🫥 Marhamat tumanidagi Kambag‘allikni qisqartirish va bandlikka ko‘maklashish bo‘limi hamda “Agrobank” ATBda ma’naviy-ma’rifiy muhit, davlat tilida ish yuritish va kitobxonlik madaniyatini rivojlantirish borasidagi ishlar holati o‘rganildi.

💠 O‘rganish tuman hokimining maslahatchisi O‘.Qurbonova tomonidan tanlov komissiyasi a’zolari bilan hamkorlikda olib borildi.

🫥 Jarayonda tashkilotlarning ish yuritish hujjatlari, davlat tiliga rioya etilishi, jamoada sog‘lom ma’naviy-ma’rifiy muhit hamda kitobxonlik uchun yaratilgan sharoitlar ko‘zdan kechirildi.

🫥 O‘rganish davomida jamoalarda ijobiy ma’naviy muhit, xodimlarning tashabbuskorligi va kitobxonlikka qiziqishni qo‘llab-quvvatlashga qaratilgan ayrim amaliy ishlar mavjudligi qayd etildi. Shu bilan birga, hujjatlarni rasmiylashtirishda uchragan ayrim kamchiliklarni bartaraf etish, davlat tilida ish yuritish sifatini yanada oshirish hamda kitobxonlik muhitini izchil rivojlantirish yuzasidan tegishli tavsiyalar berildi.

🫥 Yakunda ushbu yo‘nalishlardagi ishlarni tizimli, sifatli va davomiy olib borish, ijobiy tajribalarni kengaytirish hamda hamkorlikni yanada kuchaytirish bo‘yicha kelishib olindi.

✅Maqsad — mavjud ijobiy muhitni yanada mustahkamlash, davlat tilida ish yuritish madaniyatini yuksaltirish va kitobxonlikni jamoa hayotining uzviy qismiga aylantirish.