🔴 #Live
#Deputatlar_forumi

Ko‘chatchilik tajribasi — hududlar uchun amaliy namuna

Oliy Majlis Qonunchilik palatasidagi O‘zbekiston Ekologik partiyasi fraksiyasi rahbari, partiya Markaziy Kengashi raisi Abdushukur Hamzayev Quva tumanidagi “Yangi Quva” mahallasida istiqomat qiluvchi Madiyor Turimov xonadonida bo‘ldi.

“Obod va fayzli xonadon” ro‘yxatiga kiritilgan ushbu xonadonda ko‘chatchilik yo‘nalishida samarali faoliyat yo‘lga qo‘yilgan. Bu yerda mevali va manzarali daraxt ko‘chatlarini yetishtirish bo‘yicha katta tajriba to‘plangan bo‘lib, ko‘chatlarni parvarishlash, ko‘paytirish va yetkazib berish jarayonlari bilan yaqindan tanishildi.

Madiyor Turimov o‘z tajribasi, ko‘chat yetishtirishning o‘ziga xos jihatlari, ularni iste’molchiga yetkazib berish tizimi hamda kelgusidagi rejalari haqida batafsil ma’lumot berdi.

Partiya rahbari ushbu tajribani yuqori baholab, mahalliy Kengash deputatlariga bunday samarali amaliyotlarni o‘z hududlarida ham keng targ‘ib etish va ommalashtirish bo‘yicha tegishli tavsiyalar berdi.

✅Telegram|✅Facebook | 🌐Instagram |🌐 Web site | 📹You Tube

OROLBO‘YI HUDUDLARIDA EKOLOGIK BARQARORLIKNI TA’MINLASH — ENG USTUVOR VAZIFA

Orolbo‘yi xalqaro innovatsiya markazida Oliy Majlis Qonunchilik palatasining Ekologiya va atrof-muhitni muhofaza qilish masalalari qo‘mitasi tomonidan “Orolbo‘yi xalqaro innovatsiya markazi” — mintaqa ekologik muammolarining ilmiy yechimi” mavzusida seminar tashkil etildi.

🚨 BATAFSIL

✅Telegram|✅Facebook | 🌐Instagram |🌐 Web site | 📹You Tube

🔴#Live
#Fraksiya_yigilishi

Yashash joyi bo‘yicha ro‘yxatdan o‘tkazish tartibi soddalashtirilmoqda
 
Fraksiya yig‘ilishida “O‘zbekiston Respublikasining ayrim qonun hujjatlariga fuqarolarni yashash joyi va turgan joyi bo‘yicha ro‘yxatdan o‘tkazish tartibini soddalashtirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasi qonuni loyihasi ko‘rib chiqildi.
 
Qonun loyihasining asosiy maqsadi fuqarolarni yashash joyi va turgan joyi bo‘yicha ro‘yxatdan o‘tkazish sohasidagi qonunchilikni takomillashtirish, mazkur sohada mavjud ortiqcha ma’muriy cheklovlarni bartaraf etish hamda aholi uchun davlat xizmatlaridan foydalanishni yanada yengillashtirishdan iborat.
 

Loyihaga ko‘ra:
🔹 turgan joy bo‘yicha ro‘yxatdan o‘tishda uy-joy maydonining ijtimoiy normasi bilan bog‘liq cheklovlar bekor qilinadi;
🔹 talabalar turar joylarida istiqomat qiluvchi talabalarni ro‘yxatdan o‘tkazish uchun qulay huquqiy mexanizm yaratiladi;
🔹 taqiq yoki xatlov qo‘yilgan turar joylarda ro‘yxatdan o‘tkazishning huquqiy asoslari aniq belgilanadi.

Mazkur o‘zgarishlar ortiqcha ma’muriy to‘siqlarni bartaraf etib, davlat xizmatlarini aholi uchun yanada sodda, qulay va shaffof qilishga, fuqarolarning konstitutsiyaviy huquqlarini ishonchli ta’minlashga xizmat qiladi.

✅Telegram|✅Facebook | 🌐Instagram |🌐 Web site | 📹You Tube