Yoshlar bandligi va kasbiy rivojlanish muhim vazifa

Qamashi tumanidagi 6-son texnikumida O‘zbekiston Ekologik partiyasi Qashqadaryo viloyat Kengashi raisi, Xalq deputatlari viloyat kengashi deputati Nosir Xalimov ishtirokida rahbar va yoshlar uchrashuvi tashkil etildi.

Unda mamlakatimizda so‘nggi yillarda amalga oshirilayotgan bunyodkorlik ishlari, aholi turmush farovonligini oshirish, zamonaviy infratuzilmani rivojlantirish, shuningdek, yoshlarning ta’lim olishi va kasb-hunar egallashi uchun yaratilayotgan keng imkoniyatlar haqida batafsil ma’lumot berildi.

Ayniqsa, yoshlarni har tomonlama qo‘llab-quvvatlash, ularning tashabbus va g‘oyalarini rag‘batlantirish, zamonaviy kasblarni egallashi hamda munosib ish o‘rinlariga ega bo‘lishi uchun yaratilayotgan shart-sharoitlar alohida ta’kidlandi.

Muloqot davomida yoshlar ta’lim, bandlik, tadbirkorlik va ekologiya sohalariga oid fikr-mulohaza hamda takliflarini bildirdilar.

✅Telegram|✅Facebook | 🌐Instagram |🌐 Web site | 📹You Tube

Yoshlar yashil taraqqiyot va sog‘lom hayot tarafdori!

O‘zbekiston Ekologik partiyasi Andijon viloyat Kengashi hamda partiyaning Bo‘ston tuman Kengashi hamkorligida Bo‘ston tumanida “Yoshlar yashil taraqqiyot va sog‘lom hayot tarafdori” mavzusida yoshlar forumi bo‘lib o‘tdi.

Forum doirasida 13-oktabr — Xalqaro tabiiy ofatlar xavfini kamaytirish kuni munosabati bilan “Tabiiy ofatlar xavfini kamaytirish: ekologik barqarorlik va aholi xavfsizligini ta’minlashning zamonaviy yondashuvlari” mavzusida davra suhbati tashkil etildi.

Tadbirda viloyat Kengashi xodimlari, deputatlar, o‘rmon xo‘jaligi vakillari hamda sohaga mas’ul mutaxassislar ishtirok etib, o‘quvchi-yoshlarga tabiiy ofatlar xavfini kamaytirish, ekologik barqarorlikni ta’minlash, atrof-muhitni muhofaza qilish va aholi xavfsizligini oshirish borasida muhim ma’lumotlar berdilar.

Yoshlarning ekologik madaniyatini yuksaltirish, ularni tabiatni asrash va sog‘lom turmush tarziga rioya etishga undash barqaror kelajak sari muhim qadamdir.

✅Telegram|✅Facebook | 🌐Instagram |🌐 Web site | 📹You Tube

Bo‘stonliqda “Yashil makon” doirasida seminar tashkil etildi

Davlatimiz rahbarining “Yashil makon” umummilliy loyihasi samaradorligini yanada oshirish chora-tadbirlari to‘g‘risida"gi Farmoni ijrosini ta’minlash maqsadida Toshkent viloyatining Bo‘stonliq tumanidagi ixtisoslashtirilgan maktabda seminar tashkil etildi.

Tadbir davomida yoshlarga “Yashil makon” umummilliy loyihasining mazmun-mohiyati, uning ekologik barqarorlikni ta’minlash, hududlarni ko‘kalamzorlashtirish, yashil maydonlarni kengaytirish hamda atrof-muhit muhofazasini kuchaytirishdagi ahamiyati haqida batafsil ma’lumot berildi.

Seminarning amaliy qismida ishtirokchilarga daraxt ko‘chatlarini ekish tartibi, ekish joyini to‘g‘ri tayyorlash, ko‘chatlarni belgilangan talablar asosida o‘tqazish va ularni dastlabki parvarish qilish bo‘yicha amaliy tavsiyalar berildi.

✅Telegram|✅Facebook | 🌐Instagram |🌐 Web site | 📹You Tube