#Qoshtepa_tumani
#Murojaat

Qo‘shtepada oqava suv holati o‘rganildi
 
O‘zbekiston Ekologik partiyasi mas’ullari tomonidan Qo‘shtepa tumanida navbatdagi ekologik nazorat tadbiri tashkil etildi.

Nazorat davomida mahalla ko‘chalari, jamoat joylari hamda yo‘l chetlarining maishiy chiqindilardan tozalanganlik holati, shuningdek, hududdagi oqava suvlarning holati o‘rganildi.

O‘rganish jarayonida hududlar sanitariya holatini yaxshilash, chiqindilarning to‘planib qolishiga yo‘l qo‘ymaslik, oqava suvlarni belgilangan tartibda chiqarish va atrof-muhit ifloslanishining oldini olish masalalariga e’tibor qaratildi.

Rasmiy sahifalarimiz:
🌐Telegram | 🌐Instagram

#Quva_tumani
#Ayollar_klubi

Ayol — kelajak bunyodkori, jamiyat taraqqiyoti tayanchi!

✅ O‘zbekiston Ekologik partiyasi Quva tuman Kengashi raisi hamda “Ekologiya va Salomatlik ayollar klubi” hamkorligida tumandagi Abu Ali ibn Sino nomidagi jamoat salomatligi texnikumi talabalari ishtirokida “Ayol — kelajak bunyodkori” mavzusida davra suhbati tashkil etildi.

Muloqot davomida ayolning jamiyat hayotidagi o‘rni, uning kelajak avlodni tarbiyalash, oilada sog‘lom muhitni shakllantirish va yurt ravnaqiga munosib hissa qo‘shishdagi beqiyos ahamiyati haqida so‘z yuritildi.

Tadbirning asosiy maqsadi — yosh qizlarda ayolning jamiyatdagi mas’uliyati va bunyodkorlik salohiyati haqida kengroq tushuncha shakllantirish, ularning bilim olishga, kasbiy rivojlanishga va kelajakda o‘z sohasining yetuk mutaxassisi bo‘lib yetishishiga bo‘lgan intilishini qo‘llab-quvvatlashdan iborat.

Shuningdek, talabalar uchun munosib mehnat sharoitlarini yaratish, ularning ijtimoiy-huquqiy himoyasini kuchaytirish hamda aholiga ko‘rsatilayotgan tibbiy xizmatlar sifatini yanada oshirish masalalariga alohida e’tibor qaratildi.

Rasmiy sahifalarimiz:
🌐Telegram | 🌐Instagram

#Qoshtepa_tumani
#Jamoatchilik_eshituvi_monitoring

“Langar” MFY hududida jamoatchilik nazorati va ekologik monitoring o‘tkazildi

Qo‘shtepa tumanining “Langar” MFY hududida atrof-muhitni muhofaza qilish, ekologik holatni yaxshilash hamda hududdagi mavjud muammolarni aniqlash maqsadida jamoatchilik nazorati va ekologik monitoring tadbiri tashkil etildi.

O‘rganish jarayonida O‘zbekiston Ekologik partiyasi viloyat Kengashi mas’ullari hamda tuman deputatlari ishtirok etib, hududning sanitariya-obodonlashtirish holati, chiqindilarni boshqarish, yashil hududlarni asrash va ekologik talablarga rioya etilishi masalalariga e’tibor qaratildi.

Shuningdek, aniqlangan masalalar yuzasidan mas’ullar bilan fikr almashilib, mavjud muammolarni bartaraf etish, hududning ekologik holatini yaxshilash va kelgusida bunday holatlarning oldini olish bo‘yicha tegishli tavsiya va takliflar bildirildi.

Rasmiy sahifalarimiz:
🌐Telegram | 🌐Instagram

#Quva_tumani
#Aksiya

Sport — sog‘lom turmush tarzi elchisi!

✅ O‘zbekiston Ekologik partiyasi Quva tuman Kengashi raisi K. Ahmadjonov tomonidan tumandagi boks sporti bilan shug‘ullanuvchi yoshlar ishtirokida “Sport — sog‘lom turmush tarzi elchisi” shiori ostida targ‘ibot aksiyasi tashkil etildi.

Tadbir davomida yosh sportchilarning mashg‘ulot jarayonlari bilan yaqindan tanishilib, ularning sportdagi intilishlari va erishayotgan natijalariga e’tibor qaratildi. Ayniqsa, tumanlararo musobaqada faxrli birinchi o‘rinni qo‘lga kiritgan ikki nafar yosh sportchining yutug‘i alohida e’tirof etildi. Ularga partiya tomonidan esdalik sovg‘alari topshirildi.

Aksiya doirasida yoshlar bilan suhbat o‘tkazilib, sportning inson salomatligini mustahkamlash, jismoniy chiniqish, iroda va qat’iyatni shakllantirishdagi ahamiyati haqida fikr yuritildi. Shuningdek, muntazam jismoniy faollikni kundalik hayot tarziga aylantirish, zararli odatlardan yiroq bo‘lish va bo‘sh vaqtni mazmunli tashkil etish yuzasidan tavsiyalar berildi.

Rasmiy sahifalarimiz:
🌐Telegram | 🌐Instagram

#Margilon_shahri
#Aksiya

Yoshlar tashabbusi bilan hududlar yanada obod!

✅ O‘zbekiston Ekologik partiyasi Marg‘ilon shahar Kengashi raisi, Xalq deputatlari shahar Kengashi deputati Matlyubaxon Abdurahmonova tashabbusi bilan Hamid Olimjon nomidagi 2-umumta’lim maktabi o‘qituvchisi Abduvohid Mamasiddiqov hamkorligida chiqindilarni yig‘ish va hududni obodonlashtirish aksiyasi tashkil etildi.

Unda maktabning 200 nafarga yaqin o‘quvchisi faol ishtirok etib, hududni maishiy chiqindilardan tozalash, atrofni tartibga keltirish va ozodalikni ta’minlash ishlariga o‘z hissasini qo‘shdi.

Aksiya davomida yoshlar nafaqat amaliy mehnat bilan shug‘ullandilar, balki tabiatga ehtiyotkorona munosabatda bo‘lish, chiqindilarni duch kelgan joyga tashlamaslik, jamoat joylari va yashash hududlarining tozaligini saqlash har bir fuqaroning kundalik burchi ekanini yana bir bor angladilar.

Bunday tadbirlar yosh avlod qalbida ekologik mas’uliyat va daxldorlik tuyg‘usini shakllantirish, ularni tabiatni asrashga qaratilgan ezgu ishlarga safarbar etishda muhim ahamiyat kasb etadi. Zero, ekologik madaniyat, avvalo, oilada, ta’lim maskanida va kundalik hayotdagi oddiy amallarda namoyon bo‘ladi.

Rasmiy sahifalarimiz:
🌐Telegram | 🌐Instagram