رسميا تمديد آجال تحميل الملفات عبر منصة عدل 3 لمدة 20 يوم إبتداءا من السبت.

تتصور ان هذه المقاطع لم تحتاج لتصوير ولا ممثلين ولا شيء من ذا القبيل لكن فقط اشتراك في خدمة veo 3 من غوغل والقليل من المدخلات prompt والفيديو امامك وتقدر عادي تفتح موقع مثل X وتشوف الناس وش راهي تبدع بهذا النموذج، وانعم للناس لي تسأل الصوت ايضا من عندهم مباشرة يعني فيديو تديه متكامل.

مازالت تصدق حاجة على انترنت!

واش رايكم في الفيديو وهل يمكن ان تصدق فيديو اليوم !

كيفاش تتعلم الإنجليزية أو أي لغة أخرى عبر الإنترنت؟ 🌍📚

✅ استعمل تطبيقات تعليم اللغات:
كيما Duolingo وBabbel. تطبيقات تنظم لك التعلم خطوة بخطوة وتساعدك تبدأ من الصفر.

✅ شارك في مجتمعات تعلم اللغات:
كاين مجموعات على مواقع التواصل وين الناس تتناقش وتتعلم مع بعض، كيما مجموعات الفيسبوك ولا تليغرام.

✅ تعامل مع أستاذ لغة أونلاين:
تقدر تلقى أساتذة محترفين يعلموك عبر مكالمات فيديو أو صوت، ويصححولك الأخطاء مباشرة.

✅ استفد من المحتوى المتوفر بالإنترنت:
اقرأ مقالات، شاهد فيديوهات، وسمع بودكاست باللغة اللي حاب تتعلمها، كيما قنوات اليوتيوب الخاصة بالتعلم.

❌ النصيحة الذهبية:
التعلم يحتاج استمرارية، خذ وقتك وركز على تطبيق اللي تعلمتو يومياً حتى تحصل على نتائج ملموسة!

وش هي طريقتكم المفضلة لتعلم اللغات؟ 👇

بزاف ناس راهم حاصلين مع المذكرات وبلاك كاين لي راه يعاني من مشاكل تقنية ولا مشاكل مع وورد ولا Excel
خلينا نتعاونوا وجاوبوا على اكبر قدر من المشاكل 🔥❤️

كنا نشرنا على هذه الحلقة وشفت التفاعل معها، وين اتفق الجميع على روعتها وعلى الجمال لي كان فيها.

الإعلام لما يكون في احلى صورة ليه نشوفوا مثل هكذا حوارات وين الدور هو إبراز نماذج جميل من المجتمع الجزائري لكل الشباب.

بعيدا عن موضوع الحلقة الأستاذ نور الدين واحد من الشخصيات لي تستاهل انها تكرم وتبرز في المجتمع فهو واحد من الشخصيات الملهمة التي استغلت الإنترنت لإيصال علمها ومساعدة الكثير من الشباب خاصة في البكالوريا.

شكرا أستاذ نور الدين على كل المقاطع التي نشرت وعلى الروح التي تركت في المحتوى الجزائري والشكر للإعلامي يوسف زعبة على هذه النماذج والحوارات الراقية.

واش عجبك في الحلقة!

📚 أدوات لا يستغني عليها كل باحث أو طالب

حاب تلقى كتب بصيغة PDF مجانًا؟
وحاب تحوّل بين PDF وWord بسهولة؟ جمعنا ليك أفضل المواقع:

✅ موقع تحميل الكتب:
• ⁦kolalkotob.com⁩
تلقى فيه مئات الكتب في كل المجالات وتقدر تنزلها مجانًا بصيغة PDF.

✅ مواقع تحويل PDF ↔ Word والعكس:
1. ⁦pdftoword.com⁩
2. ⁦ilovepdf.com/pdf_to_word⁩
3. ⁦pdf2doc.com⁩
4. ⁦smallpdf.com/ar/pdf-to-word⁩
5. ⁦pdf2go.com/ar/⁩
6. ⁦hipdf.com/pdf-to-word⁩

خلي الأدوات هذي عندك فالمفضلة، راح تسهّل عليك الحياة الدراسية والإدارية.

وش من موقع تستعمل منهم؟ زيد شاركنا إذا تعرف واحد أفضل!!

نصيحة سريعة للطلبة لي راهم يكتبو فالميموار!

راك مزال توثق المراجع يدويًا؟
خويا وقف تعبك!
استعمل Google Scholar وتهنّى.

✅ كيفاش تديرها؟
1. روح لموقع scholar.google.com
2. قلب على المرجع لي تحتاجه
3. تحت العنوان، تلقى زر Citation
4. كليكي عليه، يخرجلك المرجع بالأنماط المعروفة (APA، MLA، Chicago…)

📌 تنسخو كما راه وتلسقو فالميموار تاعك… ساهلة وبلا أخطاء!

واش كنت تعرف هاد الطريقة؟ ولا كنت ديما تخدم يدوي!؟

📢 تليجرام دخلت عالم الذكاء الاصطناعي بقوة!


⛔ حاليا متوفر فقط للناس لي عندها اشتراك في تليغرام ⛔

بافل دوروف أعلن شراكة مع إيلون ماسك لدمج مساعد Grok من xAI داخل تليجرام.

قريب تولي تقدر تهدر مع AI من داخل التطبيق بلا ما تروح لجهات أخرى 🤖

🔹 الصفقة فيها 300 مليون دولار لتليجرام.

🔹 ونص أرباح اشتراكات Grok لي تجي من المنصة راح تروح لتليجرام أيضًا

وش رأيكم؟

هل Grok يقدر ينافس ChatGPT؟

وهل تستعمل التليجرام؟ 👇

التعلم عبر الإنترنت المصطلح الكبير الذي لا يزال يتطور كل يوم عالميا، لكن نشهد ركود له جزائريا للعديد من الاسباب.

نقاش اليوم حول التعلم الذاتي عن طريق الانترنت بشكل عام . .

هل اخذت كورسات من قبل عبر الإنترنت . . . ؟

ماهي المواقع أو التطبيقات التي تستعملها للتعلم . . ؟

كيف كانت تجربتك مع التعلم الذاتي . . . ؟

ماهو اخر شيء تعلمته . . . ؟

🧠ثروة رقمية بين يديك!

منصة Thaka.io هي أكبر دليل عربي مجاني لتطبيقات الذكاء الاصطناعي ✅
📚 أكثر من 3000 موقع وتطبيق مصنّف ومترجم بالعربية!

🎯 تخدمك في التعليم، الصحة، التسويق، الفن، الترفيه… وأي مجال يخطر على بالك!
كل أداة تلقاها تخدمك باش تطور خدمتك، وتربح الوقت وتزيد الإنتاجية.

جربها وخلي الذكاء الاصطناعي يخدم معاك 👇
🔗 thaka.io

وش أكثر مجال تحب تلقى فيه أدوات ذكية

الـفرصة اليوم راهي في AI Agents متاتضيعهاش!

👌

تبدا من هنا

‏https://youtu.be/OhI005_aJkA?si=wKMHfHEmRzJOXwIq

زيد هذا

https://youtu.be/FwOTs4UxQS4?si=9zxacWmRUM75ZDxm

زيد روح لهذا

‏https://youtu.be/w0H1-b044KY

ونختمو ب 10 ساعات كاملة

‏https://www.youtube.com/live/61x7tSXImdI?si=ik7XOL0SmaCC-0r

إذا كنت تبحث عن أداة مميزة لتعديل وترجمة مقاطع الفيديو، فإن Type Studio هي الحل الأمثل!

🔹 ما الذي تقدمه الأداة؟

ترجمة الفيديوهات بسهولة إلى لغات متعددة.

إضافة عناوين ومقدمة احترافية لمقاطعك.

خدمات تحرير النصوص وإظهارها مباشرة على الفيديو.

إمكانية تحميل الفيديو بعد الترجمة أو تنزيل ملف الترجمة فقط.


💡 المميزات:

تجربة مجانية لاكتشاف قدرات الأداة.

واجهة سهلة الاستخدام تناسب المبتدئين والمحترفين.
Typestudio.co

كيفاه تقدر تهف العالم وتخدم شركة توصل لتقيم 1.5 مليار دولار !!

هذه هي حكاية builder Ai

أنا مزال مافهمتش حاجة! يعني دورك حكينا على Veo 3 ونموذج الذكاء الاصطناعي وإنتاج الفيديوهات وناس كثيرة جرباتوا يعني من باب تجريب حاجة جديدة!

لكن انو تستعملوا بالكلام الفاحش وتطياح الكلام علاه! يعني في ايام مباركة وفي شهر فضيل كيما ذي حجة علاه عليك كل السيئات هدي!

يعني لازم نحكموا حاجة نخسروها ونبسلوها! والمشكل ان المقاطع هذي نعرفوا كامل انها تروح فيرال يعني أتصور شحال التأثير راك ديروا!

يعني عادي مقاطع تع ضحك وانتشرت وقصرة عادي لكن هدو الامور هيب نشوفوها من ناس زعما تدعي انها تستعمل تقنية ومثقفة شويا!

موضوع مهم بزاف 👌

واش هي درونات FPV؟ وعلاه راهي حديث الساعة، خاصة بعد الهجمات الأوكرانية على المطارات الروسية؟

درونات FPV هي نوع خاص من الدرونات. كلمة FPV معناها "First Person View" أي "الرؤية من منظور الشخص الأول". هذا يعني أنك تشوف مباشرة واش تشوف الدرون عبر نظارات خاصة أو شاشة، وكأنك راكب معاها.

🔹 فيما تستعمل؟
♦️ سباقات السرعة.
♦️ التصوير السينمائي (شفناها بزاف في أفلام ومسلسلات ومباريات رياضية).
♦️ الإعلانات، والمباشر التلفزيوني.
♦️ ومؤخرًا في الاستعمالات العسكرية كما شفنا في أوكرانيا.

🔹 وش لازم لها؟
هذا النوع من الدرونات يحتاج شخص متمكن، لأنه سهل يتحطم، وغالي شوية.
في الجزائر، شفناها في تغطيات مثل تصوير "جامع الجزائر"، و"ملعب تيزي وزو"، ومرات على التلفزيون الرسمي.

🔹 التركيب والسعر؟
تركيبها مش صعب وما يتطلبش عبقرية. أسعارها تبدأ من 300 دولار وتوصل حتى 800 دولار حسب الجودة، أما السينمائية الكبيرة توصل حتى 3000 دولار وأكثر.

🔹 الخطورة؟
درونات FPV خطيرة في الاستعمال العسكري:

♦️ سرعتها كبيرة، توصل حتى 300 كلم/سا.
♦️ حجمها صغير وصعب تكتشفها أو تقنصها.
♦️ تتحرك بسرعة كبيرة من مكان لمكان.

🔹 كاين وسائل دفاع، مثل:
♦️ رادارات ومسدسات تشوش على الاتصال.
♦️ أنظمة مثل NASAMS وKORKUT.
♦️ صواريخ مخصصة لإسقاط هذا النوع.

لكن، فعاليتها ماشي 100% لأن الدرون سريعة وصغيرة.

🔍 كيفاش تخدم FPV درون؟
تستعمل نظام RF (Radio Frequency)، يعني اتصال لاسلكي:
1. بين الكاميرا والنظارات (VTX)

2. بين الدرون وجهاز التحكم (RC Link)
الصور والفيديوات تجي مباشرة للنظارات، والتحكم يتم عبر الترددات. ومن هنا تفهم كيف استعملوها في أوكرانيا بذكاء!

💡 كيف يتفادو وسائل الدفاع؟
كاين فكرة جديدة: استعمال Fibre Optique 🤯 يتم ربط الدرون بسلك رقيق وطويل من الفايبر:

✅ ما يبانش من بعيد.
✅ يعطي جودة اتصال عالية.
✅ يوصل حتى 25 كلم وأكثر.

والميزة؟ ما يستعملش موجات، يعني الرادارات وأجهزة التشويش ما تنفعش. والمشكل هو: وقت تكتشف الدرون، تكون تقريبًا نفذت المهمة!

📡 أنظمة الاتصال في الدرونات FPV:

1. الـ VTX (Video Transmission): لنقل الصورة من الكاميرا للنظارات
♦️ أبرز الشركات: DJI (DJI Air Unit)، و Caddx FPV

2. الـ RC Link (Radio Control): للتحكم في الطيران
♦️مثال: Crossfire من Team BlackSheep، وغيرها

✅ الخلاصة:
درونات FPV مش مجرد لعب، راهي اليوم في قلب التقنية الحديثة سواء في السباق، التصوير أو حتى الحرب. فهم كيف تشتغل يساعدنا نعرف وين رايح العالم وكيفاش نتعامل معاه.

المنشور من إعداد MansourZER المختص في FPV.

عيدكم مبارك العائلة 💙👌

أداة رائعة للذكاء الاصطناعي توفر لك ميزات مذهلة مجانًا: 🎉

✨ ماذا يمكنك القيام به؟
• محادثات ذكية
• إنشاء صور احترافية
• تصميم مقاطع فيديو مميزة
• إبداع مقاطع موسيقية فريدة

💡 كل هذا مجانًا باستخدام تقنية الذكاء الاصطناعي!

🌐 رابط الأداة:
🔗 deepai.org ✅

🌹 استمتع بالتجربة وابدأ الإبداع الآن! 🌹