المرور حاليا بقي علي فترات متباعده (تقريبا كل شهر) ...اتأكد من الجروب قبل ما تسافر ...لازم نعلن أن فيه مرور قبلها
وطبعا المرور متوقف حاليا لبعد العيد باءذن الله

بسم الله
الحمد لله رب العالمين والصلاة والسلام علي خاتم النبين وعلي آله وصحبه أجمعين وبعد :
(فاقصص القصص لعلهم يتفكرون )
مش لازم تخطيء كل الأخطاء بنفسك عشان تتعلم ..ممكن تستفيد من أخطاء غيرك
جمعت لك في الكتاب الأول (اليوميات ) مجموعة خبرات بعضها مواقف قابلتني ..وأكثرها كان من تعليق أساتذتنا وزمايلنا عليها  - واللي كتير منهم كانوا أطباء امتياز - وأخطاء بسيطة كانت علي وشك إنها تكلف المريض حياته ...ومعظمها -زي ما هتشوف -مش موجود في الكتب ..إنما هو من الحكمة التي تتناقلها الأجيال مشافهة ...ويمكن ده يكون محاولة لتوثيقها لتكون مرشد لأطباء الامتياز والتكليف في بداية حياتهم.
عشان كده أول حاجه تعملها قبل ما تدخل الامتياز هي إنك تقرأ الكتاب ده

جمعت لك في الكتاب الثاني (المرور)
كل ما تحتاج أن تعرفه عن مرور أستاذنا الدكتور محمد الألفي ...ولو سألتني إيه أهم حاجه اعملها في الامتياز ..هقولك أوعي تفوت مرور أستاذنا
حاليا المرور بقي علي فترات متباعده ..فأي مرة تسمع عنه أوعي يفوتك ...ممكن تقرأ تجارب الناس اللي حضرت المرور ..بس مش هتفهم كلامهم غير لما تشوف بنفسك ...ومن ذاق عرف
بالاضافة ل (درر من المرور ) بعضها كتبته وبعضها نقلته من صديقنا الغالي دكتور محمد حسونة -واحد من أنبه نواب أستاذنا - جزاه الله كل خير
أما الكتاب الثالث (منشوراتي) جمعت لك فيه أهم منشوراتي الطبية علي مدي السنوات اللي فاتت
وما كان فيه من الخير فهو من بركة علم أستاذنا
وما كان من خطأ فمني ومن الشيطان
لا أزعم إن الكتاب خرج في أكمل صورة ...لكن نعتبر دي البداية فقط ونسخة (تجريبية ) ..لاني حريص إنه يتنشر قبل دخول الامتياز ....وإن شاء الله علي مدار السنة هيتراجع ويتعدل ...وهيضاف ليه خبرات جديدة ..سواء من تعليقات أساتذتنا أو تعليقات حضراتكم
                             محمود وفا
               أخصائي الباطنة والسكر
                             ٢٧ شعبان  ١٤٤٧
                               ١٥ فبراير ٢٠٢٦
                          
جاري رفع الكتاب
هينزل النهارده ان شاء الله علي الواتس وعلي تليجرام جروب قعدة نواب  ممكن نتابعه من هنا
https://t.me/residentpodcast
هتلاقيه في موضوع (الكتب المهمة )

جاري رفع الكتاب

(يريد الله بكم اليسر ولا يريد بكم العسر )
مريض السكر والكلي والكبد والأمراض المزمنة يصوم رمضان ولا لا ؟
...................
طبعا ده بيختلف حسب حالة كل مريض ..والدكتور بتاعك هو اللي يقولك تصوم ولا لا...لكن الواقع بيقول إن كتير من المرضي بتبقي النصيحة الطبية ليهم أنهم يفطروا ...وأن الصيام ممكن يضرهم سواء بالخوف من نقص السكر او من الجفاف ...ومع ذلك المريض بيصمم إنه يصوم ...ويحتج بقوله تعالي (وأن تصوموا خير لكم )..والحقيقة إن الاية معناها مختلف تماما ...وإن كان في أول الاسلام اللي يقدر يصوم مخير  إنه يصوم او يطعم ...(وعلي الذين يطيقونه فدية طعام مسكين )...فالكلام هنا ليهم (وأن تصوموا خير لكم )...لكن لما نزلت الاية اللي بعدها (شهر رمضان ...) ونسخت الحكم ده بقي واجب الصيام علي كل قادر ..لكن (ومن كان مريضا أو علي سفر فعدة من أيام أخر ) ..إيه اللي جه بعدها مباشرة ؟
(يريد الله بكم اليسر ولا يريد بكم العسر )
سيدنا الشيخ الشعراوي بيقول كلمة جميلة هنا لكل الناس اللي تقولها افطر وتصمم إنها تصوم ...يقوله (أنت عاوز مرادك أنت ولا مراد الله ؟)
أنت حابب الصيام لكن ربنا يريد بك اليسر..هتعمل اللي نفسك عاوزاه ولا هتعمل مراد الله ؟
هقربهالك أكتر ...
من كم سنة شوفت مريض في رمضان ...كان مريض كبد وعنده استسقاء بالبطن لكن مكنش دخل في غيبوبة قبل كده واموره كانت ماشيه والطبيب نصحه ميصومش...وكان من حفظة القرءان وبيصلي التراويح بالناس ...صمم علي الصيام جه علي نصف الشهر ودخل في غيبوبة كبدية ..وتقريبا أهم ليالي الشهر ضاعت منه ...أنهي عبادة أفضل عند ربنا ...لو كان فطر ..وأطعم كل يوم مسكين ..(دي رحمة كبيرة للمساكين ) ..وكان كمل الصلاة بالناس الشهر كله ...ويعبد ربنا باسم (الرحيم اللطيف بعباده )  ولا يغيب عن الوعي في ايام مباركة زي دي ؟
......
شوفت زمان حالة مع أستاذنا في المرور كانت بالنسبة لي زي صدمة ...بنت ٣٠ سنة عندها الذئبة الحمراء ومأثره علي الكلي....ظاهريا قدام الناس هي زي الفل ..لكن في الطب انك تحافظ علي كلية البنت دي وأنها متغسلش ده عمل عظيم جدا ...الصيام هيبقي خطر عليها بسبب الجفاف
أستاذنا سألنا ...(عشان يعلمنا ) ..دي تنصحوها تصوم ولا تفطر ؟
وكان الجواب طبعا تفطر
أيهما أرضي لله ...البنت دي تفضل كويسه وتخدم نفسها وولادها ولا تدخل في فشل كلوي وتغسل ؟
.......
للطبيب ..أوعي تصوم مريض يكون الصيام بيضره ..والموضوع فيه يسر شديد علي الناس
وللمريض أوعي تضر نفسك وأنت فاكر إنك بتتقرب لربنا ..قد يكون اللي فطر لأجل مراد الله فيه أكثر ثوابا منك ..بل بعض المرضي الصيام بالنسبة لهم أقرب لقتل النفس ..دول يراجعوا علماء الدين ده صيام ولا معصية ؟

Clinical medicine
فن يجب أن لا يندثر
كلمة مهمة لاستاذنا الدكتور محمد الألفي في نهاية الموسم

المريض الذي يخافه أستاذي !
.................
​تم تغيير بعض التفاصيل غير المؤثرة طبياً لضمان خصوصية المرضى
.....
من فترة كنت بمر علي مريض كبد ..حالة عادية زي اللي بنشوفها كل يوم ...تضخم بالطحال ونقص في الصفايح وارتفاع السيولة واستسقاء بسيط بالبطن ..
وجاي بيشتكي بألم في البطن ومحجوز علشان نشوف سببه إيه (هل مثلا التهاب بريتوني اللي هو أشهر حاجه في المواقف اللي زي دي ؟)
المهم وأنا بسأله هل بياكل بروتين ؟
فبنته قالت إنه رافضه خالص وإنها كانت لسه عامله له (أكلة معينه البروتين فيها قليل جدا  )امبارح ومجاش جنبها
بصراحة مخدتش بالي من الكلمة أول مرة
وأنا ماشي بهزر معاه وبقوله أنه ياكل لحمة واوعي حد يقولك ده ممنوعه وياخد نصيبك لقيت بنته قالت بردو انها دايما بتعمله (نفس الأكلة  ) وبردو مبياكلهاش ....ساعتها بدأت أفهم ...أنتم منهم ؟
الناس الطيبة العفيفة اللي محدش داري بيهم
اللي البروتين الحيواني عندهم هو اللي معظمنا أصلا مبياكلهوش ولا يمكن بيرميه
اللي أستاذنا لما بيشوف حد منهم بيبقي في خدمته (حرفيا ) ..وبيحرص إنه يوطي يعدلهم الحذاء بنفسه ...ودايما يقول أنا مبخافش غير من الناس دي
..ويوصينا عليهم ...المساكين ...أهل الله
ده هتاخد منه دعوة...لترفعك فوق أوي لهتنزلك تحت أوي
ساعتها قلت للنايب اللي معايا خد بالك من الحالة دي أوي ....قالي أنا داخل امتحانات قريب ...قلت له فرصتك أوعي تضيعها
وأنا براجع الادوية اللي الحالة ماشيه عليها بره لقيت حد من الأطباء الأفاضل كاتب لها دوا اسمه العلمي Eltrombopag ...دوا مشهور وغالي جدا بيتكتب في بعض الحالات لزيادة الصفايح ...(واستعماله في مريض الكبد مقيد جدا)ومعرفش حد من أساتذتنا بيكتبه لمريض الكبد ...طيب سألتهم الدوا ده غالي بتشتروه ازاي قالت لي حد بيساعدنا بيه
للاسف الحالة طلعت في الاخر portal vein thrombosis...ولما دورت لقيت إن الدوا ده ممكن يعمل كده (وان كان ممكن يحصل بسبب ال portal hypertension عادي)
.......
طبعا أكيد الدكتور اللي كتبه كان نيته يساعد المريض .....بس (وكم من مريد للخير لا يبلغه )
......
نصيحة لزمايلنا الصغيرين ...أوعي تكتب دوا من غير ما تقرأ عنه ...مش معني أنك شوفت حد من الاساتذة بيكتبه تقلده ...جايز هو كتبه بشروط معينه أنت مش واخد بالك منها
....
النقطة التانية ...في الموقف ده مقدرتش أقول غير ربنا يرضي عن أستاذنا الدكتور محمد الألفي وينفعنا بعلومه ...اللي علمنا أن (اللي ميعرفش الناس مينفعش يعالجهم ) ..اللي علمنا الرحمة بالمرضي
...واللي فهمنا يعني ايه (حكمة )
تخيل مبلغ الدوا ده (تقريبا ٧ الاف جنيه شهريا)...اللي علي أفضل تقدير منفعش المريض لو كان خده في صورة تانية ؟
أو حتي مخدهوش بس مكسرتوش وخليته يحتاج مساعدة ؟
......
الناس كلها بتخاف وتخوف المرضي من نقص الصفايح وارتفاع ال INR ...وأنه كده هينزف ...ومبناخدتش بالنا إن الخوف من الجلطات في مريض الكبد له نفس الأهمية ...هو معرض للاتنين في نفس الوقت (النزيف والتجلط )..ومن ال bad medicine القديم هو نقل الصفايح بدون داعي
....الحالة دي خلتني أسأل نفسي سؤال ...هو فعلا نقص الصفايح اللي بيحصل لمريض الكبد ده وحش أوي ؟ ولا يمكن ده جزء من الحماية والتوازن اللي بيحصل ؟وإلا ليه لما حاولت تعلي الصفايح المريض بيدخل في PVT ؟
ده سؤال ننتظر اجابته من حضراتكم

Google NotebookLM 
للاطباء
إزاي تستخدمه في المذاكرة او في الشرح
وليه هو أفضل تطبيق ذكاء اصطناعي لحد دلوقتي
الفيديو طويل (ساعتين ونصف )...حاول تحفظه وتسمعه اي وقت

https://youtu.be/nLXNdvf1Pv0

وممكن تسمع الملخص بتاعه من هنا
(واللي هو اتعمل بصغطة زر من نفس التطبيق )

https://youtu.be/clGIafBXbyA

.....
وهرفعلكم ع التليجرام   pdf تفريغ للفيديو
لو حد عنده فكرة عن التطبيق وعاوز يقرأ الخلاصة
(وبردو معمول بنفس التطبيق )
علي جروب (قعدة نواب )
من هنا
https://t.me/residentpodcast

السلام عليكم ورحمة الله
ببشر حضراتكم إن الثلاثاء القادم (١٢ مايو ٢٠٢٦)
هيكون فيه مرور لاستاذنا الدكتور محمد الألفي
وزي ما حضراتكم عارفين ان المرور حاليا بقي علي فترات ...فأي مرة نعلن فيها عن المرور هي فرصة نحاول نغتنمها
.....
المكان
مستشفي السيد جلال (باب الشعرية)،المبني الجديد،الدور الحادي عشر قاعة المؤتمرات الرئيسية
من الساعه ٢ ل ٨ مساءا
......
اركب المترو من أقرب محطة ليك وانزل محطة مترو غمرة ...هتلاقي عربيات سيدجلال(باب الشعرية) واقفه قدامك هتنزلك قدام باب المستشفي في أقل من ٣ دقايق 
....
الحضور مفتوح للجميع

السلام عليكم ورحمة الله
ببشر حضراتكم إن الثلاثاء القادم (١٢ مايو ٢٠٢٦)
هيكون فيه مرور لاستاذنا الدكتور محمد الألفي
وزي ما حضراتكم عارفين ان المرور حاليا بقي علي فترات ...فأي مرة نعلن فيها عن المرور هي فرصة نحاول نغتنمها
.....
المكان
مستشفي السيد جلال (باب الشعرية)،المبني الجديد،الدور الحادي عشر قاعة المؤتمرات الرئيسية
من الساعه ٢ ل ٨ مساءا
......
اركب المترو من أقرب محطة ليك وانزل محطة مترو غمرة ...هتلاقي عربيات سيدجلال(باب الشعرية) واقفه قدامك هتنزلك قدام باب المستشفي في أقل من ٣ دقايق
....
الحضور مفتوح للجميع

السلام عليكم ورحمة الله
ببشر حضراتكم إن بكره الثلاثاء (١٢ مايو ٢٠٢٦)
هيكون فيه مرور لاستاذنا الدكتور محمد الألفي
وزي ما حضراتكم عارفين ان المرور حاليا بقي علي فترات ...فأي مرة نعلن فيها عن المرور هي فرصة نحاول نغتنمها
.....
المكان
مستشفي السيد جلال (باب الشعرية)،المبني الجديد،الدور الحادي عشر قاعة المؤتمرات الرئيسية
من الساعه ٢ ل ٨ مساءا
......
اركب المترو من أقرب محطة ليك وانزل محطة مترو غمرة ...هتلاقي عربيات سيدجلال(باب الشعرية) واقفه قدامك هتنزلك قدام باب المستشفي في أقل من ٣ دقايق
....
الحضور مفتوح للجميع

بشري لمحب العلم
ده موقع أستاذنا الدكتور محمد الألفي
تم استعادة الموقع بعد توقف لسنوات
https://mnalfy.com
وإن شاء الله يتم نشر الحالات الجديدة قريبا