شحال من مرة صراتلك، راك تتفرج فيديو ولا تيليشارجي في كاش عفسة مهمة، وفجأة يعيطلك كاش واحد، الكونيكسيون تتقطع وتبقى غير تستنى. هاد المشكل الكلاسيكي خلاصت حكايتو الان مع الإطلاق الرسمي لخدمة VoLTE في الجزائر من عند المتعامل جازي.
مور الخبر الحصري لي حطيناه، بزاف منكم سقساونا واش هي هاد التقنية. باختصار وبلا مصطلحات معقدة، هاد الخدمة تخليك دير مكالماتك مباشرة على شبكة 4G، في بلاصة ما يهبط التليفون اوتوماتيكيا للجيل الثالث كيما كان يصرا من قبل.
هاد التطور راح يبدلك طريقة استعمالك للتليفون في 3 حوايج اساسية:
✅ الاولى الكونيكسيون ماتروحش: شبكة 4G ماراحش تتقطع كي تكون تهدر، وتقدر تتصفح وتكونيكتي ولا تبعت تصاور في نفس الوقت عادي جدا.
✅ الثانية جودة الصوت: المكالمات تولي نقية وواضحة بزاف.
✅ الثالثة سرعة الاتصال: التليفون يصوني عند الشخص لي عيطتلو في رمشة عين.
باش تستفاد من هاد الخدمة، لازم برك التليفون تاعك يكون يدعمها، و تدخل لاعدادات الشبكة وتفعل خيار مكالمات الجيل الرابع.
شاركونا في التعليقات واش من تليفون عندكم، وهل تاكتيفات عندكم الخدمة وبانت العلامة الفوق ولا مزال.

لسنوات ونحن نتكلم عن حقوقنا في الجزائر في المجالات التقنية المتنوعة ودائما كان هناك مجتمع الإنترنت يدعم والمطالب دائما ماكانت في مجالات مختلفة لكن ...

مؤخرا وليت نشوف عقلية "المكاين والو" في كل شيئ تقريبا:
✅ طلقوا الـ 5G = ❌ مكاين والو واش نديروها بيها ...
✅ تشجيع الدفع الإلكتروني = ❌ مكاين والو واش نديروها بيها ...
✅ طلقوا الـ VoLTE = ❌ مكاين والو واش نديروها بيها ...

وغيرها الكثير ...

وهي ساهلة، نحن صفحة تقنية ومدابينا اي حاجة تقنية راهي في العالم تكون في بلادنا ونحكيوا عليها وننتقدوا حتى تكون واقع ونحكيوا عليها وننتقدوا حتى تكون في أفضل حال، ومنه نتا تشوف حاجة ماتسحقاش ولا ماتفهمهاش عادي تقدر تجوز عليها وتخلي رايك عندك وشكرا.

تلفتلك مع VoLTE ومالقيتش شكون يفهمك !
مرحبا بيك …

اليوم تم الإطلاق الرسمي لتقنية VoLTE شرح بسيط للخدمة.

واشنو هي التقنية لي راك حاب تشوفها في الجزائر !؟

علابالي سمعتوا كامل بمصطلح KYC والإنسان دائما يخاف من حاجة مايعرفهاش!
هنا ببساطة مديتلك كامل وش لازم تعرف عليه!

ملخصك الأسبوعي لأهم الأحداث التقنية راه وصل 👌
الـ VoLTE رسميا في الجزائر و أمازون راح ترجع التوصيل في نصف ساعة

زعما نلحقوا ليها في 🇩🇿!؟

خممت في الأثر لي لازم تخليه في الدنيا هدي؟ ليوم جاز من عمرك 20 او 30 سنة وربما اكثر، لكن ماهو الأثر لي راك مخليه من ورائك، علم ينتفع به ام صدقة جارية او شيء من هدا القبيل خمم فيها مليح وخليها واحد من اهدافك في الحياة، وهنا ماتعقدهاش يقدر ربي فتح عليك في مجال معين ياخويا دير عهد مع نفسك انو كل عام تعلم زوج ولا 3 من الناس من المجال هداك وتخليهم يبداوا فيه وراح تشوف الأثر تع الشي هذا في حياتك، نهاركم مبروك 🫡

رسميا نفطال تطلق المنصة الرقمية الخاصة بطلب العجلات المطاطية، (علامة كونتينوتال) العملية تتم عبر المنصة بشكل كامل من إنشاء حساب، اختيار نوع العجلات، تحديد الموقع و تأكيد الطل، الدفع يتم حصرا ببطاقة بنكية او الذهبية.
المنصة سهلة الإستعمال والتسجيل فيها واضح (تحتاج لرقم تسجيل المركبة للتسجيل)

دائما لنا الشرف لنشر هكذا محتوى 👌

خلال فعاليات حدث DeepX، كان لنا لقاء مميز مع الدكتورة مليكة آيت بودريس، الأستاذة المساعدة في كلية الطب بجامعة هارفارد العريقة. الدكتورة مليكة تقود أبحاثا متقدمة كباحثة رئيسية، وتعمل على توظيف تقنيات الذكاء الاصطناعي لتحليل البيانات الجينية المعقدة وفهم كيفية تطور الأمراض. أهلا بك دكتورة.
تحدثنا عن التقنية والذكاء الاصطناعي في المجال الطبي.
مشاهدة ممتعة.
الجزء الاول.

هذه هي نصيحة الدكتورة مليكة آيد عيد الأستاذة المساعدة بجامعة هارفارد لطلبة الجزائر حول اضافة التكنولوجيا في حياتهم المهنية والأكاديمية.

نصيحة مهمة من كفاءة جزائرية تعرف تماما أهمية التكنولوجيا في عالم اليوم.

كطالب هل تستعمل التقنية في حياتك!

من هنا
https://www.facebook.com/share/p/1ENwHaWGmm/

إذا رسميا الجيل الخامس يتوفر في هواتف سامسونغ في الجزائر، لكل من وصله تحديث OneUI 8.5، التجربة كانت مع المتعامل جازي، وراهي تشتغل 💯

ونتا عندك لحقك التحديث وزيد شاركنا التجربة مع ذكر اسم المتعامل.

الجزائر تطلق برنامج 77.7 والبوابة الرقمية الموحدة، وغوغل تقلب موازين البحث والبرمجة، وMeta تطرد آلاف العمال باش تمول الذكاء الاصطناعي، وسامسونج تجيب رسميا 5G للجزائر.
حلقة Tech Feed هذا الأسبوع دسمة بزاف.
واش أكثر خبر شدك؟

النصيحة الصح راه لحق وقتها 👏
خاوتنا غدا العيد اخطونا من رسائل كوبي كولي لي فيهم 100 كلمة، لي اثلا معلابالكش وش فيها، ياخويا رسالة صوتية بسيطة مخصصة، اثرها يكون جميل وتدخل مباشرة القلب خير وخير.
وماتنساش صلة الأرحام اهبط للواقع ودير قاعدة اي إنسان كاين احتمال تتلاقاه، اتلاقاه خير من اتصال او رسالة، وسترى الفرق ❤️👌

عيدكم مبارك وكل عام وانتم بخير تقبل الله منا ومنكم صالح الأعمال ❤️

أجهزة للبيع :
- Panasonic Lumix S5 10/10, 8K clicks, 20-60 mm Lumix S lens, 6K video, Fullframe.

- En option : Lens Meike 1.2 50mm , Cartable Pro Caden etanche, Double battery Lumix, Charger Lumix , Continues Battery Charger, Streaming adapter , mini HDMI Ugreen , Extreme 128 Gb Sandisk, Flash Neweer NW 625.

----------

- Oculus Quest 2 VR avec Cartable transport META.

- Sennheiser MKE 600 avec support et pochette.

- DJI Mic 2 ( duo avec boite ).

- Carte son Focusrite 2i2 3 rd Gen.

- 2 x Mic SHURE SM57 + 2 A2WS + 2 support mic.

- Logitech MX Keys (Qwerty).

- Logitech MX Master 2S + 80 Mousepad

- 2 x Curved monitors Samsung C390 avec double support.

- Seagate 4 TB station external hard drive.

- Sandisk 1 Tera SSD Extreme slim.

- 16 Go RAM ( 2 x 8 ) DDR4 Samsung DDR4 SODIMM.

للاستفسار الاتصال 0775231968،
ممكن تشري حاجة ممكن تٱخد كلش مع بعض كيما حبيت.
شارك مع اصدقائك ممكن يهمهم.

بارح مع نهائي الأبطال لوكان تركز شويا راح تلاحظ واحد الظاهرة ولات بقوة في المقاهي وبين الشباب الجزائري!

تطبيقات الًقمار الإلكتروني؟ والأمور راهي قريب تخرج عن السيطرة بكل ما تحمله الكلمة من معنى!

شباب يحط مبالغ بجنون بحثا عن بعض الربح المنشود، وأنعم التطبيقات أصبحت اذكى تخليه يربح في الاولى والثانية وحتى في الثالثة بعدها تولي ادمان ولتم الخسارة الأكبر ولتم المصيبة الأكبر، وهنا الإنسان يخسر ويخسر وكاين قصص والله تبقى حاير ناس وني وصلت في الخسارة ولات تبيع من رزقها والله المستعان!

والمشكل انو جاية كأس العالم والتطبيقات هذي حرفيا راح تطغى وراح تستغل الحدث ونقولك بلاك ارباحها راح تكون اكبر من FIFA بحد ذاتها !

مهم مدابيا نسمع منكم وشنو الحل لي تشوفوه نديروا كاش حملة منعرف نحكيوا كامل عليها في وقت واحد ولا كاش حاجة تخلي ننقذوا كاش واحد من الشبيبة هدو !!!
لأنها إلى جانب ما تسببه من خسائر مادية فادحة تُعد من كبائر الذنوب و تتنافى مع قيمنا وأخلاقنا وثقافتنا.

زعما صح عندنا Data Center في الجزائر؟ 🤔

اليوم درنا زيارة ميدانية لمركز بيانات شركة Icosnet الجزائرية باش نجاوبو على هذا السؤال ونشوفو التكنولوجيا من قلب الحدث.

إذا راك حاب تعرف كيفاش تستفاد من خدمات الكلاود والـ GPU، راح تخليلك كل روابط لازمة