‏يابو ضحكةٍ ماتعترف في وطن وحدود
‏ تمر القلوب الصادقه دون تأشيره

‏وانا واحدٍ قلبه نظيفٍ وعِرفه زود
‏مهو بـ لاحقك شرّه إذا ما الحقك خيره

‏يشوف السنين اللي معك هي عمر و وجود
‏" وباقي السنين اللي بليّاك تقزيره

‏جعل وجهك أبيض من كثر ما يديك تْجود
‏يا ويش الشعور اللي معي منك تأثيره .

‏لو دارت الأيام ضدي و ضدك
‏باب السلام من بيننا لا تسدّه

امشي على هوني وانا هامتي فوق
‏وغيري يلاحق خطوتي ما وصل لي .

ودّي أضحك من بعد طول المعاتب والتمادي
‏ضحكة اللي يضحك من أدناة حاجه من حفيده

‏أنا خايف على قلبي إذا بتلطخه ألوان
‏ وأنا أبيض ولا أرضى لقلبي غير ألواني

‏علّمته إنّي لا تضايقت ما أنام
‏وللحين وأنا الي على حد علمه

‏رحنا .. وعلّمني مع مر الأيّام
‏الي مقاسمتهْ من سنين حلمه

‏أحيان " كلمه " تبني آمال وأحلام
‏وأحيان تهدم ما بنيناه " كلمه " ..

‏" يكفيني رحلت ولا حصل منّي خطا وقصور
وأنا حتى وداعي فيه بصمه تثبت أخلاقي "

لو إني بفرقا الخلّ متنبي
من قبلها كان اعلن التوبه

المحبة والغلا شيء من رب الأنام
ماتجي بـ القوة الضاربة والصامله

والمعاتب له ضريبة فعل ولا كلام
شامله للدمعه . . وللمفارق شامله

لا تعاتب من تحبه على قل الاهتمام
العتب مابعده الا اهتمام مجامله .

طبعي اجنّب عن الناس واصد
‏لا شفت مالا يستحق اهتمامي

‏في ذمتي ماهو بمعجزني الرد
‏انا اعتبر صمتي جزء من كلامي

‏لكن عندي كل حاجه لها حد
‏قبل توصل هيبتي واحترامي

‏صدّي عن اللي مايبادلني الود
‏شيمه لنفسي واحترام لمقامي

هذا نصيبي مع الايام من صغري
‏احيان اقوى الحزن واحيان ما اقوى

‏لوتدري الناس ويش اشيل في صدري
‏ماعاتبتني على شغلات ماتسوى .

عِدّني من ضمن الأحباب والا عَدّني

والله ان عيني تحبك وقلبي مشتريك
‏واني حاولت احتفظ فيك قدر المستطاع

‏مدري اضحك مْن الحظ ولا ابكي عليك
‏انت حلمٍ حال دونه ردا حظي وضاعَ

الحبايب والهقاوي والزمن وسنينه
‏بينه صدماتها وظروفها في شكلي

‏لا تحسب ايام عمري كل ابوها زينه
‏مرةٍ تضحك علي ومرةٍ تضحك لي .

يالله برزقٍ أسرع من الهوى الطلق
‏من كثر بركته أشوفه بغيري ".

وانت تدري كل ما تحتاجني تلقاني
‏يشهد الله عنك ما تقدر تشح إيديه

تبين الحقيقه يا بعد كل من حبيت...
علي الحرام. مايستاهل الحب غير انتي

‏يا شين الشعور اللي ما يشرحه وزن و قاف
‏ما تشرحه غير الدمعه اللي من أعماقي

‏يمرّ الكلام اللي من الشامت الجحّاف
‏مرور الخريف اللي معه تسقط أوراقي

‏يبي يكسر المجداف ؟ من قال لي مجداف !
‏أنا لي سنه يا دوب يشيلني ساقي

‏و بعد ما نطق في تالي الليله إسمي حاف
‏عرفت إنّه العربون في ليلة فراقي

سافري من دون تلويحة وداع
‏سافري وانسي الوداع وفكرته

‏الشجاع اللي تخبرينه شجاع
‏في وداعك ما تشيله ركبته..

لا تخلوني لحالي لو طلبت اجلس وحيد
‏والله اني من هواجيسي بدا ينشف دمي

‏سولفوا لي وأطربوني واجذبوني للجديد
‏وان لمحتوا دمع عيني كلكم صيروا عمْي