Suvdan takroran foydalanish tizimlarini joriy etish holati o‘rganildi

Oʻzbekiston Ekologik partiyasi Xorazm viloyat Kengashi tomonidan Ekologiya inspektorlari bilan hamkorlikda Urganch, Shovot va Yangibozor tumanlaridagi transport vositalarini yuvish shoxobchalarida suvdan takroran foydalanish tizimini joriy etish holati yuzasidan jamoatchilik nazorati oʻtkazildi.

Monitoring davomida suvni tejash, oqova suvlarni qayta ishlatish tizimlari hamda ekologik talablarga rioya etilish holati oʻrganildi. Shoxobcha masʼullariga suv resurslaridan oqilona foydalanish va amaldagi ekologik qonunchilik talablariga rioya etish boʻyicha tavsiyalar berildi.

Mazkur jamoatchilik nazoratining asosiy maqsadi suv resurslarini asrash, atrof-muhitga salbiy taʼsirni kamaytirish hamda suvdan oqilona foydalanish madaniyatini keng targʻib etishdan iborat. Monitoring ishlari Xorazm viloyatining boshqa hududlarida ham izchil davom ettirilmoqda.

✅Telegram|✅Facebook | 🌐Instagram |🌐 Web site | 📹You Tube

#Rahbar_va_yoshlar_uchrashuvi

Ekologiyada sun’iy intellekt imkoniyatlari

O‘zbekiston Ekologik partiyasi Sirdaryo viloyat Kengashi raisi Oybek Karimov ishtirokida Alisher Navoiy nomidagi Sirdaryo viloyati Axborot-kutubxona markazida "Startap va investitsiya ekotizimi" mavzusida rahbar va yoshlar uchrashuvi bo‘lib o‘tdi.

Uchrashuvda IT Park Sirdaryo filiali vakili Mirbobojon G‘aybullayev sun’iy intellekt orqali ekologik monitoringni takomillashtirish, havo va suv sifati ustidan nazoratni kuchaytirish hamda tabiiy resurslardan samarali foydalanish imkoniyatlari haqida ma’lumot berdi.

Shuningdek, yoshlarga ekologik yo‘nalishdagi innovatsion startaplarni yaratish va sun’iy intellekt yordamida ekologik muammolarga amaliy yechimlar ishlab chiqish bo‘yicha tavsiyalar berildi.

✅Telegram|✅Facebook | 🌐Instagram |🌐 Web site | 📹You Tube

🔴#Live
#Deputatlar_forumi

Ekologik masalalar va jamoatchilik nazorati muhokama qilindi

Forumda Oliy Majlis Qonunchilik palatasidagi O‘zbekiston Ekologik partiyasi fraksiyasi rahbari, partiya Markaziy Kengashi raisi Abdushukur Hamzayev, Oliy Majlis Qonunchilik palatasi deputatlari Farg‘ona viloyati, tuman va shahar Kengashlariga partiyadan saylangan deputatlar, partiya faollari, soha mutaxassislari hamda mahalla vakillari ishtirok etmoqda.

Tadbirda so'zga chiqqan partiya Markaziy Kengashi raisi Abdushukur Hamzayev mahalliy Kengashlarning hududlarni rivojlantirish, aholi muammolarini o‘rganish, ekologik barqarorlikni ta’minlash hamda jamoatchilik nazoratini kuchaytirishdagi o‘rni tobora ortib borayotganini ta’kidladi.

Tadbir davomida deputatlarning aholi bilan bevosita muloqotini kengaytirish, deputatlik va jamoatchilik nazorati samaradorligini oshirish, hududlardagi ekologik muammolarni mas’ul tashkilotlar bilan hamkorlikda hal etish hamda partiya saylovoldi dasturida belgilangan vazifalar ijrosini ta’minlash masalalari muhokama qilindi.

✅Telegram|✅Facebook | 🌐Instagram |🌐 Web site | 📹You Tube

🔴 #Live
#Deputatlar_forumi

Deputatlar faoliyatida amaliy natijadorlik va aholi bilan muloqot kuchaymoqda

Forumda Farg‘ona viloyatidagi mahalliy Kengash deputatlari faoliyatining 2025-yil va 2026-yilning 7 oylik natijalari qiyosiy tahlil qilindi.

🔴 Raqamlar deputatlarning aholi bilan ishlash faolligi sezilarli oshganini ko‘rsatmoqda.

🔹 Aholi bilan uchrashuvlar 2025-yildagi 57 tadan 2026-yilning 7 oyida 388 taga yetdi. Bu qariyb 6,8 baravar o‘sish demakdir.
🔹 Fuqarolar murojaatlari 2025-yilda 12 tani tashkil etgan bo‘lsa, 2026-yilning 7 oyida 329 taga yetib, qariyb 27 baravar ko‘paydi.
🔹 Deputatlik nazorati doirasida 2025-yilda 33 ta deputatlik so‘rovi yuborilgan bo‘lsa, 2026-yilning dastlabki 7 oyidayoq 31 ta so‘rov kiritildi.

Ushbu ko‘rsatkichlar mahalliy Kengash deputatlarining aholi bilan bevosita muloqoti kengayib, murojaatlarni o‘rganish va hududlardagi muammolarni deputatlik nazorati orqali hal etishga qaratilgan faoliyati yanada jadallashayotganini ko‘rsatmoqda.

✅Telegram|✅Facebook | 🌐Instagram |🌐 Web site | 📹You Tube