Imtiyozlar oilalar farovonligiga xizmat qilmoqda

Qashqadaryo viloyati, Qarshi shahridagi "Ravoq" mahallasida Oliy Majlis Qonunchilik palatasi deputati Noiba Inoyatova hamda saylovchilar o‘rtasida uchrashuvlar tashkil etildi.

Uchrashuvlarda Prezidentimiz raisligida "Hudud va tarmoqlarda o‘sish sur’atlarini ta’minlash bo‘yicha joriy yilning birinchi yarmida erishilgan natijalar va yil yakunigacha amalga oshiriladigan ustuvor vazifalar" muhokamasi yuzasidan o‘tkazilgan videoselektor yig‘ilishida ilgari surilgan tashabbuslarning mazmun-mohiyatini saylovchilarga yetkazildi. Mamlakatimizda aholi farovonligini oshirish uchun yaratilgan sharoitlar, ajratilayotgan imtiyozli kreditlar hamda subsidiyalardan unumli foydalanib kelayotgan aholi xonadonlariga borib, faoliyati bilan tanishdi.

Shoxista Muminova yaratilgan imtiyozlardan unumli foydalanib, oilasi farovonligini oshirayotgan tadbirkor xotin-qizlardan.

— Yoshligimdan tikuvchilik sexim bo‘lishini orzu qilardim. Mahalladan ajratilayotgan imtiyozli kreditlar orzular ushalishiga, oilalarning moddiy ahvolini yaxshilashga xizmat qilmoqda, — deydi Sh.Muminova.

Sh. Muminova imtiyozli kreditlar hisobidan 4 ta zamonaviy tikuv mashinasi sotib oldi va tikuvchilik sexini ochdi. Bugun sexda mahallasidagi to‘rt nafar ishsiz xotin-qizning bandligini ta’minlagan. Ko‘plab yosh qizlarning kasb o‘rganishlariga ko‘maklashmoqda.

✅Telegram|✅Facebook | 🌐Instagram |🌐 Web site | 📹You Tube

Mehnat va intilish – farovonlik asosi

Qoraqalpog‘iston Respublikasidagi o‘rganishlarimiz davomida "Obod xonadon" dasturi doirasida Nukus shahri, "Tele oray" mahallasida istiqomat qiluvchi Qalbay Axmedov xonadonida bo‘ldik.

Mehnat va intilish orqali farovon hayotga erishish mumkinligining yorqin namunasi – Qalbay ota faoliyatidir.

U kishi 2013-yildan buyon oila a’zolari bilan birgalikda uy yonidagi 1 sotix yer maydonida turli manzarali va mevali daraxt ko‘chatlarini parvarishlab, ko‘chatchilik bilan shug‘ullanib kelmoqda. Bu nafaqat oilasining daromadi va farovonligini ta’minlashga, balki hududning yanada ko‘kalamzor bo‘lishi, yashil maydonlarning kengayishiga ham munosib hissa qo‘shmoqda.

Qalbay ota faqat ko‘chatchilik bilan cheklanib qolmagan. U mahallada baliq yetishtirish uchun sun’iy suv havzasini tashkil etib, unda turli baliq turlarini parvarishlamoqda. Bugungi kunda ushbu tashabbus orqali mahalla aholisini sifatli baliq mahsulotlari bilan ta’minlashga ham munosib hissa qo‘shib kelmoqda.

Qalbay ota xonadoni mehnatsevarlik, tadbirkorlik va tabiatga mehr uyg‘unlashgan maskan sifatida "Obod xonadon" dasturining asl mazmunini yaqqol namoyon etmoqda.

✅Telegram|✅Facebook | 🌐Instagram | 📹You Tube

#Dayjest #Дайжест #Digest

Yakuniga yetgan hafta davomida O‘zbekiston Ekologik partiyasi tomonidan amalga oshirilgan ishlar haqida haftalik dayjest.
__

Еженедельный дайджест работы Экологической партии Узбекистана за прошедшую неделю.
____

A weekly digest of the work carried out by the Ecological Party of Uzbekistan during the past week.

✅Telegram|✅Facebook | 🌐Instagram |🌐 Web site | 📹You Tube