#TAVSIYA

Dunyodagi 3 -  Unuversitet, Masofadan Ta'lim tajribasi va sifati boʻyicha Turkiya Jumhuriyatidagi birinchi raqamli Davlat Universiteti, minglab va millionlab talabaga ega va bitiruvchilarni chiqargan Anadolu Universitetiga qabul jarayoni tugashiga oz qoldi.
Agar siz Xalqaro darajada diplom olishni va juda arzon kontrakt toʻlovi evaziga oliy maʼlumotli boʻlishni istasangiz, sifatli bilimga ega boʻlishni istasangiz unda ulgurib qoling. ( Siz boshqa üniversitetda yuzma-yuz taʼlim olayotgan bo'lsangiz ham ayni vaqtda Anadolu Universitetida ham masofadan taʼlim olishingiz mumkin. Bu tizim qulay va ishonchli)

Anadolu Universitetida siz dunyoning istalgan joyidan turib masofadan taʼlim olishingiz va oliy maʼlumotga ega boʻlishingiz mumkin.
Universitetning dunyoning 100 dan ortiq oʻlkasidan talabalari bor.
Jumladan Oʻzbekistonda ham 5- yil faoliyatini davom ettirmoqda

Abituriyentlar Toshkent ofisiga kelib pasport va maktab shahodatnomasi  yoki kollej  diplomi bilan hujjat topshirishlari mumkin.
Türk yoki İngliz yoki arab tilini ( Dinshunoslik boʻlimi uchun)  B2 saviyada bilsihlari talab qilinadi (Sertifikat bilan)
Kirish imtihonsiz  , muloqot asosida qabul qilinadi.

Yillik kontrakt toʻlovi (250 $)
3 mln soʻm atrofida

Darslar zoom orqali ,jonli shaklda  yetuk mutaxassislar tomonidan olib boriladi, oraliq va yakuniy imtihonlar esa yuzma yuz Toshkentda oʻtkaziladi.
Oʻzbekiston rasmiy ofisi manzili:
Uchtepa Tumani Archazor koʻchasi Kichik Halqa yoʻli 3
+998 97 017 43 32

🇺🇿 21 ОКТЯБРЬ — ЎЗБЕК ТИЛИ БАЙРАМИ КУНИ МУБОРАК!
Азиз юртдошлар!
Она тилимиз — бу шунчаки сўзлар йиғиндиси эмас. У ота-боболаримиздан қолган мерос, қалбимизнинг овози, ўзлигимизнинг кўзгусидир.
Инсон энг чуқур ҳиссиётларини, дуосини, қўрқуви ва орзусини она тилида англайди. Шунинг учун ўзини танимоқчи бўлган инсон аввало ўз тилида ўйлашни, ўз тилида ўзига савол беришни ўрганиши керак:
❓ Мен кимман?
❓ Нима учун шундай фикрлайман?

Она тилимиз абадий бўлсин, ўзлигимиз мустаҳкам бўлсин! 🤲
Ҳурмат билан, Dr. Гавҳар Дарвиш PhD, 20 йиллик халқаро амалиёт
🔗 https://t.me/DrGavharDarvish
#ЎзбекТилиКуни #21Октябрь #ЎзингизниТанийсизми #ЎзликниАнглаш #DrGD

«ЎН ЕТТИТА КАМ ЕТТИ»

Отамнинг илмий йўлини, ҳаети ҳақида ёзар эканман, бир сана кўзимга алоҳида ташланди: мустақиллик йилларида фармакология соҳасида ўзбек тилида ёзилган илк илмий ишни ҳимоя қилдилар. Шундан кейин шогирдлари кўпайиб кетди, чунки кўплаб ёш олимлар ўз она тилида илм қилишни орзу қиларди. Бу шунчаки тасодиф эмас эди. Бу отамнинг она тилига бўлган муносабатининг илмдаги кўриниши эди.
Отам мустақилликкача ҳам дўппи кияр эдилар. Бугун дўппи яна урфга кирди, уни кийиш одатий ҳолга айланди. Аммо ўша йилларда, мустақилликкача шаҳардаги профессорнинг бошида дўппи — бу бир позиция эди. Отам уни бошларидан туширмадилар. Худди ўзбек тилини тилларидан туширмаганларидек.
Отам фақат ўзбек тилида гапирардилар. Институтда ҳам, уйда ҳам, кўчада ҳам. Ўзбек тилига ҳурматлари шунчалик баланд эдики, бу баъзан атрофдагиларни ҳайрон қолдирарди.
Бир куни автобусда кетаётган эдик. Бир рус йигит отамга мурожаат қилиб, соат неча бўлганини сўради. Отам соатларига қараб, хотиржам жавоб бердилар:
— Ўн еттита кам етти.
Йигит ҳайрон бўлиб қолди.
Мен отамга секин дедим:
— Ота, у рус-ку, тушунмади.
Отам менга қараб, овозларини кўтармасдан, аммо қатъий қилиб дедилар:
— Ўзбекистонда яшаяптими, билишга мажбур.
Ўшанда мен бу гапнинг маъносини тўлиқ англамаган эдим. Бугун эса бу саҳнани эслаганимда, отамнинг бир жумласида бутун бир дунёқараш борлигини кўраман. Бу жумлада бировни камситиш йўқ эди. Бу жумлада фақат бир талаб бор эди: ўз юртингнинг тилини ҳурмат қил. Сен яшаётган заминнинг тилини ўрган.
Ўн еттита кам етти. Ўзбек тилида вақтни шундай айтишнинг ўзида бир гўзаллик бор: соат ҳали еттига етмаган, лекин етишига саноқли дақиқалар қолган. Бу ифодани бошқа тилга сўзма-сўз таржима қилиб бўлмайди. Отам эҳтимол шуни ҳам айтмоқчи бўлгандирлар: ҳар бир тилнинг ўз оҳанги, ўз мантиғи бор, ва уни англаш учун бир оз ҳаракат қилиш керак.
Она тили ҳақида ўйлаганимда, асрлар оша бу тилни ҳимоя қилган буюк сиймолар ёдимга тушади. XI асрда Маҳмуд Кошғарий «Девону луғотит турк» асарини ёзиб, туркий тилнинг бойлигини араб дунёсига кўрсатишни мақсад қилган эди. Ундан тўрт аср кейин Алишер Навоий «Муҳокамат ул-луғатайн» (1499) асарида туркий ва форсий тилларни солиштириб, туркий тилнинг ифода имкониятлари ҳеч бир тилдан кам эмаслигини исботлашга уринган. Навоий ўз замонасида шеърни форсийда ёзиш обрў саналган бир пайтда туркий тилда ижод қилишни танлаган. Отамнинг ўзбек тилида диссертация ёзиши мен учун ана шу танловнинг давомидек туюлади.
Абдулла Авлоний эса «Туркий гулистон ёхуд ахлоқ» китобида шундай ёзган: «Ҳар бир миллатнинг дунёда борлигини кўрсатадурғон ойинаи ҳаёти тил ва адабиётидур. Миллий тилни йўқотмак миллатнинг руҳини йўқотмакдур». Отам бу сатрларни ёд олганми-йўқми, билмайман. Аммо у кишининг ҳаёти бу сатрларнинг тирик шарҳи эди.
Психотерапевт сифатида мен она тилининг инсон руҳиятидаги ўрнини ҳар куни кўраман. Инсон ўз ҳис-туйғуларини энг аниқ ва энг чуқур ҳолда она тилида ифода этади. Икки тилни биладиган беморларим ҳам энг оғриқли хотиралари ҳақида гапирганда, кўпинча беихтиёр она тилига ўтиб кетишади. Чунки илк меҳр, илк қўрқув, илк алла — ҳаммаси она тилида келган. Она тили — фақат мулоқот воситаси эмас, у инсон ўзлигининг илдизи.
1989 йилнинг 21 октябрида ўзбек тилига давлат тили мақоми берилди. 2019 йилдан бошлаб эса 21 октябрь юртимизда «Ўзбек тили байрами куни» сифатида нишонланади. Мен бу бобни айнан шу куни ёздим. Тасодифми, билмайман. Аммо отам бу кунни кўрганларида, албатта, дўппиларини тўғрилаб, кулиб қўйган бўлардилар.
Отамдан менга фақат илм эмас, тил ҳам мерос қолди. Мен ҳам китобларимни ўзбек тилида ёзаман. Беморларим билан ўзбек тилида гаплашаман. Дарсларимни ўзбек тилида ўтаман. Ва ҳар сафар ўзбек тилида бир ҳикматни, бир нозик тушунчани ифода этишга уринганимда, автобусдаги ўша кунни эслайман.
Ўн еттита кам етти.
Вақт ўтиб кетди, аммо отамнинг сўзи ҳали ҳам айни вақтда ҳам долзарб.

"Отам изидан" китобим тез кунларда...

Ba’zan inson o‘zi ham sezmagan holda qo‘rquv, asabiylashish, tashvish yoki turli bezovtaliklar bilan yashaydi. Buning sababini tushunmay, nima qilishni bilmay qoladi.

Lekin o‘zimizni tushunishni o‘rgansak, o’zimizni tanib ruximizni turli kasalliklardan xalos qilsak ko‘p narsaga boshqacha qaray boshlaymiz.

«Ming yillik shifo: Roziy maktabi» dasturida ham aynan insonning o‘zini anglashi va ichki dunyosini tushunishi haqida suhbatlashamiz.

✍️ Batafsil ma'lumot olish uchun: @gavhar_darvish_admin ga yozing

Сиз бошингиздан ўтган энг оғриқли воқеадан кучлироқсиз!

Болалик травмаси — ҳукм эмас, ҳикоя
Бугун ҳар қандай муаммонинг сабаби битта сўзга келиб тақалмоқда: «болалик травмаси».
Ўзингизга ишонмайсизми? Травма. Оилада келишмовчилик борми? Травма. Ҳаётдан қониқмаяпсизми? Яна травма.
Мен 21 йиллик амалиётимда бир нарсани кўп кузатдим: инсонни кўпинча ўтмишнинг ўзи эмас, ўтмиш ҳақида ўзига айтиб юрган ҳикояси бошқаради.
Илм нима дейди?
Болаликдаги оғир кечинмалар ҳақиқатан ҳам из қолдиради. Мия ва тана уларга жавоб беради, бу инкор қилиб бўлмайдиган факт.
Аммо бир хил воқеа икки болага икки хил таъсир қилади. Чунки инсон фақат бошидан ўтган воқеадан иборат эмас. Унинг мижози, ирсияти, характери, оилавий муҳити, қадриятлари, иймони ва энг муҳими, тикланиш салоҳияти бор. Резилиенс бўйича тадқиқотлар шуни кўрсатади: оғир синовдан ўтган одамларнинг кўпчилиги вақт ўтиб ҳаётга қайта мослашади. Баъзилари ҳатто ундан кейин руҳан ўсади (буни посттравматик ўсиш дейилади).
Хавфли нарса нима?
Травманинг ўзидан ҳам хавфлироғи уни ҳаётнинг бош сабабига айлантириш:
«Мен шунақаман, ўзгаролмайман». «Ота-онам мени шундай қилиб қўйган».
Шу гапларни айтган заҳоти инсон бугуни ва эртасининг жиловини ўтмишга топшириб қўяди. Нафс учун эса бу жуда қулай баҳона: масъулиятни ўзидан соқит қилади.

«Аллоҳ ҳеч бир жонга тоқатидан ташқари юкламайди». Бошингиздан ўтган синов сизни синдириш учун эмас, тарбиялаш учун берилган. Ўтмишни ўзгартира олмаймиз, лекин унга бўлган муносабатимизни ўзгартира оламиз. Тавба, сабр ва шукр шунинг учун ҳам шифодир.
Хулоса
Бу пост травмани инкор қилиш учун ёзилмади. Оғир руҳий жароҳатлар бор ва улар мутахассис ёрдамини талаб қилади. Лекин ҳар бир стресс травма эмас. Ҳар бир қийинчилик ҳам умрбод синиш эмас.
Сиз бошингиздан ўтган энг оғриқли воқеадан ҳам кучлироқсиз.

— Dr. Gavhar Darvish — PhD, психиатр-психотерапевт

@DrGavharDarvish
https://t.me/HalovatRuhiyTibbiyotMaskani

🎉🎉🎉🎉🎉 «Ming yillik shifo - Roziy maktabi»

Bu dastur kimlar uchun ❓

✅ O'zini tanib ruhiy holatini yaxshilamoqchi bo'lgan
✅ His-tuyg'ularini yaxshiroq tushunmoqchi bo'lgan
✅ Qalbini g'azab,kibr, xasad va boshqa salbiy illatlardan xalos qilmoqchi bo'lgan
✅ Asabiylik, Stress, charchoq va xavotirdan xalos bo'lishni istagan
✅ Ruhiy barqarorlikka va ichki halovatni istagan
✅ Shaxsiy va kasbiy faoliyatda munosabatini yaxshilamoqchi bo'lgan
✅ Sharq allomalarining asarlariga qiziqqan har bir inson uchun zarurdir

Kursga katta chegirma ketayabdi tezroq joyingizni band qiling✍️

Admin👉 @gavhar_darvish_admin
Admin👉 @gavhar_darvish_admin
Admin👉 @gavhar_darvish_admin

🔍 ТЕЛЕФОНИНИ ТЕКШИРДИНГИЗ. ХОТИРЖАМ БЎЛДИНГИЗМИ?

Тунда эрингиз ухлаганда телефонини қўлингизга оласиз. Юрагингиз дукиллаб уради. Хабарлар, қўнғироқлар, ёқтирилган суратлар… Ҳеч нарса топмайсиз, лекин хотиржам ҳам бўлмайсиз. Эртасига яна текширасиз.
Таниш манзарами?
Бу сиз ёмон аёл эканингиздан дарак бермайди. Бу ичингиздаги хавотирнинг овози. Аммо айғоқчилик уни тинчитмайди, аксинча кучайтиради.

🔬 Илм нима дейди?
Ҳар бир текширув бир неча дақиқа енгиллик беради, кейин хавотир кучлироқ бўлиб қайтади. Бу обсессив айланага ўхшаш механизм. Тадқиқотлар шерик ҳақида қанча кўп «маълумот» йиғилса, рашк шунча кучайишини, рашк эса яна кузатишга ундашини кўрсатган. Мия ҳар бир ноаниқ нарсани, масалан номаълум рақамни ёки кечиккан жавобни, ёмон томонга йўяди.

💔 Оилада нима бўлади?
— Эр билиб қолса, ўзини ҳақоратланган ва назорат остида ҳис қилади.
— У ичига ёпилади, телефонини яширади, сизнинг гумонингиз эса кучаяди.
— Қўрқиб юрган нарсангиз айнан шу совуқлик туфайли яқинлашади.
— Тана ҳам чидамайди: уйқусизлик, юрак санчиғи, бош оғриғи бошланади.

Гумоннинг кўпидан сақланиш ва бир-биримизнинг яширин ишларимизни ахтармасликка буюрилганмиз.
Айғоқчилик ҳеч қачон хотиржамлик бермайди, у фақат қалбни емиради.

💚 Яхши хабар: бу ҳолатдан чиқса бўлади. Кўпинча жавоб эрингизнинг телефонида эмас, ўз ичингизда бўлади. Илдиз топилса, кузатиш эҳтиёжи ўз-ўзидан сўнади.

👩‍⚕️ Dr. Гавҳар Дарвиш билан консультацияда: ✅ рашк ва хавотирингизнинг ҳақиқий илдизи топилади: болалик тажрибаси, ўтмишдаги хиёнат ёки ўзини қадрсиз ҳис қилиш
✅ текшириш одатидан чиқиш бўйича амалий режа берилади
✅ шубҳангиз асосли бўлса, уни жанжалсиз ва оилани бузмасдан очиқ ҳал қилиш йўли ўргатилади
✅ замонавий психотерапия ва руҳий тарбия уйғунлигида шахсий дастур тузилади
✅ керак бўлса, ишончни тиклаш учун эр-хотин билан бирга ишланади.

Dr. Гавҳар Дарвиш психиатр, психотерапевт, PhD. Унинг 21 йиллик халқаро тажрибаси бор. Шу сабабли у оддий рашкни касаллик даражасидаги рашкдан ажрата олади ва ҳар бир ҳолатга мос йўл кўрсатади.
⏳ Ҳар бир яширин текширув оилангиздаги ишонч деворидан битта ғиштни суғуриб олади. Девор қулашини кутманг.
📩 Онлайн қабул: @Gavhar_Darvish_administrator 📞 Офлайн қабул:
+998909513444, +998339513444

Хотиржам қалб — ҳаловатли оила асоси.
#рашк #оила #эрхотин #руҳийсаломатлик #DrGD

🔍 ҚЎЛ ТЕЛЕФОНГА ЧЎЗИЛГАНДА НИМА ҚИЛИШ КЕРАК?

Ўтган постда ўзингизни таниган бўлсангиз, нафсингизни таний олдингизми?
Агар таниган бўлсангиз, эҳтимол ичингизда шундай савол туғилгандир: «Тушундим, бу нафсим. Лекин қўлим барибир телефонга чўзилади. Нима қилай?»
Нафсни бир кунда енгиб бўлмайди, уни тарбия қилиш керак.

Бу йўл уч босқичдан иборат.

1️⃣ Нафсни таниш (аммора босқичи)

Қўлингиз телефонга чўзилганда тўхтанг ва ичингизда айтинг: «Бу ҳақиқат эмас, бу нафсимнинг овози». Кейин 15 дақиқа кутинг. Нафснинг талаби тўлқинга ўхшайди: кўтарилади, чўққига чиқади ва ўзи пасаяди. Шу орада ювининг. Олов сув билан сўнади. Сабр нафснинг жиловидир. Текширмай ўтказган ҳар бир 15 дақиқангиз нафсингизни бир қадам заифлаштиради.

2️⃣ Нафсни тергаш (лаввома босқичи)

Гумонингизни қоғозга ёзинг ва ўзингиздан сўранг: «Бу фактми ёки фикрми? Буни нима билан исботлай оламан?» Қоғозга тушган гумон кўпинча кучини йўқотади. Агар яна текшириб қўйсангиз, ўзингизни қаттиқ койиманг. Тадқиқотлар қаттиқ ўз-ўзини айблаш одатни кучайтиришини, ўзига меҳр билан муносабат эса ўзгаришга ёрдам беришини кўрсатган. Ҳақиқий лаввома койиш билан эмас, тузатиш билан ўлчанади.

3️⃣ Нафсни таскинлантириш (мутмаинна сари)

Гумонни яширин текширув билан эмас, очиқ сўз билан айтинг. «Сиз нима яширяпсиз?» ўрнига «Кейинги пайтда ўзимни хавотирда ҳис қиляпман, бир гаплашиб олсак» денг. Энг муҳими, эрингизни кузатишга сарфлаётган кучингизни ўзингизга қаратинг: саломатлигингизга, ўз ишингизга. Ўз қадрини билган аёл таскинни эрнинг телефонидан қидирмайди.

⚠️ Қачон ёлғиз уддалаш қийин?
— текшириш истаги кунига бир неча марта келиб, уйқунгизни ўғирласа
— ҳеч қандай далил бўлмаса ҳам, гумонингиз қатъий ишончга айланиб борса
— кузатиш телефондан ташқарига чиқиб, кетидан юриш ёки бошқалардан суриштиришга айланса
— ўтмишдаги хиёнат ёки болалик яраси қайта очилган бўлса
— жанжаллар болаларнинг кўз ўнгида бўлаётган бўлса.

Бундай ҳолатда гап оддий нафс одатида эмас, бу мутахассис ёрдами керак бўлган ҳолат.

👩‍⚕️ Dr. Гавҳар Дарвиш билан консультацияда:
✅ 5 мезонли диагностика орқали нафсингизнинг босқичи ва рашкнинг ҳақиқий илдизи аниқланади ✅ оддий рашк касаллик даражасидаги рашкдан ажратилади
✅ сизга мос нафс тарбияси ва психотерапия дастури тузилади
✅ эр-хотин ўртасидаги ишончни тиклаш йўли кўрсатилади.

Dr. Гавҳар Дарвиш психиатр, психотерапевт, PhD. Замонавий психотерапия ва руҳий тарбияни уйғунлаштириб, нафсни бостиришни эмас, тарбиялашни ўрганинг.

⏳ Нафсингизни бугун тарбияламасангиз, эртага у сизни бошқаради.

📌 Кейинги постда: шубҳа асосли бўлса-чи?
Оилани бузмасдан ҳақиқатни қандай аниқлаш мумкин?

#рашк #нафс #нафстарбияси #оила #эрхотин #руҳийсаломатлик #DrGD

📚 СИЗ УЗОҚ КУТГАН КИТОБ ЭНДИ СОТУВДА!

БИТТА КИТОБ УЧУН ТЎЛАНГ — ИККИНЧИСИНИ ҲАДЯГА ОЛИНГ! 🎁

Сиз кутган имконият!
130 000 сўмга иккита китобга эга бўлишингиз мумкин!

📖 1-КИТОБ — «РУҲИЙ ТИББИЁТ»

Абу Бакр Розийнинг илмий мероси ва замонавий психотерапевтик ёндашувлар асосида Гавҳар Дарвиш томонидан тайёрланган руҳият, ақл ва қалб хотиржамлиги ҳақидаги китоб.

🎁 2-КИТОБ — СИЗ ТАНЛАГАН ҲАДЯ!

Иккинчи китоб сифатида икки вариантдан бирини танланг:

1️⃣ «Руҳий тиббиёт» — ўзингизга ва яқинингизга бир хил китоб.

2️⃣ «Ўзингизни танийсизми?» — ўз ақлингиз, темпераментингиз ва характерингизни чуқурроқ англаш сари қадам.

💰 Жами: 130 000 сўм!
Иккинчи китоб учун қўшимча тўлов йўқ!

Бир китобни ўзингиз учун олинг, иккинчисини эса ота-онангизга, турмуш ўртоғингизга, фарзандингизга ёки қадрли инсонга ҳадя қилинг.

Чунки энг яхши ҳадя — инсоннинг ўзини англашига хизмат қиладиган билимдир.

📩 Буюртма бериш учун:
📍@TaskinKitoblar дўконига мурожаат қилинг (Юнусобод туманида жойлашган)
еки
@kitob_sotuvi_admin
га езинг (Сергели туманида)

Ўзингиз учун билим, яқинингиз учун ҳадя!

#РуҳийТиббиёт #ЎзингизниТанийсизми
#DrGavharDarvish #ТаскинКитоблари

🎓 ЯНГИ КУРС! «ЎЗИНИ АНГЛАШ ВА РУҲИЙ ШИФО»

Нега бир хил хатони қайта-қайта такрорлаймиз? Нега ғазаб, ҳасад, хавотир ва ёмон одатлардан қутулиш шунчалик қийин? 🤔
Чунки инсон ўзини англамагунча, ўзини даволай олмайди.
Шу сабабли мен икки китобимни ягона йўлга бирлаштирдим:

📖 «Ўзингизни танийсизми?» — ўзингизни англаш учун
📖 «Руҳий тиббиёт» (Абу Бакр ар-Розий) — руҳий иллатларни даволаш учун

🔑 Курс мантиқи: ТАШХИС → ШИФО → КАМОЛОТ

📚 8 ДАРС ДАСТУРИ:
1️⃣ Ақл — ҳоким
2️⃣ Темперамент ва эҳтирослар
3️⃣ Интеллект ва характер — ўз айбини кўриш
4️⃣ Нафси аммора — ҳасад, ғазаб, очкўзлик
5️⃣ Нафс ва боғлиқликлар
6️⃣ Нафси лаввома ва қалб
7️⃣ Нафси мулҳима — нафс ва дунё
8️⃣ Мутмаиннадан комилагача — камолот
✨ КУРСДА СИЗ:
✅ Ўзингизни 5 мезон бўйича ташхис қиласиз: темперамент, интеллект, характер, нафс ва қалб
✅ Нафснинг етти босқичини дарсма-дарс босиб ўтасиз
✅ Розий китобининг барча 20 бобидаги амалий техникаларни ўрганасиз
✅ Шахсий профилингизни тузасиз
✅ Курс якунида қайта диагностика орқали ўзгаришингизни ўз кўзингиз билан кўрасиз
✅ Шахсий ривожланиш режаси ва сертификатга эга бўласиз

👩‍⚕️ Курс муаллифи ва олиб борувчи: Dr. Гавҳар Дарвиш — PhD, психиатр, психотерапевт, нарколог, 20 йиллик халқаро амалиёт
Ўзини англаган инсон — ўзини даволашни ҳам бошлаган инсондир. 🌿
📩 Рўйхатдан ўтиш учун: @gavhar_darvish_admin
Ўринлар сони чекланган!
#ЎзиниАнглашВаРуҳийШифо #РуҳийТиббиёт #ЎзингизниТанийсизми #DrGavharDarvish

Men doktor Gavhar Darvish — 21 yillik xalqaro tajribaga ega psixiatr, bolalar psixiatri, psixoterapevt va narkologman.

01 · Chegaraviy psixiatriya
Nevrozlar, nevrozsimon buzilishlar, reaktiv holatlar, shaxs buzilishlari, bolalardagi affektiv buzilishlar.

02 · Psixoterapiya
Individual psixoterapiya, oilaviy psixoterapiya, oiladagi nizolarni bartaraf etish.

03 · Narkologiya
Telefon va gadjetga, alkogol, giyohvand moddalar va sigaretga qaramlikdan reabilitatsiya.

Shu yo’nalishlardagi biror muammo sizni yoki yaqiningizni bezovta qilayotgan bo’lsa, qabulimga yoziling 👇

📞 +998 90 951 34 44
📞 +998 33 951 34 44

📍 Halovat — ruhiy tibbiyot maskani

Bu videoni yordam kerak bo’lishi mumkin bo’lgan yaqiningizga yuboring 🤍

🌿 ЎЗИНГИЗНИ ТАНИЙСИЗМИ?

Кўпчилигимиз бошқаларни жуда яхши биламиз: турмуш ўртоғимизнинг феълини, қайнонамизнинг кайфиятини, фарзандимизнинг хархашасини… Аммо ўзимизни-чи?
Нега тез жаҳлимиз чиқади? Нега бир хил хатони қайта-қайта такрорлаймиз? Нега ҳамма нарса бору, кўнглимиз тўлмайди? Кўпинча бу саволларга жавоб тополмаймиз. Чунки ўзимизни ҳеч қачон чуқур ўрганмаганмиз.

Ўзини англаш худбинлик эмас. Бу руҳий саломатликнинг, ҳаловатли оиланинг ва яқинлашишнинг биринчи қадамидир.

❓ Ўзини англамаган инсонда нима бўлади?
▫️ Ҳис-туйғулари уни бошқаради, у эса уларни бошқара олмайди.
▫️ «Одамлар нима дейди?» деб, бировнинг фикри билан яшайди.
▫️ Ичида босилган оғриқлар танада касаллик бўлиб чиқади: бош оғриғи, уйқусизлик, юрак сиқилиши.
▫️ Ўз нафсининг қулига айланади-ю, буни сезмайди ҳам. ▫️ Айбни доим бошқалардан қидиради.

🔑 Ўзини англаш нимадан бошланади?
Инсонни тушуниш учун беш мезонга қараш керак:
1️⃣ Темперамент — табиатан қандай яратилганингиз
2️⃣ Интеллект — қандай фикрлашингиз
3️⃣ Характер — тарбия ва ҳаёт сизни қандай шакллантиргани
4️⃣ Нафс — қайси нафс мартабасида турганингиз
5️⃣ Қалб — ниятингиз ва ички овозингиз
Кўп йиллик амалиётимда шунга амин бўлдим: инсоннинг бутун руҳий фаолияти, ҳатто танаси ҳам қайси нафс мартабаси устун бўлса, ўшанга хизмат қилади. Шунинг учун ўзини англамай туриб, ҳақиқий шифо топиш қийин.
🌱 Бугундан бошланг: кичик машқ
Ҳар куни уйқудан олдин 5 дақиқа ажратиб, ўзингизга уч савол беринг:
Бугун мени нима хафа қилди ва нега?
Қайси сўзим ёки ишимдан пушаймонман?
Бугун қалбим нимани хоҳлади, мен эса нима қилдим?
Жавобларни дафтарга ёзинг. Уламоларимиз буни муҳосаба, яъни нафсни ҳисоб-китоб қилиш деб атаганлар. Бир ойдан кейин ўзингизда кўп нарсани кашф этасиз.
💚 Ўзини англаган инсон бошқаларни ҳам тушунади. Унинг оиласида ҳаловат, қалбида хотиржамлик бўлади.
Бу уч мезонни «Ўзингизни танийсизми?» китобимда батафсил ёритганман.

#ўзинианглаш #руҳийсаломатлик #психотерапия #руҳийтарбия

Dr. Гавҳар Дарвиш Психиатр-психотерапевт, PhD