات وصل وزنها لـ ١٩ كجم، اتحجزت شهور، والنواب اشتغلوا عليها صح من كل النواحي، وربنا كرمهم واتحسنوا ووزنهم زاد ورجعوا للحياة تاني.
طبعًا إنك توقف الترجيع ده مش أي حد يعرف يعمله.
مش إنك هتديه Primperan فالترجيع هيقف!
الموضوع محتاج شغل من كل النواحي، ولازم دكتور باطنة متعلم كويس (في مدرسة) وشاف بعينه قوة ال medicine عشان يعرف يمسك حالة زي دي
حد سألني قبل اللايف مع أستاذنا الحد اللي فات:
"أنت بقالك ٩ سنين مع الدكتور ليه مكمل؟"
هقوله: لو مكنتش شوفت أستاذ قوي زي أستاذنا، يجيله العيان بأشعة فيها SMA، فلا يلتفت ولا كأنه سمع حاجة، ويسمع المريض ويفحصه من الأول ويعالجه medical…
عمري ما كنت هعرف إن فيه حاجة اسمها كده وكان بدل البوست ده هتلاقي بوست تاني بقول فيه قد إيه أنا شاطر وشخصت حالة SMA
....
(الناس هتتعذب لما الباطنة تموت )كما قال أستاذنا
ده كان مثال وفيه أمثلة جايه تاني ان شاء الله

هرفع لكم الحلقة التانية من سلسلة حالات المرور النهارده ان شاء الله
تتوقعوا هتبقي ايه ؟

Case 2 A Hidden killer in The Family

https://youtu.be/xhuJXLBoVRs?si=bMPlcIf1n7ANGzyh

(مع الألفي  )
ده هيكون عنوان سلسلة لقاءتنا( الاون لاين)  مع أستاذنا الدكتور محمد الألفي اللي بدأنا أول لقاء منها الأحد اللي قبل اللي فات بحضور أكتر من ٣٠٠ طبيب..وده حضور مشرف ومشجع جدا
...
اللقاء الأول كان بعنوان (قصة عم حسن أبو سعادة )..قصة حقيقية ناقش أستاذنا من خلالها ظاهرة (أنت كويس يا دكتور بس بتطول أوي  )
اللي أي حد عنده علم وعنده ضمير بيحاول يطبق اللي اتعلمه هيسمعها وهيلاقي حتي الناس اللي بتحبه بتلومه وتقوله (انجز) ..وهتلاقي معظم الناس حتي المرضي اللي بتخدمهم ضدك وهيحسسوك أنك غلط عشان بتطول في الكشف ...الحلقة دي هتكون شفاء لما في قلبك ونور لعقلك...أنت صح ..كمل
اللقاء موجه في الاساس للاطباء لكنه مفتوح لكل من في المجال الطبي بل وللناس عموما
علشان كده استاذنا خلاه بالعربي عشان أي حد يحضر معانا ان شاء الله يستفيد
.....
ده رابط اللقاء الأول
https://youtu.be/ZJloaIdup8A?si=erYDG5qgY3YEssNu
وان شاء الله لقاءنا الثاني مع أستاذنا هنبلغكم بيه قريب جدا
....
ونظرا ان كتير من حضراتكم طلب نعمل نسخة عربي من الحالات ..الحمد لله جهزناهم وهننشرهم قريب ...وهنحاول كل اسبوع ننشر حالة جديدة باءذن الله نسخه انجليزي ثم عربي

إن شاء الله اللقاء الثاني مع أستاذنا الدكتور محمد الألفي اون لاين هيكون بكره الأحد ١٤ سبتمبر ٢٠٢٥ ...الساعة ١٠ مساءا بتوقيت القاهرة
هيكون علي تطبيق free confernce call
الرابط هينزل الساعة ١٠ علي الجروبات فيس وواتس وتليجرام ...وهنبدأ ١٠ وربع باءذن الله
.....
اللقاء الاول موجود علي اليوتيوب علي قناة clinical sense في قايمة لوحده
وكذلك سلسلة الحالات اللي بدأنا ننشرها وكل اللقاءات القديمة هتلاقيها علي القناة في قوائم تشغيل مختلفة زي (نحو الحكمة ) و(حالات من المرور ) وكذلك الكلمات الغير طبية في الاخلاق واداب الطبيب موجوده بردو

(مع الألفي ) ...اللقاء الثاني
معادنا النهارده باءذن الله (الاحد ١٤ سبتمبر) مع استاذنا اون لاين الساعه ١٠ وربع مساءا بتوقيت القاهرة
كلنا بننزل تطبيق
free confernce call
علي الموبايل او اللاب
وندخل من الرابط ده
Join online for Video and Screen Sharing:
https://join.freeconferencecall.com/drmahmoud782
هتضغط عليه هيفتح في المتصفح
هتضغط join  هتلاقي التطبيق فتح هتكتب اسمك بس
....

استجابة لطلب حضراتكم اننا نعمل نسخة عربي من الحالات اللي بننشرها من مرور أستاذنا الدكتور محمد الألفي
هنمشي باءذن الله كل اسبوع ننشر مرة عربي ومرة انجليزي
حاليا نشرنا حالتين انجليزي
وهنبدأ النهارده بأول حالة عربي
(حين يصبح التشخيص هو العلاج)
ده عنوانها...طبعا مفيش غني عن سماع النسخة الانجليزي بس ده ممكن يكون فيها تسهيل لزمايلنا الصغيرين يسمعوا النسختين
.....
عربي
https://youtu.be/FPQ4I5zDUdA?si=AlxjFF9Wk17RUQrx

انجليزي
https://youtu.be/f4zNZFWBZQQ?si=COEPB6R3OeRkjyEN

فيه معلومة طبية منتشرة بين الاطباء والتمريض لدرجة أن فيه ناس بتعتبرها من المسلمات ولو جيت تعترض عليها تلاقي الكل بيهاجمك ومش مقتنع
الا وهي (البرفلجان او البنادول او خافض الحرارة عموما مبيشتغلش لو درجة الحرارة عالية وانك لازم تنزل درجة الحرارة الاول بالكمادات وبعدين تديه !)
طبعا الصح ...هو انك تدي خافض الحرارة الاول وبعد فترة تبدأ الكمادات (بماء فاتر ) مش تلج ولا كحول
طيب ايه الفكرة ؟
الفكرة ان الالتهاب والسموم الموجودة في الجسم بتغير احساس الجسم بالحرارة (او بتلعب في الثرموستات بتاع الجسم لو صح التعبير )...بدل ما الطبيعي انه ٣٧ ..يظبطه ان الطبيعي بقي ٤٠ ...فطول ما حرارته اقل من ٤٠ هو حاسس انه سقعان ...تلاقي الواحد حرارته ٣٩ وعمال يرتعش وداخل تحت البطانية عشان يتدفي اكتر
طب ده احنا عارفين ان اللي بيرتعش ده الطبيعي لما اكون خارج في البرد وبرتعش عشان اولد حرارة اتدفي ...طب ده ٣٩ بيرتعش ليه ؟ ..لان حراراته دلوقتي مظبوطه علي ٤٠ ولما تقل عن كده بيرتعش عشان يوصلها للرقم ده
.....
طيب لو انا عملت كمادات الاول او كنت مفتري وعملتها بتلج؟
انت هتتزل الحرارة اه ...بس هو هيرتعش اكتر عشان يعليها تاني وممكن تعلي عن الاول
اومال ايه الصح ؟
الصح ان اديله حاجه تعدل الثرموستات بتاعه ..وتنزله ٣٧ تاني . .ساعتها هو هيحس انه حران وجسمه هيعرق عشان ينزل الحرارة من غير ما انت تعذبه بالكمادات
يقولك انا خدت الحباية ونمت عرقت وفوقت ...هي دي الفكرة
.......
اكتر حاجه بتستفزني انزل اشوف عرض لحالة ...الست حرارتها ٤٠ ..طيب علقتوا حاجه ؟ لا بنعملها كمادات وحاطين لها تلج علي رقبتها ! دي صورة من صور التعذيب اللي اتمني تختفي من ممارستنا الطبية
.......
طيب الكمادات او الاستحمام نعمله ازاي ؟
لو الحرارة مش عالية اوي ممكن ناخد خافض الحرارة بس وبعد ساعه ناخد دش
طيب الحرارة عالية اوي ...او مثلا طفل جاله تشنجات حرارية قبل كده ومينفعش اصبر عليه؟
هدي الخافض الاول بردو ...بس مش هستني وهبدا كمادات تدريجي
بماء فاتر ...طالما المية درجة حرارته اقل من درجة حرارة الجسم الحرارة هتتنقل من الجسم ليه وهتنزل ...مش لازم يبقي فرق كبير واعذب الناس ...فضلا عن انه يكون تلج !
وكل ما كنت في الاول كل ما كنت بالراحة ..بنزل الحرارة حاجه بسيطة علي ما الخافض يشتغل وبعد كده استحمي براحتك
......
طيب انا مؤمن ان كل اسطورة طبية وراها معلومة صحيحة بس الناس بتنقلها عن سياقها
اصل الاسطورة دي ان فيه حاجه اسمها hyperthermia ... زي ضربة الشمس مثلا ....دي فعلا خافض الحرارة ملوش دور فيها وليها تعامل خاص
لكن احنا بنتكلم هنا عن ال fever اللي هي بنشوفها كل يوم
.......
......
تلاقي حد بيدي ديكسا في الضغط الواطي ...اصل الاسطورة انه شاف حد (كويس وفاهم )اداه ...بس اللي اداه ده ساعتها كان شاكك في adrenal crisis ... مش كل حالة ضغط واطي اديها ديكسا
...
او مثلا كل ضغط عالي يدي لازكس ..اصل الاسطورة بردو انه شاف حد كويس بيديه ...بس هو كان بيديه لانه عيان pulmonary edema مش ضغط عالي بس
وهكذا لو دورت ورا كل ممارسة (غلط ) هتلاقي ليها اصل صح
.......
ياريت اللي عنده امثلة علي (الاساطير الطبية ) زي دي يقولهالنا في التعليقات

Clinical is the king
تطبيقًا على القاعدة دي اللي قالها أستاذ الأساتذة الدكتور صلاح إبراهيم رحمه الله .. واللي أستاذنا بيشرحها لنا في كل حالة وبيربينا عليها
.....
من فترة جالي مريض 44 سنة .. مدخن شره .. مريض سكر من 10 سنين تقريبًا لكن مش منتظم على العلاج .. شكواه حرقان في رجليه الاتنين من تحت خصوصًا مع المشي .. راح الأول كشف عند حد كبير من أساتذتنا في الأعصاب .. طلب له التحاليل الروتينية كلها والكالسيوم والغدة والروماتويد والمناعة ... ورنين على المخ طلع كويس ورنين على الفقرات القطنية طلع فيه disc بس مش مؤثر ورنين على الفقرات العجزية طلع كويس .. وكل التحاليل كانت كويسة ما عدا إن السكر التراكمي طلع عالي أكتر من 10 ... وده المتوقع من مريض بقاله سنين ما بياخدش علاج .. فساعتها جالي علشان يظبط السكر .. وكان لسه فيه رنين جديد مطلوب منه على الفقرات العنقية ... زي ما حضراتكم عارفين في الطب الحديث (زعموا) إن كل دكتور له تخصصه بس ... يعني كل اللي مطلوب منك كدكتور باطنة أو سكر تظبط له السكر وتقوله يرجع يكمل Neuro
لكن في الطب اللي بنتعلمه في مدرسة أستاذنا إن حتى لو الحالة فيه أساتذة شافوها قبلك .. لازم إنت كمان تبص وتبص على المريض ككل
حرقان في رجلي ... ده أول حاجة بتيجي في بالنا الـ Neuropathy أو التهاب الأعصاب الطرفية اللي بتحصل مع كل مرضى السكر خصوصًا لما يبقى أكتر من 10 سنين وخصوصًا لو مش متظبط ... والكلاسيك إنها تبدأ في الرجلين قبل الإيد .. فده كان التفكير المبدئي لكن بسؤال المريض ... الحرقان ده مرتبط بالمشي .. وأحيانًا العضلات تقفش ولازم يقف شوية عشان تفك
كده مش موضوع أعصاب .. دي Intermittent Claudication
ودي معناها مشكلة في وصول الدم للعضلات .. يعني أوعية دموية أو قلب مش أعصاب
سألته مفيش ألم في الصدر خالص مع المجهود ولا أي أعراض قلب
فحصته لقيت الإحساس كويس جدًا في الإيد والرجل ... بعد ما خلصت فحص وقعدنا قلت له معلش أستأذنك تطلع تاني على السرير نسيت أفحص الأوعية الدموية .. حاولت أحس النبض في الـ Dorsalis Pedis ما قدرتش
هنا افتكرت كلمة حد من أساتذتنا في الأوعية الدموية أستاذنا الدكتور عبد الله عميرة قالنا مرة في محاضرة: (في الـ Dorsalis مفيش حاجة اسمها Weak Pulse .. إما حاسس أو مش حاسس .. الـ Weak ده هتبقى حاسس النبض بتاعك إنت) .. الغريب إني ما قدرتش أحسه في الناحيتين ... قلت له محتاجين نعمل Duplex على شرايين القدمين ... قلت له نعمله حتى قبل الرنين جايز ما نحتاجش رنين .. وبالفعل طلع Bilateral Total Occlusion of the Distal Third of Superficial Femoral Artery
يعني فيه جزء من الشريان مقفول بالكامل وعلى الناحيتين
..........
ده معنى Clinical is the king
الكلينكال هو اللي يسوق ويقولك تطلب إيه ... (حتى هنا نصيحة لزمايلنا الصغيرين لما تطلب Duplex لازم تحدد شرايين ولا أوردة .. على ما أذكر إن فحص شرايين رجل واحدة تقريبًا بـ 300ج .. لو خليتها أوردة كمان بقيت 600ج .. القدمين بقيت كده 1200ج ويمكن أغلى .. الكلينكال يوفر على المريض نصف المبلغ ده ... هنا مثلا المطلوب  Duplex على الشرايين بس
عيان تاني شاكك إنه DVT هتطلب له أوردة بس وهكذا)
......
طبعًا خطة العلاج اتغيرت بالكامل وبقت الحالة بين الباطنة والأوعية الدموية
......
حد كان بيسألني ليه إنت ملازم للدكتور الألفي السنوات دي كلها المفروض بقيت أخصائي خلاص بقي؟
عشان الحالات اللي زي دي
......
طبعًا ده فضل ربنا وحده ... وإلا أنا كنت قعدت بالفعل وعلى وشك أكتب له Neurotonics ... لولا توفيق ربنا
لكن لو هيكون فيه سبب .. فهو بركة حضور مرور أستاذنا الدكتور محمد الألفي جزاه الله عنا وعن المرضى كل خير ولا حرمنا مجلسه
........
وطبعًا ده مش معناه إني أشطر من أستاذ النيرو أكيد أنا مجيش حاجة في علمه ... هو كل الموضوع إن دي ضريبة التخصص ... والتخصص داخل التخصص .. اللي الاتجاه العام كله ليه دلوقتي ... واللي زي ما أستاذنا بيقول (المرضى هتتعذب لما الباطنة تموت)
أكيد محتاجين ناس تبص للمريض تحت الميكروسكوب .... لكن قبل كده محتاجين حد يبص للمريض كله قبل أي حاجة

باسم الله
      Gripped From The END       
اللي بيحضر المرور هيلاقي أستاذنا ساعات يقول (الحالة دي عاوزه تتمسك من الاخر )
احيانا بيبقي المريض critical ..ومفيش وقت تستني ال investigation ...محتاج تتدخل بقوة عشان تنقذ حياته ...حالة الاسبوع ده أحد الامثلة علي كده ..التشخيص بتاعها جميل بس الاهم هو هتعمل ايه بعد ما تشخص ؟
زي ما قلنا كل الحالات دي حالات حقيقة من مرور استاذنا ...دي الحالة رقم ٣ من السلسلة دي
وده رابط اليوتيوب
https://youtu.be/bQ_ytVSGGXg?si=hv0F-3D4Xx3_GLL-
....
وزي ما قلنا باءذن الله فيه سلسلة عربي (لنفس الفيديوهات )
بالتوازي معاها هننشر دي اسبوع ودي اسبوع

قاتل خفي في العائلة
دي النسخة العربي من تاني حالة نشرناها من مرور
أستاذنا الدكتور محمد الالفي
الحالة دي ليا قصة معاها وانا في النيابة
كان فيه حد من اساتذتنا في الطواريء بيدي محاضرة فبيتكلم عن ال airway وان في عيان هيجيلك ب stridor او اختناق ومهما تدي كورتيزون وادرينالين مش هيستجيب معاك مين يعرف ايه هي ؟
فرفعت ايدي وقلت له herditary angioedema
فقال لو عرفت هنعالجها ازاي هتاخد لاب توب هدية ؟
(طبعا هو مش متوقع ان نايب صغير لسه يكون شاف حالة زي دي وهقولكم ليه في الاخر )
قلت له هنديها بلازما وكابرون (لان علاجها الاساسي مش موجود في مصر )..طبعا قالي لازم ليك هدية
اه ممكن مخدتهاش بس وقتها عرفت فضل ربنا عليا بحضور مرور استاذنا الدكتور محمد الالفي ..وان معلومة واحدة هي اغلي من لاب توب ...كفاية ان فيها انقاذ حياة انسان
بعدها كمل الاستاذ وقال انه شاف حالة واحدة بس في حياته كان ولد ووالده ووالدته أطباء بالخارج ..اتصلوا بيهم وقالوا لهم انه حالة نادرة وان مفيش غير هوه واخته بس في مصر اللي متشخصين وانهم متشخصين خارج مصر علي ما اتذكر في المانيا
قلت له انا شوفت حالتين مع استاذنا حالة منهم لها ٦ اخوات ..فالحمد لله فيه أساتذة في مصر عارفين الحالات دي وبيشخصوها ..وحتي لو علاجها مش موجود بيحاولوا بطرق تانية وبيعالجوها
....
ده تعليق بسيط عشان نعرف قيمة الحالات اللي بننشرها
من المرور ..وان شاء الله مع زيادة الوعي بالحالات دي هتتشخص اكتر

ده رابط الفيديو علي يوتيوب ..وهتلاقي قايمة تشغيل فيها الفيديوهات اللي فاتت


https://youtu.be/BobUJyGeBQA?si=cR78u79UCzOJW6lr

باسم الله
ليه كدكتور لازم يبقي تطبيق medscape علي موبايلك ؟
وليه يعتبر أفضل تطبيق طبي مجاني ؟بل وفي رأيي أفضل تطبيق طبي عموما؟
الاجابة ببساطة في الصورة دي...ده مش تطبيق واحد ده اكتر من ١١ تطبيق مع بعض
بعض التطبيقات دي الناس بتدفع فلوس عشان تنزلها(مثلا بعض الالعاب الطبية بنظام ال stimulation وتدريب علي حل ال cases)فيه ناس بتشترك في التطبيقات دي ومتعرفش انها واحده من مميزات medscape ومتاحه مجانا
...
طبعا صعب اشرح النقط دي كلها في بوست
علشان كده سجلتها في فيديو حوالي ساعة
شرحنا فيه (أسرار medscape ) بالتفصيل
ان شاء الله هنزله علي اليوتيوب النهارده علي قناة clinical sense ...واول ما يترفع هجيب لحضراتكم الرابط في التعليقات وفي بوست منفصل