لاتعوّد ذكرياتك على شخص و مكان
‏وكل حاجه ترتبط بالمحبّه كبّها

‏لا تبالغ فالتعلق ترى طبع الزمان
‏يسرق الحاجه على قدر ما أنت تحبّها .

😔

‏من مد لي طيبة على نص فنجال
‏مديت له من صادق الطيب دله .

‏مابين الصعب و مابين الخوف و التجريب
‏أحاول ما أميل بيوم ولا تتشرد أفكاري

‏أمر بمرحلة صح أو خطأ ،أو صدق أو تكذيب
‏كأني تايه في شيء و لاني عارف أقداري

‏أنا يارب مادري وش اللي ينكتب بالغيب
‏لكن رحمتك أكبر من اللي انا فيه داري

‏«قال أنت جالس لحالك تنتظر من يجيك
‏قلت أنتظر نفسي .. اللي ما أعرف وينها»

‏خيّبوا ظنّك هل الضعف يا راس المديح
‏أنت كبّرت الهقاوي .. فـ خلّك قدها

‏كان غرّتك الهواين !.. وقوّمت الطريح
‏الهواين .. حتى حيّز فراغ يسدّها

‏لنَ ترى معادن الناس بالشكل الصحيح
‏لين تبلغ ، مجريات الظروف آشدّها

‏كان تبغى تعيش ، باقي حياتك مستريح
‏خلّ عنك ( الطيبة الزايدة عن حدّها )

‏جعل وجهي أبيض من كثر ما يديني تجود
‏وأمر القلوب الصافية دون لفة وتأشيرها

‏الوقت ساومني على راحتي لين
‏قررت اثمن راحتي واشتريها

‏ اثر الدقايق بعضها تاخذ سنين
‏لين نتجاوز كل ما صار فيها

‏ اقسى شعور يراود القلب والعين
‏يوم انتذكر حاجةٍ ما نبيها

‏المستريح اللي جمع بين ثنتين
‏صدر ٍوسيع وذاكره لك عليها

‏أحس الصمت بعض أحيـان يشرحني
‏و أسمع منّه أحياناً .. كثير أجراس

‏تدلني ، توعيني ، تحذرني ، تنبهني
‏تقوي البأس قبل أطيح بـ اللا بأس

‏أحاسيسي في كل الأحيان تذهلني
‏و بعض الأحيان ودي أني بدون إحساس

‏أعرف الناس ، كثر ما الناس تجهلني
‏و هذا اللي وقف بيني و بين الناس

‏«يقدّيني ضميرٍ حي وقلبٍ يجسر الصعبات
‏يكفيني لو إني بس أنا من يكسب إعجابي»

لك في مقامات الغلا دار وقصور
ومايسكن قصور الغَلا غير غااليّ ❣️

أستميل لعزلتي وأبعد ولا عندي سبايب
‏غير حبي للهدوء .. اللي عن اللجّة مبدّا

في مجريات الحياة العقل دربه دليل
‏اسرافك الزايد بطيبك بلا فايده

‏حاول تجي معتدل ويصير مالك مثيل
‏ما ينكب الطيّب الا الطيبه الزايده

‏كل ما جيت أتخلص من علامات اضطرابي
‏ما قدرت ازيّف الواقع ، واصد مْن الحقيقة

الشهر عليكم مُبارك ..🤍

‏والله ما منك " لا مفرّ ولا نجاه "
‏معكْ الضمير يسوق عمره لـ اللّحد

‏أنت الدعاء اللي تخشه في الصلاه
‏و تستودعه يومياً .. الواحد الأحد

‏غيّرت في عيني " مفاهيم الحياه "
‏حتى التناقض لجل يرضيك أتّحد

‏أسمي هو أسمي لا دعاه اللي دعاه
‏و أسمي بصوتك ما بعد قاله أحد

‏هو خنجره راعي مكان ويديه "تمون"
‏يقوم ايتخيّر بين ضلعي وشرياني

‏عذابي من الدنيا خذيت أوله عربون
‏وعذاب القبر والاخره مابعد جاني

‏لكن رحمة الله واسعة والحياة ديون
‏ماتعطي البنادم ضحكة السن مجاني

‏لا شحت علي بشوف غالي! وش المليون
‏لو يدبلونه عشر مرات مـا اغناني

اللهم سخر لـ موتانا أدعية متواصلة لا تنقطع وارحمهم برحمتك الواسعه، اللهم هب لهم من أجرك ما لا يحصى ومن غفرانك عفوًا لا يفنى اللهم اجعلهم من أهل جنة النعيم يا أكرم الأكرمين🍃

‏الليالي مالها وجهٍ — ضحوك و مسفهلّي
‏ غير لا منّه بدا لي خدك اللي فيه شامه !

فيك النوادر من قصيـد الجزالّـة
‏ يا مصوّر الابداع في قفر الأبيات

‏ماشبرت القاع مجهول .. الهويه
‏لي وجود ولي جدود ولي عزاوي .