هذا ماشي AI، تسلا عرضت سيارة جديدة، والمشهد حرفيًا كيما أفلام الخيال العلمي! 😳🚀 🤯

هنا Tesla Roadster، صدقني راح تشوف وتعاود وتبقى مذهول ....

التوفر الرسمي 2028 💳🫡

بعد شهور من التأخير، القضاء الأمريكي يأمر الحكومة بإطلاق قرعة الغرين كارد 2027! والنتائج ممكن تكون في ديسمبر! 😮

نهار 14 أكتوبر، محكمة في كاليفورنيا أصدرت حكم قضائي مؤقت يلزم وزارة الخارجية الأمريكية بتنظيم قرعة الهجرة DV-2027، بعدما تأخرت في فتح التسجيل.

الحكم حدد 3 مواعيد مهمة:
📅 29 أكتوبر: آخر أجل للحكومة باش تعلن رسمياً تفاصيل التسجيل.
📅 1 نوفمبر: آخر أجل لفتح باب التسجيل، لمدة 30 يوم.
📅 3 ديسمبر: آخر أجل لإبلاغ الأشخاص اللي يتم اختيارهم في القرعة.

بصح انتبهوا لحاجة مهمة: التسجيل مازال ما تفتحش رسمياً، والحكم رغم أنه ملزم حالياً، تقدر الحكومة تطعن فيه وتطلب تعليق تنفيذه.

وزيد، حتى لو يتم اختيارك في القرعة، هذا ما يعنيش بلي ضمنت الفيزا الأمريكية، لأن إصدار تأشيرات القرعة راه حالياً معلّق بقرار منفصل من وزارة الخارجية.

يعني كاين تطور قضائي حقيقي، بصح مازال نستناو الإعلان الرسمي باش تتأكد مواعيد التسجيل.

وشنو وجد أمورك راك تعرف للناس لي حابة تسجل، باسبورك، الصورة...

الناس لي عندها LinkedIn شاركونا رأيكم بهذا الأمر 👌

https://lnkd.in/p/ddAhizjW

تفرح تشوف هذا المحتوى في بلادنا، ومشروع رقمي يستاهل التشجيع.

إلياس دراجي، المعروف بمحتواه في التجارة الإلكترونية، اطلق موقع يجمع فيه تقريبًا كل واش يحتاج الشخص لي حاب يدخل لهذا المجال، من الصفر حتى تطوير مشروعه.

الموقع فيه أكثر من 230 فيديو، 8 دورات، قرابة 100 موضوع مكتوب، و65 أداة وخدمة، بالإضافة إلى شروحات الإعلانات، اختيار المنتجات، التوصيل، الاستيراد وحتى استعمال الذكاء الاصطناعي في التجارة.

والأرقام لي يعرضها الموقع مثيرة للاهتمام: قرابة نصف مليون زيارة وأكثر من 4.5 ملايين مشاهدة للمحتوى!

بعيدًا عن الأرقام، الحاجة لي عجبتنا هي محاولة تحويل المحتوى من فيديوهات متفرقة في مواقع التواصل إلى منصة منظمة يقدر أي جزائري يرجعلها ويتعلم منها ويطبق واش تعلم.

في 1001Tech نفرحو كي نشوفو صناع محتوى جزائريين ينتقلو من تقديم المعلومات إلى بناء مشاريع رقمية تخدم الناس فعلًا. 👏🇩🇿

ربي يوفق إلياس، وإن شاء الله نشوفو المزيد من المشاريع الجزائرية كيما هذي.

https://the1001tech.com/ilyesderradji

عندك مشروع مفتوح المصدر على GitHub؟ تقدر تتحصل على ChatGPT Pro مجانًا لمدة 6 أشهر، بقيمة تصل إلى 1200 دولار! 😍💻

شركة OpenAI عندها برنامج رسمي اسمه Codex for Open Source، مخصص لدعم المطورين لي يساهمو في تطوير وصيانة المشاريع مفتوحة المصدر.

إذا كنت المسؤول على مشروع برمجي أو من المطورين الأساسيين فيه، تقدر تقدم طلبك للاستفادة من:

✅ اشتراك ChatGPT Pro لمدة 6 أشهر، مع إمكانية استعمال Codex للبرمجة ومراجعة الكود.
✅ إمكانية الحصول على أرصدة API لمساعدة مشاريع البرمجيات المفتوحة.
✅ إمكانية الوصول لأدوات Codex Security حسب شروط البرنامج.

والأجمل، ما كاينش عدد محدد من نجوم GitHub لازم توصله، وحتى المشاريع الصغيرة المهمة تقدر تقدم!

لكن لازم المشروع يكون مفتوح المصدر ونشط، وOpenAI هي لي تراجع الطلبات وتقرر القبول، يعني الاستفادة ماشي مضمونة للجميع.

إذا عندك مشروع أو تعرف مطور جزائري يخدم على مشاريع مفتوحة المصدر، ابعثلوا المنشور! 🇩🇿

https://tentech24.com/chatgpt-pro-free-6-months-open-source-breaking/

لايف السحب على التابلت مرحبا بكم ادخل ممكن تربح
https://www.instagram.com/1001tech24/live/17885139984691138?xtok=d3loOGZvcDZ5OXRy

الذكاء الاصطناعي كشف ثغرة مخبّية لسنوات في PHP 😳 وفي نفس الأسبوع: Getty Images تحت حماية الإفلاس، Anthropic تطلق Claude Duet، ومشروع جزائري «مراقب» يحمي الغابات من الحرائق 🇩🇿

وواش حكاية الـ 🐐 مع ChatGPT

هذي أهم أخبار التقنية لهذا الأسبوع في الحلقة 54 من Tech Feed على 1001 TECH.

الحلقة كاملة من هنا

https://www.youtube.com/watch?v=WvI-NbHHBEw

مع نهاية الكلاسيكو ارواح نحكيوا شويا على الكرة لي سجل بيها ابن فايزة ثنائية اليوم ⚽🔋وقولي اذا كنت تعرف بلي لازم تتشارجا كيما الهاتف؟ 😂

الدوري الإسباني بدا هذا الموسم يستعمل كرات ذكية طورتها PUMA بالتعاون مع KINEXON، فيها مستشعر إلكتروني يبعث 560 إشارة في الثانية!

والأغرب أن الكرة تحتاج حوالي ساعة ونص باش تتشارجا، والبطارية تاعها تقدر تخدم قرابة 5 ساعات. 😳

التقنية تسمح بتحديد اللحظة الدقيقة لي يلمس فيها اللاعب الكرة، وتعاون حكام الـVAR في مراجعة التسلل، لمسات اليد واللقطات الحساسة، يعني مثلا نقدروا نحسبو بيها شحال قاس البالون من مرة يمال ليوم ..

وحتى الملعب فيه حوالي 12 هوائي يستقبلو المعلومات مباشرة من الكرة!

وفي كل مباراة، يحضرو 14 كرة ذكية، ويتأكدو بلي كامل مشحونين قبل ضربة البداية.

واش رأيكم في دخول هذي التكنولوجيا لكرة القدم؟ وهل راح تنقص الجدل التحكيمي؟ 👀

شحال من مرة لقيت Formation عجباتك وحبيت تشارك فيها، بصح لقيتها في بلاصة او ولاية بعيدة عليك؟ خصيصا إذا كنت تخدم ولا تقرا، ماشي ديما تقدر تتنقل باش تحضر دورة تكوينية.

اليوم هاذ المشكل نقص بزاف مع التكوين عن بعد، وين تقدر تحضر دروس مباشرة من دارك، تسقسي الأستاذ، تشارك الشاشة وتناقش مع باقي المشاركين وكأنكم في نفس القاعة. وحتى مراكز التكوين ولات تقدر تجمع متعلمين من ولايات مختلفة في نفس الحصة، بلا ما يكون لازم كل واحد يتنقل، وهذا يفتح فرص حتى للناس لي ما عندهمش مراكز تكوين قريبة منهم.

وكي نهدرو على هاذ النوع من الدروس، أكيد كاين لي يستعمل Google Meet ولا Zoom ولا Teams، وحتى في الجزائر شفنا منصات كيما V-ROOM من Icosnet، لي تقدر تستعملها في الاجتماعات والدروس المباشرة، مع مشاركة الشاشة والدردشة وتسجيل الحصص باش تقدر ترجع للمحتوى من بعد. ونفس الفكرة تقدر تخدم بيها الجامعات، مراكز التكوين وحتى الشركات لي تدير دورات لموظفيها.

بصح السؤال هنا للطلبة والناس لي جربو التكوين عن بعد: واش تفضلو أكثر، تحضر Formation من دارك وتربح الوقت والتنقل، ولا تروح تحضر مع الأستاذ وجها لوجه باش تشفى عليه؟ ولا علاش؟

​🚨 اختراق Binance يصل إلى 6.3 مليار دولار… والسبب المحتمل كمبيوتر مهندس واحد! 😳💻

منصة Binance كشفت رسميًا عن نتائج أولية للتحقيق في الحادث الأمني الضخم لي تعرضت له، والنتائج صادمة!

حسب الشركة، المهاجم تمكن على الأرجح من اختراق حاسوب محمول تابع لمهندس DevOps، ومن خلاله وصل إلى خدمة داخل أنظمة المنصة واستعملها لإرسال عمليات سحب غير مصرح بها.

يعني الاختراق ما يحتاجش بالضرورة سرقة المفاتيح الخاصة للمحافظ الرقمية، لأن الوصول لأنظمة التشغيل والصلاحيات الحساسة يقدر يسمح بتنفيذ عمليات خطيرة!

بينانس قدّرت التأثير الإجمالي بحوالي 6.3 مليار دولار، وأعلنت أنها تمكنت بالتعاون مع شركائها من تجميد قرابة 3 مليارات دولار من الأصول على البلوكشين.

المنصة علّقت الإيداع والسحب مؤقتًا لإجراء فحوصات أمنية، وأكدت أنها راح تغطي جميع الخسائر من صندوق SAFU وأموال الشركة الخاصة.

وأكدت كذلك أنها لم تجد حتى الآن دليلًا على تسريب المفاتيح الخاصة، ووعدت بنشر تقرير تقني مفصل بعد انتهاء التحقيق.

إذا تأكدت الحصيلة النهائية، راح نكونو أمام أكبر اختراق معروف في تاريخ العملات الرقمية من حيث القيمة!

والدرس التقني من الحادثة خطير: حتى لو كانت المحافظ محمية، اختراق جهاز موظف عنده صلاحيات حساسة يقدر يفتح الطريق لخسائر بمليارات الدولارات.

شكون زعما وراء العملية؟

و🇰🇵 عندهم يد فيها؟

🇰🇵 جيش هاكرز كوريا الشمالية

من اختراق Sony، لـ 81 مليون من بنك بنغلاديش، لـ WannaCry اللي وقّف مستشفيات، لمليار ونص من Bybit… ودوكا الشبهات على اختراق Binance تاع 6.3 مليار دولار.

والدراهم وين تروح؟ حسب الخزانة الأمريكية، تموّل برامج الصواريخ.


💬 هاكرز ولا جيش رقمي؟

↪️ ابعثو لواحد ما يعرفش هذا الشي

#كوريا_الشمالية #1001Tech

​قال نخرجوا من الروتين 😅
مباراة بايرن ميونخ وبوروسيا دورتموند راهي تتنقل مباشرة اليوم... بصح اللاعبين كامل تحوّلوا لشخصيات Playmobil! 😳⚽
الدوري الألماني دار تجربة تقنية غير مسبوقة بالتعاون مع Sky وRTL وPlaymobil، وين يتم نقل المباراة الحقيقية بالتزامن مع نسخة افتراضية ثلاثية الأبعاد، باستخدام الذكاء الاصطناعي!
والغريب أن هذا ماشي فيديو مسجل ولا لعبة فيديو! كل تمريرة، حركة لاعب أو تسديدة في الملعب الحقيقي تتعاود مباشرة داخل العالم الافتراضي.
🤖 كيفاه تخدم التقنية؟
النظام يستعمل كاميرات تتبع وتقنيات ذكاء اصطناعي من TRACAB لرصد تحركات اللاعبين، مع نموذج ثلاثي الأبعاد يتتبع 21 نقطة في جسم كل لاعب.
البيانات تروح بعدها لنظام Trickshot، لي يستعمل محرك الألعاب Unreal Engine باش يعاود إنشاء المباراة بشخصيات Playmobil في الوقت الحقيقي.
🎮 وزادوا حتى كاميرات افتراضية طائرة بـJetpack، وألعاب صغيرة وتصويتات تسمح للمشاهدين يغيّروا بعض العناصر في البث!
📺 والأجمل أن التجربة وصلت حتى للمشاهد العربي عبر قناة MBC3 ومنصة شاهد.
الهدف من المشروع هو جذب جمهور جديد، خاصة الأطفال والعائلات، وتجربة مستقبل مختلف للبث الرياضي.
تخيل في المستقبل تقدر تتفرج على نفس المباراة برسومات واقعية، أو كرتونية، أو حتى من زاوية أي لاعب تختاره! 👀

بإمكانكم الآن الاستفادة من 72جيغا مجانا لمدة يوم كامل من جازي عبر عمل سكان للكود في الصورة داخل التطبيق تاعهم ولي حب يفعلها صباح باش تبقالو اذا مايسحقهاش فاليل يدبر راسو جربوها وقولولنا اذا لحقكم البونيس !