عمر العنب .. ماشال هم العناقيد
‏ولا درت عن ضيقة الأرض .. غيمه

‏ولا شكى كثر الوطى واسـع البيد
‏ولا جرح وجهه الحيا قِـل شيمه

‏العقل نعمة .. والقناعات تجديد
‏وأفكارنا ماهيب دايم .. حكيمه

‏بعض الوضوح أحيان يحتاج تعقيد
‏لأن الحياة أصلاً مـا هي مستقيمه

قعدت اتذكر يا سـعد ربعنا الغيّاب
‏وانا داري ان مامر الاول وطى التالي

‏لو احاول انسى مامضى وادرك الاسباب
‏انا شايف ان القلب ماهوب متشالي

‏واسامر سواد الليل ونجومه السكاب
‏واسولف على نفسي وانا فالخلا الخالي

‏هواجيس قلبي بالدقيقة تجيها اسراب
‏وانا مابكيت الماضي الا من هبالي

على سور دارك صرت أشوف الورود أشواك
‏ولا عاد جيّاتي عليها ، تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني

ماتلحق الشكه بنات الرياجيل
‏لو الزمـان و كل شيء يتغيّر

‏مثل النجوم المرقبه فوق بالحيل
‏تنشاف لكـن من بغاها تـحيّر

‏المحصنات المترفات القناديل
‏ماهم جلايب سـوق طب و تخيّر

‏بنت الشرف ماتقبل الهون و الميل
‏ولا تقبـل ابوهـا و أخوهـا يعيّـر

من بغى دربك سأل عنه ودله
ما يرد المهتوي صعبٍ وغالي

صعدت للعليا وحدتني ظروف ،
‏وحولت من راس الطويله للسما !

قالوا معاليق قلبك منه "مسروقة"
‏قلنا خذتها "الضحى والناس واعيني"

"جاني بلاي اللي يجيني كل يومين وثلاث
‏اضيق من نفسي واسج من الاوادم كلها"

لك الجناب السمح والمنطق الزين
‏حتى ولو إن نفسيتي لك عليها

أنا اتقيد في قوانين واسلوم
‏واجامل الصاحب واخفف ثقيله

‏عندي خفايف زلته تنتهي بيوم
‏ما انشر دعايتها لمومي شليله

وش لزومي في مفاهيم البشر مخطي وصايب
‏العقول مقسمة و العاقل بعقله تقدّا

‏أستميل لـ عزلتي وأبعد ولا عندي سبايب
‏غير حبي للهدوء إللي عن اللجة مبدّا "

في كل " عادي " قلتها قلب موجوع !
‏ابي من احساس العتاب .. السلامة

‏يا ما ابتسمت وفي طرف عيني دموع
‏ ويا ما بكيت و في شفاي ابتسامة

‏كل ما أجي افتح مع الجرح موضوع
‏ ينزف من اللهفة و يبدا .. خصامه

‏لو كل صوتٍ جرّه القلب مسموع
‏ماكان عدّت من جفانا غمامة

"مرحبا يا ذنبي اللي ماكنّه من الذنوب
ماني بـ قايل لدرب الهدايه ودّني

والله إن قلبك مبدّا على كل القلوب
مثل ما بدّيت قلبك عليهم بدّني

محدٍ قد ضدّني فالمعارك والحروب
بس مدري كيف سلهام عينك ضدّني

خاطرك يستاهل أرضيه لو تزعل شعوب
والله إن أرضيه لو الزمان يحدّني .."

اتقهوى العز و الرأس مدهاله
‏في مدارات النجوم السماويه

جيت بين الضلوع الخاليه وأعتليت
ضلعٍ يرحبّ فيك وضلعٍ يهلي
‏

.