ووصلنا لأسبوع البكالوريا لي كان الحدث فيه قطع الإنترنت لسنوات!

العام الماضي شفنا انو مكانش كاين انقطاع في شبكات الإنترنت الثابت لافيبر و adsl،
وكان هناك تذبذب وحجب لمنصات التواصل على شبكات الجيل الرابع،

ان شاء الله هذا العام يكون كلش عادي لانو خلاص رانا في 2026 والامور واضحة
الإنترنت راهي حاجة أساسية مثلها مثل الكهرباء او الماء.

الناس لي جربت منصة TOD راح تفهمني انو التجربة مختلفة تماما وانو التطبيق نهار توالفوا صعيب تولي لتطبيقات اخرى، خاصة في الثبات والتوافق مع الإنترنت مهما كانت السرعة، ولي جربوا راح يأكدلك وش نقول ...
لحد الآن لم نرى الاسعار التي ستكون في الجزائر، وربما سيتم الإعلان عنها في الاسبوع القادم ان شاء الله.
في رايك شحال تتوقع يكون السعر لكل المونديال؟ وهل ستكون هناك عروض خاصة بمباريات المنتخب الجزائري؟
شاركونا من فضلكم؟

اول شركة تكنولوجيا تدخل إلى بورصة الجزائر 🤝

قولي نتا من الناس لي مزالها مع الطرق التقليدية ولا تفصل المشاهدة على انترنت في تطبيقات مثل تود

شكرا مجتمع الإنترنت الجزائري 💙🤝

رسميا IOS 27 سيتوفر لهواتف آيفون 11 وآخيرا ذكاء اصطناعي في Siri !
هذا هو ملخص مؤتمر آبل للمطورين.

الهبال راه كل يوم مستمر ⚡️🤝

قبل أيام برك، شركة Anthropic كانت تحذر بلي الذكاء الاصطناعي راه يتطور بسرعة كبيرة وربما لازم العالم يفكر حتى في إبطاء السباق شوية

واليوم الشركة نفسها أعلنت على Claude Fable 5، وقالت بلي هو أقوى نموذج ذكاء اصطناعي خرجته للعامة حتى الآن

المثير للاهتمام أن Fable 5 مبني على نفس الأساس تاع Mythos 5، النموذج لي كانت أنثروبيك تعتبره حساس بزاف بسبب قدراته المتقدمة خاصة في الأمن السيبراني.

باش يطلقوه للعامة، دارولو حواجز أمان إضافية. وإذا واحد طلب معلومات في مجالات حساسة كيما الثغرات الأمنية، النظام يهبط تلقائياً لنموذج أضعف وأكثر تقييداً.

بمعنى آخر... أنثروبيك تقول: 🛑 الذكاء الاصطناعي راه يولي خطير وفي نفس الوقت هذا أقوى نموذج صنعناه، تفضلو استعملوه!

صراحة هادي تبين شحال المنافسة بين شركات الـ AI ولات مشتعلة

توقف كامل في فايسبوك وانستغرام وواتساب.

عطل عالمي لمنصة META وراهي خارج الخدمة حاليا؟
meta down?
راه يمشي عندك؟

شعب كامل قالك علابالي بيراطاوني ولا راحلي الكونت 😅 ثقة كبيرة دايرينها في مارك مول الشي

المهم هدي واحد من اطول الفترات لي صراتلهم فيها هكدا؟

تقريبا رانا في 15د كاملة ...

حاليا عودة منصات ميتا للعمل بشكل طبيعي عند البعض بعد توقف دام لتقريبا 40 دقيقة كاملة.

لحد الان الاسباب غير معروفة لكن الأكيد ان الخسائر ستكون بالملاير.

المشكل كان عالمي وليس خاص بالجزائر.

راهي تمشي عندك؟

وفي العالم الموازي الآن صرا حدث للتاريخ... 🚀

أكبر اكتتاب في تاريخ البشرية.

شركة SpaceX دخلت البورصة بتقييم 1.77 تريليون دولار، متجاوزة شركات عملاقة عمرها عشرات السنين.

وكما ذكرنا سابقا الآن إيلون ماسك يعتبر أول تريليونير في تاريخ البشرية. 😲

الترليون دولار لمن لم يقرأه من قبل: $1,000,000,000,000

وبالسنتيم الجزائري: 24,000,000,000,000,000 فقط

إيلون ماسك اول تيليونير في التاريخ!
ترامب راه حالف في المؤثرين في المونديال
وعام كامل و نحن نقدم لك Tech Feed ماهو تقيمك لنا وكيف ترى إمكانية تطويرها !

خبر حصري ….

حصريا لمتابعينا الكرام 🔥 🔥 هذه هي الأسعار الخاصة بـ TOD من المتعامل جازي ومن المتوقع ان يعلن عنها رسميا في الساعات القادمة ان شاء الله 🫡

- الإشتراك خاصة بمختلف الأجهزة.
- كل حساب يمكن له العمل في شاشتين في نفس الوقت.

✅ اشتراك على كل الأجهزة لكل مباريات المنتخب الجزائري مهما كان عدد المباريات حتى ولو وصلنا للنهائي 2500 دج مع 3 أشهر في الباقة الترفيهية لـ TOD مع جيغات.

✅ اشتراك على كل الأجهزة لكل مباريات المونديال من دوري 32 الى النهائي 10,000 دج مع 6 أشهر في الباقة الترفيهية لـ TOD مع جيغات.

✅ اشتراك على كل الأجهزة لكل المونديال لـ 104 مبارة كاملة السعر 15,000 دج مع 6 أشهر في الباقة الترفيهية لـ TOD مع جيغات.

وكل هده بطبيعة الحال فيها عرض على شاشتين، المنشور القادم راح يكون ايضا على اسعار الاشتراك الخاصة بالمشاهدة على الهاتف.👏

نكلملوا مع الحصريات والإنفراد لي خرجنا بيه اليوم 🔥 🔥 هذه هي الأسعار الخاصة بـ TOD من المتعامل جازي ومن المتوقع ان يعلن عنها رسميا في الساعات القادمة ان شاء الله 🫡 والخاصة بالمشاهدة على الهاتف.

✅ اشتراك على الهاتف لمشاهدة مبارة واحدة للمنتخب الجزائري 500 دج مع 48 ساعة في الباقة الترفيهية لـ TOD مع جيغا.

✅ اشتراك على الهاتف لكل مباريات المنتخب الجزائري مهما كان عدد المباريات حتى ولو وصلنا للنهائي 1200 دج مع 3 أشهر في الباقة الترفيهية لـ TOD مع جيغات.

✅ اشتراك على الهاتف لكل مباريات المونديال من دوري 32 الى النهائي 4200 دج مع 6 أشهر في الباقة الترفيهية لـ TOD مع جيغات.

✅ اشتراك على الهاتف لكل المونديال لـ 104 مبارة كاملة السعر 6,900 دج مع 6 أشهر في الباقة الترفيهية لـ TOD مع جيغات.