ما تسكتش كي تشوف حاجة غلط!

اليوم رانا في 2025، وثقافة التبليغ ماشي عيب، بالعكس راهي مسؤولية جماعية.
أي تصرف مخالف، نصب، تحريض، تهديد، استغلال… كي تشوفو، بادر بالتبليغ! ما تقولش: “ماشي شغلي” ولا “ما يتبدل والو”.

✅ تقدر تبعث للشرطة أو الدرك على الصفحات الرسمية تاعهم.
✅ زيد دليل: رابط، سكرين، فيديو… أي حاجة تعاونهم.
✅ خمم بلي تصرفك يقدر يحمي ناس آخرين.

شوف هاذ الصورة كمثال: المواطن بلغ، وراه تم توقيف الشخص.
تحية للسلطات، بصح التحية الكبيرة ليك انتَ لي ما سكتش.

السكوت عن الخطأ، مشاركة فيه.
وما تنساش، بلادنا تتحسن بوعينا وبمواقفنا

⸻

🎙️ ما تبقاش تكتب ملاحظاتك يدويًا!

كاين أداة خطيرة اسمها notesGPT، وتدعم اللغة العربية بدقّة عالية!

واش تقدر تدير بيها؟

🔹 تسجّل ملاحظة بالصوت
🔹 يتحول الصوت لنص أوتوماتيكياً
🔹 تتلخّص الملاحظة في ثواني
🔹 وتتحول لمهام منظمة!

يعني تقدر:
• تخدم دراستك ولا خدمتك بكفاءة
• ترتّب أفكارك بسرعة
• وتفهم خلاصات الاجتماعات أو المحاضرات في دقائق فقط

📍 مجانية وسهلة الاستعمال:
⁦➡️ usenotesgpt.com

جربها ووفّر وقتك!

السوق الجزائري أصبحت تستقطب العديد من العلامات التجارية، ربما آخرها هو الحديث عن اقتراب دخول شركة Vivoالعملاقة بشكل رسمي للجزائر بتشكيلة متنوعة من الهواتف، تفاصيل اكثر وموعد توفر المنتجات
الايام القادمة…هل تعرف العلامة من قبل ؟ وهل جربت منتجاتها !؟

كاين مواقع لو تحفّظها اليوم، راح تشكرك روحك غدوة!
خليها عندك، والله غير تفيدك عاجلاً ولا آجلاً:

1️⃣ mutaz.com
تحميل البرامج المجانية بدون مشاكل حقوق، سيرفرات سريعة، كلشي نظيف.

2️⃣ factslides.com
موقع حقائق ممتعة وسريعة في كل المجالات، تقرأ وتستمتع وتفيد مخّك.

3️⃣ giveawayoftheday.com
برامج مدفوعة مجانية مؤقتاً، قانوني وآمن 100%.

4️⃣ virustotal.com
افحص أي ملف تشك فيه بـ أكثر من 70 برنامج حماية في نفس الوقت.

5️⃣ photopea.com
فوتوشوب أونلاين، نفس الواجهة والأدوات، بلا ما تثبّت حتى برنامج.

6️⃣ dictation.io
حول الكلام إلى نص بسهولة، ويدعم العربية بدقة ممتازة.

7️⃣ sosav.fr
دروس مصورة لإصلاح الأجهزة الإلكترونية خطوة بخطوة، حتى يعطيك الأدوات اللازمة!

8️⃣ zamzar.com
حوّل أي صيغة لأي ملف (فيديو، صور، صوت…) أونلاين وبسرعة.

9️⃣ musclewiki.com
خير العضلة، وهو يعطيك كل التمارين بالفيديو والصور.

🔟 dribbble.com
جنة المصممين! أفكار، إلهام، وآخر صيحات التصميم العالمي

2 مليون أسرة تم ربطها بخدمة #Ftth علاه هذه الخدمة لازم تكون في كل بيت وماهو اثرها على بيئة الأعمال في الجزائر، خبراء وصناع محتوى يجيبوننا 👌

🚫⚠️ تحذير!
واش حكاية 27 ماي وحكاية بيانات فايسبوك و Meta Ai والدراما الكبيرة لي راهي مع موضوع هذا.
توضيح مهم جدا.

كثروا المهابل، أرواح تتعلم كيفاش دير مليار في سمانة 🤑🫡

كثروا المهابل، أرواح تتعلم كيفاش دير مليار في سمانة 🤑🫡

إذا كنت طالب، باحث، أو شخص دايما مستعجل وتحب تستفيد بسرعة، هاذ الموقع راح يكون مساعدك المثالي:

موقع: Notegpt.io

الميزات:
• يقوم بتفريغ محتوى فيديوهات اليوتيوب وتحويله إلى نصوص مختصرة بجودة عالية.
• يلخص اي ملف PDF و يحوله لنص صغير يحتوي فقط على زبدة الموضوع.
• مثالي لتوفير الوقت وفهم النقاط الأساسية بدون مشاهدة الفيديو كامل.
• مناسب للطلاب، الباحثين، وصناع المحتوى.

🖱️ بضغطة زر: تحصل على الفائدة مباشرة!
📌 السؤال: واش رأيكم؟ هل تشوفوها فكرة عملية؟ 💭

في الكثير من الاحيان تسابقك كلماتك للخروج، ليس هربا لكن ربما لتخفف عنك الآلم وجحيم التفكير! نعم ليس كل مانفكر به نكتبه لكن يجب ان يخرج القليل في بعض الاحيان.

تعلمنا منذ الصغر ان الاسلام يجمعنا واننا امة واحدة لما يشكو عضو من هنا يتداعى له كل الجسم لكن واقعنا اليوم هو الخذلان والقهر، يكفي ان تفتح قناة ما او حساب اخباري، لترى حجم الكارثة التي تمر بإخوننا في غزة وكيف ان الواقع مؤلم مليون مرة من تلك الأيام التي كنا نتابع آلامهم وننشر عنهم كل يوم، اليوم فيدوهات صادمة لمجاعة ومجاـzـر سيذكرها التاريخ يوما ما كأبشع مافعله البشر لكن اتعلم ماذا سيكتب ابشع من كل هذا ؟

السكوت والخذلان الذي تعيشه الأمة، وربما سيكتب التاريخ في مزابله كيف صمتنا جميعا وتناسينا وكأن الأمر لا يعنينا، هي لحظات صدق يجب انً نواجه انفسنا بها.

إذا كنت تبحث عن الحل عند صاحب هذه الكلمات فخليني نقولك حتى هو ماعندوش الحل، انا راني نحاول نفكر نفسي في كل فترة ونحاول نتبرع بلي نقدر، نقاطع واش نشوفوا قدامي، ونكتب عنهم ونذكر إخواني، وربما هو مايجب ان يفعله كل شخص فينا.

المهم اصعب شعور في الدنيا هي انك تكتب ومقنوط بكل مايحدث وتزيد تلقى اليد قصيرة المهم فيها خير وكلش عن الله عز وجل.

كتبها لك شاب ذات مساء بكل ألم.

بعدما قلنالكم بلي شركة vivo داخلة بمنتجات داخل السوق الجزائري! براند عالمي معروف في أكثر من 60 دولة، واليوم راهي متوفرة عندنا بمجموعة من الهواتف بمواصفات قوية وأسعار تنافسية.

ومن بين الموديلات المتوفرة حالياً:

⸻
vivo V50 الـ

• شاشة AMOLED كبيرة بحجم 6.77 إنش
• معالج Snapdragon 7 Gen 3
• الكاميرا الخلفية:
• عدسة رئيسية بدقة 50 ميغابكسل مع تثبيت بصري (OIS)
• عدسة واسعة جدًا بدقة 50 ميغابكسل بزاوية رؤية 119.4°
• عدسة أمامية بدقة 50 ميغابكسل بزاوية رؤية 90°
• تدعم تأثيرات Zeiss Portrait مثل Biotar وDistagon وPlanar وSonnar
• بطارية 6000mA مع شحن سريع 90W
• تصميم فخم وزجاجي
• يدعم 5G

⸻
اللي راه بقوة فالسوق vivo Y29

• شاشة كبيرة بحجم 6.68 إنش بتحديث 120Hz
• معالج Snapdragon 685
• كاميرا 50MP خلفية + 8MP أمامية
• بطارية 6500mAh
• شحن سريع 44W
• سعة8Go RAM + 128/256Go ROM
• سعر مناسب جداً للميزانية المتوسطة

⸻

vivo راهي بدات بقوة، والأسواق فيها المخزون متوفر

تحب تحسّن النطق تاعك فالإنجليزية؟

راهو كاين موقع 🔥 يساعدك تتعلم كيفاه تنطق أي كلمة بشكل صحيح، وبطريقة واقعية!

📌 Youglish.com
ما عليك غير تكتب الكلمة، والموقع يمدلك مئات المقاطع من يوتيوب وين الناس ينطقوها في سياق حقيقي.

✅ تتعلم من ناس ناطقين أصليين
✅ تنوّع في اللهجات (بريطانية، أمريكية، أسترالية…)
✅ تخدم من تليفونك ولا من البيسي

جربو وقولي واش رايك

جبنالكم عدة فرص عمل و في مجالات مختلفة بشركة خاصة بالجزائر العاصمة
كل التفاصيل تجدونها في ٱخر منشور لنا على اللينكد ان
https://www.linkedin.com/company/1001tech/
طاقيو المهتمين و بالتوفيق للجميع

تكلمنا ان Vivo تستهدف السوق الجزائرية بقوة وتعمل على جلب كل هواتفها للسوق الجزائري، وتقدر تقول حاليا راهم في مرحلة دراسة السوق لتوفير أهم الهواتف التي تتناسب مع السوق 🇩🇿

واحد من الهواتف لي عندها حضور في السوق حاليا وتقدم معادلة سعر مقابل قيمة الـ Vivo Y29 📱 مواصفات محترمة وللفئة المستهدفة كاف لإستخدامها اليومي.

✅ أبرز المواصفات:
📱 شاشة 6.68” IPS LCD بتردد 120Hz سلاسة فالحركة، إضاءة توصل حتى 1000nits… تشوف مرتاح فالدار ولا فالخارج تحت ضوء الشمس.

📱 التصميم أنيق خاصة في الفئة ديالوا وين يقدم تجربة إستخدام تبان اكبر من فئته السعرية.

📱 بطارية 6500mAh الأكبر في هذه الفئة، تستعملو بشكل مكثف ويكملك نهار كامل براحة، (انا اول تجربة متوسطة شدلي تقريبا يومين) وزيد شحن 44W يعني تشحن 50% فـ 41 دقيقة – 100% فـ حوالي ساعة ونص 🔋⚡

📱 معالج Snapdragon 685 (6nm) ثماني النواة محققا تقريبا 349440 على منصة AnTuTu، سواء في التطبيقات ولا الألعاب الخفيفة، يعطيك كامل وش لازم.

📱 كاميرا خلفية مزدوجة 50MP + 2MP في الإضاءة المناسبة تمدلك واش لازم، ليست الأفضل في هذه الفئة السعرية لكن تؤدي الغرض. (في أول تعليق كاين صورة من الهاتف)

📱 كاميرا سيلفي 8MP، التفاصيل جيدة في الاضاءة المناسبة.

📱 نظام Android 15 مع واجهة Funtouch 15 آخر إصدار، خفيف وفيه مميزات جديدة، منهم "Circle to Search" 🔎 وتقدر دير تخصيص بزاف عليها.

📱 مقاوم لرذاذ الماء والغبار بمعيار IP64

📱 عندنا قارئ بصمة جانبي..

📱 الصوت بجودة Hi-Res 🔊 سماعتين (Stereo) وصوت نقي، لكن ماكانش جاك 3.5مم.

📱 للناس لي تحب منفذ أشعة تحت الحمراء (Infrared) خاصة للناس لي تحب تقلب الهاتف كجهاز تحكم.

📱 دعم microSD (في نفس منفذ الشريحة)

السعر تاعو راه بين 32 و 35 مايفوتش 35

⚠️ أمور يجب أن تتحسّن❗️
📌 الشاشة مازالت HD+، يعني مش حادة بزاف.
📌 التخزين من نوع eMMC 5.1 – ليس الأسرع
📌 يبقى غير مناسب لتحب تلعب بزاف، لانو كاين هواتف تنافس في هذه النقطة.

🔚 الخلاصة:
الـ Vivo Y29 ليس فلاجشيب، بصح فيه كلش تحتاجو وأكثر. شاشة كبيرة، بطارية تقاوم، نظام حديث، وصوت بجودة عالية. مناسب بزاف لناس حابة هاتف متكامل من دون ما تصرف بزاف.