Maqsadlar mushtarakligi umumiy muammolarga birgalikda yechim topish asosidir

Davlatimiz rahbari Osiyoda hamkorlik va ishonch choralari bo‘yicha kengashning yettinchi sammitida mintaqaviy hamkorlikni mustahkamlash, barqaror taraqqiyotni ta’minlash va global muammolarga birgalikda yechim topish borasida juda muhim tashabbuslarni ilgari surdi.

Bugun dunyoda kechayotgan murakkab geosiyosiy jarayonlar davlatlardan o‘zaro ishonch, hamjihatlik va amaliy hamkorlikni yanada kuchaytirishni talab etmoqda. Ayniqsa, ekologik muammolarning chegara bilmasligi, tabiiy resurslarga bo‘lgan bosimning ortishi va iqlim o‘zgarishlarining iqtisodiyot hamda aholi turmushiga ta’siri mintaqaviy hamkorlikni hayotiy zaruratga aylantirdi.

Shu nuqtai nazardan, Prezidentimiz tomonidan Osiyoda ishonch infratuzilmasini shakllantirish, shuningdek, iqlim barqarorligi bo‘yicha hamkorlikni yo‘lga qo‘yish tashabbuslari alohida ahamiyatga ega. Zero, bugungi ekologik tahdidlarga qarshi samarali kurashish uchun har bir davlatning sa’y-harakatlari bilan cheklanib qolmasdan, umumiy maqsadlar va muvofiqlashtirilgan chora-tadbirlar asosida harakat qilish zarur.

Sammitda ilgari surilgan sun’iy intellekt va texnologik taraqqiyotdan mas’uliyat bilan foydalanish tashabbusi ham dolzarbdir. Zamonaviy texnologiyalar ekologik monitoringni takomillashtirish, suv va energiya sarfini maqbullashtirish, chiqindilarni boshqarish hamda tabiiy ofatlarni oldindan prognoz qilishda keng imkoniyatlar yaratadi.

Prezidentimiz tomonidan ilgari surilgan tashabbuslar Osiyo mamlakatlari o‘rtasida o‘zaro ishonchni mustahkamlash, ekologik hamkorlikni yangi bosqichga olib chiqish va umumiy muammolarga birgalikda yechim topishga xizmat qiladi.

✅Telegram|✅Facebook | 🌐Instagram | 📹You Tube

Tozalik ostonadan boshlanadi!

O‘zbekiston Ekologik partiyasi Paxtakor tuman Kengashi raisi F. Niyazmetova boshchiligida 21-sonli umumta’lim maktabida “Tozalik oyligi” doirasida plogging aksiyasi tashkil etildi.

Aksiya davomida maktabning yosh ko‘ngilli volontyorlari ishtirokida ta’lim muassasasi hududi hamda unga tutash atrof-muhitni tozalash va obodonlashtirish ishlari amalga oshirildi.

Mazkur tashabbusdan ko‘zlangan asosiy maqsad yoshlar va o‘quvchilar o‘rtasida ekologik madaniyatni yuksaltirish, atrof-muhitga nisbatan mas’uliyat hissini kuchaytirish, “Tozalik ostonadan boshlanadi” tamoyilini kundalik hayotga tatbiq etish hamda yoshlar orasida volontyorlik harakatini keng targ‘ib qilishdan iborat.

Ushbu kabi ekologik aksiyalar yoshlarni tabiatni asrashga va jamiyat obodligiga o‘z hissasini qo‘shishga undaydi.

✅Telegram|✅Facebook | 🌐Instagram |🌐 Web site | 📹You Tube

Ekologik madaniyat yoshlar bilan yuksaladi

O‘zbekiston Ekologik partiyasi Xorazm viloyat Kengashi tomonidan Abu Ali ibn Sino nomidagi tibbiyot texnikumida yoshlar bilan uchrashuv tashkil etildi.

Uchrashuv davomida yoshlarga mamlakatimizda ularning bilim olishi, kasbiy salohiyatini oshirishi va o‘z iqtidorini namoyon etishi uchun yaratilayotgan imkoniyatlar hamda shart-sharoitlar haqida ma’lumot berildi.

Ekologik tashabbuslarning mazmun-mohiyati, atrof-muhitni muhofaza qilish, tabiiy resurslardan oqilona foydalanish va ekologik madaniyatni yuksaltirish masalalariga alohida e’tibor qaratildi.

Muloqot davomida yoshlarning ekologik mas’uliyatini oshirish, ularni tabiatni asrashga qaratilgan tashabbuslarda faol ishtirok etishga undash muhimligi ta’kidlandi.

✅Telegram|✅Facebook | 🌐Instagram |🌐 Web site | 📹You Tube

Parkentda yoshlar bilan ochiq muloqot o‘tkazildi

Parkent tuman texnikumida O‘zbekiston Ekologik partiyasi Toshkent viloyati Kengashi raisi Furqatjon Ahmedjanov, O‘zbekiston Ekologik harakati Toshkent viloyati bo‘linmasi rahbari Sergey Nikolayevich Voropayev hamda mas’ullar ishtirokida yoshlar bilan ochiq muloqot tashkil etildi.

Uchrashuvda atrof-muhitni muhofaza qilish, ekologik madaniyatni yuksaltirish va yoshlarning jamiyat hayotidagi faolligini oshirish masalalari muhokama qilindi. Yoshlarning savol va takliflari tinglanib, ularga tegishli tushuntirishlar berildi.

Tadbir yakunida faol ishtirokchilar tashakkurnomalar va esdalik sovg‘alari bilan taqdirlandilar.

✅Telegram|✅Facebook | 🌐Instagram |🌐 Web site | 📹You Tube

Oliy Majlis Qonunchilik palatasi deputatlari Yangi Toshkentda amalga oshirilayotgan bunyodkorlik ishlari va zamonaviy infratuzilma loyihalari bilan tanishmoqda.

Tashrif davomida yangi shaharning strategik ahamiyati, iqtisodiy salohiyati, shuningdek, aholi uchun qulay va zamonaviy yashash muhitini yaratishga qaratilgan loyihalar xususida ma’lumot berildi.

✅Telegram|✅Facebook | 🌐Instagram |🌐 Web site | 📹You Tube